The Comprehensive Aramaic Lexicon

13:01 [ai]	ܡܫܩܠܐ ܕܒܒܠ܂ ܕܚܙܐ ܐܫܥܝܐ ܒܪ ܐܡܘܨ܃
13:02 [ai]	ܥܠ ܛܘܪ̈ܐ ܫ̈ܦܝܐ ܫܩܘܠܘ ܐܬܐ܂ ܐܪܝܡܘ ܠܗܘܢ ܩܠܐ܂ ܐܢܝܦܘ ܒܐܝܕܐ܂ ܢܥܠܘܢ ܒܬܪ̈ܥܝܟܝ ܫ̈ܠܝܛܢܐ܂
13:03 [ai]	ܐܢܐ ܦܩܿܕܬ ܠܡܩܕܫܝ܂ ܘܩܪܝܬ ܠܓܢܒܪ̈ܐ/ܠܓܒܪ̈ܐ#3#/ ܒܪܘܓܙܝ܂ ܘܡܬܥܫܢܝܢ/ܕܡܬܥܫܢܝܢ#3#/ ܒܓܐܝܘܬܝ܂
13:04 [ai]	ܩܠܐ ܕܪܓܘܫܝܐ ܒܛܘܪܐ܂ ܕܘܡܝܐ ܕܥܡ̈ܡܐ ܣ̈ܓܝܐܐ܂ ܩܠܐ ܕܪܓܘܫܝܐ ܕܡ̈ܠܟܘܬܐ ܕܥܡ̈ܡܐ ܕܡܬܟܢܫܝܢ܂ ܡܪܝܐ ܚܝܠܬܢܐ ܣܥܿܪ ܚܝ̈ܠܐ܂ ܩܪ̈ܒܬܢܐ
13:05 [ai]	ܐܬܿܝܢ ܡܢ ܪܘܚܩܐ܃ ܘܡܢ ܣܘ̈ܦܝ ܫܡܝܐ ܡܪܝܐ ܘܡܐ̈ܢܐ ܕܪܘܓܙܗ܂ ܠܡܚܒܠܘ ܠܟܠܗܿ ܐܪܥܐ܂
13:06 [ai]	ܐܝܠܠܘ ܡܛܠ ܕܩܪܝܒ ܗܘ ܝܘܡܗ ܕܡܪܝܐ܂ ܘܐܝܟ ܒܙܬܐ ܡܢ ܫܠܝܐ ܢܐܬܐ܂
13:07 [ai]	ܡܛܠ ܗܢܐ ܟܘܠܗܝܢ ܐ̈ܝܕܝܐ ܢܬܪ̈ܦܝܢ܂ ܘܟܠܗ ܠܒܐ ܕܐܢܫܐ ܢܬܡܣܐ܂
13:08 [ai]	ܘܢܬܕܠܚܘܢ܂ ܘܨܘܪ̈ܢܐ ܘܚ̈ܒܠܐ ܐܝܟ ܕܝܠܕܬܐ ܢܐܚܕܘܢ ܐܢܘܢ܂ ܘܢܬܡܗܘܢ ܓܒܪ ܒܚܒܪܗ܂ ܘܐ̈ܦܐ ܕܫܠܗܒܝܬܐ ܐ̈ܦܝܗܘܢ܂
13:09 [ai]	ܗܐ ܝܘܡܗ ܕܡܪܝܐ ܐܿܬܐ ܕܐܣܝܘ ܠܝܬ ܒܗ/ܠܗ#3#/܂ ܐܟܬܢ ܘܚܡܝܡ ܪܘܓܙܗ܂ ܕܢܥܒܕܝܗܿ/ܘܢܥܒܕܝܗܿ#3#/ ܠܐܪܥܐ ܠܚܘܪܒܐ܃ ܘܚ̈ܛܝܝܗܿ ܢܘܒܕ ܡܢܗܿ܂
13:10 [ai]	ܡܛܠ ܕܟܘ̈ܟܒܐ ܕܫܡܝܐ ܘܚܝ̈ܠܘܬܗܘܢ ܠܐ ܢܢܗܪܘܢ܂ ܢܚܫܟ ܫܡܫܐ ܒܡܦܩܗ܂ ܘܢܘܗܪܗ ܕܣܗܪܐ ܠܐ ܢܢܗܪ܂
13:11 [ai]	ܐܦܩܘܕ ܒܝܫܬܐ ܥܠ ܬܒܝܠ ܘܥܠ ܪ̈ܫܝܥܐ ܥܘܠܗܘܢ܂ ܐܒܛܠ ܪܡܘܬܐ ܕܫܒܗܪ̈ܢܐ܃ ܘܓܐܝܘܬܐ ܕܥܫ̈ܝܢܐ ܐܡܟܟ܃
13:12 [ai]	ܐܘܩܪ ܓܒܪܐ ܡܢ ܕܗܒܐ܃ ܘܐܢܫܐ ܡܢ ܕܗܒܐ ܕܐܘܦܝܪ܂
13:13 [ai]	ܡܛܠ ܗܢܐ ܠܫܡܝܐ ܐܪܓܙ܂ ܘܬܙܘܥ ܐܪܥܐ ܡܢ ܕܘܟܬܗܿ܂ ܒܟܐܬܗ ܕܡܪܝܐ ܚܝܠܬܢܐ ܒܝܘܡܐ ܕܚܡܬܐ ܕܪܘܓܙܗ܂
13:14 [ai]	ܢܗܘܘܢ ܐܝܟ ܛܒ̈ܝܐ ܕܥܿܪܩܝܢ܂ ܘܐܝܟ ܥܢܐ ܕܠܝܬ ܠܗܿ ܡܟܢܫܢܐ܂ ܐܢܫ ܠܥܡܗ ܢܬܦܢܘܢ܂ ܘܓܒܪ ܠܐܪܥܗ ܢܥܪܩܘܢ܂
13:15 [ai]	ܟܠ ܕܢܫܬܟܚ ܢܬܕܩܪ܂ ܘܟܠ ܕܢܬܬܘܣܦ ܢܦܠ ܒܚܪܒܐ܂
13:16 [ai]	ܝ̈ܠܘܕܝܗܘܢ ܢܫܬܩܦܘܢ ܠܥܢܝ̈ܗܘܢ܂ ܘܢܬܒܙܘܢ ܒ̈ܬܝܗܘܢ܂ ܘܢܫܝ̈ܗܘܢ ܢܨܛܥܪ̈ܢ܂
13:17 [ai]	ܗܐ ܡܥܝܪ ܐܢܐ ܥܠܝܟܘܢ ܠܡ̈ܕܝܐ܃ ܕܟܣܦܐ ܠܐ ܚܫܝܒ ܠܗܘܢ܂ ܘܒܕܗܒܐ ܠܐ ܡܨܛܒܝܢ܂
13:18 [ai]	ܩܫ̈ܬܬܐ ܕܥ̈ܠܝܡܐ ܢܬܬܒܪ̈ܢ܂ ܘܥܠ ܦܐܪ̈ܐ ܕܟܪܣܐ ܠܐ ܢܪܚܡܘܢ܂ ܘܥܠ ܒ̈ܢܝܗܘܢ ܠܐ ܢܚ̈ܘܣܢ ܥܝ̈ܢܝܗܘܢ܂
13:19 [ai]	ܘܬܗܘܐ ܒܒܠ ܚܝܠܐ ܕܡ̈ܠܟܘܬܐ܃ ܘܫܘܒܚܐ ܕܓܐܝܘܬܐ ܕܟ̈ܠܕܝܐ܃ ܐܝܟ ܕܗܦܟ ܐܠܗܐ ܠܣܕܘܡ ܘܠܥܡܘܪܐ܂
13:20 [ai]	ܠܐ ܬܬܒ ܠܥܠܡ܂ ܘܠܐ ܬܫܪܐ ܠܕܪܕܪܝܢ܂ ܘܠܐ ܢܫܪܘܢ ܬܡܢ ܥܪ̈ܒܝܐ܂ ܘܪ̈ܥܘܬܐ ܠܐ ܢܪܥܘܢ ܬܡܢ܂
13:21 [ai]	ܐܠܐ ܢܪ̈ܒܥܢ ܬܡܢ ܚܝ̈ܘܬܐ܂ ܘܢܬܡܠܘܢ ܒܬ̈ܝܗܘܢ ܒܢ̈ܬ ܩ̈ܠܐ܂ ܘܢܫܪ̈ܝܢ ܬܡܢ ܒܢ̈ܬ ܢܥܡ̈ܐ܂ ܘܫܐ̈ܕܐ ܢܪܩܕܘܢ ܬܡܢ܂
13:22 [ai]	ܘܢܥܢܝ̈ܢ ܣܝܪ̈ܝܢܣ ܒܣܚܪ̈ܬܗܘܢ܃ ܘܝܪ̈ܘܪܐ ܒܗܝ̈ܟܠܐ ܕܦܘܢܩ̈ܝܗܘܢ܂ ܩܪܝܒ ܗܘ ܙܒܢܗܿ ܠܡܐܬܐ܂ ܘܝܘܡ̈ܬܗܿ ܬܘܒ ܠܐ ܢܬܡܬܚܘܢ܃܂

next chapter