The Comprehensive Aramaic Lexicon

46:01 [ai]	ܢܦܠ ܒܝܠ ܘܐܣܬܚܦ ܢܒܘ܂ ܘܗܘܘ ܦܬܟܪ̈ܝܗܘܢ ܓܠܝ̈ܦܐ/ܕܓܠܝ̈ܦܐ#3#/ ܛܥ̈ܢܐ ܥܕܝ̈ܕܐ܃ ܠܚܝܘܬܐ ܘܠܒܥܝܪܐ ܟܦܢܬܐ܂
46:02 [ai]	ܐܣܬܚܦܘ ܘܢܦܠܘ ܐܟܚܕܐ/ܟܠܗܘܢ#3#/܂ ܘܠܐ ܐܫܟܚܘ ܠܡܫܘܙܒܘ ܛܥܘ̈ܢܝܗܘܢ/ܛܥܢܝ̈ܗܘܢ#3#/܂ ܘܐܙܠ ܒܫܒܝܐ ܢܦܫ̈ܬܗܘܢ܀܀
46:03 [ai]	ܫܘܡܥܘܢܝ ܕܒܝܬ ܝܥܩܘܒ̈ ܘܟܠܗ ܫܪܟܗ/ܙܪܥܗ#3#/ ܕܐܝܣܪܝܠ܂ ܕܡܫܬܩܠܝܢ ܒܟܪܣܐ ܘܡܫܬܩܠܝܢ ܒܡܪܒܥܐ܂
46:04 [ai]	ܥܕܡܐ ܠܣܝܒܘܬܐ ܐܢܐ ܗܘ ܘܥܕܡܐ ܠܩܫܝܫܘܬܐ ܐܢܐ ܐܣܒܘܠ܂ ܐܢܐ ܥܒܿܕܬ ܘܐܢܐ ܐܫܩܘܠ܂ ܘܐܢܐ ܐܣܒܘܠ ܘܐܦܨܐ܂
46:05 [ai]	ܠܡܿܢ ܕܡܝܬܘܢܢܝ ܘܦܚܡܬܘܢܢܝ܂
46:06 [ai]	ܠܕܛܥܿܝܢ ܘܡܦܩܝܢ ܕܗܒܐ ܡܢ ܟܝܣ̈ܝܗܘܢ܂ ܘܣܐܡܐ ܒܡܣܐܬܐ/ܒܡܐܣܬܐ#1##2#/ ܬܩܿܠܝܢ܃ ܘܐܓܿܪܝܢ ܩܝܢܝܐ ܘܥܒܿܕܝܢ ܐܠܗܐ܂ ܘܣܿܓܕܝܢ ܠܗ ܐܦ ܡܨܠܝܢ ܠܗ܂
46:07 [ai]	ܘܫܩܿܠܝܢ ܠܗ ܥܠ ܟܬ̈ܦܬܗܘܢ ܘܡܗܠܟܝܢ ܠܗ ܘܣܝܿܡܝܢ ܠܗ ܥܠ ܕܘܟܬܗ܂ ܘܠܐ ܡܫܟܚ ܠܡܩܡ ܡܢ ܕܘܟܬܗ܂ ܘܐܦ ܡܨܠܝܢ ܠܗ܂ ܘܠܐ ܥܿܢܐ ܠܗܘܢ܂ ܘܠܐ ܦܪܩ ܠܗܘܢ ܡܢ ܐܘܠܨܢܝ̈ܗܘܢ܀
46:08 [ai]	ܐܬܕܟܪܘ ܗܠܝܢ ܘܐܬܒܝܢܘ܂ ܘܐܝܬܘ ܥܿܘ̈ܠܐ̈ ܥܠ ܠܒܟܘܢ܂
46:09 [ai]	ܐܬܕܟܪܘ ܩܕܡܝ̈ܬܐ ܕܡܢ ܥܠܡ܂ ܕܐܢܐ ܐܢܐ ܐܠܗܐ ܘܠܝܬ ܬܘܒ ܐܠܗ܂ ܘܠܝܬ ܐܟܘܬܝ܃
46:10 [ai]	ܡܚܘܐ ܐܢܐ ܡܢ ܪܫܝܬܐ ܐܚܪ̈ܝܬܐ܂ ܘܡܢ ܩܕܝܡ ܐܝܠܝܢ ܕܠܐ ܐܬܥܒܕ/ܐܬܥܒܪ#2#/ ܐܡܿܪ ܐܢܐ܂ ܬܪܥܝܬܝ ܡܩܝܡ ܐܢܐ܂ ܘܟܠܗ ܨܒܝܢܝ ܥܒܿܕ ܐܢܐ܂
46:11 [ai]	ܩܿܪܐ ܐܢܐ ܡܢ ܡܕܢܚܐ ܛܝܪܐ܃ ܘܡܢ ܐܪܥܐ ܪܚܝܩܬܐ ܓܒܪܐ ܕܬܪܥܝܬܝ܂ ܐܢܐ ܡܡܠܠ ܐܢܐ ܘܐܦ ܡܿܝܬܐ ܐܢܐ܂ ܓܒܿܠܬ ܘܐܦ ܥܒܿܕ ܐܢܐ܀
46:12 [ai]	ܫܘܡܥܘܢܝ ܥܫܝܢ̈ܝ ܠܒܐ̈ ܪ̈ܚܝܩܝ ܡܢ ܙܕܝܩܘܬܐ܂܂
46:13 [ai]	ܩܪܒܬ ܙܕܝܩܘܬܝ ܠܡܐܬܐ ܘܦܘܪܩܢܝ ܠܐ ܢܘܚܪ܂ ܘܐܬܠ ܒܨܗܝܘܢ ܦܘܪܩܢܐ܃ ܘܠܐܝܣܪܝܠ ܬܫܒܘܚܬܝ܂

next chapter