The Comprehensive Aramaic Lexicon

35:01 [ai]	ܢܚܕܐ ܡܕܒܪܐ ܨܗܝܐ ܘܬܕܘܨ ܦܩܥܬܐ܂ ܘܬܦܪܥ ܐܝܟ ܚܡܨܠܝܬܐ܂
35:02 [ai]	ܘܬܕܘܨ ܐܝܟ ܕܝܨܐ܂ ܘܒܫܘܒܚܐ ܐܝܩܪܐ ܕܠܒܢܢ ܢܬܝܗܒ ܠܗܿ܂ ܘܗܕܪܗ ܕܟܪܡܠܐ ܘܕܫܪܘܢܐ܂ ܗܢܘܢ ܢܚܙܘܢ/ܢܚܘܘܢ#3#/ ܐܝܩܪܗ ܕܡܪܝܐ ܘܗܕܪܗ ܕܐܠܗܢ܂ ܙܘܗܪܐ ܘܠܘܒܒܐ ܕܡܚ̈ܝܠܐ܃ ܕܐܿܬܐ ܦܪܘܩܐ ܘܦܪܩ ܠܗܘܢ܃
35:03 [ai]	ܐܬܚ̈ܝܠܝܢ ܐ̈ܝܕܝܐ̈ ܕܡܪ̈ܦܝܢ܂ ܘܒܘܪ̈ܟܐ ܕܪ̈ܥܠܢ ܐܫܬܪ̈ܪܝܢ܂
35:04 [ai]	ܐܡܪܘ ܠܙܥܘܪ̈ܝ ܠܒܐ܃ ܐܬܚܝܠܘ ܘܠܐ ܬܕܚܠܘܢ܂ ܗܐ ܐܠܗܟܘܢ ܬܒܘܥܐ ܐܬܐ܂ ܐܠܗܐ ܦܪܘܩܐ/ܦܪܘܥܐ#3#/ ܐܿܬܐ ܘܦܪܩ ܠܟܘܢ܂
35:05 [ai]	ܗܝܕܝܢ ܢܬ̈ܦܬܚܢ ܥܝܢ̈ܝܗܘܢ ܕܥܘܝܪ̈ܐ܃ ܘܐ̈ܕܢܝܗܘܢ ܕܚܪ̈ܫܐ ܢܬܦܬ̈ܚܢ/ܢܫܡ̈ܥܢ#3#/܂
35:06 [ai]	ܗܝܕܝܢ ܢܩܝܙ ܚܓܝܪܐ ܐܝܟ ܐܝܠܐ܃ ܘܢܬܦܫܛ ܠܫܢܗ ܕܦܐܩܐ܂ ܡܛܠ ܕܐܬܬܪܥܘ ܡ̈ܝܐ ܒܡܕܒܪܐ܃ ܘܢܚ̈ܠܐ ܒܦܩܥܬܐ܃
35:07 [ai]	ܢܗܘܘܢ ܐ̈ܓܡܐ ܒܐܬܪܐ ܚܘܪܒܐ܃ ܘܡܒ̈ܘܥܐ ܕܡ̈ܝܐ ܒܝܬ ܨܗ̈ܘܢܐ܂ ܢܐܥܐ ܥܡܝܪܐ ܘܩܢܝܐ ܘܐܪܒܢܐ/ܘܪܒܐ#3#/ ܒܕܝܪܐ ܕܝܪ̈ܘܪܐ܂
35:08 [ai]	ܘܢܗܘܐ ܬܡܢ ܫܒܝܠܐ܃ ܘܐܘܪܚܐ ܩܕܝܫܬܐ ܢܬܩܪܐ܂ ܘܠܐ ܬܥܒܪ ܒܗ ܛܢܦܘܬܐ܂ ܘܠܐ ܬܗܘܐ ܒܗ ܐܘܪܚܐ ‍<‍ܒܝܫܬܐ#3#‍>‍܂ ܘܣܟ̈ܠܐ ܠܐ ܢܛܥܘܢ ܬܡܢ܂
35:09 [ai]	ܘܠܐ ܢܗܘܐ ܬܡܢ ܐܪܝܐ܂ ܘܚ̈ܝܘܬܐ ܒܝܫ̈ܬܐ ܠܐ ܢܣ̈ܩܢ ܘܠܐ ܢܫܬ̈ܟܚܢ ܬܡܢ܂ ܘܢܐܙܠܘܢ ܦܪ̈ܝܩܐ
35:10 [ai]	ܦܪ̈ܝܩܘܗܝ ܕܡܪܝܐ܃ ܘܢܬܦܢܘܢ ܘܢܥܠܘܢ ܠܨܗܝܘܢ ܒܫܘܒܚܐ܂ ܘܠܥܠܡܝܢ ܬܗܘܐ ܚܕܘܬܐ ܥܠ ܪ̈ܝܫܝܗܘܢ܂ ܒܘܣܡܐ ܘܚܕܘܬܐ ܢܕܪܟܘܢ܂ ܘܢܥܪܩܘܢ ܕܘ̈ܘܢܐ ܘܬܐ̈ܢܚܬܐ܀܀܂

next chapter