The Comprehensive Aramaic Lexicon

06:01 [ai]	ܒܫܢܬܐ ܕܡܝܬ ܥܘܙܝܐ ܡܠܟܐ܃ ܚܙܝܿܬ ܠܡܪܝܐ ܝܬܿܒ ܥܠ ܟܘܪܣܝܐ ܪܡܐ܂ ܘܫܩܠܐ ܕܫ̈ܦܘܠܘܗܝ ܡܠܐ ܗܝܟܠܗ܂
06:02 [ai]	ܘܣܪ̈ܦܝܢ ܩܝܿܡܝܢ ܠܥܠ ܡܢܗ܂ ܫܬܐ ܫܬܐ ܓܦܝ̈ܢ ܠܚܕ ܡܢܗܘܢ܂ ܒܬܪ̈ܝܢ/ܕܒܬܪ̈ܝܢ#3#/ ܡܟܣܝܢ ܦܪܨܘܦܗ܃ ܘܒܬܪ̈ܝܢ ܡܟܣܝܢ ܪ̈ܓܠܘܗܝ܂ ܘܒܬܪ̈ܝܢ ܦܪܚܝܢ܂
06:03 [ai]	ܘܩܿܪܝܢ ܗܢܐ ܠܗܢܐ ܘܐܡܿܪܝܢ܂ ܩܕܝܫ ܩܕܝܫ܂ ܩܕܝܫ ܡܪܝܐ ܚܝܠܬܢܐ܃ ܕܡܠܝܐ ܟܠܗܿ ܐܪܥܐ ܬܫܒܚ̈ܬܗ܂
06:04 [ai]	ܘܙܥ ܐ̈ܣܟܦܬܐ ܕܬܪ̈ܥܐ ܡܢ ܩܠܐ ܕܩܿܪܐ܂ ܘܒܝܬܐ ܐܬܡܠܝ ܬܢܢܐ܂
06:05 [ai]	ܘܐܡܿܪܬ܂ ܘܝ ܠܝ ܕܬܘܝܪ/ܘܬܘܝ#3#/ ܐܢܐ܂ ܡܛܠ ܕܓܒܪܐ ܐܢܐ ܛܡܐ ܣ̈ܦܘܬܐ܂ ܘܒܝܢܬ ܥܡܐ ܕܛܡ̈ܐܢ ܣ̈ܦܘܬܗ ܥܡܿܪ ܐܢܐ܂ ܘܠܡܠܟܐ ܡܪܝܐ ܚܝܠܬܢܐ ܚ̈ܙܝ ܥܝ̈ܢܝ܂
06:06 [ai]	ܘܦܪܚ ܠܘܬܝ ܚܕ ܡܢ ܣܪ̈ܦܝܢ܃ ܘܒܐܝܕܗ ܓܡܘܪܬܐ/ܓܘܡܪܬܐ#3#/ ܫܩܠ ܡܢ ܡܕܒܚܐ ܒܟܠܒܬܐ܃
06:07 [ai]	ܘܩܪܒ ܠܦܘܡܝ ܘܐܡܪ ܠܝ܂ ܗܐ ܩܪܒܬ ܗܕܐ ܠܣ̈ܦܘܬܟ܃ ܕܢܥܒܪ ܥܘܠܟ ܘܚ̈ܛܗܝܟ ܢܫܬܒܩܘܢ܂
06:08 [ai]	ܘܫܡܿܥܬ ܩܠܗ ܕܡܪܝܐ ܕܐܡܿܪ܃ ܠܡܿܢ ܐܫܕܪ ܘܡܿܢ ܢܐܙܠ܂ ܘܐܡܿܪܬ܂ ܗܐ ܐܢܐ ܫܕܪܝܢܝ܂
06:09 [ai]	ܘܐܡܪ ܠܝ܂ ܙܠ ܐܡܪ ܠܥܡܐ ܗܢܐ܃ ܫܡܥܘ ܡܫܡܥ ܘܠܐ ܬܣܬܟܠܘܢ܂ ܘܚܙܘ ܡܚܙܐ ܘܠܐ ܬܕܥܘܢ܂
06:10 [ai]	ܐܬܥܒܝ ܠܗ ܓܝܪ ܠܒܗ ܕܥܡܐ ܗܢܐ܂ ܘܐ̈ܕܢܘܗܝ ܐܘܩܪ ܘܥܝ̈ܢܘܗܝ ܥܡܨ/ܫܥ#3#/܂ ܕܠܐ ܢܚܙܐ ܒ̈ܥܝܢܘܗܝ ܘܢܫܡܥ ܒܐ̈ܕܢܘܗܝ܃ ܘܢܣܬܟܠ ܒܠܒܗ ܘܢܬܘܒ ܘܢܫܬܒܩ ܠܗ܂
06:11 [ai]	ܘܐܡܿܪܬ܂ ܥܕܡܐ ܠܐܡܬܝ ܡܪܝܐ܃ ܘܐܡܪ ܥܕܡܐ ܕܢܚܪ̈ܒܢ ܩܘܪ̈ܝܐ ܡܢ ܒܠܝ ܕܝܬܿܒ܃ ܘܒܬ̈ܐ ܡܢ ܒܠܝ ܐܢܫܐ܂ ܘܐܪܥܐ ܬܚܪܒ ܘܬܨܕܐ܂
06:12 [ai]	ܘܢܕܚܘܩ ܡܪܝܐ ܠܐܢܫܐ܃ ܘܬܣܓܐ ܫܒܝܩܘܬܐ/ܫܒܝܩܬܐ#3#/ ܒܓܘܗܿ ܕܐܪܥܐ܂
06:13 [ai]	ܘܕܦܝܿܫܝܢ ܒܗܿ ܚܕ ܡܢ ܥܣܪ̈ܐ܂ ܘܬܬܘܒ ܘܬܗܘܐ ܠܝܩܕܢܐ܃ ܐܝܟ ܒܛܡܬܐ ܘܐܝܟ ܒܠܘܛܐ ܕܢܦܠ ܡܢ ܩܥܪܬܗ܂ ܙܪܥܐ ܗܘ ܩܕܝܫܐ ܢܨܒܬܗ܀

next chapter