The Comprehensive Aramaic Lexicon

53:01 [ai]	ܡܿܢ ܗܝܡܢ ܠܫܡܥܢ܂ ܘܕܪܥܗ ܕܡܪܝܐ ܠܡܿܢ/ܥܠ ܡܢ#3#/ ܐܬܓܠܝ܂
53:02 [ai]	ܣܠܩ ܐܝܟ ܝܠܘܕܐ ܩܕܡܘܗܝ܂ ܘܐܝܟ ܥܩܪܐ ܡܢ ܐܪܥܐ ܨܗܝܬܐ܂ ܠܝܬ ܗܘܐ ܠܗ ܚܙܘܐ ܘܠܐ ܙܝܘܐ܂ ܘܚܙܝܢܝܗܝ ܕܠܝܬ ܗܘܐ ܠܗ ܚܙܘܐ/ܙܝܘܐ#3#/ ܘܕܓܠܢܝܗܝ܂
53:03 [ai]	ܫܝܛܐ ܘܡܟܝܟܐ ܕܐܢܫܐ܂ ܓܒܪܐ ܗܘ ܕܟܐ̈ܒܐ ܘܝܿܕܥ ܚܫ̈ܐ܂ ܐܦܢܝܢ ܐ̈ܦܝܢ ܡܢܗ܃ ܘܫܛܢܝܗܝ ܘܠܐ ܚܫܒܢܝܗܝ܂
53:04 [ai]	ܫܪܝܪܐܝܬ ܚܫ̈ܝܢ ܗܘ ܣܝܒܪ܂ ܘܟܐ̈ܒܝܢ ܗܘ ܣܒܠ܂ ܘܚܢܢ ܚܫܒܢܝܗܝ ܟܬܝܫܐ܂ ܘܡܡܚܝܐ ܕܐܠܗܐ ܘܡܡܟܟܐ܂
53:05 [ai]	ܗܘ ܡܬܩܛܠ ܡܛܠ ܚ̈ܛܗܝܢ/ܥܘܠܢ#3#/܃ ܘܡܬܡܟܟ ܡܛܠ ܥܘܠܢ/ܚ̈ܛܗܝܢ#3#/܃ ܡܪܕܘܬܐ ܕܫܠܡܢ ܥܠܘܗܝ܂ ܘܒܫܘܡ̈ܬܗ ܢܬܐܣܐ܂
53:06 [ai]	ܟܠܢ ܐܝܟ ܥܢܐ ܛܥܝܢ܂ ܘܐܢܫ ܠܣܛܪܗ ܦܢܝܢ܂ ܘܡܪܝܐ ܐܦܓܥ ܒܗ ܚ̈ܛܗܐ ܕܟܠܢ܂
53:07 [ai]	ܩܪܒ ܘܐܬܡܟܟ ܘܠܐ ܦܬܚ ܦܘܡܗ܂ ܐܝܟ ܐܡܪܐ ܠܢܟܣܬܐ ܐܬܕܒܪ܂ ܘܐܝܟ ܢܩܝܐ ܩܕܡ ܓܙܘܙܐ ܫܬܝܩ ܗܘܐ ܘܠܐ ܦܬܚ ܦܘܡܗ ‍<‍ܒܡܘܟܟܗ#3#‍>‍܂
53:08 [ai]	ܡܢ ܚܒܘܫܝܐ ܘܡܢ ܕܝܢܐ ܐܬܕܒܪ܂ ܘܕܪܗ ܡܢܘ ܢܫܬܥܐ܂ ܡܛܠ ܕܐܬܓܙܪ ܡܢ ܐܪܥܐ ܕܚ̈ܝܐ܃ ܘܡܢ ܥܿܘ̈ܠܐ ܕܥܡܝ ܩܪܒܘ ܠܗ܂
53:09 [ai]	ܝܗܒ ܪܫܝܥܐ ܩܒܪܗ ܘܥܬܝܪܐ ܒܡܘܬܗ܂ ܥܠ ܕܠܐ ܥܒܕ ܥܘܠܐ/ܠܥܘܠܐ#3#/ ܘܠܝܬ ܢܟܠܐ ܒܦܘܡܗ܂
53:10 [ai]	ܘܡܪܝܐ ܨܒܐ ܕܢܡܟܟܝܘܗܝ ܘܢܚܫܝܘܗܝ܂ ܐܬܬܣܝܡ ܚܛܗܐ ܒܢܦܫܗ܂ ܕܢܚܙܐ/ܢܚܙܐ#3#/ ܙܪܥܐ ܘܢܓܪ/ܘܢܛܪ#3#/ ܝܘܡ̈ܬܐ܂ ܘܨܒܝܢܗ ܕܡܪܝܐ ܒܐܝܕܗ ܢܨܠܚ܂
53:11 [ai]	ܘܡܢ ܥܡܠܐ ܕܢܦܫܗ ܢܚܙܐ܂ ܘܢܣܒܥ ܒܝܕܥܬܐ ܘܢܙܟܐ ܠܙܕܝ̈ܩܐ܂ ܥܒܕܐ ܗܘ ܕܣ̈ܓܝܐܐ܂ ܘܚ̈ܛܗܝܗܘܢ ܗܘ ܢܣܒܘܠ܂
53:12 [ai]	ܡܛܠ ܗܢܐ ܐܦܠܓܝܘܗܝ ܒܣ̈ܓܝܐܐ܃ ܘܠܥܫ̈ܝܢܐ ܢܦܠܓ ܒܙܬܐ܂ ܚܠܦ ܕܫܕܐ ܢܦܫܗ ܠܡܘܬܐ܃ ܘܥܡ ܥܿܘ̈ܠܐ ܐܬܡܢܝ܂ ܘܗܘ ܚ̈ܛܗܐ ܕܣ̈ܓܝܐܐ ܫܩܠ܃ ܘܒܥܿܘ̈ܠܐ ܦܓܥ܀

next chapter