The Comprehensive Aramaic Lexicon

50:01 [ai]	ܗܟܢܐ ܐܡܿܪ ܡܪܝܐ܂ ܐܝܢܘ ܟܬܒܐ ܕܫܘܒܩܢܐ ܕܫܒܿܩܬ ܠܐܡܟܘܢ܂ ܐܘ ܡܢܘ ܡܪܐ ܚܘܒܬܝ ܕܙܒܢܿܬܟܘܢ ܠܗ܂ ܗܐ ܒܚ̈ܛܗܝܟܘܢ ܐܙܕܒܢܬܘܢ܂ ܘܒܥܘܠܟܘܢ ܐܫܬܒܩܬ ܐܡܟܘܢ܂
50:02 [ai]	ܠܡܢܐ ܐܿܬܝܬ ܘܠܝܬ ܐܢܫ܂ ܘܩܿܪܝܬ ܘܠܝܬ ܕܥܿܢܐ܂ ܚܨܕܐ ܚܨܕܬ ܐܝܕܝ ܘܦܕܬ܃ ܐܘ ܠܝܬ ܒܝ ܚܝܠܐ ܠܡܦܨܝܘ܂ ܗܐ ܒܟܐܬܝ ܡܚܪܒ ܐܢܐ ܝܡܐ܂ ܘܥܒܿܕ ܐܢܐ ܢܗܪ̈ܘܬܐ ܐܝܟ ܡܕܒܪܐ܂ ܘܣܿܪܝܢ ܢܘ̈ܢܝܗܘܢ ܡܢ ܒܠܝ ܡ̈ܝܐ ܘܡܿܝܬܝܢ܂
50:03 [ai]	ܘܡܠܒܫ ܐܢܐ ܠܫܡܝܐ ܚܫܘܟܐ܃ ܘܣܩܐ ܥܒܿܕ ܐܢܐ ܬܟܣܝܬܗܘܢ܀܀
50:04 [ai]	ܡܪܝܐ ܐܠܗܐ ܝܗܒ ܠܝ ܠܫܢܐ ܕܝܘܠܦܢܐ܃ ܕܐܘܕܥ ܘܐܚܘܐ ܠܡܛܪ̈ܦܐ ܡܠܬܐ܂ ܐܥܝܪ ܒܨܦܪܐ܂ ܒܨܦܪܐ ܢܥܒܕ ܠܝ ܐ̈ܕܢܐ ܠܡܫܡܥ ܝܘܠܦܢܐ܂
50:05 [ai]	ܡܪܝܐ ܐܠܗܐ ܦܬܚ ܠܝ ܐ̈ܕܢܐ܂ ܘܐܢܐ ܠܐ ܗܦܿܟܬ ܠܒܣܬܪܝ܂ ܐܦ ܠܐ ܩܡܿܬ ܒܚܪܝܢܐ܂
50:06 [ai]	ܓܘܫܡܝ ܝܗܿܒܬ ܠܡܚ̈ܘܬܐ ܘܦܟ̈ܝ ܠܫܘܩܦܐ܂ ܘܐ̈ܦܝ ܠܐ ܐܦܢܝܿܬ/ܐܗܦܟܬ#3#/ ܡܢ ܒܗܬܬܐ ܘܡܢ ܪܘܩܐ܂
50:07 [ai]	ܘܡܪܝܐ ܐܠܗܐ ܥܕܪܢܝ܂ ܡܛܠ ܗܢܐ ܠܐ ܒܗܿܬܬ܂ ܡܛܠ ܗܢܐ ܥܒܿܕܬ ܐ̈ܦܝ ܐܝܟ ܟܐܦܐ܂ ܘܝܕܥܿܬ ܕܠܐ ܒܗܿܬ ܐܢܐ܃
50:08 [ai]	ܕܩܪܝܒ ܗܘ ܡܙܕܩܢܝ ‍<‍ܗܐ ܡܪܝܐ ܐܠܗܐ ܡܙܕܩ ܠܝ ܡܢܘ ܡܚܝܒ ܠܝ#3#‍>‍ ܡܢܘ ܕܐܿܢ/ܕܕܐܿܢ#3#/ ܥܡܝ ܢܩܘܡ ܐܟܚܕܐ܂ ܐܘ ܡܢܘ ܒܥܠ ܕܝܢܝ ܢܬܩܪܒ/ܕܢܬܩܪܒ#3#/ ܠܘܬܝ/ܐܟܚܕܐ#3#/܂
50:09 [ai]	ܗܐ ܡܪܝܐ ܐܠܗܐ ܡܥܕܪ ܠܝ ܡܢܘ ܡܚܝܒ ܠܝ܂ ܗܐ ܟܠܗܘܢ ܐܝܟ ܠܒܘܫܐ ܒܿܠܝܢ܂ ܘܣܣܐ ܢܐܟܘܠ ܐܢܘܢ܂
50:10 [ai]	ܡܢܘ ‍<‍ܐܝܬ#3#‍>‍ ܒܟܘܢ ܕܕܚܿܠ ܡܢ ܡܪܝܐ܃ ܢܫܡܥ ܒܩܠܐ ܕܥܒܕܗ ܕܡܗܠܟ ܒܚܫܘܟܐ ܘܠܝܬ ܠܗ/ܒܗ#3#/ ܢܘܗܪܐ܃ ܢܣܒܪ ܒܫܡܗ ܕܡܪܝܐ ܘܢܬܦܪܩ ܒܐܠܗܗ܂
50:11 [ai]	ܗܐ ܟܠܟܘܢ ܫܿܒ̈ܩܝ ܢܘܪܐ ܐܢܬܘܢ܂ ܘܡܓܘܙ̈ܠܝ ܫܠܗܒܝܬܐ/ܒܫܠܗܒܝܬܐ#3#/܂ ܙܠܘ ܒܙܗܪܐ ܕܢܘܪܟܘܢ ܘܒܫܠܗܒܝܬܐ ܕܓܘܙܠܬܟܘܢ܂ ܡܢ ܐ̈ܝܕܝ ܗܘܬܟܘܢ ܗܕܐ ܕܒܟܪܝܘܬܐ ܬܕܡܟܘܢ܀܂

next chapter