← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62011: P 2K

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


20:01 [ai]ܒܝ̈ܘܡܬܐ ܗܢܘܢ ܐܬܟܪܗ ܚܙܩܝܐ ܠܡܡܬ܂ ܘܐܬܐ ܠܘܬܗ ܐܫܥܝܐ ܢܒܝܐ ܒܪ ܐܡܘܨ ܘܐܡܪ ܠܗ܂ ܗܟܢܐ ܐܡܪ ܡܪܝܐ܂ ܦܩܕ ܥܠ ܒܝܬܟ ܡܛܠ ܕܡܐܬ ܐܢܬ ܘܠܐ ܚܝܐ ܐܢܬ܂
20:02 [ai]ܘܐܦܢܝ ܚܙܩܝܐ ܐ̈ܦܘܗܝ ܠܐܣܬܐ܂ ܘܨܠܝ ܩܕܡ ܡܪܝܐ ܘܐܡܪ܂
20:03 [ai]ܐܘܢ ܡܪܝܐ܂ ܐܬܕܟܪ ܕܗܠܟܬ ܩܕܡܝܟ ܒܩܘܫܬܐ ܘܒܠܒܐ ܫܠܡܐ܂ ܘܕܫܦܝܪ ܩܕܡܝܟ ܥܒܕܬ܂ ܘܒܟܐ ܚܙܩܝܐ ܒܟܬܐ ܪܒܬܐ܂
20:04 [ai]ܘܐܫܥܝܐ ܠܐ ܢܦܩ ܗܘܐ ܠܕܪܬܐ/ܕܪܬܐ#3#/ ܡܨܥܝܬܐ܂ ܘܦܬܓܡܗ ܕܡܪܝܐ ܗܘܐ ܥܠܘܗܝ ܠܡܐܡܪ܂
20:05 [ai]ܗܦܘܟ ܘܐܡܪ ܠܚܙܩܝܐ ܡܕܒܪܢܗ ܕܥܡܝ܂ ܗܟܢܐ ܐܡܪ ܡܪܝܐ ܐܠܗܗ ܕܕܘܝܕ ܐܒܘܟ܂ ܫܡܥܬ ܨܠܘܬܟ ܘܚܙܝܬ ܕܡ̈ܥܝܟ܂ ܗܐ ܡܐܣܐ ܐܢܐ ܠܟ܂ ܘܒܝܘܡܐ ܬܠܝܬܝܐ ܬܣܩ ܠܒܝܬܗ ܕܡܪܝܐ܂
20:06 [ai]ܘܐܘܣܦ ܥܠ ܝܘܡ̈ܬܟ ܚܡܫܥܣܪ̈ܐ ܫܢܝ̈ܢ܂ ܘܡܢ ܐ̈ܝܕܘܗܝ ܕܡܠܟܐ ܕܐܬܘܪ ܐܦܨܝܟ ܘܠܩܪܝܬܐ ܗܕܐ܂ ܘܐܓܢ ܥܠ ܩܪܝܬܐ ܗܕܐ܂ ܘܐܦܪܩܝܗ ܡܛܠܬܝ ܘܡܛܠ ܕܘܝܕ ܥܒܕܝ܂
20:07 [ai]ܘܐܡܪ ܐܫܥܝܐ܂ ܢܣܒܘܢ ܕܒܠܬܐ ܕܬܐ̈ܢܐ ܘܢܣܝܡܘܢ ܥܠ ܫܘܚܢܐ ܘܡܬܚܠܡ܂
20:08 [ai]ܘܐܡܪ ܚܙܩܝܐ ܠܐܫܥܝܐ܂ ܡܢܐ ܗܝ ܐܬܐ ܕܡܐܣܐ ܠܝ ܡܪܝܐ܂ ܘܣܠܩ ܐܢܐ ܒܝܘܡܐ ܬܠܝܬܝܐ/ܕܬ̈ܠܬܐ#3#/ ܠܒܝܬܗ ܕܡܪܝܐ܂
20:09 [ai]ܘܐܡܪ ܐܫܥܝܐ܂ ܗܕܐ ܠܟ ܐܬܐ ܡܢ ܩܕܡ ܡܪܝܐ܂ ܕܢܥܒܕ ܡܪܝܐ ܦܬܓܡܐ ܕܐܡܪ܂ ܢܗܠܟ ܛܠܠܐ ܥܣܪܐ ܕܪ̈ܓܝܢ ܐܘ ܢܗܦܘܟ ܥܣܪܐ ܕܪ̈ܓܝܢ ‍<‍ܛܠܠܐ ܠܒܣܬܪܗ#3#‍>‍܂
20:10 [ai]ܘܐܡܪ ܚܙܩܝܐ܂ ܒܨܝܪܐ ܗܝ ܗܕܐ ܕܢܗܠܟ ܛܠܠܐ ܥܣܪܐ ܕܪ̈ܓܝܢ܂ ܠܐ ܗܟܢܐ܂ ܐܠܐ ܢܗܦܘܟ ܛܠܠܐ ܠܒܣܬܪܗ܂ ܥܣܪܐ ܕܪ̈ܓܝܢ܂
20:11 [ai]ܘܩܪܐ ܐܫܥܝܐ ܢܒܝܐ ܠܡܪܝܐ܂ ܘܗܦܟ ܛܠܠܐ ܒܕܪ̈ܓܐ܂ ܘܢܚܬ/ܕܢܚܬ#3#/ ܒܕܪ̈ܓܐ ܕܐܚܙ ܫܡܫܐ ܠܒܣܬܪܗ ܥܣܪܐ ܕܪ̈ܓܝܢ܀
20:12 [ai]ܒܙܒܢܐ ܗܘ ܫܕܪ ܡܪܘܕܟ ܒܠܕܢ ܒܪ ܒܠܕܢ ܡܠܟܐ ܕܒܒܠ ܐܓܪ̈ܬܐ ܘܩܘܪ̈ܒܢܐ ܠܚܙܩܝܐ܂ ܟܕ/ܡܛܠ#3#/ ܫܡܥ ܕܐܬܟܪܗ ܚܙܩܝܐ ܘܚܝܐ܂
20:13 [ai]ܘܚܕܝ ܒܗܘܢ ܚܙܩܝܐ܂ ܘܚܘܝ ܐܢܘܢ ܒܝܬ ܓܙܗ܂ ܟܣܦܐ ܘܕܗܒܐ ܘܒܣ̈ܡܐ܂ ܘܡܫ̈ܚܢܐ ܛܒ̈ܐ܂ ܘܟܠܗܘܢ ܒܝܬ ܡܐ̈ܢܘܗܝ܂ ܘܟܠ ܕܐܫܬܟܚ \ܒܝܬ ܓܙܘ̈ܗܝ /ܒ̈ܓܙܘܗܝ#3#/ ‍<‍ܘܒܒܝܬܗ#3#‍>‍܂ ܘܠܐ ܫܒܩ ܡܕܡ ܚܙܩܝܐ ܕܠܐ ܚܘܝ ܐܢܘܢ ܒܒܝܬܗ/ܒܝܬܗ#3#/ ܘܒܟܠܗ ܒܝܬ ܫܘܠܛܢܗ܀
20:14 [ai]ܘܐܬܐ ܐܫܥܝܐ ܢܒܝܐ ܠܘܬ ܚܙܩܝܐ ܡܠܟܐ ܘܐܡܪ ܠܗ܂ ܡܢܐ ܐܡܪܘ ܠܟ ܗܠܝܢ ܓܒܪ̈ܐ܂ ܘܡܢ ܐܝܡܟܐ ܐܬܘ ܠܘܬܟ܂ ܘܐܡܪ ܚܙܩܝܐ܂ ܡܢ ܐܪܥܐ ܪܚܝܩܬܐ ܕܒܒܠ/ܡܢ ܒܒܠ#3#/ ܐܬܘ ܠܘܬܝ܂
20:15 [ai]ܘܐܡܪ ܡܢܐ ܚܙܘ ܒܒܝܬܟ܂ ܘܐܡܪ ܚܙܩܝܐ܂ ܟܠ ܕܐܝܬ ܒܒܝܬܝ ܚܙܘ܂ ܘܠܐ ܫܒܩܬ ܡܕܡ ܒܒܝܬܝ ܕܠܐ ܚܘܝܬ ܐܢܘܢ ܒܓܙܝ܂
20:16 [ai]ܘܐܡܪ ܐܫܥܝܐ ܠܚܙܩܝܐ܂ ܫܡܥ ܦܬܓܡܗ ܕܡܪܝܐ܂
20:17 [ai]ܗܐ ܝܘܡ̈ܬܐ ܐܬܝܢ܂ ܘܢܫܬܩܠ ܟܠ ܕܐܝܬ ܒܒܝܬܟ܂ ܘܓܙܐ ܕܢܛܪܘ ܐ̈ܒܗܝܟ ܥܕܡܐ ܠܝܘܡܢܐ ܠܒܒܠ ܢܐܙܠ܂ ܘܡܕܡ ܠܐ ܢܫܬܒܩ ܠܟ ܐܡܪ ܡܪܝܐ܂
20:18 [ai]ܘܡܢ ܒ̈ܢܝܟ ܕܡܘܠܕ ܐܢܬ ܕܢܦܩܝܢ ܡܢܟ܂ ܢܬܕܒܪܘܢ ܘܢܗܘܘܢ ܡܗ̈ܝܡܢܐ ܒܗܝܟܠܐ ܕܡܠܟܐ ܕܒܒܠ܂
20:19 [ai]ܘܐܡܪ ܚܙܩܝܐ ܠܐܫܥܝܐ܂ ܛܒ/ܫܦܝܪ#3#/ ܦܬܓܡܗ ܕܡܪܝܐ ܕܐܡܪܬ܂ ‍<‍ܘܐܡܪ#3#‍>‍ ܐܫܬܘܦ ܕܝܢ ܢܗܘܐ ܫܠܡܐ ܘܩܘܫܬܐ ܒܝ̈ܘܡܝ܂
20:20 [ai]ܘܫܪܟܐ ܕܦܬ̈ܓܡܘܗܝ ܕܚܙܩܝܐ ܘܟܠܗ ܓܢܒܪܘܬܗ܂ ܘܕܥܒܕ ܝܡܬܐ ܘܚܐܪܝܬܐ܂ ܘܐܥܠ ܡ̈ܝܐ ܠܩܪܝܬܐ܂ ܗܐ ܟܬܝܒܝܢ ܒܣܦܪ ܕܒܪܝܡܝܢ܂ ܕܡ̈ܠܟܐ ܕܝܗܘܕܐ܂
20:21 [ai]ܘܫܟܒ ܚܙܩܝܐ ܥܡ ܐ̈ܒܗܘܗܝ܂ ܘܐܡܠܟ ܡܢܫܐ ܒܪܗ ܒܬܪܗ܀

next chapter