← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62012: P Is

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


25:01 [ai]ܡܪܝܐ ܐܠܗܝ ܐܢܬ܂ ܐܪܡܪܡܟ ܘܐܘܕܐ ܠܫܡܟ܂ ܕܥܒܕܬ ܕܘܡܪܐ ܘܬܪܥܝܬܐ ܡܗܝܡܢܬܐ ܡܢ ܪܘܚܩܐ ܐܡܝܢ܂
25:02 [ai]ܡܛܠ ܕܥܒܕܬ ܩܪܝܬܐ ܠܝܓܪܐ܃ ܘܩܪܝܬܐ ܥܫܝܢܬܐ ܠܡܦܘܠܬܐ܂ ܢܘܣܐ ܕܢܘܟܪ̈ܝܐ ܠܥܠܡ ܡܢ ܩܪܝܬܐ ܠܐ ܢܬܒܢܐ܂
25:03 [ai]ܡܛܠ ܗܢܐ ܢܫܒܚܘܢܟ ܥܡ̈ܡܐ ܣ̈ܓܝܐܐ܂ ܘܩܪܝܬܐ/ܕܩܪܝܬܐ#3#/ ܕܥܡ̈ܡܐ ܥܫܝ̈ܢܐ ܢܕܚܠܘܢ ܠܟ܂
25:04 [ai]ܡܛܠ ܕܗܘܝܬ ܡܣܝܥܢܐ ܠܡܣܟܢܐ܃ ܘܥܕܘܪܐ ܠܒܝܿܫܐ ܒܐܘܠܨܢܗ܂ ܣܬܪܐ ܡܢ ܙܪܝܦܬܐ ܘܛܠܠܐ ܡܢ ܫܘܒܐ܂ ܡܛܠ ܕܪܘܚܐ ܕܥܫܝܢܐ ܐܝܟ ܙܪܝܦܬܐ ܒܐܣܬܐ܂
25:05 [ai]ܘܐܝܟ ܛܠܠܐ ܒܫܘܒܐ܂ ܪܡܘܬܐ ܕܢܘܟܪ̈ܝܐ ܬܬܡܟܟ܂ ܘܫܘܒܐ ܒܛܠܠܐ ܕܥܢ̈ܢܐ܂ ܫܒܘܩܐ ܕܥܫܝ̈ܢܐ ܢܬܡܟܟ܂
25:06 [ai]ܘܢܥܒܕ ܡܪܝܐ ܚܝܠܬܢܐ ܒܟܠܗܘܢ ܥܡ̈ܡܐ ܒܛܘܪܐ ܗܢܐ܃ ܡܫܬܝܐ ܫܡܝܢܐ܂ ܘܡܫܬܝܐ \ܢܛܝܪܐ ܘܫܡܝܢܐ /ܫܡܝܢܐ ܘܢܛܝܪܐ#3#/܂ ܕܡܚܝܢܢ ܫܡܝܢܐ ܘܥܫܝܢܐ܂
25:07 [ai]ܘܢܬܒܠܥ ܒܛܘܪܐ ܗܢܐ܃ ܐ̈ܦܝ ܫܠܝܛܐ/ܫܠܝܛܢܐ#3#/ ܕܫܠܝܛ ܗܘܐ ܥܠ ܟܠܗܘܢ ܥܡ̈ܡܐ܂ ܘܢܟܣܬܐ ܕܐܬܢܟܣܬ ܥܠ ܐ̈ܦܝ ܟܠܗܘܢ ܥܡ̈ܡܐ܂
25:08 [ai]ܘܢܬܒܠܥ ܡܘܬܐ ܠܙܟܘ/ܥܢܐ ܒܙܟܘܬܐ#3#/ ܠܥܠܡܝܢ܂ ܘܢܥܒܪ ܡܪܝܐ ܐܠܗܐ ܚܝܠܬܢܐ ܕܡܥܬܐ ܡܢ ܟܠ ܐ̈ܦܝܢ܂ ܘܚܣܕܐ ܕܥܡܗ ܢܥܒܪ ܡܢ ܟܠܗܿ ܐܪܥܐ܂ ܡܛܠ ܕܡܪܝܐ ܡܠܠ܂
25:09 [ai]ܘܬܐܡܪ ܒܝܘܡܐ ܗܿܘ܃ ܗܢܘ ܡܪܝܐ ܐܠܗܢ ܕܣܟܝܢ ܠܗ ܢܦܪܩܢ܂ ܗܢܘ ܡܪܝܐ ܐܠܗܢ ܕܣܟܝܢ ܠܗ܂ ܢܕܘܨ ܘܢܚܕܐ ܒܦܘܪܩܢܗ܂
25:10 [ai]ܡܛܠ ܕܬܬܢܝܚ ܐܝܕܗ ܕܡܪܝܐ ܒܛܘܪܐ ܗܢܐ܂ ܘܢܬܕܝܫ ܡܘܐܒ ܬܚܘܬܘܗܝ܃ ܐܝܟ ܕܡܬܕܝܫ ܬܒܢܐ ܒܓܪܓܪܐ܂
25:11 [ai]ܘܢܦܪܣ ܐܝ̈ܕܘܗܝ ܒܓܘܗ܃ ܐܝܟ ܕܡܦܪܣ ܣܚܝܐ ܠܡܣܚܐ܂ ܘܢܡܟ/ܘܢܡܟܟ#3#/ ܥܘܫܢܗ܃ ܥܡ ܫܘܘܛܐ ܕܐ̈ܝܕܘܗܝ܂
25:12 [ai]ܘܒܝܬ ܡܪܕܐ ܕܥܘܫܢܐ ܕܫܘܪ̈ܝܟܝ/ܘܫܘܪ̈ܝܟܝ#3#/ ܢܡܟܟ܂ ܘܢܫܦܠ ܘܢܡܛܐ ܠܐܪܥܐ ܥܕܡܐ ܠܥܦܪܐ܃܂

next chapter