← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62012: P Is

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


22:01 [ai]ܡܫܩܠܐ ܕܢܚܠܐ ܕܚܙܝܘܢ܃ ܡܢܐ ܐܝܬ ܠܟܝ ܗܪܟܐ ܕܣܠܩܬܝ ܟܘܠܟܝ ܠܐܓܪܐ܂
22:02 [ai]ܕܠܘܚܝܐ ܐܬܡܠܝܬ ܩܪܝܬܐ܃ ܩܠܐ ܐܬܡܠܝܬ ܩܪܝܬܐ ܥܫܝܢܬܐ܃ ܩܛܝ̈ܠܝܟܝ ܠܐ ܗܘܘ ܩ̈ܛܝܠܐ ܕܣܝܦܐ܂ ܐܦ ܠܐ ܡܝ̈ܬܐ ܕܩܪܒܐ܂
22:03 [ai]ܟܠܗܘܢ ܫ̈ܠܝܛܢܝܟܝ ܢܕܘ ܐܟܚܕܐ܂ ܡܢ ܩܫܬܐ ܐܬܐܣܪܘ ܕܐܫܬܚܪܘ/ܘܐܫܬܚܪܘ#3#/ ܒܟܝ܂ ܐܟܚܕܐ ܐܬܐܣܪܘ ܘܠܪܘܚܩܐ ܥܪܩܘ܂
22:04 [ai]ܡܛܠ ܗܢܐ ܐܡܿܪܬ܃ ܫܘܒܩܘܢܝ ܐܬܡܪܡܪ ܒܒܟܬܐ܂ ܠܐ ܬܐܠܨܘܢ ܠܡܒܝܐܘܬܢܝ ܥܠ ܬܒܪܗܿ ܕܒܪܬ ܥܡܝ܂
22:05 [ai]ܡܛܠ ܕܝܘܡܐ ܕܕܠܘܚܝܐ ܘܕܕܝܫܐ ܘܕܒܟܬܐ܃ ܠܡܪܝܐ ܐܠܗܐ ܚܝܠܬܢܐ ܒܢܚܠܐ ܕܚܙܝܘܢ ܒܨܐ/ܒܢܐ#3# ܫܘܪܐ ܘܓܥܐ ܥܠ ܛܘܪ̈ܐ܂
22:06 [ai]ܘܥܝܠܡ ܫܩܠ ܩܛܪܩܐ܂ ܒܪ̈ܟܒܐ ܕܐܢܫܐ ܦܪ̈ܫܐ܂ ܘܫܘܪܐ ܓܠܐ ܣܟܪ̈ܐ܂
22:07 [ai]ܘܢܗܘܘܢ ܓܒ̈ܝܐ ܕܥܘܡܩ̈ܝܟܝ ܡܠܝܢ ܡܪ̈ܟܒܬܐ܂ ܘܦܪ̈ܫܐ ܢܣܬܕܪܘܢ ܥܠ ܬܪ̈ܥܐ܂
22:08 [ai]ܘܝܗܘܕܐ ܢܓܠܐ ܣܕܪ̈ܐ܂ ܘܬܚܙܐ ܒܝܘܡܐ ܗܿܘ ܙܝܢܐ ܕܒܝܬ ܥܒܐ܃
22:09 [ai]ܘܬܘܪ̈ܥܬܐ ܕܩܪܝܬܗ ܕܕܘܝܕ ܚܙܝܬܘܢ ܕܣ̈ܓܝ܃ ܘܟܢܫܬܘܢ ܡ̈ܝܐ ܕܝܡܬܐ ܬܚܬܝܬܐ܃
22:10 [ai]ܘܡܠܝܬܘܢ ܒ̈ܬܐ ܕܐܘܪܫܠܡ܂ ܘܥܩܪܬܘܢ ܒ̈ܬܐ ܕܬܥܫܢܘܢ ܫܘܪܐ܂
22:11 [ai]ܘܩ̈ܒܝܬܐ ܥܒܕܬܘܢ ܒܝܬ ܫܘܪܐ ܠܡ̈ܝܐ ܕܝܡܬܐ ܥܬܝܩܬܐ܂ ܘܠܐ ܚܪܬܘܢ ܠܥܒܘܕܗܿ܂ ܘܠܓܒܘܠܗܿ ܡܢ ܪܘܚܩܐ ܠܐ ܚܙܝܬܘܢ܂
22:12 [ai]ܘܩܪܐ ܡܪܝܐ ܐܠܗܐ ܚܝܠܬܢܐ ܒܝܘܡܐ ܗܿܘ܃ ܠܒܟܬܐ ܘܠܡܪ̈ܩܕܬܐ ܘܠܩ̈ܘܕܚܬܐ ܘܠܟܒܢܐ ܕܣܩ̈ܐ܂
22:13 [ai]ܘܗܐ ܒܘܣܡܐ ܘܚܕܘܬܐ ܢܟܣܬܐ ܕܬܘܪ̈ܐ ܘܢܟܣܬܐ ܕܥܢܐ܂ ܡܐܟܘܠܬܐ ܕܒܣܪܐ ܘܡܫܬܝܐ ܕܚܡܪܐ ܢܐܟܘܠ ܘܢܫܬܐ܂ ܡܛܠ ܕܡܚܪ ܢܡܘܬ܂
22:14 [ai]ܓܠܝܐ ܗܝ ‍<‍ܗܕܐ#3#‍>‍ ܒܐ̈ܕܢܝ ܡܪܝܐ ܚܝܠܬܢܐ ܘܐܡܪ܃ ܠܐ ܬܣܒܘܢ ܠܟܘܢ ܚܛܝܬܐ ܗܕܐ ܥܕܡܐ ܕܬܡܘܬܘܢ܂ ܐܡܿܪ ܡܪܝܐ ܐܠܗܐ ܚܝܠܬܢܐ܀
22:15 [ai]ܗܟܢܐ ܐܡܿܪ ܡܪܝܐ ‍<‍ܐܠܗܐ#3#‍>‍ ܚܝܠܬܢܐ܂ ܙܠ ܠܘܬ ܣܘܟܢ ܗܢܐ܃ ܠܘܬ ܫܒܢܐ ܪܒܝܬܐ ܘܐܡܪ ܠܗ܂
22:16 [ai]ܡܢܐ ܥܒܿܕ ܐܢܬ ܗܪܟܐ܂ ܘܡܢܐ ܐܝܬ ܠܟ ܗܪܟܐ܃ ܕܢܩܪܬ ܠܟ ܗܪܟܐ ܩܒܪܐ܂ ܢܩܿܪ ܒܪܘܡܐ ܩܒܪܗ܂ ܘܪܫܿܡ ܒܟܐܦܐ ܡܫܪܝܗ܂
22:17 [ai]ܗܐ ܡܪܝܐ ܡܫܕܐ ܫܿܕܐ ܠܟ ܓܒܪܐ܂܂ ܘܡܛܥܐ ܛܥܿܐ ܠܟ܂
22:18 [ai]ܢܐܠܨܟ ܒܐܘܠܨܢܐ ܐܝܟ ܐܘܠܨܢܐ ܕܐܣܦܪܐ܂ ܒܐܪܥܐ ܐܪܘܚܬܐ ܕܐ̈ܝܕܝܐ܂ ܬܡܢ ܬܡܘܬ܂ ܘܬܡܢ ܡܪܟܒܬܐ ܕܐܝܩܪܟ ܨܥܪܐ ܕܒܝܬ ܡܪܟ܂
22:19 [ai]ܘܐܗܓܡܟ ܡܢ ܐܝܩܪܟ܂ ܘܐܣܚܦܟ ܡܢ ܩܝܡܟ܂
22:20 [ai]ܘܢܗܘܐ ܒܝܘܡܐ ܗܿܘ ܐܡܿܪ ܡܪܝܐ܂ ܐܩܪܐ ܠܥܒܕܝ ܐܠܝܩܝܡ ܒܪ ܚܠܩܝܐ܃
22:21 [ai]ܘܐܠܒܫܝܘܗܝ ܟܘܬܝܢܟ܂ ܘܒܗܡܝܢܟ ܐܚܙܩܝܘܗܝ܂ ܘܫܘܠܛܢܟ ܐܬܠ ܒܐ̈ܝܕܘܗܝ܂ ܘܢܗܘܐ ܐܒܐ ܠܥܡܘܪ̈ܝܗܿ ܕܐܪܫܠܡ ܘܠܓܒܪ̈ܐ ܕܒܝܬ ܝܗܘܕܐ܂
22:22 [ai]ܘܢܣܝܡ ܩ̈ܠܝܕܐ ܕܒܝܬ ܕܘܝܕ ܥܠ ܟܬܦܗ܂ ܘܢܦܬܚ ܘܠܝܬ ܕܢܐܚܘܕ܂ ܘܢܐܚܘܕ ܘܠܝܬ ܕܢܦܬܚ܂
22:23 [ai]ܘܐܩܫܝܘܗܝ ܣܟܬܐ ܒܐܬܪܐ ܡܗܝܡܢܐ܂ ܘܢܗܘܐ ܟܘܪܣܝܐ ܕܐܝܩܪܐ ܠܒܝܬ ܐܒܘܗܝ܂
22:24 [ai]ܘܢܬܠܘܢ ܥܠܘܗܝ ܟܠܗ ܐܝܩܪܐ ܕܒܝܬ ܐܒܘܗܝ ܡܝܩܪܐ ܘܡܫܒܚܐ܂ ܘܟܠ ܡܐܢܐ ܙܥܘܪܐ܂ ܡܢ ܡܐܢܐ ܕܙܡܪܐ ܘܥܕܡܐ ܠܡܐܢܐ ܕܟܢܪܐ܂
22:25 [ai]ܒܝܘܡܐ ܗܿܘ ܐܡܿܪ ܡܪܝܐ ܚܝܠܬܢܐ܃ ܬܬܥܩܪ ܣܟܬܐ ܕܢܩܝܫܐ/ܕܢܩܫܝܐ#2#/ ܒܐܬܪܐ ܡܗܝܡܢܐ܂ ܘܬܣܬܚܦ ܘܬܦܠ܂ ܘܢܐܒܕ ܫܩܠܐ ܕܣܝܡ ܥܠܝܗܿ܂ ܡܛܠ ܕܡܪܝܐ ܡܠܠ܂

next chapter