← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62012: P Is

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


42:01 [ai]ܗܐ ܠܥܒܕܝ ܣܡܟܿܬ܂ ܘܒܓܒܝܝ ܨܒܬ ܢܦܫܝ܂ ܝܗܒܿܬ ܪܘܚܝ ܥܠܘܗܝ܂ ܕܢܦܩ ܕܝܢܐ ܠܥܡ̈ܡܐ܂
42:02 [ai]ܠܐ ܢܩܥܐ ܘܠܐ ܢܪܝܒ܂ ܘܠܐ ܢܫܡܥ ܩܠܗ ܒܫܘܩܐ܂
42:03 [ai]ܩܢܝܐ ܪܥܝܥܐ ܠܐ ܢܬܒܪ/ܢܬܬܒܪ#1##2#/܂ ܘܫܪܓܐ ܕܡܛܦܛܦ ܠܐ ܢܕܥܟ܂ ܒܩܘܫܬܐ ܢܦܩ ܕܝܢܐ܂
42:04 [ai]ܠܐ ܢܕܥܟ ܘܠܐ ܢܛܦܛܦ܂ ܥܕܡܐ ܕܢܣܝܡ ܕܝܢܐ ܒܐܪܥܐ܃ ܘܠܢܡܘܣܗ ܓܙܪ̈ܬܐ ܢܣ̈ܟܝܢ܂
42:05 [ai]ܗܟܢܐ ܐܡܿܪ ܡܪܝܐ ܐܠܗܐ܃ ܕܒܪܐ ܫܡܝܐ ܘܡܬܚ ܐܢܘܢ܃ ܘܪܩܥ ܐܪܥܐ ܘܟܠ ܕܒܗܿ܂ ܘܝܗܒ ܢܫܡܬܐ ܠܥܡܐ ܕܥܠܝܗܿ܂ ܘܪܘܚܐ ܠܕܡܗܠܟܝܢ ܒܗܿ܂
42:06 [ai]ܐܢܐ ܡܪܝܐ ܩܿܪܝܬܟ ܒܙܕܝܩܘܬܐ܂ ܘܐܚܿܕܬ ܒܐܝܕܟ ܘܚܝܿܠܬܟ܂ ܘܝܗܿܒܬܟ ܩܝܡܐ ܠܥܡܐ ܘܢܘܗܪܐ ܠܥܡ̈ܡܐ܂
42:07 [ai]ܕܬܦܬܚ ܥܝ̈ܢܐ ܕܥܘܝܪ̈ܐ܂ ܘܬܦܩ ܠܐܣܝܪܐ ܡܢ ‍<‍ܒܝܬ#3#‍>‍ ܚܒܘܫܝܐ܃ ܘܡܢ ܒܝܬ ܐܣܝܪ̈ܐ ܠܕܝܿܬܒܝܢ ܒܚܫܘܟܐ܂
42:08 [ai]ܐܢܐ ܐܢܐ ܡܪܝܐ ܘܗܢܘ ܫܡܝ܂ ܘܐܝܩܪܝ ܠܐܚܪܝܢ ܠܐ ܐܬܠ܂ ܐܦ ܠܐ ܬܫܒܘܚܬܝ ܠܓܠܝ̈ܦܐ܂
42:09 [ai]ܚ̈ܕܬܬܐ ܐܢܐ ܡܚܘܐ܂ ܘܩܕܡܝ̈ܬܐ ܗܐ ܐ̈ܬܝ܂ ܘܥܕ ܠܐ ܢܨܡܚ̈ܢ ܐܫܿܡܥܬ ܐ̈ܢܝܢ ܠܟܘܢ܂
42:10 [ai]ܬܫܒܘܚܬܐ ܕܐܫܥܝܐ܂ ܫܒܚܘ ܠܡܪܝܐ ܬܫܒܘܚܬܐ ܚܕܬܐ܂ ܬܫܒܘܚܬܗ ܡܢ ܣܘ̈ܦܝܗܿ ܕܐܪܥܐ܂ ܢܿܚ̈ܬܝ ܝܡܐ ܒܡܠܐܗ܃ ܘܓܙܪ̈ܬܐ ܘܕܥܡܿܪܝܢ ܒܗܝܢ܂
42:11 [ai]ܢܚܕܐ ܡܕܒܪܐ ܘܩܘܪ̈ܝܗܿ܂ ܘܡܪ̈ܓܐ ܬܗܘܐ ܩܕܪ܂ ܘܢܫܒܚܘܢ ܝܿܬ̈ܒܝ ܫܩܝ̈ܦܐ܂ ܘܡܢ ܪܝܫܐ ܕܛܘܪ̈ܐ ܢܩܥܘܢ܂
42:12 [ai]ܘܢܬܠܘܢ ܬܫܒܘܚܬܐ ܠܡܪܝܐ܂ ܘܬܫܒܚ̈ܬܗ ܢܚܘܘܢ ܒܓܙܪ̈ܬܐ܂
42:13 [ai]ܡܪܝܐ ܐܝܟ ܓܢܒܪܐ ܢܦܘܩ܂ ܘܐܝܟ ܓܒܪܐ ܩܪܒܬܢܐ ܢܓܪܓ ܛܢܢܐ܂ ܢܩܥܐ ܘܢܬܓܢܒܪ/ܘܢܬܓܒܪ#3#/ ܘܢܩܛܘܠ ܠܒ̈ܥܠܕܒܒܘܗܝ܀
42:14 [ai]ܫܬܩܿܬ ܡܢ ܥܠܡ ‍<‍ܠܐ#3#‍>‍ ܐܫܬܘܩ܃ ܣܝܿܒܪܬ ܐܝܟ ܝܠܕܬܐ܂ ܐܬܡܗ ܘܐܬܘܪ ܐܟܚܕܐ܂
42:15 [ai]ܐܚܪܒ ܛܘܪ̈ܐ ܘܪ̈ܡܬܐ ܘܟܠܗ ܥܘܫܢܗܘܢ ܐܘܒܫ܂ ܐܥܒܕ ܢܗܪ̈ܘܬܐ ܠܓܙܪ̈ܬܐ܂ ܘܐ̈ܓܡܐ ܐܘܒܫ܂
42:16 [ai]ܐܕܒܪ ܥܘܝܪ̈ܐ ܒܐܘܪܚܐ ܕܠܐ ܝܕܥܿܝܢ ‍<‍ܗܘܘ#3#‍>‍܂ ܘܒܫܒܝ̈ܠܐ ܕܠܐ ܝܕܥܿܝܢ ܗܘܘ ܐܗܠܟ ܐܢܘܢ܂ ܐܥܒܕ ܚܫܘܟܐ ܩܕܡܝܗܘܢ ܢܘܗܪܐ܂ ܘܥܪܡܐ ܐܫܦܐ܂ ܗܠܝܢ ܦܬܓܡ̈ܐ ܥܒܿܕܬ ܐܢܘܢ ܘܠܐ ܫܒܿܩܬ ܐܢܘܢ܂
42:17 [ai]ܢܗܦܟܘܢ ܠܒܣܬܪܗܘܢ ܘܢܒܗܬܘܢ ܒܒܗܬܬܐ/ܒܗܬܬܐ#3#/܃ ܐܝܠܝܢ ܕܬܟܝܠܝܢ ܥܠ ܓܠܝ̈ܦܐ܃ ܘܐܡܿܪܝܢ ܠܢܣ̈ܝܟܐ ܕܐܢܬܘܢ ܐܢܘܢ ܐ̈ܠܗܝܢ܃
42:18 [ai]ܚܪ̈ܫܐ ܫܡܥܘ܂ ܘܥܘܝܪ̈ܐ ܐܣܬܟܠܘ ܘܚܙܘ܂
42:19 [ai]ܡܢܘ ܥܘܝܪܐ ܐܠܐ/ܐܝܟ#3#/ ܥܒܕܝ܃ ܘܚܪܫܐ ܐܝܟ ܡܠܐܟܝ ܕܐܫܕܪ܂ ܡܢܘ ܥܘܝܪܐ ܐܝܟ ܫܠܝܛܐ܃ ܘܥܘܝܪܐ ܐܝܟ ܥܒܕܗ ܕܡܪܝܐ܂
42:20 [ai]ܚܿܪܬ ܣܓܝ ܘܠܐ ܢܿܛܪܝܢ ܐܢܬܘܢ܂ ܘܦܬܚܿܬ ܐ̈ܕܢܐ ܘܠܐ ܫܡܿܥܝܢ ܐܢܬܘܢ܂
42:21 [ai]ܡܪܝܐ ܨܒܐ ܡܛܠ ܙܕܝܩܘܬܗ܃ ܕܢܘܪܒ ܢܡܘܣܐ ܘܢܫܒܚܝܘܗܝ܂
42:22 [ai]ܘܗܘ ܥܡܐ ܒܙܝܙܐ ܘܕܝܫܐ܂ ܦܚ̈ܐ ܐܢܘܢ ܟܠܗܘܢ ܓܕܘ̈ܕܐ܂ ܘܒܒܬ̈ܐ ܐܣܝܪ̈ܐ ܛܫܝܘ܂ ܗܘܘ ܠܒܙܬܐ ܘܠܝܬ ܕܡܦܨܐ܂ ܘܠܕܝܫܐ ܘܠܝܬ ܕܡܦܢܐ܂
42:23 [ai]ܡܢܘ ܐܝܬ ܒܟܘܢ ܕܢܫܡܥ ܗܕܐ܃ ܘܢܨܘܬ ܘܢܫܡܥ ܠܐܚܪܬܐ/ܠܐܚܪܝܬܐ#3#/܂
42:24 [ai]ܡܢܘ ܝܗܒ ܠܝܥܩܘܒ ܠܕܝܫܐ/ܠܒܙܙܐ#3#/ ܘܠܐܝܣܪܐܝܠ ܠܒܙܙܐ/ܠܕܝܫܐ#3#/ܠܒܙܬܐ#3#/܂ ܠܐ ܗܘܐ ܡܪܝܐ܃ ܥܠ ܕܚܛܝܢ ܠܗ܃ ܘܠܐ ܨܒܝܢ ܠܡܗܠܟܘ ܒܐܘܪ̈ܚܬܗ܂ ܘܠܐ ܫܡܥܢ ܢܡܘܣܗ/ܐܘܪ̈ܚܬܗ ܘܢܡܘܣܗ#3#/܂
42:25 [ai]ܐܫܕ ܥܠܝܗܘܢ ܚܡܬܐ ܕܪܘܓܙܗ ܘܥܘܫܢܐ ܕܩܪܒܐ܂ ܐܘܩܕ ܐܢܘܢ ܡܢ ܚܕܪ̈ܝܗܘܢ ܘܠܐ ܝܕܥܘ܂ ܘܚܒܬ ܒܗܘܢ ܢܘܪܐ ܘܠܐ ܐܝܬܝܘ ܥܠ ܒܠܗܘܢ܀

next chapter