← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62012: P Is

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


19:01 [ai]ܡܫܩܠܐ ܕܡܨܪܝܢ܃ ܗܐ ܡܪܝܐ ܪܟܝܒ ܥܠ ܥܢ̈ܢܐ ܩ̈ܠܝܠܬܐ ܘܥܐܿܠ ܠܡܨܪܝܢ܂ ܘܢܙܘܥܘܢ ܦܬܟܪ̈ܐ ܕܡܨܪܝܢ ܡܢ ܩܕܡܘܗܝ܂ ܘܠܒܗ ܕܡܨܪܝܐ ܢܬܡܣܐ ܒܓܘܗ܂
19:02 [ai]ܘܐܓܪܐ ܡܨܪܝܐ ܒܡܨܪܝܐ܃ ܘܢܬܟܬܫ ܓܒܪܐ ܥܡ ܐܚܘܗܝ ܘܓܒܪܐ ܥܡ ܚܒܪܗ܂ ܡܕܝܢܬܐ ܥܡ/ܥܠ#3#/ ܡܕܝܢܬܐ ܘܡܠܟܘܬܐ ܥܡ ܡܠܟܘܬܐ܂
19:03 [ai]ܘܬܬܦܣܩ ܪܘܚܗ ܕܡܨܪܝܐ ܒܓܘܗ܂ ܘܬܪܥܝܬܗ ܐܛܒܥ ܘܢܫܐܠܘܢ ܡܢ ܦܬܟܪ̈ܐ ܘܡܢ ܡܓܘܫ̈ܐ܂ ܘܡܢ ܙܟܘܪ̈ܐ ܘܡܢ ܝܕܘ̈ܥܐ܂
19:04 [ai]ܘܐܫܠܡ ܠܡܨܪ̈ܝܐ ܒܐܝܕܐ ܕܡܪ̈ܝܐ ܩܫ̈ܝܐ܂ ܘܡܠܟܐ ܥܫܝܢܐ ܢܫܬܠܛ ܒܗܘܢ ܐܡܿܪ ܡܪܝܐ ܚܝܠܬܢܐ܂
19:05 [ai]ܘܢܓܘܙܘܢ ܡ̈ܝܐ ܡܢ ܝܡܐ܂ ܘܢܗܪܐ ܢܚܪܒ ܘܢܐܒܫ܂
19:06 [ai]ܘܢܓܘܙܘܢ ܢܗܪ̈ܘܬܐ ܘܢܬܡܣܟܢܘܢ܂ ܘܢܚܪܒܘܢ ܢܗܪ̈ܘܬܐ ܥܫ̈ܝܢܐ܂ ܩܢܝܐ ܘܐܪܒܢܐ ܘܦܦܝܪܘܢ ܢܐܒܫܘܢ܂
19:07 [ai]ܘܠܘܥܐ ܕܥܠ ܢܗܪܐ ܘܥܠ ܦܘܡܗ ܕܢܗܪܐ܂ ܘܟܠ ܕܡܙܕܪܥ ܥܠ ܓܒܗ ܕܢܗܪܐ ܢܐܒܫ܂ ܘܢܫܬܩܦ ܘܠܐ ܢܫܬܟܚ܂
19:08 [ai]ܘܢܐܠܘܢ/ܘܢܐܙܠܘܢ#3#/ ܨܝ̈ܕܐ܃ ܘܢܬܒܘܢ ܒܐܒܠܐ ܕܪܡܿܝܢ ܨܢܪ̈ܝܬܐ/ܡܨܝܕ̈ܬܐ#3#/ ܒܢܗܪܐ܂ ܘܕܦܿܪܣܝܢ ܡܨܝ̈ܕܬܐ ܥܠ ܐ̈ܦܝ ܡ̈ܝܐ ܐܬܟܪܗܘ܂
19:09 [ai]ܘܢܒܗܬܘܢ ܥܿܒ̈ܕܝ ܟܬܢܐ܃ ܕܣܿܪܩܝܢ ܘܙܩܿܪܝܢ ܠܚܕܘܬܐ܂
19:10 [ai]ܘܢܬܡܟܟܘܢ ܟܠ ܕܥܒܿܕܝܢ ܫܟܪܐ ܠܡܫܬܝܐ ܕܢܦܫܐ܂
19:11 [ai]ܫܛܘ ܪ̈ܘܪܒܢܐ ܕܨܥܢ܂ ܚ̈ܟܝܡܐ ܕܡܿܠܟܝܢ ܠܦܪܥܘܢ ܡܠܿܟܐ ܡ̈ܠܼܟܐ ܫ̈ܛܝܐ܂ ܐܝܟܢܐ ܬܐܡܪܘܢ ܠܦܪܥܘܢ ܕܚ̈ܟܝܡܐ/ܕܒ̈ܢܝ ܚܟܝ̈ܡܐ#3#/ ܚܢܢ܃ ܘܒܢ̈ܝ ܡ̈ܠܿܟܐ ܩܕ̈ܡܝܐ܂
19:12 [ai]ܐܝܟܐ ܐܢܘܢ ܚ̈ܟܝܡܝܟ ܢܚܘܘܢܟ܂ ܘܢܕܥܘܢ ܡܢܐ ܐܬܪܥܝ ܡܪܝܐ ܚܝܠܬܢܐ ܥܠ ܡܨܪܝܢ܂
19:13 [ai]ܫܛܘ ܪ̈ܘܪܒܢܐ ܕܨܥܢ܃ ܐܬܬܪܝܡܘ ܪ̈ܘܪܒܢܐ ܕܡܦܣ܂ ܘܐܛܥܝܘ ܠܡܨܪܝܢ ܒ̈ܙܘܝܬܐ ܕܫܪ̈ܒܬܗܿ܂
19:14 [ai]ܡܪܝܐ ܡܙܓ ܒܓܘܗܿ ܪܘܚܐ ܛܥܝܬܐ܂ ܘܐܛܥܝܗ ܠܡܨܪܝܐ ܒܟܠܗܘܢ ܥܿܒ̈ܕܘܗܝ܂ ܐܝܟ ܕܛܿܥܐ ܪܘܝܐ ܒܬܝܒܬܗ܂
19:15 [ai]ܘܠܐ ܢܗܘܐ ܠܡܨܪܝܐ܃ ܓܒܪܐ ܕܢܥܒܕ ܪܝܫܐ ܘܕܢܘܒܬܐ/ܘܕܘܢܒܬܐ#3#/ ܘܕܢܘܒܬܐ/ܘܕܘܢܒܬܐ#3#/ ܘܪܝܫܐ ‍<‍ܒܝܘܡܐ ܗܘ#3#‍>‍܂
19:16 [ai]ܒܝܘܡܐ ܗܿܘ܃ ܢܗܘܐ ܡܨܪܝܐ ܐܝܟ ܢܫ̈ܐ܂ ܘܢܕܚܠ ܘܢܙܘܥ ܡܢ ܩܕܡ ܪܘܡܐ ܕܐܝܕܗ ܕܡܪܝܐ ܚܝܠܬܢܐ ܕܡܪܝܡ ܥܠܘܗܝ܂
19:17 [ai]ܘܬܗܘܐ ܐܪܥܐ ܕܝܗܘܕܐ ܠܡܨܪܝܐ ܠܣܘܪܕܐ܂ ܘܟܠ ܕܢܕܟܪܝܗܿ ܠܗ ܢܬܪܗܒ܂ ܡܢ ܩܕܡ ܬܪܥܝܬܗ ܕܡܪܝܐ ܚܝܠܬܢܐ ܕܐܬܪܥܝ ܥܠܘܗܝ܀
19:18 [ai]ܒܝܘܡܐ ܗܿܘ܃ ܢܗ̈ܘܝܢ ܚܡܫ ܩܘܪ̈ܝܐ ܒܐܪܥܐ/ܕܒܐܪܥܐ#3#/ ܕܡܨܪܝܢ܃ ܕܡܡ̈ܠܠܢ ܒܠܫܢܐ ܟܢܥܢܝܐ܃ ܘܝܿܡ̈ܝܢ ܒܡܪܝܐ ܚܝܠܬܢܐ܂ ܘܚܕܐ ܡܢܗܝܢ ܗܪܣ ܬܬܩܪܐ܀
19:19 [ai]ܒܝܘܡܐ ܗܿܘ܃ ܢܗܘܐ ܡܕܒܚܐ ܠܡܪܝܐ ‍<‍ܚܝܠܬܢܐ#3#‍>‍ ܒܓܘܗܿ ܕܐܪܥܐ ܕܡܨܪܝܢ܂ ܘܩܝܡܬܐ ܠܡܪܝܐ ܥܠ ܓܢܒ ܬܚܘܡܗܿ܂
19:20 [ai]ܘܬܗܘܐ ܠܐܬܐ ܘܠܣܗܕܘܬܐ ܠܡܪܝܐ ܚܝܠܬܢܐ ܒܐܪܥܐ ܕܡܨܪܝܢ܂ ܡܛܠ ܕܢܓܥܘܢ ܩܕܡ ܡܪܝܐ ܡܢ ܩܕܡ ܐܠܘܨܐ/ܐܘܠܨܢܐ#3#/܃ ܘܢܫܕܪ ܠܗܘܢ ܦܪܘܩܐ ܘܕܝܿܢܐ ܘܢܦܨܐ ܐܢܘܢ܂
19:21 [ai]ܘܢܬܝܕܥ ܡܪܝܐ ܠܡܨܪ̈ܝܐ ܘܢܕܥܘܢܗ ܡܨܪ̈ܝܐ ܠܡܪܝܐ ܒܝܘܡܐ ܗܿܘ܃ ܘܢܩܪܒܘܢ ܕܒܚ̈ܐ ܘܣܡܝܕܐ/ܕܣܡܝܕܐ#3#/܂ ܘܢܕܪܘܢ ܢܕܪ̈ܐ ܠܡܪܝܐ ܘܢܫܠܡܘܢ܂
19:22 [ai]ܘܢܡܚܐ ܡܪܝܐ ܠܡܨܪ̈ܝܐ ܡܚܘܬܐ ܘܢܐܣܐ ܐܢܘܢ܂ ܘܢܬܦܢܘܢ ܠܘܬ ܡܪܝܐ܃ ܘܢܥܢܐ ܐܢܘܢ܃ ܘܢܐܣܐ ܐܢܘܢ܀
19:23 [ai]ܒܝܘܡܐ ܗܿܘ܃ ܢܗܘܐ ܫܒܝܠܐ ܡܢ ܡܨܪܝܢ ܠܐܬܘܪ ܘܡܢ ܐܬܘܪ ܠܡܨܪܝܢ܂ ܘܢܥܘܠ ܐܬܘܪܝܐ ܠܡܨܪܝܢ ܘܡܨܪܝܐ ܠܐܬܘܪ܂ ܘܢܦܠܚܘܢ ܡܨܪ̈ܝܐ ܠܐܬܘܪ̈ܝܐ܀
19:24 [ai]ܒܝܘܡܐ ܗܿܘ܃ ܢܗܘܐ ܐܝܣܪܝܠ ܚܕ ܡܢ ܬܠܬܐ܂ ܠܡܨܪ̈ܝܐ ܘܠܐܬܘܪ̈ܝܐ܂ ܒܘܪܟܬܐ ܒܓܘ ܐܪܥܐ܂
19:25 [ai]ܕܠܗ ܒܪܟ ܡܪܝܐ ܚܝܠܬܢܐ ܘܐܡܪ܂ ܒܪܝܟ ܥܡܝ ܕܒܡܨܪܝܢ܂ ܘܥܒܿܕ ܐ̈ܝܕܝ ܕܒܐܬܘܪ ܘܝܘܪܬܢܝ ܐܝܣܪܝܠ܀

next chapter