← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62011: P 2K

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


24:01 [ai]ܒܝ̈ܘܡܘܗܝ ܣܠܩ ܢܒܘܟܕܢܨܪ ܡܠܟܐ ܕܒܒܠ \ܥܠ ܐܘܪܫܠܡ /ܠܐܘܪܫܠܡ#3#/܂ ܘܗܘܐ ܠܗ ܝܘܝܩܝܡ ܥܒܕܐ ܬܠܬ ܫ̈ܢܝܢ܂ ܘܗܦܟ ܘܡܪܕ ܥܠܘܗܝ܂
24:02 [ai]ܘܓܪܝ ܒܗ ܡܪܝܐ ܓܝܣ̈ܐ ܕܟ̈ܠܕܝܐ ܘܓܝܣ̈ܐ ܕܐܕܘܡ܂ ܘܓܝܣ̈ܐ ܕܡܘܐܒ܂ ܘܓܝܣ̈ܐ ܕܒܢ̈ܝ ܥܡܘܢ܂ ܘܓܪܝ ܐܢܘܢ ܒܝܗܘܕܐ ܕܢܘܒܕܘܢ ܐܢܘܢ܂ ܐܝܟ ܦܬܓܡܗ ܕܡܪܝܐ ܕܡܠܠ ܒܐܝܕܐ ܕܥܒ̈ܕܘܗܝ ܢܒ̈ܝܐ܂
24:03 [ai]ܡܢ ܦܘܡܗ ܕܡܪܝܐ܂ ܘܗܘܐ ܪܘܓܙܐ ܪܒܐ ܥܠ ܝܗܘܕܐ ܕܢܥܒܪ ܐܢܘܢ ܡܢ ܩܕܡܘܗܝ܂ ܡܛܠ ܚ̈ܛܗܘܗܝ ܕܡܢܫܐ ܘܟܠ ܡܕܡ ܕܥܒܕ܂
24:04 [ai]ܘܕܡܐ/ܘܐܦ ܕܡܐ#3#/ܐܦ ܕܡܐ#3#/ ܙܟܝܐ ܕܐܫܕ ܘܡܠܗ ܠܐܘܪܫܠܡ ܕܡܐ ܙܟܝܐ܂ ܘܠܐ ܨܒܐ ܡܪܝܐ ܠܡܫܒܩ܂
24:05 [ai]ܘܫܪܟܐ ܕܦܬ̈ܓܡܘܗܝ ܕܝܘܝܩܝܡ ܘܟܘܠ ܡܕܡ ܕܥܒܕ܂ ܗܐ ܟܬܝܒܝܢ ܒܣܦܪ ܕܒܪܝܡܝܢ ܕܡ̈ܠܟܐ ܕܝܗܘܕܐ܂
24:06 [ai]ܘܫܟܒ ܝܘܝܩܝܡ ܥܡ ܐ̈ܒܗܘܗܝ܂ ܘܐܡܠܟ ܝܘܝܟܝܢ ܒܪܗ ܒܬܪܗ܂
24:07 [ai]ܘܠܐ ܐܘܣܦ ܬܘܒ ܡܠܟܐ ܕܡܨܪܝܢ ܠܡܦܩ ܡܢ ܐܪܥܗ܂ ܡܛܠ ܕܢܣܒ ܡܠܟܐ ܕܒܒܠ ܡܢ ܢܚܠܐ/ܢܗܪܐ#3#/ ܕܡܨܪܝܢ܂ ܘܥܕܡܐ ܠܢܗܪܐ ܦܪܬ܂ ܟܠ ܕܐܝܬ ܗܘܐ ܠܡܠܟܐ ܕܡܨܪܝܢ܀
24:08 [ai]ܒܪ ܬܡܢܥܣܪܐ ܗܘܐ ܫ̈ܢܝܢ ܝܘܝܟܝܢ ܟܕ ܐܡܠܟ܂ ܘܬܠܬܐ ܝܪ̈ܚܝܢ ܐܡܠܟ ܒܐܘܪܫܠܡ܂ ܘܫܡܐ ܕܐܡܗ ܢܚܫܬܐ ܒܪܬ ܐܠܝܬܢ ܡܢ ܐܘܪܫܠܡ܂
24:09 [ai]ܘܥܒܕ ܕܒܝܫ ܩܕܡ ܡܪܝܐ ܐܝܟ ܕܥܒܕ ܐܒܘܗܝ܂
24:10 [ai]ܒܙܒܢܐ ܗܘ ܣܠܩ ܢܒܘܟܕܢܨܪ ܡܠܟܐ ܕܒܒܠ ܥܠ ܐܘܪܫܠܡ܂ ܘܐܬܚܒܫܬ ܩܪܝܬܐ ܒܐܘܠܨܢܐ܀܂
24:11 [ai]ܘܐܬܐ ܢܒܘܟܕܢܨܪ ܡܠܟܐ ܕܒܒܠ ܥܠ ܐܪܥܐ/ܩܪܝܬܐ#3#/܂ ܘܥܒ̈ܕܘܗܝ ܫܪܝܢ \ܥܠ ܩܪܝܬܐ /ܥܠܝܗ#3#/܂
24:12 [ai]ܘܢܦܩ ܝܘܝܟܝܢ ܡܠܟܐ ܕܝܗܘܕܐ ܠܘܬ ܡܠܟܐ ܕܒܒܠ܂ ܗܘ ܘܐܡܗ ܘܥܒ̈ܕܘܗܝ܂ \ܘܪ̈ܘܪܒܢܘܗܝ /ܘܐܦ ܪ̈ܘܪܒܢܘܗܝ#3#/܂ ܘܡܗܝ̈ܡܢܘܗܝ܂ ܘܕܒܪܗ ܥܡܗ ܡܠܟܐ ܕܒܒܠ܂ ܒܫܢܬ ܬܡܢܐ ܕܡܠܟܘܬܗ܂
24:13 [ai]ܘܐܦܩ ܡܢ ܬܡܢ ܟܠܗ ܓܙܐ ܕܒܝܬܗ/ܒܗܝܟܠܗ#3#/ ܕܡܪܝܐ܂ ܘܓܙܐ ܕܒܝܬ ܡܠܟܐ܂ ܘܦܣܩ ܟܠܗܘܢ ܡܐ̈ܢܐ ܕܕܗܒܐ ܕܥܒܕ ܫܠܝܡܘܢ ܡܠܟܐ ܕܐܝܣܪܝܠ ܠܒܝܬܗ ܕܡܪܝܐ܂ ܐܝܟ ܕܐܡܪ ܡܪܝܐ܂
24:14 [ai]ܘܓܠܝ ܠܟܠܗ ܐܘܪܫܠܡ܂ ܘܠܟܠܗܘܢ/ܘܟܠܗܘܢ#3#/ ܪ̈ܘܪܒܢܐ܂ ܘܠܟܠܗܘܢ/ܘܟܠܗܘܢ#3#/ ܓܢܒܪ̈ܝ ܚܝܠܐ܂ ܥܣܪܐ ܐ̈ܠܦܝܢ ܒܓܠܘܬܐ܂ ܘܟܠܗܘܢ ܕܚ̈ܫܐ ܘܟܠܗܘܢ ܪ̈ܗܛܐ܂ ܘܠܐ ܫܒܩ ܐܠܐ ܐܢ ܡܣ̈ܟܢܐ ܕܥܡܐ ܕܐܪܥܐ܂
24:15 [ai]ܘܓܠܝ ܠܝܘܝܟܝܢ ܠܒܒܠ܂ ܘܠܐܡܗ ܕܡܠܟܐ ܘܠܢܫ̈ܘܗܝ ܕܡܠܟܐ܂ ܘܠܡܗ̈ܝܡܢܘܗܝ ܘܠܪ̈ܘܪܒܢܐ ܕܐܪܥܐ܂ ܘܐܘܒܠ ܐܢܘܢ ܒܓܠܘܬܐ ܡܢ ܐܘܪܫܠܡ ܠܒܒܠ܂
24:16 [ai]ܘܟܠܗܘܢ/ܘܠܟܠܗܘܢ#3#/ ܓܒܪ̈ܐ ܚܝ̈ܠܬܢܐ ܫܒܥܐ ܐ̈ܠܦܝܢ܂ ܘܕܚܫ̈ܐ ܘܪ̈ܗܛܐ ܐܠܦ܂ ܘܟܠܗܘܢ ܓܒܪ̈ܐ ܥܒ̈ܕܝ ܩܪܒܐ܂ ܐܝܬܝ ܐܢܘܢ ܡܠܟܐ ܕܒܒܠ ܒܓܠܘܬܐ ܠܒܒܠ܂
24:17 [ai]ܘܐܡܠܟ ܡܠܟܐ ܕܒܒܠ ܠܡܬܢܝܐ ܕܕܗ ܚܠܦܘܗܝ܂ ܘܫܡܝ ܫܡܗ ܨܕܩܝܐ܀
24:18 [ai]ܒܪ ܥܣܪ̈ܝܢ ܗܘܐ ܘܚܕܐ ܫ̈ܢܝܢ ܨܕܩܝܐ ܟܕ ܐܡܠܟ܂ ܘܚܕܥܣܪܐ ܫ̈ܢܝܢ ܐܡܠܟ ܒܐܘܪܫܠܡ܂ ܘܫܡܐ ܕܐܡܗ ܚܡܛܘܠ ܒܪܬ ܐܪܡܝܐ ܡܢ ܠܒܢܐ܂
24:19 [ai]ܘܥܒܕ ܕܒܝܫ ܩܕܡ ܡܪܝܐ܂ ܐܝܟ ܕܥܒܕ ܝܘܝܩܝܡ܂
24:20 [ai]ܘܗܘܐ ܪܘܓܙܗ ܕܡܪܝܐ ܥܠ ܝܗܘܕܐ ܘܥܠ ܐܘܪܫܠܡ܂ ܥܕܡܐ ܕܫܕܐ ܐܢܘܢ ܡܢ ܩܕܡܘܗܝ܂ ܘܡܪܕ ܨܕܩܝܐ ܥܠ ܡܠܟܐ ܕܒܒܠ܀܂

next chapter