The Comprehensive Aramaic Lexicon

24:01 [ai]	ܗܐ ܡܪܝܐ ܡܚܒܠ ܐܪܥܐ/ܠܐܪܥܐ#3#/ ܘܡܬܪܥ ܠܗܿ܂ ܘܣܚܿܦ ܐ̈ܦܝܗܿ܃ ܘܡܒܕܪ ܥܡܘܪ̈ܝܗܿ܂
24:02 [ai]	ܘܢܗܘܐ ܥܡܐ ܐܝܟ ܟܗܢܐ܂ ܘܥܒܕܐ ܐܝܟ ܡܪܗ ܘܐܡܬܐ ܐܝܟ ܡܪܬܗܿ܂ ܩܢܝܐ ܐܝܟ ܡܙܒܢܢܐ܂ ܘܝܙܘܦܐ ܐܝܟ ܡܘܙܦܢܐ܂ ܐܝܟ ܡܪܐ ܚܘܒܬܗ ܕܚܝܒ ܠܗ܂
24:03 [ai]	ܡܬܚܒܠܘ ܬܬܚܒܠ ܐܪܥܐ܂ ܘܡܬܒܙܙܘ ܬܬܒܙܙ܂ ܡܛܠ ܕܡܪܝܐ ܡܠܠ ܦܬܓܡܐ ܗܢܐ܂
24:04 [ai]	ܐܠܬ ܘܝܬܒܬ ܒܐܒܠܐ ܐܪܥܐ܂ ܐܠܬ ܘܝܬܒܬ ܘܐܬܐܒܠܬ ܬܒܝܠ܂ ܐܠܐ ܪܘܡܗܿ ܕܐܪܥܐ܂
24:05 [ai]	ܘܐܪܥܐ ܐܬܕܡܝܬ ܠܥܡܘܪ̈ܝܗܿ܂ ܡܛܠ ܕܥܒܪܘ ܢܡܘܣܐ ܘܚܠܦܘ/ܘܚܒܠܘ#3#/ ܦܘܩܕܢܐ܃ ܘܒܛܠܘ ܩܝܡܐ ܕܥܠܡ܂
24:06 [ai]	ܡܛܠ ܗܠܝܢ/ܗܢܐ#3#/ ܬܬܒ ܒܐܒܠܐ ܐܪܥܐ܂ ܘܢܬܚܝܒܘܢ/ܘܢܬܚܒܠܘܢ#2#/ ܟܠܗܘܢ ܥܡܘܪ̈ܝܗܿ܂ ܡܛܠ ܗܢܐ ܢܬܚܪܒܘܢ ܟܠܗܘܢ ܥܡܘܪ̈ܝܗܿ ܕܐܪܥܐ܂ ܘܢܫܬܚܪܘܢ ܐܢܫܐ ܩܠܝܠ܂
24:07 [ai]	ܝܬܒ ܒܐܒܠܐ ܥܒܘܪܐ ܘܐ̈ܠܝ ܓܘܦܢ̈ܐ܂ ܘܐܬܬܢܚܘ ܟܠ ܚ̈ܕܝܝ ܠܒܐ܂
24:08 [ai]	ܒܛܠܬ ܚܕܘܬܐ ܘ̈ܦܠܓܐ܂ ܘܫܠܝ ܩܠܐ ܕܕܝܨܐ܂ ܒܛܠܬ ܚܕܘܬܐ ܘܟܢܪ̈ܐ܂
24:09 [ai]	ܒܙܡܪܐ ܠܐ ܢܫܬܘܢ ܚܡܪܐ܂ ܢܡܪ ܫܟܪܐ ܠܫܬܝ̈ܘܗܝ܂
24:10 [ai]	ܐܬܒܙܬ ܩܪܝܬܐ܂ ܘܐܬܬܚܕܘ ܟܠ ܒܝܬ ܡ̈ܕܢܐ/ܡܕ̈ܝܐ#3#/܂
24:11 [ai]	ܝܠܠܬܐ ܥܠ ܚܡܪܐ ܒܫ̈ܘܩܐ܂ ܒܛܠܬ ܟܠܗܿ ܚܕܘܬܐ܂ ܘܥܒܪ ܕܝܨܗܿ ܕܐܪܥܐ܂
24:12 [ai]	ܘܐܫܬܚܪ ܒܩܪܝܬܐ ܚܒܠܐ܃ ܘܕܘܘܢܐ ܢܦܣܩ/ܢܦܣ#3#/ ܬܪ̈ܥܝܗܿ܂
24:13 [ai]	ܗܟܢܐ ܢܗܘܐ ܒܓܘܗܿ ܕܐܪܥܐ ܒܝܢܬ ܥܡ̈ܡܐ܃ ܐܝܟ ܚܒܛܐ ܕܙܝܬܐ܂ ܘܐܝܟ ܒܘܥܪܐ ܡܐ ܕܓܡܪ ܩܛܦܐ܂
24:14 [ai]	ܗܢܘܢ ܢܪܝܡܘܢ ܩܠܗܘܢ܃ ܘܢܫܒܚܘܢ ܒܓܐܝܘܬܗ ܕܡܪܝܐ܂ ܘܢܨܗܠܘܢ ܡܢ ܝܡܐ܂
24:15 [ai]	ܡܛܠ ܗܢܐ ܒܬܫܒܘܚܬܐ ܫܒܚܘ ܠܡܪܝܐ܂ ܘܒܓܙܪ̈ܬܐ ܕܝܡܐ ܫܡܗ ܕܡܪܝܐ ܐܠܗܐ ܕܐܝܣܪܝܠ܂
24:16 [ai]	ܡܢ ܟܢ̈ܦܝܗܿ ܕܐܪܥܐ ‍<‍ܩܠ#3#‍>‍ ܙܡܝܪܬܐ ܫܡܥܢ܂ ܚܝܠܐ ܕܙܕܝܩܐ ܕܐܡܿܪ܂ ܪܐܙ ܠܝ ܪܐܙ ܠܝ܂ ܐܘܝ ܠܝ ܥܿܘ̈ܠܐ ܐܥܠܝܘ܂ ܥܿܘ̈ܠܐ ܥܘܼܠܐ ܐܥܠܝܘ܂
24:17 [ai]	ܕܚܠܬܐ ܘܓܘܡܨܐ ܘܦܚܐ ܥܠܝܟ̈ ܥܡܘܪ̈ܐ ܕܐܪܥܐ܂
24:18 [ai]	ܘܡܿܢ ܕܢܥܪܘܩ ܡܢ ܩܠܐ ܕܕܚܠܬܐ ܢܦܠ ܒܓܘܡܨܐ܂ ܘܡܿܢ ܕܢܣܩ ܡܢ ܓܘ ܓܘܡܨܐ ܢܬܬܚܕ ܒܦܚܐ܂ ܡܛܠ ܕܡܣ̈ܘܟܐ ܡܢ ܡܪܘܡܐ ܐܬܦܬܚܘ܃ ܘܙܥ ܫܬܐ̈ܣܝܗܿ ܕܐܪܥܐ܂
24:19 [ai]	ܡܙܥ ܬܙܘܥ ܐܪܥܐ܂ ܘܡܕܠ ܬܕܘܠ ܐܪܥܐ܂ ܘܡܡܛ ܬܡܘܛ ܐܪܥܐ܂
24:20 [ai]	ܘܡܙܥ ܬܙܘܥ ܐܪܥܐ ܐܝܟ ܪܘܝܐ܂ ܘܬܢܘܕ ܐܝܟ ܥܪܙܠܐ܂ ܘܢܥܫܢ ܥܠܝܗܿ ܥܘܠܗܿ܂ ܘܬܦܠ ܘܠܐ ܬܘܣܦ ‍<‍ܬܘܒ#3#‍>‍ ܠܡܩܡ܂
24:21 [ai]	‍<‍ܒܗ#3#‍>‍ ܒܝܘܡܐ ܗܿܘ܃ ܢܦܩܘܕ ܡܪܝܐ ܥܠ ܚܝ̈ܠܐ ܕܪܘܡܐ ܒܪܘܡܐ܃ ܘܥܠ ܡ̈ܠܟܐ ܕܐܪܥܐ ܒܐܪܥܐ܂
24:22 [ai]	ܘܢܟܢܫܘܢ ܟܢܘܫܝܐ ܥܠ ܐܣܝܪ ܓܘܒܐ܃ ܘܢܬܚܫܒܘܢ ܥܠ ܚܒܝܫܐ܂ ܘܠܣܘܓܐܐ ܕܝܘܡ̈ܬܐ ܢܬܦܪܩܘܢ܂
24:23 [ai]	ܘܢܚܦܪ ܣܗܪܐ ܘܢܒܗܬ ܫܡܫܐ܂ ܡܛܠ ܕܐܡܠܟ ܡܪܝܐ ܚܝܠܬܢܐ ܒܛܘܪܐ ܕܨܗܝܘܢ ܘܒܐܘܪܫܠܡ܂ ܘܩܕܡ ܩܕܝܫ̈ܘܗܝ ܢܫܬܒܚ܀

next chapter