The Comprehensive Aramaic Lexicon

02:01 [ai]	ܦܬܓܡܐ ܕܚܙܐ ܐܫܥܝܐ ܒܪ ܐܡܘܨ܃ ܥܠ ܝܗܘܕܐ ܘܥܠ ܐܘܪܫܠܡ܂
02:02 [ai]	ܢܗܘܐ ܒܝܘܡ̈ܬܐ ܐܚܪ̈ܝܐ܃ ܛܘܪ ܒܝܬܗ ܕܡܪܝܐ ܡܬܩܢ ܒܪܝܫ ܛܘܪ̈ܐ ܘܪܡ ܡܢ ܪ̈ܡܬܐ܂ ܘܢܣܟܘܢ ܠܗ ܟܠܗܘܢ ܥܡ̈ܡܐ܂
02:03 [ai]	ܘܢܐܙܠܘܢ/ܘܢܐܬܘܢ#3#/ ܥܡ̈ܡܐ ܣ̈ܓܝܐܐ ܘܢܐܡܪܘܢ܃ ܬܘ ܢܣܩ ܠܛܘܪܗ ܕܡܪܝܐ܃ ܘܠܒܝܬ ܐܠܗܗ ܕܝܥܩܘܒ܂ ܘܢܠܦܢ ܡܢ ܐܘܪ̈ܚܬܗ ܘܢܗܠܟ ܒܫ̈ܒܝܠܘܗܝ܂ ܡܛܠ ܕܡܢ ܨܗܝܘܢ ܢܦܿܩ ܢܡܘܣܐ܃ ܘܦܬܓܡܗ ܕܡܪܝܐ ܡܢ ܐܪܫܠܡ܂
02:04 [ai]	ܘܢܕܘܢ ܒܝܬ ܥܡ̈ܡܐ܂ ܘܢܟܣ ܠܥܡ̈ܡܐ ܣ̈ܓܝܐܐ ܕܒܪܘܚܩܐ܂ ܘܢܪܥܘܢ ܣܦܣܪ̈ܝܗܘܢ ܠܣ̈ܟܝ ܦܕ̈ܢܐ܂ ܘܪ̈ܘܡܚܝܗܘܢ ܠܡ̈ܓܠܐ܂ ܘܠܐ ܢܫܩܘܠ ܥܡܐ ܥܠ ܥܡܐ ܣܝܦܐ܂ ܘܬܘܒ ܠܐ ܢܐܠܦܘܢ ܩܪܒܐ܂
02:05 [ai]	ܕܒܝܬ ܝܥܩܘܒ ܬܘ ܢܐܙܠ ܒܢܘܗܪܗ ܕܡܪܝܐ܂
02:06 [ai]	ܡܛܠ ܕܫܒܩܬܝܗܝ ܠܥܡܟ ܕܒܝܬ ܝܥܩܘܒ܂ ܡܛܘܠ ܕܐܬܡܠܝܘ ܐܝܟ ܕܡܢ ܩܕܝܡ܃ ܘܡܢܚܫܝܢ ܐܝܟ ܦܠܫ̈ܬܝܐ܂ ܘܣܘܓܐܐ ܕܒ̈ܢܝܐ ܢܘܟܪ̈ܝܐ ܪܒܝܘ܂
02:07 [ai]	ܘܐܬܡܠܝܬ ܐܪܥܗܘܢ ܣܐܡܐ ܘܕܗܒܐ܃ ܘܠܝܬ ܣܟܐ ܠܓܙܝ̈ܗܘܢ܂ ܘܐܬܡܠܝܬ ܐܪܥܗܘܢ ܪ̈ܟܫܐ܃ ܘܠܝܬ ܣܟܐ ܠܡܪ̈ܟܒܬܗܘܢ܂
02:08 [ai]	ܘܐܬܡܠܝܬ ܐܪܥܗܘܢ ܦܬܟܪ̈ܐ܂ ܠܥܒܿܕ ܐ̈ܝܕܝܗܘܢ ܣܓ̈ܕܝܢ ܠܕܥܒܼܕ ܨܒ̈ܥܬܗܘܢ܂
02:09 [ai]	ܘܐܬܡܟܟ ܐܢܫܐ ܘܐܫܬܦܠ ܓܒܪܐ܂ ܘܠܐ ܬܫܒܘܩ ܠܗܘܢ܂
02:10 [ai]	ܥܘܠܘ ܒܛܪ̈ܢܐ ܘܐܬܛܡܪܘ ܒܥܦܪܐ܂ ܡܢ ܩܕܡ ܕܚܠܬܗ ܕܡܪܝܐ ܘܡܢ ܗܕܪܐ ܕܥܘܫܢܗ܂
02:11 [ai]	ܥܝ̈ܢܐ ܪ̈ܡܬܐ ܕܐܢܫܐ ܢܡܟܟ ܂ܘܢܬܡܟܟ ܪܘܡܐ ܕܓܒܪܐ܃ ܘܢܥܫܢ ܡܪܝܐ ܒܠܚܘܕܘܗܝ ܒܝܘܡܐ ܗܿܘ܂
02:12 [ai]	ܡܛܠ ܕܝܘܡܗ ܕܡܪܝܐ ܥܠ ܟܠ ܕܡܬܓܐܐ ܘܡܬܬܪܝܡ܂ ܘܥܠ ܟܠ ܕܡܫܬܩܠ ܕܢܬܡܟܟ܂
02:13 [ai]	ܘܥܠ ܟܠܗܘܢ ܐܪ̈ܙܐ ܕܠܒܢܢ ܕܪܡܝܢ ܘܡܫܩܠܝܢ܂ ܘܥܠ ܟܠܗܘܢ ܒ̈ܠܘܛܐ ܕܒܝܫܢ܂
02:14 [ai]	ܘܥܠ ܟܠܗܘܢ ܛܘܪ̈ܐ ܕܪܡܝܢ܂ ܘܥܠ ܟܠ ܪ̈ܡܬܐ ܕܪ̈ܡܢ܂
02:15 [ai]	ܘܥܠ ܟܠ ܡ̈ܓܕܠܐ ܕܪܡܝܢ܂ ܘܥܠ ܟܠ ܫܘܪ̈ܐ ܕܥܫܝܢܝܢ܂
02:16 [ai]	ܘܥܠ ܟܠܗܝܢ ܐ̈ܠܦܐ ܕܬܪܫܝܫ܂ ܘܥܠ ܟܠܗܘܢ ܕܘܩ̈ܐ ܕܪܓܬܐ܂
02:17 [ai]	ܘܢܬܡܟܟ ܪܘܡܐ ܕܐܢܫܐ܃ ܘܢܫܬܦܠ ܪܘܡܐ ܕܓܒܪܐ܂ ܘܢܥܫܢ ܡܪܝܐ ܒܠܚܘܕܘܗܝ ܒܝܘܡܐ ܗܿܘ܂
02:18 [ai]	ܘܦܬܟܪ̈ܐ ܓܡܝܪܐܝܬ ܢܥܒܪܘܢ ‍<‍ܡܢ ܐܪܥܐ#3#‍>‍܂
02:19 [ai]	ܘܢܥܠܘܢ ܒܡܥܪ̈ܐ ܕܟܐܦܐ ܘܒܚ̈ܘܠܢܐ ܕܥܦܪܐ܂ ܡܢ ܩܕܡ ܕܚܠܬܗ ܕܡܪܝܐ ܘܡܢ ܗܕܪܐ ܕܥܘܫܢܗ܂ ܡܐ ܕܩܐܿܡ ܠܡܟܒܫܘ ܠܐܪܥܐ܂
02:20 [ai]	ܒܗ ܒܝܘܡܐ ܗܿܘ܃ ܢܫܕܘܢ ܐܢܫܐ ܦܬܟܪ̈ܐ ܕܕܗܒܐ ܘܕܣܐܡܐ܃ ܕܥܒܕܘ ܠܗܘܢ ܠܡܣܓܕ ܠܣܪܝܩܘܬܐ ܘܠܦܪ̈ܚܕܘܕܐ܃
02:21 [ai]	ܠܡܥܠ ܒܡܥܪ̈ܐ ܕܛܪܢܐ ܘܒܫܩܝܦܐ ܕܟܐܦܐ܂ ܡܢ ܩܕܡ ܕܚܠܬܗ ܕܡܪܝܐ܃ ܘܡܢ ‍<‍ܩܕܡ#3#‍>‍ ܗܕܪܐ ܕܥܘܫܢܗ܂ ܡܐ ܕܩܐܿܡ ܠܡܟܒܫܘ ܠܐܪܥܐ܂
02:22 [ai]	ܫܠܘ ܠܟܘܢ ܡܢ ܐܢܫܐ ܕܢܫܡܬܐ ܒܢܚܝܪ̈ܘܗܝ܂ ܡܛܠ ܕܐܝܟ ܡܢܐ ܚܫܝܒ܂

next chapter