← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62012: P Is

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


51:01 [ai]ܫܘܡܥܘܢܝ ܕܪܗܿܛܝܢ ܒܙܕܝܩܘܬܐ̈ ܘܒܥܿܝܢ ‍<‍ܢܦܫܗܘܢ#3#‍>‍ ܠܡܪܝܐ܂ ܚܘܪܘ ܠܛܘܪܐ ܕܐܬܓܙܪܬܘܢ ܡܢܗ܃ ܘܠܓܘܒܐ ܕܐܬܢܩܪܬܘܢ ܡܢܗ܂
51:02 [ai]ܚܘܪܘ ܠܐܒܪܗܡ ܐܒܘܟܘܢ܃ ܘܠܣܪܐ ܕܒܛܢܬܟܘܢ܂ ܕܚܕ ܗܘܐ ܘܩܪܝܿܬܗ ܘܒܪܟܿܬܗ ܘܐܣܓܝܿܬܗ܂
51:03 [ai]ܡܛܠ ܕܒܿܢܐ/ܕܒܝܐ#3#/ ܡܪܝܐ ܠܨܗܝܘܢ܂ ܘܡܒܢܐ/ܘܡܒܝܐ#3#/ ܠܟܠܗܝܢ ܚܪ̈ܒܬܗܿ܂ ܘܥܒܿܕ ܡܕܒܪܗܿ/ܣܒܪܗܿ#3#/ ܐܝܟ ܥܕܢ܂ ܘܦܩܥܬܗܿ ܐܝܟ ܦܪܕܝܣܗ ܕܡܪܝܐ/ܕܐܠܗܐ#3#/܂ ܕܝܨܐ ܘܚܕܘܬܐ ܢܫܬܡܥ ܒܓܘܗܿ/ܒܩܠܗܿ#3#/܂ ܬܘܕܝܬܐ ܘܩܠܐ ܕܙܡܪܐ܂
51:04 [ai]ܫܘܡܥܘܢܝ ܥ̈ܡܡܐ̈ ܘܨܘ̈ܬܢܢܝ ܐܡ̈ܘܬܐ܂܂ ܡܛܘܠ ܕܢܡܘܣܐ ܡܢ ܩܕܡܝ ܢܿܦܩ܂ ܘܕܝܢܝ ܢܘܗܪܐ ܗܘ ܠܥܡ̈ܡܐ܂
51:05 [ai]ܩܪܒܬ ܙܕܝܩܘܬܝ ܘܢܦܩ ܦܘܪܩܢܝ܂ ܘܒܕܪܥܝ ܥܡ̈ܡܐ ܢܬܕܝܢܘܢ܂ ܠܝ ܢܣ̈ܟܝܢ ܓܙܪ̈ܬܐ ܘܠܕܪܥܝ ܢܣܒܪ̈ܢ܂
51:06 [ai]ܐܪܝܡܘ ܥܝܢ̈ܝܟܘܢ ܠܫܡܝܐ܃ ܘܚܘܪܘ ܐܦ ܠܬܚܬ ܒܐܪܥܐ܂ ܡܛܠ ܕܫܡܝܐ ܐܝܟ ܬܢܢܐ ܢܥܒܪܘܢ܂ ܘܐܪܥܐ ܐܝܟ ܠܒܘܫܐ ܬܒܠܐ܂ ܘܥܡܘܪ̈ܝܗܿ ܐܟܘܬܗܿ ܢܗܘܘܢ܂ ܘܦܘܪܩܢܝ ܠܥܠܡ ܢܗܘܐ܃ ܘܙܕܝܩܘܬܝ ܠܐ ܬܥܒܪ܂
51:07 [ai]ܫܘܡܥܘܢܝ ܝܿܕ̈ܥܝ ܙܕܝܩܘܬܐ܂܂ ܥܡܐ ܕܢܡܘܣܝ ܒܠܒܗܘܢ܂ ܠܐ ܬܕܚܠܘܢ ܡܢ ܚܣܕܐ ܕܐܢܫܐ܂ ܘܡܢ ܓܘܕܦܗܘܢ ܠܐ ܬܙܘܥܘܢ܂
51:08 [ai]ܡܛܠ ܕܐܝܟ ܕܠܥܡܪܐ ܘܐܝܟ ܕܠܠܒܘܫܐ ܢܐܟܘܠ ܐܢܘܢ ܣܣܐ܂ ܘܙܕܝܩܘܬܝ ܠܥܠܡ ܬܗܘܐ܃ ܘܦܘܪܩܢܝ ܠܕܪܕܪܝܢ܂
51:09 [ai]ܐܬܬܥܝܪܝ ܐܬܬܥܝܪܝ ܘܠܒܫܝ ܥܘܫܢܐ ܕܕܪܥܗ/ܕܪܥܗ#3#/ ܕܡܪܝܐ܂ ܐܬܬܥܝܪܝ ܐܝܟ ܕܒܝܘܡ̈ܬܐ ܩܕܡ̈ܝܐ܂ ܘܐܝܟ ܕܪ̈ܐ ܕܡܢ ܥܠܡܝܢ܂ ܐܢܬܝ ܐܢܬܝ ܕܦܣܩܬܝ ܦܣܩܐ ܪܒܐ ܘܒܛܠܬܝ/ܘܩܛܠܬܝ#3#/ ܠܬܢܝܢܐ܂
51:10 [ai]ܐܢܬܝ ܗܝ ܕܐܚܪܒܬܝ ܝܡܐ܃ ܘܡ̈ܝܐ ܕܬܗܘܡܐ ܪܒܐ܂ ܘܒܥܘܡܩܐ ܕܡ̈ܝܐ ܥܒܕܬܝ ܐܘܪܚܐ܂ ܕܢܥܒܪܘܢ/ܘܢܥܒܪܘܢ#3#/ ܦܪ̈ܝܩܐ
51:11 [ai]ܦܪ̈ܝܩܘܗܝ ܕܡܪܝܐ܃ ܘܢܬܦܢܘܢ/ܢܗܦܟܘܢ#3#/ ܘܢܥܠܘܢ ܠܨܗܝܘܢ ܒܫܘܒܚܐ܂ ܘܠܥܠܡܝܢ ܬܗܘܐ ܚܕܘܬܐ ܥܠ ܪ̈ܫܝܗܘܢ܂ ܒܘܣܡܐ ܘܚܕܘܬܐ ܢܕܪܟܘܢ܃ ܘܢܥܪܩܘܢ ܕܘܘ̈ܢܐ ܘܬܐ̈ܢܚܬܐ܀܀
51:12 [ai]ܐܢܐ ܐܢܐ ܡܒܝܐܢܟܘܢ ܐܡܿܪ ܡܪܝܐ܂ ܡܿܢ ܐܢܬܝ ܕܕܚܠܬܝ ܡܢ ܐܢܫܐ ܕܡܐܿܬ܂ ܘܡܢ ܒܪ ܐܢܫܐ ܕܐܝܟ ܥܡܝܪܐ ܝܒܿܫ܃
51:13 [ai]ܘܛܥܝܬܝ ܠܡܪܝܐ ܕܥܒܕܟܝ܃ ܕܡܬܚ ܫܡܝܐ ܘܐܬܩܢ ܫܬܐ̈ܣܝܗܿ ܕܐܪܥܐ܂ ܘܕܚܠܬܝ ܐܡܝܢܐܝܬ ܟܠ ܝܘܡ ܡܢ ܩܕܡ ܚܡܬܗ ܕܐܠܘܨܐ܃ ܕܡܛܝܒ ܗܘܐ ܠܡܚܒܠܘ܂ ܐܝܟܐ ܗܝ ܚܡܬܗ ܕܐܠܘܨܐ܃
51:14 [ai]ܕܡܣܪܗܒ ܗܘܐ ܥܫ̈ܝܢܐ ܠܡܚܒܠܘ܂ ܠܐ ܢܡܘܬܘܢ ܠܚܒܠܐ܂ ܘܠܐ ܢܚܣܪ ܠܚܡܗ܂
51:15 [ai]ܐܢܐ ܐܢܐ ܡܪܝܐ ܐܠܗܟܝ܃ ܕܟܐܿܐ ܒܝܡܐ ܘܫܿܠܝܢ ܓ̈ܠܠܘܗܝ܂ ܡܪܝܐ ܚܝܠܬܢܐ ܫܡܗ܂
51:16 [ai]ܕܣܿܡܬ ܡ̈ܠܝ ܒܦܘܡܟܝ܃ ܘܒܛܠܠܐ ܕܐ̈ܝܕܝ ܟܣܝܿܬܟܝ܂ ܒܗܿܝ ܕܡܬܿܚܬ ܫܡܝܐ ܘܐܬܩܢܿܬ ܫܬ̈ܐܣܝܗܿ ܕܐܪܥܐ܂ ܘܐܡܿܪܬ ܠܨܗܝܘܢ ܕܥܡܝ ܐܢܬܝ܀
51:17 [ai]ܐܬܬܥܝܪܝ ܐܬܬܥܝܪܝ ܘܩܘܡܝ ܐܘܪܫܠܡ܂܂ ܕܐܫܬܝܬܝ ܡܢ ܐܝܕܗ ܕܡܪܝܐ ܟܣܐ ܕܪܘܓܙܗ܂ ܘܐܫܬܝܬܝ ܘܐܡܨܝܬܝ ܟܣܐ ܕܪܥܠܐ܂
51:18 [ai]ܘܠܝܬ ܕܡܒܝܐ ܠܗܿ ܡܢ ܟܠܗܘܢ ܒ̈ܢܝܐ ܕܝܠܕܬ܂ ܘܠܝܬ ܕܐܚܿܕ ܒܐܝܕܗܿ ‍<‍ܘܡܩܝܡ ܠܗܿ#3#‍>‍ ܡܢ ܟܘܠܗܘܢ ܒܢ̈ܝܐ ܕܪܒܝܬ܂
51:19 [ai]ܬܪ̈ܬܝܢ ܐ̈ܢܝܢ ܡܛܝܟܝ܂ ܠܡܿܢ ܬܟܪܐ ܥܠܝܟܝ܂ ܒܙܬܐ ܘܬܒܪܐ ܘܟܦܢܐ ܘܚܪܒܐ/ܕܚܪܒܐ#3#/ ܡܿܢ ܢܒܝܐܟܝ܂
51:20 [ai]ܒܢ̈ܝܟܝ ܬܘܝܪܝܢ ܘܕܡܿܟܝܢ܂ ܒܪܝܫ ܟܘܠܗܘܢ ܫܘܩ̈ܐ܃ ܐܝܟ ܣܠܩܐ ܕܟܡܝܪ/ܕܟܡܝܕ#1##2#/܂ ܘܡܠܝܢ ܪܘܓܙܗ ܕܡܪܝܐ ܘܟܐܬܗ ܕܐܠܗܟܝ܀
51:21 [ai]ܡܛܠ ܗܢܐ ܫܡܥܝ ܗܠܝܢ ܡܡܟܟܬܐ/ܡܡܟܪܬܐ#3#/܂܂ ܕܪܘܝܐ ܠܐ ܡܢ ܚܡܪܐ܂
51:22 [ai]ܗܟܢܐ ܐܡܿܪ ܡܪܟܝ ܡܪܝܐ܂ ܘܐܠܗܟܝ ܢܕܘܢ ܠܥܡܗ܂ ܗܐ ܢܣܿܒܬ ܡܢ ܐܝ̈ܕܝܟܝ ܟܣܐ ܕܪܥܠܐ܂ ܘܟܣܐ ܕܪܘܓܙܝ ܠܐ ܬܘܣܦܝܢ ܬܘܒ ܠܡܫܬܝܗ܂
51:23 [ai]ܘܐܣܝܡܝܘܗܝ ܒܝܕ ܡܡܟܟܢ̈ܝܟܝ܂ ܕܐܡܪܘ ܠܢܦܫܟܝ܂ ܐܬܡܟܟܝ ܘܢܥܒܪ/ܘܢܥܒܕ#3#/܂ ܘܥܒܕܬܝ ܠܥܡܟܝ ܐܝܟ ܐܪܥܐ܃ ܘܐܝܟ ܫܘܩܐ ܠܕܥܒܿܪܝܢ܀

next chapter