The Comprehensive Aramaic Lexicon

17:01 [ai]	ܡܫܩܠܐ ܕܕܪܡܣܘܩ܃ ܗܐ ܕܪܡܣܘܩ ܡܥܒܪܐ ܡܢ ܩܪܝܬܐ܂ ܘܬܗܘܐ ܠܚܘܪܒܐ ܘܠܡܦܘܠܬܐ܂
17:02 [ai]	ܘܢܗ̈ܘܝܢ ܫܒܝ̈ܩܬܐ ܩܘܪ̈ܝܐ ܕܥܕܘܥܝܪ܂ ܘܢܗ̈ܘܝܢ ܠܓܙܪ̈ܐ ܕܢܪܒܥܘܢ ܒܗܝܢ܂ ܘܠܐ ܢܗܘܐ ܠܗܘܢ ܡܗܪܢܐ܂
17:03 [ai]	ܘܢܬܒܛܠ/ܘܢܒܛܠ#3#/ ܥܘܫܢܐ ܡܢ ܐܦܪܝܡ ܘܡܠܟܘܬܐ ܡܢ ܕܪܡܣܘܩܿ ܘܫܪܟܐ ܕܐܦܪܝܡ ܐܝܟ ܐܝܩܪܐ/ܫܪܟܐ#2#/ ܕܒܢ̈ܝ ܐܝܣܪܝܠ ܢܗܘܘܢ܂ ܐܡܿܪ ܡܪܝܐ ܚܝܠܬܢܐ܂
17:04 [ai]	ܘܢܗܘܐ ܒܝܘܡܐ ܗܿܘ܃ ܢܬܡܣܟܢ ܐܝܩܪܗ ܕܝܥܩܘܒ܂ ܘܫܘܡܢܐ ܕܒܣܪܗ ܢܬܪܙܐ܂
17:05 [ai]	ܘܢܗܘܐ ܐܝܟ ܗܿܘ ܕܟܢܿܫ ܚܨܕܐ ܕܩܝܡܬܐ܃ ܘܕܪܥܗ ܫܒ̈ܠܐ ܚܨܿܕ܂ ܘܢܗܘܐ ܐܝܟ ܗܿܘ ܕܡܠܩܛ ܫܒ̈ܠܐ ܒܥܘܡܩܐ ܕܪܦܐܝܡ܂
17:06 [ai]	ܘܢܫܬܚܪ ܒܗ ܒܘܥܪܐ ܐܝܟ ܙܝܬܐ ܕܚܒܝܛ܂ ܘܬܪ̈ܝܢ ܬܠܬܐ ܙܝ̈ܬܝܢ ܒܪܝܫ ܟܢܐ ܒܣ̈ܘܟܘܗܝ܂ ܘܐܪ̈ܒܥܐ ܘܚܡܫܐ ܐܡܿܪ ܡܪܝܐ ܐܠܗܐ ܕܐܝܣܪܝܠ܂
17:07 [ai]	ܒܗ ܒܝܘܡܐ ܗܿܘ܃ ܢܬܬܟܠ ܐܢܫ ܥܠ ܥܒܘܕܗ ܘܥܝ̈ܢܘܗܝ ܢܚܘܪ̈ܢ ܠܩܕܝܫܐ ܕܐܝܣܪܝܠ܂
17:08 [ai]	ܘܠܐ ܢܬܬܟܠ ܥܠ ܡܕܒ̈ܚܐ ܕܥܒܕ ܐ̈ܝܕܘܗܝ ܘܥܒܕ ܨܒ̈ܥܬܗ܂ ܘܠܐ ܢܚܘܪ ܒܦܬܟܪ̈ܐ ܘܒܕܚ̈ܠܬܐ܂
17:09 [ai]	ܒܗ ܒܝܘܡܐ ܗܿܘ܃ ܢܗ̈ܘܝܢ ܩܘܪ̈ܝܐ ܕܥܘܫܢܗ ܐܝܟ ܓܘܒܐ ܕܚܪܫ ܘܕܐܡܝܪ ܕܐܫܬܒܩ ܡܢ ܩܕܡ ܒܢ̈ܝ ܐܝܣܪܝܠ܂ ܘܗܘܝܬܝ ܠܚܒܠܐ܂
17:10 [ai]	ܘܛܥܝܬܝ ܠܐܠܗܐ ܦܪܘܩܟܝ܂ ܘܠܬܩܝܦܐ ܡܥܫܢܢܟܝ ܠܐ ܐܬܕܟܪܬܝ܂ ܡܛܠ ܗܢܐ ܬܨܒܝܢ ܢܨܒܬܐ ܝܐܝܬܐ܂ ܒܫ̈ܒܘܩܐ/ܒ̈ܫܘܩܐ#3#/ ܢܘܟܪ̈ܝܐ ܬܙܪܥܝܢܗܿ܂
17:11 [ai]	ܒܝܘܡܐ ܕܬܨܒܝܢܗܿ ܢܦܘܩ ܣܡܕܪܐ܂ ܘܒܨܦܪܐ ܙܪܥܟܝ ܬܦܪܥܝܢ܂ ܐܝܟ ܢܝܪܐ ܕܩܛܦܐ ܒܝܘܡܐ ܟܪܝܐ܂ ܘܐܝܟ ܟܐܒܐ ܕܐܢܫܐ܂
17:12 [ai]	ܘܝ ܠܚܝܠܐ ܕܥܡ̈ܡܐ ܣ̈ܓܝܐܐ܃ ܕܐܿܙܠ ܩܠܗܘܢ ܐܝܟ ܩܠܐ ܕܝܡ̈ܡܐ܃ ܘܪܓܘܫܝܐ ܕܐ̈ܡܘܬܐ ܐܝܟ ܩܠܐ ܕܡ̈ܝܐ ܣ̈ܓܝܐܐ ‍<‍ܕܓܪܦܝܢ#3#‍>‍܂
17:13 [ai]	ܢܓܥܘܪ ܒܗ ܘܢܥܪܘܩ ܠܪܘܚܩܐ܃ ܘܢܪܗܛ ܐܝܟ ܕܚܝܚܐ ܕܛܘܪ̈ܐ ܩܕܡ ܪܘܚܐ܂ ܘܐܝܟ ܓܠܐ ܩܕܡ ܥܠܥܠܐ
17:14 [ai]	ܒܙܒܢܐ ܕܪܡܫܐ܂ ܘܗܐ ܚܘܛܦܐ/ܚܛܘܦܝܐ#3#/ ܥܕܠܐ ܗܘܐ ܨܦܪܐ ܘܠܐ ܢܫܬܚܪ܂ ܗܕܐ ܗܝ ܦܠܓܘܬܐ ܕܕܝܘܫܢ ܘܡܢܬܐ ܕܒܙܘܙܢ܂

next chapter