← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62011: P 2K

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


21:01 [ai]ܒܪ ܬܪ̈ܬܥܣܪܐ܂ ܗܘܘ ܫ̈ܢܝܢ ܡܢܫܐ ܟܕ ܐܡܠܟ܂ ܘܚܡܫܝܢ ܘܚܡܫ ܫ̈ܢܝܢ ܐܡܠܟ ܒܐܘܪܫܠܡ܂ ܘܫܡܐ ܕܐܡܗ ܚܒܨܝܒܗ܂
21:02 [ai]ܘܥܒܕ ܕܒܝܫ ܩܕܡ ܡܪܝܐ܂ ܐܝܟ ܛܢ̈ܦܘܬܐ ܕܥܡ̈ܡܐ ܕܐܘܒܕ ܡܪܝܐ ܡܢ ܩܕܡ ܒܢ̈ܝ ܐܝܣܪܝܠ܂
21:03 [ai]ܘܗܦܟ ܘܒܢܐ ܥ̈ܠܘܬܐ ‍<‍ܘܡ̈ܕܒܚܐ#3#‍>‍ ܕܥܩܪ ܚܙܩܝܐ ܐܒܘܗܝ ܂ܘܐܩܝܡ ܡܕܒܚܐ ܠܒܥܠܐ܂ ܘܥܒܕ ܕܚ̈ܠܬܐ ܐܝܟ ܕܥܒܕ ܐܚܒ ܡܠܟܐ ܕܐܝܣܪܝܠ܂ ܘܣܓܕ ܠܟܠ ܚܝ̈ܠܐ ܕܫܡܝܐ ܘܦܠܚ ܐܢܘܢ܂
21:04 [ai]ܘܒܢܐ ܡܕܒܚܐ ܒܒܝܬܐ ܕܐܡܪ ܡܪܝܐ܂ ܕܒܐܘܪܫܠܡ/ܒܐܘܪܫܠܡ#3#/ ܐܣܝܡ ܫܡܝ܂
21:05 [ai]ܘܒܢܐ ܡܕܒܚ̈ܐ ܠܟܠ ܚܝ̈ܠܐ ܕܫܡܝܐ ܒܬܪ̈ܬܝܢ ܕܪ̈ܐ ܕܒܝܬܗ ܕܡܪܝܐ܂
21:06 [ai]ܘܐܥܒܪ ܒܪܗ ܒܢܘܪܐ܂ ܘܩܨܡ ܘܢܚܫ܂ ܘܥܒܕ ܙܟܘܪ̈ܐ ܘܝ̈ܕܘܥܐ܂ ܘܐܣܓܝ ܠܡܥܒܕ ܕܒܝܫ ܩܕܡ ܡܪܝܐ ܠܡܪܓܙܘܬܗ܂
21:07 [ai]ܘܣܡܗ ܠܨܠܡܐ/ܨ̈ܠܡܐ#3#/ ܕܕܚܠܬܐ/ܘܕܚ̈ܠܬܐ#3#/ ܕܥܒܕ ܒܒܝܬܗ ܕܡܪܝܐ܂ ܒܒܝܬܐ ܕܐܡܪ ܡܪܝܐ ܠܕܘܝܕ ܘܠܫܠܝܡܘܢ ܒܪܗ܂ ܒܒܝܬܗ ܗܢܐ ܘܒܐܘܪܫܠܡ ܕܓܒܝܬ ‍<‍ܠܫܡܝ#3#‍>‍ ܡܢ ܟܠܗܘܢ ܫ̈ܒܛܐ ܕܐܝܣܪܐܝܠ܂ ܠܡܣܡ ܫܡܝ ܬܡܢ ܠܥܠܡ܂
21:08 [ai]ܘܠܐ ܐܘܣܦ ‍<‍ܬܘܒ#3#‍>‍ ܠܡܢܕܘ ܪܓܠܗ ܕܐܝܣܪܝܠ ܡܢ ܐܪܥܐ ܕܝܗܒܬ ܠܐ̈ܒܗܝܗܘܢ܂ ܒܠܚܘܕ ‍<‍ܗܢܘ ܕܝܢ#3#‍>‍ ܐܢ ܢܛܪܘܢ ܘܢܥܒܕܘܢ ܟܠ ܡܕܡ ܕܦܩܕܬ܂ ܐܢܘܢ܂ ܘܟܠ ܢܡܘ̈ܣܐ ܕܦܩܕ ܐܢܘܢ ܥܒܕܝ ܡܘܫܐ܂
21:09 [ai]ܘܠܐ ܫܡܥܘ ܘܐܛܥܝ ܐܢܘܢ ܡܢܫܐ܂ ܘܥܒܕ ܕܒܝܫ ܡܢ ܥܡ̈ܡܐ ܕܐܘܒܕ ܡܪܝܐ ܡܢ ܩܕܡ ܒܢ̈ܝ ܐܝܣܪܝܠ܂
21:10 [ai]ܘܐܡܪ ܡܪܝܐ ܒܐܝܕܐ ܕܥܒ̈ܕܘܗܝ ܢܒ̈ܝܐ܂
21:11 [ai]ܥܠ ܕܥܒܕ ܡܢܫܐ ܒܪ ܚܙܩܝܐ ܡܠܟܐ ܕܝܗܘܕܐ ܥܒ̈ܕܐ ܗܠܝܢ܃ ܘܐܒܐܫ ܡܢ ܟܠ ܕܥܒܕܘ ܐܡܘܪ̈ܝܐ ܕܩܕܡܘܗܝ܃ ܘܐܚܛܝ ܠܝܗܘܕܐ ܒܦܬܟܪ̈ܘܗܝ/ܒܦܬܓܡ̈ܘܗܝ#3#/܂
21:12 [ai]ܡܛܠܗܢܐ ܗܟܢܐ ܐܡܪ ܡܪܝܐ ܐܠܗܐ ܕܐܝܣܪܝܠ܂ ܗܐ ܡܝܬܐ ܐܢܐ ܒܝܫܬܐ ܥܠ ܝܗܘܕܐ ܘܥܠ ܐܘܪܫܠܡ܂ ܕܟܠ ܕܢܫܡܥܝܗ ܢܨܠܢ ܬܪ̈ܬܝܗܝܢ ܐ̈ܕܢܘܗܝ܂
21:13 [ai]ܘܐܪܡܐ ܥܠ ܐܘܪܫܠܡ ܚܘܛܐ ܕܫܡܪܝܢ܂ ܘܡܬܩܘܠܬܐ ܕܒܝܬ ܐܚܒ܂ ܘܐܡܚܝܗ ܠܐܘܪܫܠܡ܂ ܘܐܘܒܕܝܗ܂ ܡܛܠ ܟܠܗ ܛܢܦܘܬܐ/ܒܝܫܬܐ#3#/ ܕܥܒܕ ܡܢܫܐ ܒܝܗܘܕܐ܂
21:14 [ai]ܘܐܫܒܘܩ ܫܪܟܐ ܕܝܪܬܘܬܝ܂ ܘܐܫܠܡ ܐܢܘܢ ܒܐܝܕܐ ܕܒ̈ܥܠܕܒܒܝܗܘܢ܂ ܘܢܗܘܘܢ ܠܒܙܬܐ ܘܠܕܝܫܐ ܠܟܘܠܗܘܢ ܒ̈ܥܠܕܒܒܝܗܘܢ܂
21:15 [ai]ܥܠ ܕܥܒܕܘ ܒܝܫܬܐ ܩܕܡܝ܂ ܘܗܘܘ ܡܪܓܙܝܢ ܠܝ ܡܢ ܝܘܡܐ ܕܢܦܩܘ ܐ̈ܒܗܝܗܘܢ ܡܢ ܡܨܪܝܢ/ܐܪܥܐ ܕܡܨܪܝܢ#3#/ ܘܥܕܡܐ ܠܝܘܡܢܐ܂
21:16 [ai]ܘܐܦ ܕܡܐ ܙܟܝܐ ܐܫܕ ܡܢܫܐ ܣܘܓܐܐ ܕܛܒ܂ ܥܕܡܐ ܕܡܠܗ ܠܐܘܪܫܠܡ ܣܦܐ ܒܣܦܐ܂ ܣܛܪ ܡܢ ܚ̈ܛܗܘܗܝ ܕܐܚܛܝ ܠܝܗܘܕܐ ܘܥܒܕ ܕܒܝܫ ܩܕܡ ܡܪܝܐ܂
21:17 [ai]ܘܫܪܟܐ ܕܦܬ̈ܓܡܘܗܝ ܕܡܢܫܐ ܘܟܠ ܡܕܡ ܕܥܒܕ܂ ܘܚ̈ܛܗܐ ܕܚܛܐ܂ ܗܐ ܟܬܝܒܝܢ ܒܣܦܪ ܕܒܪܝܡܝܢ ܕܡ̈ܠܟܐ ܕܝܗܘܕܐ܂
21:18 [ai]ܘܫܟܒ ܡܢܫܐ ܥܡ ܐ̈ܒܗܘܗܝ܂ ܘܐܬܩܒܪ ܒܓܢܬ ܒܝܬܗ ܒܓܢܬ/ܒܝܬ#3#/ ܓܙܐ܂ ܘܐܡܠܟ ܐܡܘܢ ܒܪܗ ܒܬܪܗ܀܂
21:19 [ai]ܒܪ ܥܣܪ̈ܝܢ ‍<‍ܗܘܐ#3#‍>‍ ܘܬܪ̈ܬܝܢ ܫܢ̈ܝܢ ܐܡܘܢ ܟܕ ܐܡܠܟ܂ ܘܬܪ̈ܬܝܢ ܫ̈ܢܝܢ ܐܡܠܟ ܒܐܘܪܫܠܡ܂ ܘܫܡܐ ܕܐܡܗ ܡܫܠܡܬ ܒܪܬ ܚܕܘܨ ܡܢ ܝܛܒܬ܂
21:20 [ai]ܘܥܒܕ ܕܒܝܫ ܩܕܡ ܡܪܝܐ ܐܝܟ ܕܥܒܕ ܡܢܫܐ ܐܒܘܗܝ܂
21:21 [ai]ܘܗܠܟ ܒܟܠܗ ܐܘܪܚܐ ܕܗܠܟ ܐܒܘܗܝ܂ ܘܦܠܚ ܠܦܬܟܪ̈ܐ ܕܦܠܚ ܐܒܘܗܝ ܘܣܓܕ ܠܗܘܢ܂
21:22 [ai]ܘܫܒܩ ܠܡܪܝܐ ܐܠܗܐ ܕܐ̈ܒܗܘܗܝ܂ ܘܠܐ ܗܠܟ ܒܐܘܪܚܐ ܕܡܪܝܐ܂
21:23 [ai]ܘܡܪܕܘ ܥܒܕܘܗܝ ܕܐܡܘܢ ܥܠܘܗܝ܂ ܘܩܛܠܘܗܝ ܒܒܝܬܗ܂
21:24 [ai]ܘܩܛܠܘ ܥܡܐ ܕܐܪܥܐ ܠܟܠ ܕܡܪܕܘ ܥܠ ܡܠܟܐ ܐܡܘܢ܂ ܘܐܡܠܟܘ ܥܡܐ ܕܐܪܥܐ ܠܝܘܫܝܐ ܒܪܗ ܒܬܪܗ܂
21:25 [ai]ܘܫܪܟܐ ܕܦܬ̈ܓܡܘܗܝ ܕܐܡܘܢ ܘܟܠܡܕܡ ܕܥܒܕ܂ ܗܐ ܟܬܝܒܝܢ ܒܣܦܪ ܕܒܪܝܡܝܢ ܕܡ̈ܠܟܐ ܕܝܗܘܕܐ܂
21:26 [ai]ܘܩܒܪܘܗܝ ܒܩܪܝܬܗ/ܒܩܒܪܗ#3#/ ܒܓܢܬ/ܒܝܬ#3#/ ܓܙܐ܂ ܘܐܡܠܟ ܝܘܫܝܐ ܒܪܗ ܒܬܪܗ܀

next chapter