← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62012: P Is

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


21:01 [ai]ܡܫܩܠܐ ܕܡܕܒܪܐ ܕܝܡܐ܃ ܐܝܟ ܥܠܥܠܐ ܡܢ ܬܝܡܢܐ ܬܪܗܛ ܡܢ ܡܕܒܪܐ܂ ܘܬܐܬܐ ܡܢ ܐܪܥܐ ܪܚܝܩܬܐ܂
21:02 [ai]ܚܙܘܐ ܩܫܝܐ ܐܬܚܙܝ ܠܢ܂ ܛܠܘܡܐ ܛܿܠܡ ܘܒܙܘܙܐ ܒܐܿܙ܂ ܣܩܝ ܥܝܠ̈ܡ ܘܛܘܪ̈ܝ ܡܕܝ܂ ܘܟܠܗܝܢ ܬܢܚ̈ܬܗܿ ܒܛܠܬ܂
21:03 [ai]ܡܛܠ ܗܢܐ ܐܬܡܠܝ ܚܨܝ ܙܘܥܬܐ܂ ܘܐܚܕܘܢܝ ܨܘܪ̈ܢܐ ܐܝܟ ܨܘܪ̈ܢܐ ܕܝܠܕܬܐ܂ ܙܥܿܬ ܕܠܐ ܐܫܡܥ܂ ܘܐܬܕܠܚܿܬ ܕܠܐ ܐܚܙܐ܂
21:04 [ai]ܛܥܐ ܠܒܝ ܘܨܘܪ̈ܢܐ ܐܙܝܥܘܢܝ܂ ܘܫܘܦܪ̈ܐ ܕܨܒܝܢܝ ܣܡܘ ܠܝ ܠܣܘܪܕܐ/ܣܘܪܕܐ#3#/܂
21:05 [ai]ܛܝܒܘ ܦܬܘܪ̈ܐ ܕܘܩܘ ܕܘܩ̈ܐ܂ ܐܟܘܠܘ ܘܐܫܬܘ܂ ܩܘܡܘ ܪ̈̈ܘܪܒܢܐ ܡܫܘܚܘ ܣܟܪ̈ܐ܀
21:06 [ai]ܡܛܠ ܕܗܟܢܐ ܐܡܪ ܠܝ ܡܪܝܐ܂ ܙܠ ܐܩܝܡ ܕܘܩܐ܃ ܕܡܕܡ ܕܚܿܙܐ ܢܚܘܐ܂
21:07 [ai]ܘܚܙܐ ܪܟܘܒܐ ܕܬܪ̈ܝܢ ܦܪ̈ܫܝܢ܂ ܕܪܟܝܒ ܚܡܪܐ ܘܕܪܟܝܒ ܓܡܠܐ܂ ܘܨܬ ܫܡܥܐ ܣܓܝܐܐ܂
21:08 [ai]ܘܩܪܐ ܕܘܩܐ ܒܐ̈ܕܢܝ ܘܐܡܪ܂ ܐܢܐ ܡܪܝܐ ܩܐܿܡ ܐܢܐ ܐܡܝܢܐܝܬ ܒܐܝܡܡܐ܂ ܘܥܠ ܡܛܪܬܝ ܩܐܿܡ ܐܢܐ ܟܠܗܘܢ ܠܝ̈ܠܘܬܐ܂
21:09 [ai]ܘܗܐ ܐܬܐ ܓܒܪܐ ܡܢ ܪ̈ܟܒܐ ܕܦܪ̈ܫܐ܃ ܘܥܢܐ ܘܐܡܪ܂ ܢܦܠܬ ܢܦܠܬ ܒܒܠ܂ ܘܟܘܠܗܘܢ ܐ̈ܠܗܝܗܿ ܓܠܝ̈ܦܐ ܐܬܬܒܪܘ ܒܐܪܥܐ܂
21:10 [ai]ܡܢ ܚܨܕ ܘܡܢ ܒܠܝ ܐܕܪ܂ ܡܕܡ ܕܫܡܿܥܬ ܡܢ ܡܪܝܐ ܐܠܗܐ ܕܐܝܣܪܝܠ ܚܘܝܿܬܟܘܢ܃
21:11 [ai]ܡܫܩܠܐ ܕܕܘܡܐ/ܕܪܘܡܐ#3#/܃ ܠܝ ܩܪܐ ܡܢ ܣܥܝܪ ܢܛܘܪܐ ܕܒܠܠܝܐ܂
21:12 [ai]ܐܡܪ ܢܛܘܪܐ܃ ܐܬܐ ܨܦܪܐ ܐܦ ܠܠܝܐ܂ ܐܢ ܒܥܿܝܢ ܐܢܬܘܢ ܒܥܘ܃ ܬܘܒ ܐܬܿܝܢ ܐܢܬܘܢ܀
21:13 [ai]ܡܫܩܠܐ ܕܥܪܒ܃ ܒܪܡܫܐ ܒܥܒܐ ܬܒܘܬܘܢ܃ ܒܫܒܝܠܐ ܕܕܘܪܢܝܡ܂
21:14 [ai]ܠܐܘܪܥ ܨܗ̈ܝܐ/ܝܨܗܿܝܐ#2#/ ܐܝܬܘ ܡ̈ܝܐ ܥܡܘܪ̈ܐ ܕܐܪܥܐ ܕܬܝܡܢܐ܂ ܒܠܚܡܟܘܢ ܐܪܘܥܘ ܠܡܒܕܪ̈ܐ܂
21:15 [ai]ܡܛܠ ܕܡܢ ܩܕܡ ܣܦܣܪܐ ܐܬܒܕܪܘ܂ ܘܡܢ ܩܕܡ ܚܪܒܐ ܕܠܛܝܫܐ܂ ܘܡܢ ܩܕܡ ܩܫܬܐ ܕܡܠܝܐ܂ ܘܡܢ ܩܕܡ ܥܘܫܢܐ ܕܩܪܒܐ܂
21:16 [ai]ܡܛܠ ܕܗܟܢܐ ܐܡܪ ܠܝ ܡܪܝܐ܂ ܒܡܫܠܡ ܫܢܬܐ ܐܝܟ ܫ̈ܢܝܐ ܕܐܓܝܪܐ܃ ܢܣܘܦ ܟܠܗ ܐܝܩܪܐ ܕܩܕܪ܂
21:17 [ai]ܘܫܪܟܐ ܕܡܢܝܢܐ ܕܩܫ̈ܬܐ܃ ܓܒܪ̈ܐ/ܓܢܒܪ̈ܐ#3#/ ܕܒ̈ܢܝ ܩܕܪ ܢܙܥܪܘܢ/ܢܙܘܥܘܢ#3#/܂ ܡܛܠ ܕܡܪܝܐ ܐܠܗܐ ܕܐܝܣܪܝܠ ܡܠܠ܃

next chapter