← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62012: P Is

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


03:01 [ai]ܡܛܠ ܕܗܐ ܡܪܐ ܡܪ̈ܘܬܐ ܡܥܒܪ ܡܢ ܐܘܪܫܠܡ ܘܡܢ ܝܗܘܕܐ܃ ܣܡܘܟܐ ܘܣܡܘܟܬܐ܂ ܟܠ ܕܣܡܟ ܒܠܚܡܐ ܘܟܠ ܕܣܡܟ ܒܡ̈ܝܐ܂
03:02 [ai]ܘܓܢܒܪܐ ܘܓܒܪܐ ܩܪܒܬܢܐ ܘܕܝܿܢܐ ܘܢܒܝܐ ܘܩܨܘܡܐ ܘܩܫܝܫܐ܂
03:03 [ai]ܘܪܝܫ ܚܡܫܝܢ܂ ܘܗܕܝܪ ܐ̈ܦܐ܂ ܘܡܠܘܟܐ ܘܚܟܝܡ ܢܓܪ̈ܐ܂ ܘܕܡܬܒܝܢ ܒܡܠܼܟܐ/ܒܡܠܬܐ#3#/܂
03:04 [ai]ܘܐܩܝܡ ܥܠܝ̈ܡܐ ܪ̈ܘܪܒܢܝܗܘܢ܂ ܘܡܒ̈ܙܚܢܐ ܢܫܬܠܛܘܢ ܒܗܘܢ܂
03:05 [ai]ܘܢܦܠ ܥܡܐ ܓܒܪ ܒܓܒܪ ܓܒܪܐ ܒܚܒܪܗ܂ ܘܢܬܓܪܘܢ ܥܠܝ̈ܡܐ ܥܠ ܣ̈ܒܐ܃ ܘܡܨܥܪ̈ܐ ܥܠ ܡܝܩܪ̈ܐ܃
03:06 [ai]ܡܛܠ ܕܢܐܚܘܕ ܓܒܪܐ ܓܒܪ ܠܐܚܘܗܝ ܡܢ ܒܝܬ ܐܒܘܗܝ ‍<‍ܒܝܘܡܐ ܗܘ#3#‍>‍ ܘܢܐܡܪ ܠܗ܂ ܢܚ̈ܬܐ ܐܝܬ ܠܟ܂ ܗܘܝ ܠܢ ܫܠܝܛܐ܂ ܘܬܘܩܠܬܐ ܗܕܐ ܬܚܝܬ ܐܝܕܟ܂
03:07 [ai]ܘܢܥܢܐ ܒܝܘܡܐ ܗܿܘ ܘܢܐܡܪ܃ ܠܐ ܗܘܿܐ ܐܢܐ ܪܝܫܐ܂ ܕܒܒܝܬܝ ܠܝܬ ܠܚܡܐ ܘܐܦ ܠܐ ܬܟܣܝܬܐ܂ ܠܐ ܬܥܒܕܘܢܢܝ ܫܠܝܛܐ ܥܠ ܥܡܐ܂
03:08 [ai]ܡܛܘܠ ܕܐܬܬܩܠܬ ܐܘܪܫܠܡ ܘܝܗܘܕܐ ܢܦܠ܂ ܡܛܠ ܕܠܫܢܗܘܢ ܘܥܒܿܕ ܐ̈ܝܕܝܗܘܢ ܡܪܡܪܘ ܩܕܡ ܡܪܝܐ܂ ܘܠܥܢܢܐ ܕܐܝܩܪܗ܂
03:09 [ai]ܡܣܒ ܒܐ̈ܦܝܗܘܢ ܣܗܿܕ ܒܗܘܢ ܘܚ̈ܛܗܝܗܘܢ ܐܝܟ ܣܕܘܡ ܚܘܝܘ܃ ܘܠܐ ܐܬܬܟܣܘ ܘܝ ܠܢܦܫܗܘܢ ‍<‍ܡܛܠ#3#‍>‍ ܕܐܪܡܝܘ ܠܗܘܢ ܚ̈ܘܒܠܐ ܒܝܫ̈ܐ܂
03:10 [ai]ܐܡܪܘ ܠܙܕܝܩܐ ܛܒ/ܕܛܒ#3#/ ‍<‍ܠܡܩܛܠ#3#‍>‍܂ ܡܛܠ ܗܢܐ ܦܐܪ̈ܝ ܥܿܒܕܝ̈ܗܘܢ ܢܐܟܠܘܢ܂
03:11 [ai]ܘܝ ܠܪܫܝܥܐ ܒܝܫܐ܂ ܡܛܠ ܕܥܒܿܕ ܐ̈ܝܕܘܗܝ ܡܬܦܪܥ܃
03:12 [ai]ܫ̈ܠܝܛܘܗܝ ܕܥܡܝ ܡܒܥܪܝܢ ܠܗ܂ ܘܢܫ̈ܐ ܐܫܬܠܛ ܒܗ܂ ܥܡܝ ܡܛܐ̈ܒܢܝܟ ܐܛܥܝܘܟ܂ ܘܐܘܪܚܐ ܕܫܒܝ̈ܠܝܟ ܕܠܚܘ܂
03:13 [ai]ܩܐܿܡ ܠܡܕܢ ܡܪܝܐ܂ ܘܩܐܿܡ ܠܡܕܢ ܠܥܡܗ܂
03:14 [ai]ܡܪܝܐ ܒܕܝܢܐ ܢܥܘܠ܃ ܥܡ ܣܒ̈ܐ ܕܥܡܗ ܘܥܡ ܪ̈ܘܪܒܢܘܗܝ܂ ܐܢܬܘܢ ܐܘܩܕܬܘܢ ܟܪܡܐ܂ ܘܚܛܘܦܝܐ ܕܡܣ̈ܟܢܐ ܒܒ̈ܬܝܟܘܢ܂
03:15 [ai]ܠܡܢܐ ܢܟܝܬܘܢ/ܢܢܝܬܘܢ#2#/ ܠܥܡܝ܂ ܘܐ̈ܦܐ ܕܡܣ̈ܟܢܐ ܐܒܗܬܬܘܢ ܐܡܿܪ ܡܪܝܐ ܚܝܠܬܢܐ܂
03:16 [ai]ܥܠ ܕܐܬܬܪܝܡ ܒܢ̈ܬ ܨܗܝܘܢ܃ ܘܗܠܟ ܒܨܘܪܐ ܪܡܐ܃ ܘܒܪܡܙܐ ܕܥܝ̈ܢܐ ܡܗ̈ܠܟܢ ܗ̈ܘܝ܃ ܘܡܛܪ̈ܦܢ ܒܪ̈ܓܠܝܗܝܢ ܘܡܪ̈ܓܙܢ܃
03:17 [ai]ܢܡܟܟ ܡܪܝܐ ܪ̈ܫܝܬܐ ܕܒܢ̈ܬ ܨܗܝܘܢ܂ ܘܡܪܝܐ ܐܣܟܡܗܝܢ ܢܦܪܣܐ܀
03:18 [ai]ܒܝܘܡܐ ܗܿܘ܃ ܢܥܒܪ ܡܪܝܐ ܫܘܒܚܐ ܕܢܚ̈ܬܝܗܝܢ܂ ܘܕܨܒܬܗܝܢ ܘܕܓܕܘ̈ܠܝܗܝܢ܂
03:19 [ai]ܘܐܣܦܪ̈ܐ ܕܣܥܪ̈ܝܗܝܢ܂ ܘܒ̈ܠܘܪܝܗܝܢ܂
03:20 [ai]ܘܨܕܥ̈ܝܗܝܢ܂ ܘܨܒܬܐ/ܘܨܦܬܐ#1##2#/ ܕܐ̈ܦܝܗܝܢ܂ ܘܩ̈ܕܫܝܗܝܢ ܘܥܩ̈ܝܗܝܢ܂ ܘܐܩ̈ܠܢܝܗܝܢ܂
03:21 [ai]ܘܩ̈ܘܠܒܝܗܝܢ ܘܫܐܪ̈ܝܗܝܢ܂
03:22 [ai]ܘܟܘܬ̈ܝܢܝܬܗܝܢ ܘܡܫ̈ܠܡܢܝܬܗܝܢ/ܘܡܫ̈ܠܡܢܝܗܝܢ#2#/ ܘܒܘܨܗܝܢ ܘܐܪ̈ܓܘܢܝܗܝܢ܂
03:23 [ai]ܘܢܚ̈ܬܝܗܝܢ ܘܬܟܠܝ̈ܬܗܝܢ ܘܙܚܘܪ̈ܝܬܗܝܢ܂ ܘܨܡܕܐ ܟܠܗ ܕܨܒܬܗܝܢ܂
03:24 [ai]ܘܢܗܘܐ ܚܠܐ ܚܠܦ ܪܝܚܗܝܢ ܒܣܝܡܐ܂ ܘܚܠܦ ܐܣܪ ܚ̈ܨܝܗܝܢ ܡܝܙܪ̈ܢܐ ܢܐܣܪ̈ܢ܂ ܘܚܠܦ ܒܠܘܪ̈ܐ ܩܘܕܚ̈ܬܐ܂ ܘܚܠܦ ܬܟ̈ܠܝܬܗܝܢ ܣ̈ܩܐ ܢܬ̈ܟܣܝܢ܂ ܡܛܠ ܕܢܬܚܒܠ ܫܘܦܪܗܝܢ܂
03:25 [ai]ܘܥܫܝ̈ܢܝܟܝ ܒܚܪܒܐ ܢܦܠܘܢ܂ ܘܓܢܒܪ̈ܝܟܝ ܒܩܪܒܐ܂
03:26 [ai]ܘܢܐܠܘܢ ܘܢܬܼܒܘܢ ܒܐܒܠܐ ܬܪ̈ܥܝܗܿ܂ ܘܙܟܘܬܗܿ ܒܐܪܥܐ ܬܦܠ܂

next chapter