← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62012: P Is

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


23:01 [ai]ܡܫܩܠܐ ܕܨܘܪ/ܕܬܪܫܝܫ#3#/܃ ܐܝ̈ܠܠܝܢ ܐ̈ܠܦܐ ܕܬܪܫܝܫ܃ ܡܛܠ ܕܐܬܒܙܙ ܡܢ ܒܝܬܐ ܡܝܬܝܢܐ܂ ܘܡܢ ܐܪܥܐ ܕܟܬܝܡ ܐܬܓܠܝ ܠܢ܂
23:02 [ai]ܫܬܘܩܘ ܥܡܘܪ̈̈ܐ ܕܓܙܪܬܐ܂ ܬܓܪܐ ܕܨܝܕܢ ܕܥܒܿܪ ܒܝܡܐ/ܒܡ̈ܝܐ#3#/܃ ܡܠܐܘܟ܃
23:03 [ai]ܒܡ̈ܝܐ ܣ̈ܓܝܐܐ܂ ܙܪܥܐ ܕܬܓܪܐ ܚܨܕܐ ܕܢܗܪܐ ܥܠܠܬܗ܂ ܗܘܬ ܬܐܓܘܪܬܐ ܠܥܡ̈ܡܐ܂
23:04 [ai]ܒܗܬܝ ܨܝܕܢ܂܂ ܡܛܠ ܕܐܡܪ ܝܡܐ ܘܥܘܫܢܗ ܕܝܡܐ܃ ܠܐ ܚܒܿܠܬ ܘܠܐ ܝܠܕܬ܂ ܘܠܐ ܪܒܝܿܬ ܓܕܘ̈ܕܐ܂ ܐܦܠܐ ܪܡܪܡܿܬ ܒܬ̈ܘܠܬܐ܂
23:05 [ai]ܡܐ ܕܐܫܬܡܥ ܠܡܨܪܝܢ܃ ܚܒ̈ܠܐ ܢܐܚܕܘܢ ܐܢܘܢ ܐܝܟ ܫܡܥܐ ܕܨܘܪ܂
23:06 [ai]ܥܒܪܘ ܠܬܪܫܝܫ܂ ܐܝܠܠܘ ܥܡܘܪ̈̈ܐ ܕܓܙܪܬܐ܂
23:07 [ai]ܗܕܐ ܗܝ ܠܟܘܢ ܥܫܝܢܬܐ ܕܡܢ/ܡܢ#3#/ ܝܘܡ̈ܬܐ ܩܕܡ̈ܝܐ܂ ܩܕܡܝܗܿ ܢܐ̈ܙܠܢ ܪ̈ܓܠܝܗܿ ܕܬܥܡܪ ܒܪܘܚܩܐ܂
23:08 [ai]ܡܢܘ ܐܬܡܠܟ ܗܟܢܐ ܥܠ ܨܘܪ ܡܟܠܠܬܐ܃ ܕܬܓܪ̈ܝܗܿ ܪ̈ܘܪܒܢܐ܃ ܘܟܢ̈ܥܢܝܗܿ ܝܩܝܪ̈ܝܗܿ ܕܐܪܥܐ܂
23:09 [ai]ܡܪܝܐ ܚܝܠܬܢܐ ܐܬܪܥܝ ܠܡܒܛܠܘ ܐܝܩܪܐ ܕܟܠ ܚܝܠ܃ ܘܠܡܨܥܪܘ ܠܟܠܗܘܢ ܝܩܝܪ̈ܝܗܿ ܕܐܪܥܐ܂
23:10 [ai]ܥܒܪܝ ܠܐܪܥܟܝ ܐܝܟ ܢܗܪܐ ܒܪܬ ܬܪܫܝܫ܂܂ ܠܝܬ ܬܘܒ ܕܕܚܿܩ ܠܟܝ܂
23:11 [ai]ܐܝܕܗ ܐܪܝܡ ܥܠ ܝܡܐ܃ ܘܐܪܓܙ ܡ̈ܠܟܘܬܐ܂ ܡܪܝܐ ܦܩܕ ܥܠ ܟܢܥܢ ܕܢܘܒܕ ܥܫ̈ܝܢܝܗܿ܂
23:12 [ai]ܘܐܡܪ܃ ܠܐ ܬܘܣܦܝܢ ܬܘܒ ܠܡܬܥܫܢܘ ܛܠܝܡܬܐ̈ ܒܬܘܠܬܐ ܒܪܬ ܨܝܕܢ܂ ܩܘܡܝ ܥܒܪܝ ܠܟܬܝܡ/ܠܟܘܬܝܡ#3#/܂ ܘܐܦ ܬܡܢ ܠܐ ܢܢܝܚ ܠܟܝ܂
23:13 [ai]ܗܐ ܐܪܥܐ ܕܟ̈ܠܕܝܐ܂ ܗܢܘ ܥܡܐ ܕܠܐ ܗܘܐ ܐܬܘܪܝܐ ܥܒܕܗ ܠܪܘܚܐ܃ ܘܐܩܝܡ ܒܨ̈ܘܝܐ ܒܨܘ ܣܚܪ̈ܬܗܿ܂ ܘܥܒܕܘܗܿ ܠܡܦܘܠܬܐ܂
23:14 [ai]ܐܝ̈ܠܠܝܢ ܐ̈ܠܦܐ ܕܬܪܫܝܫ܃ ܡܛܠ ܕܐܬܒܙܙ ܥܘܫܢܟܝܢ܀
23:15 [ai]ܢܗܘܐ ܕܝܢ ܒܝܘܡܐ ܗܿܘ܃ ܬܬܛܥܐ ܨܘܪ ܫܒܥܝܢ ܫ̈ܢܝܢ܂ ܐܝܟ ܝ̈ܘܡܝ ܡܠܟܐ ܚܕ܂ ܘܡܢ ܒܬܪ ܫܒܥܝܢ ܫ̈ܢܝܢ܃ ܢܙܡܪܘܢ ܠܨܘܪ܂ ܙܡܝܪܬܐ ܕܙܢܝܬܐ܂
23:16 [ai]ܣܒܝ ܟܢܪܐ ܘܐܬܟܪܟܝ܂ ܩܪܝܬܐ ܙܢܝܬܐ ܕܐܬܛܥܝܬ܂ ܩܘܫܝ ܫܦܝܪ܂ ܐܣܓܝ ܙܡܪܐ ܕܬܬܕܟܪܝܢ/ܕܬܕܟܪܝܢ#3#/܂
23:17 [ai]ܘܢܗܘܐ ܡܢ ܒܬܪ ܫܒܥܝܢ ܫ̈ܢܝܢ܂ ܢܦܩܘܕ ܡܪܝܐ ܠܨܘܪ܂ ܘܢܗܦܟܝܗܿ ܠܐܓܝܪ̈ܬܗܿ܂ ܘܬܙܢܐ ܒܟܠܗܝܢ ܡ̈ܠܟܘܬܐ ܕܥܠ ܐ̈ܦܝ ܐܪܥܐ܂
23:18 [ai]ܘܬܗܘܐ ܬܐܓܘܪܬܗܿ ܘܐܓܝܪ̈ܬܗܿ ܩܘܕܫܐ ܠܡܪܝܐ ܠܐ ܢܬܬܣ̈ܝܡܢ ܒܝܬ ܓܙܐ ܘܠܐ ܢܬܢܛܪ̈ܢ܂ ܐܠܐ ܠܕܥܡܿܪܝܢ ܩܕܡ ܡܪܝܐ ܬܗܘܐ ܬܐܓܘܪܬܗܿ܂ ܠܡܐܟܠ ܘܠܡܣܒܥ ܘܠܡܟܣܝܘ ܥܬܝܩ̈ܝܗܿ܀

next chapter