← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62012: P Is

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


34:01 [ai]ܩܪܘܒܘ ܥܡ̈ܡܐ̈ ܠܡܫܡܥ܂ ܘܨ̈ܘܬܝܢ ܐܡ̈ܘܬܐ܂܂ ܬܫܡܥ ܐܪܥܐ ܒܡܠܐܗܿ܂ ܬܒܝܠ ܘܟܠܗܘܢ ܥܡܘܪ̈ܝܗܿ܂܂
34:02 [ai]ܡܛܠ ܕܪܘܓܙܗ ܕܡܪܝܐ ܥܠ ܟܠܗܘܢ ܥܡ̈ܡܐ܂ ܘܚܡܬܗ ܥܠ ܟܠܗ ܚܝܠܗܘܢ ܕܢܚܪܘܒ ܐܢܘܢ ܘܢܫܠܡ ܐܢܘܢ ܠܩܛܠܐ܂
34:03 [ai]ܘܢܫܬܕܘܢ ܩ̈ܛܝܠܝܗܘܢ܂ ܘܢܡܚܐ ܪܝܚܐ ܕܫ̈ܠܕܝܗܘܢ܂ ܘܢܬܡܣܘܢ ܛܘܪ̈ܐ ܡܢ ܕܡܗܘܢ܂
34:04 [ai]ܘܢܬܡܣܘܢ/ܘܢܬܡܗܘܢ#3#/ ܟܠ ܚ̈ܝܠܘܬܐ ܕܫܡܝܐ܂ ܘܢܬܟܪܟܘܢ ܫܡܝܐ ܐܝܟ ܡܓܠܬܐ܂ ܘܟܠܗ ܚܝܠܗܘܢ ܢܬܪ܂ ܐܝܟ ܛܪܦܐ ܕܢܬܿܪ ܡܢ ܓܦܬܐ܃ ܘܐܝܟ ܦܩܘܥܐ ܡܢ ܬܬܐ܂
34:05 [ai]ܡܛܠ ܕܬܬܪܘܐ/ܕܬܪܘܐ#3#/ ܚܪܒܝ ܒܫܡܝܐ܂ ܗܐ ܥܠ ܐ̈ܕܘܡܝܐ ܬܚܘܬ܂ ܥܠ ܥܡܐ ܕܐܬܚܝܒ ܒܕܝܢܐ܂
34:06 [ai]ܚܪܒܗ ܕܡܪܝܐ ܡܠܝܐ ܕܡܐ܂ ܐܬܕܗܢܬ ܡܢ ܕܡܐ ܘܡܢ ܬܪܒܐ ܕܡ̈ܦܛܡܐ ܘܕ̈ܓܕܝܐ܂ ܘܬܪܒܐ ܕܟܘ̈ܠܝܬܐ ܕܕܟܪ̈ܐ܂ ܡܛܠ ܕܕܒܚܬܐ ܠܡܪܝܐ ܒܒܘܨܪ ܃ܘܩܛܠܐ ܪܒܐ ܒܐܪܥܐ ܕܐܕܘܡ܂
34:07 [ai]ܘܢܦܠܘܢ ܪ̈ܝܡܐ ܥܡܗܘܢ܂ ܘܬܘܪ̈ܐ ܥܡ ܐܪ̈ܘܢܐ܂ ܘܬܬܪܐ ܐܪܥܐ ܡܢ ܕܡܗܘܢ܂ ܘܥܦܪܐ ܡܢ ܬܪܒܗܘܢ ܢܕܗܢ܂
34:08 [ai]ܡܛܠ ܕܝܘܡܐ ܕܬܒܥܬܐ ܠܡܪܝܐ܃ ܘܫܢܬܐ ܕܦܘܪܥܢܐ/ܕܦܘܪܩܢܐ#3#/ ܠܕܝܿܢܐ ܕܨܗܝܘܢ܂
34:09 [ai]ܘܢܬܗܦܟܘܢ ܢܚ̈ܠܝܗܿ ܠܙܦܬܐ/ܠܙܒܬܐ#3#/ ܘܥܦܪܗܿ ܠܟܒܪܝܬܐ܂ ܘܬܗܘܐ ܐܪܥܗܿ ܙܦܬܐ/ܙܒܬܐ#3#/ ܕܝܿܩܕܐ܂
34:10 [ai]ܘܠܐ ܬܕܥܟ ܠܠܝܐ ܘܐܝܡܡܐ܂ ܘܠܥܠܡ ܢܣܩ ܬܢܢܗܿ܂ ܘܬܚܪܒ ܠܕܪܕܪܝܢ܂ ܘܠܥܠܡ ܥܠܡܝܢ܂ ܐܢܫ ܠܐ ܢܥܒܪ ܒܗܿ܂
34:11 [ai]ܢܐܪܬܘܢܗܿ ܩܩ̈ܐ ܘܩ̈ܘܦܕܐ܂ ܘܩ̈ܦܘܦܐ ܘܢܥܒ̈ܐ ܢܫܪܘܢ ܒܗܿ܂ ܘܢܬܡܬܚ ܥܠܝܗܿ ܚܘܛܐ ܕܚܪܒܐ܂
34:12 [ai]ܘܠܐ ܬܗܘܐ ܬܡܢ ܚܕܘܬܐ܂ ܐܦ ܠܐ ܢܩܪܘܢ ܡܠܟܘܬܐ܂ ܘܟܠܗܘܢ ܪ̈ܘܪܒܢܝܗܿ ܢܗܘܘܢ ܠܐܒܕܢܐ܂
34:13 [ai]ܘܢܐܥܘܢ ܟܘ̈ܒܐ ܒܣܚܪ̈ܬܗܿ܃ ܘܩܘܪ̈ܛܒܐ ܘܕܪ̈ܕܪܐ ܒܥܘܫܢܗܿ܂ ܘܬܗܘܐ ܕܝܪܐ ܠܝܪ̈ܘܪܐ/ܕܝܪ̈ܘܪܐ#3#/܃ ܘܒܝܬ ܪܥܝܐ ܠܒܢ̈ܬ/ܕܒ̈ܢܬ#3#/ ܢܥܡ̈ܐ܂
34:14 [ai]ܘܢܐܪܥܘܢ ܒܗܿ ܪ̈ܘܚܐ ܒ̈ܦܓܥܐ ܘܫܐܕܐ ܠܚܒܪܗ ܢܩܪܐ܂ ܬܡܢ ܐܬܬܢܝܚܬ ܠܠܝܬܐ܃ ܘܐܫܟܚܬ ܠܗܿ ܢܝܚܐ܂
34:15 [ai]ܘܬܡܢ ܐܩܢܬ ܩܘܦܕܐ ܘܐܬܢܦܨܬ ܘܚܠܕܬ ܘܒܙܥܬ ܒܛܠܠܗܿ܂ ܘܬܡܢ ܐܬܟܢܫ ܕܝ̈ܬܐ ܚܕܐ ܠܘܬ ܚܕܐ܂
34:16 [ai]ܒܥܘ ܒܟܬܒܗ ܕܡܪܝܐ ܘܩܪܘ܂ ܕܚܕܐ ܡܢܗܝܢ ܠܐ ܛܥܬ܂ ܘܚܕܐ ܠܚܕܐ ܠܐ ܒ̈ܥܝ܂ ܐܠܐ ܗܘ ܦܩܕ ܒܦܘܡܗ܃ ܘܪܘܚܗ ܟܢܫܬ ܐ̈ܢܝܢ܂
34:17 [ai]ܘܗܘ ܐܪܡܝ ܠܗܝܢ ܦܨ̈ܐ܃ ܘܐܝܕܗ ܦܠܓܬ ܠܗܝܢ ܡܘܫܚ̈ܬܐ܂ ܕܥܕܡܐ ܠܥܠܡ ܢܐܪ̈ܬܢܗܿ܃ ܘܠܕܪܕܪܝܢ ܢܫܪ̈ܝܢ ܒܗܿ܀

next chapter