← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62012: P Is

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


28:01 [ai]ܘܝ ܠܟܠܝܠܐ ܓܐܝܐ ܕܪܘܝܐ ܐܦܪܝܡ܃ ܘܠܓܕܠܐ ܡܨܥܪܐ ܚܝܠܐ ܕܫܘܒܚܗ ܕܒܪܝܫ ܢܚܠܐ ܕܫܡ̈ܝܢܐ܃ ܕܬܘܝܪܝܢ ܒܚܡܪܐ܂
28:02 [ai]ܗܐ ܚܝܠܐ ܘܥܘܫܢܐ ܕܡܪܝܐ܃ ܐܝܟ ܙܪܝܦܬܐ ܕܒܪܕܐ ܘܐܝܟ ܥܠܥܠܐ ܕܬܒܪܐ܂ ܘܐܝܟ ܙܪܝܦܬܐ ܕܡ̈ܝܐ ܣ̈ܓܝܐܐ ܕܓܪܦܝܢ܂ ܐܢܝܚ ܠܐܪܥܐ ܒܐܝܕܟ܂
28:03 [ai]ܘܒܪܓܠܐ ܢܬܕܝܫ ܟܠܝܠܐ ܓܐܝܐ ܕܪܘܝܐ ܐܦܪܝܡ܂
28:04 [ai]ܘܢܗܘܐ ܓܕܠܐ ܡܨܥܪܐ ܚܝܠܐ ܕܫܘܒܚܗ ܕܒܪܝܫ ܢܚܠܐ ܕܫܡܝ̈ܢܐ܃ ܐܝܟ ܒܟܪܬܐ ܕܩܕܡ ܩܝܛܐ܂ ܕܡܐ ܕܚܙܗܿ ܡܿܢ ܕܚܿܙܐ ܠܗܿ܃ ܥܕ ܗܝ ܒܐܝܕܗ ܒܿܠܥ ܠܗܿ܀
28:05 [ai]ܒܝܘܡܐ ܗܿܘ܃ ܢܗܘܐ ܡܪܝܐ ܚܝܠܬܢܐ ܠܟܠܝܠܐ ܕܚܝܠܐ܃ ܘܠܓܕܠܐ ܡܫܒܚܐ ܠܫܪܟܐ ܕܥܡܗ܂
28:06 [ai]ܠܪܘܚܐ ܕܕܝܢܐ܂ ܠܡܿܢ ܕܝܬܿܒ ܥܠ ܕܝܢܐ ܘܓܢܒܪܘܬܐ܂ ܕܡܗܦܟܝܢ ܩܪܒܐ ܡܢ ܬܪܥܐ܂
28:07 [ai]ܘܐܦ ܗܠܝܢ ܒܚܡܪܐ ܛܥܘ ܘܒܫܟܪܐ ܛܥܘ܂ ܟܗ̈ܢܐ ܘܢܒ̈ܝܐ ܛܥܘ ܒܫܟܪܐ܂ ܐܬܒܠܥܘ ܡܢ ܚܡܪܐ܂ ܙܥܘ ܡܢ ܫܟܪܐ܂ ܛܥܘ ܒܪܘܝܘܬܐ܂ ܐܟܠܘ ܐܣܘܛܐܝܬ܂
28:08 [ai]ܡܛܠ ܕܟܠܗܘܢ ܦܬܘܪ̈ܐ܃ ܐܬܡܠܝܘ ܬܝܘܒܐ ܘܬܒܬܐ ܡܢ ܒܠܝ ܐܬܪܐ܂
28:09 [ai]ܠܡܿܢ ܢܠܦ ܐܝܕܥܬܐ܂ ܘܠܡܿܢ ܢܣܟܠ ܫܡܥܐ܂ ܠܕܚܣܝܠܝܢ ܡܢ ܚܠܒܐ ܘܢܓܝܕܝܢ ܡܢ ܬ̈ܕܝܐ܂
28:10 [ai]ܡܛܠ ܕܬܒܬܐ ܥܠ ܬܒܬܐ ܘܬܒܬܐ ܥܠ ܬܒܬܐ܂ ܘܬܝܘܒܐ ܥܠ ܬܝܘܒܐ ܘܬܝܘܒܐ ܥܠ ܬܝܘܒܐ܂ ܩܠܝܠ ܠܬܡܢ ܘܩܠܝܠ ܠܬܡܢ܂
28:11 [ai]ܡܛܠ ܕܒܡܡܠܠܐ ܥܛܠܐ ܘܒܠܫܢܐ ܐܚܪܢܐ ܐܡܠܠ ܥܡܗ ܥܡ ܥܡܐ ܗܢܐ܂
28:12 [ai]ܕܐܡܿܪܬ ܠܗܘܢ܃ ܗܕܐ ܗܝ ܢܝܚܬܝ ܐܢܝܚܘ ܠܡܛܪ̈ܦܐ܂ ܘܗܢܘ ܫܠܝܐ ܘܠܐ ܨܒܘ ܠܡܫܡܥ܂
28:13 [ai]ܘܗܘܬ ܠܗܘܢ ܡܠܬܗ ܕܡܪܝܐ܃ ܬܒܬܐ ܥܠ ܬܒܬܐ ܘܬܒܬܐ ܥܠ ܬܒܬܐ܂ ܘܬܝܘܒܐ ܥܠ ܬܝܘܒܐ ܘܬܝܘܒܐ ܥܠ ܬܝܘܒܐ܂ ܩܠܝܠ ܠܬܡܢ ܘܩܠܝܠ ܠܬܡܢ܂ ܕܢܗܦܟܘܢ ܘܢܣܬܚܦܘܢ ܠܒܣܬܪܗܘܢ܂ ܘܢܬܬܒܪܘܢ ܘܢܬܬܨܝܕܘܢ ܘܢܬܬܚܕܘܢ܂
28:14 [ai]ܡܛܠ ܗܢܐ ܫܡܥܘ ܦܬܓܡܗ ܕܡܪܝܐ ܓܒܪ̈ܐ ܡܡܝ̈ܩܢܐ܃ ܫ̈ܠܝܛܘܗܝ ܕܥܡܐ ܗܢܐ ܕܒܐܪܫܠܡ܂
28:15 [ai]ܡܛܠ ܕܐܡܪܬܘܢ ܕܐܩܝܡܢ ܩܝܡܐ ܥܡ ܡܘܬܐ܃ ܘܥܡ ܫܝܘܠ ܥܒܕܢ ܚܙܘܐ܂ ܫܘܛܐ ܕܓܪܘܦܝܐ ܟܕ ܢܥܒܪ ܠܐ ܢܐܬܐ ܥܠܝܢ܂ ܡܛܠ ܕܣܡܢ ܒܕܓܠܘܬܐ ܬܘܟܠܢܢ܃ ܘܒܫܘܩܪܐ ܐܣܬܬܪܢ܂
28:16 [ai]ܡܛܠ ܗܢܐ ܗܟܢܐ ܐܡܿܪ ܡܪܝܐ ܐܠܗܐ/ܚܝܠܬܢܐ#3#/܂ ܗܐ ܐܢܐ ܡܬܩܢ ܐܢܐ ܒܨܗܝܘܢ ܟܐܦܐ܂ ܟܐܦܐ ܒܚܝܪܬܐ ܒܙܘܝܬܐ ܝܩܝܪܬܐ/ܢܩܝܪܬܐ#3#/܂ ܪܝܫ ܐܣܬܐ ܕܫܬܐܣܬܐ܂ ܕܡܗܝܡܢ ‍<‍ܒܗ#3#‍>‍ ܠܐ ܢܕܚܠ܂
28:17 [ai]ܘܐܣܝܡ ܕܝܢܐ ܠܡܫܘܚܬܐ ܘܙܕܝܩܘܬܐ ܠܡܬܩܠܐ܂ ܘܢܚܒܘܛ ܒܪܕܐ ܠܣܒܪܐ ܕܓܠܐ܂ ܘܠܣܬܪܐ/ܘܠܐܣܬܐ#3#/ ܡ̈ܝܐ ܢܓܪܦܘܢ܂
28:18 [ai]ܘܢܬܟܦܪ ܩܝܡܟܘܢ ܕܥܡ ܡܘܬܐ܂ ܘܚܙܘܟܘܢ ܕܥܡ ܫܝܘܠ ܠܐ ܢܩܘܡ܂ ܫܘܛܐ ܕܓܪܘܦܝܐ/ܕܓܪܘܦܐ#3#/ ܟܕ ܢܥܒܪ܂ ܬܗܘܘܢ ܠܗ ܠܕܝܫܐ܂
28:19 [ai]ܘܒܙܒܢܐ ܕܥܒܿܪ ܢܕܒܪܟܘܢ܂ ܡܛܠ ܕܒܨܦܪܐ ܒܨܦܪܐ ܢܥܒܪ ܒܐܝܡܡܐ܂ ܘܒܠܠܝܐ ܗܘܿܝܐ ܙܘܥܬܐ܂ ܒܠܚܘܕ ܐܣܬܟܠ ܫܡܘܥܐ܂
28:20 [ai]ܡܛܠ ܕܟܪܝ ܡܐܢܐ ܠܡܣܬܪܗ܂ ܘܡܫܬܝܬܐ ܩܛܢܬ ܘܠܐ ܡܡܠܝܐ/ܡܡܠܠܝܐ#2#/܂
28:21 [ai]ܡܛܠ ܕܒܛܘܪܐ ܒܬܘܪܥܬܐ ܢܩܘܡ ܡܪܝܐ܂ ܐܝܟ ܥܘܡܩܐ ܕܓܒܥܘܢ ܢܪܓܙ܂ ܠܡܥܒܕ ܥܿܒ̈ܕܘܗܝ ܢܘܟܪ̈ܝܝܢ ܥܿܒ̈ܕܘܗܝ܂ ܘܠܡܥܒܕ ܥܒܝ̈ܕܬܗ ܢܘܟܪ̈ܝܢ ܥܒܝ̈ܕܬܗ܂
28:22 [ai]ܘܗܫܐ ܠܐ ܬܡܝܩܘܢ ܕܠܐ ܢܥܫ̈ܢܢ ܡܪ̈ܕܘܬܟܘܢ܂ ܡܛܠ ܕܓܡܘܪܝܐ ܘܦܣ̈ܝܩܬܐ/ܕܦܣܝ̈ܩܬܐ#3#/ \ܫܡܿܥܬ ܡܢ /ܥܒܿܕ#1##2#/ ܡܪܝܐ ܚܝܠܬܢܐ ܥܠ ܟܠܗܿ ܐܪܥܐ܂
28:23 [ai]ܨܘܬܘ ܘܫܡܥܘ ܩܠܝ܂ ܨܘܬܘ ܘܫܡܥܘ ܡܐܡܪܝ܂
28:24 [ai]ܕܠܡܐ ܝܘܡܐ ܟܠܗ ܕܒܿܪ ܐܟܪܐ ܠܡܙܪܥ܃ ܘܙܩܿܦ ܘܫܿܦܢ ܐܪܥܗ܃
28:25 [ai]ܠܐ ܗܘܐ ܡܐ ܕܐܫܘܝ ܐ̈ܦܝܗܿ܃ ܒܿܕܪ ܫܒܘܒܢܐ/ܫܒܒܘܢܐ#3#/ ܘܟܡܘܢܐ ܙܿܪܥ܃ ܘܪܡܿܐ ܚ̈ܛܐ ܘܣܥܪ̈ܐ ܘܟܘܢ̈ܬܐ ܒܬ̈ܚܘܡܝܗܿ܃
28:26 [ai]ܢܪܕܝܘܗܝ ܒܕܝܢܐ ܕܐܠܗܐ ܘܢܫܒܚܘܢ܂
28:27 [ai]ܡܛܠ ܕܠܐ ܗܘܐ ܒܕܪܫܐ ܡܬܕܪܟ ܫܒܘܒܢܐ/ܫܒܒܘܢܐ#3#/܂ ܐܦ ܠܐ ܡܬܟܪܟ ܓܪܓܪܐ ܥܠ ܟܡܘܢܐ܂ ܡܛܘܠ ܕܒܚܘܛܪܐ ܡܬܚܒܛ ܫܒܘܒܢܐ/ܫܒܒܘܢܐ#3#/ ܘܟܡܘܢܐ ܒܙܩ̈ܬܐ܂
28:28 [ai]ܥܒܘܪܐ ܡܬܕܪܟ ܡܛܠܬܢ܂ ܡܛܠ ܕܠܐ ܗܘܐ ܠܙܟܘ ܡܕܪܟܘ ܐܕܪܟܢܝܗܝ܂ ܘܒܣܘܓܐܐ ܕܓܝ̈ܓܠܐ ܕܓܪ̈ܓܪܘܗܝ ܘܒܦܪ̈ܣܘܗܝ ܢܕܩܘܢܗ܂
28:29 [ai]ܐܦ ܗܕܐ ܡܢ ܩܕܡ ܡܪܝܐ ܚܝܠܬܢܐ ܢܦܩܬ܂ ܕܘܡܪܐ ܕܬܪܥܝܬܐ ܐܘܪܒ ܬܪܒܝܬܐ܂

next chapter