← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62012: P Is

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


54:01 [ai]ܫܒܚܝ ܥܩܪ̈ܬܐ ܕܠܐ ܝܠܕܬ܂ ܘܐܬܦܨܚܝ ܒܬܫܒܘܚܬܐ܂ ܘܕܘܨܝ ܕܠܐ ܚܒܠܬ܂ ܡܛܠ ܕܣܓܝܘ ܒ̈ܢܝܗܿ ܕܨܕܝܬܐ ܝܬܝܪ ܡܢ ܒܢ̈ܝܗܿ ܕܒܥܝܠܬܐ܂ ܐܡܿܪ ܡܪܝܐ܃
54:02 [ai]ܐܦܬܝ ܐܬܪܐ ܕܡܫܟ̈ܢܝܟܝ܂ ܘܝܪ̈ܝܥܬܐ ܕܡܫܟ̈ܢܝܟܝ ܡܬܘܚܝ ܘܠܐ ܬܚܘܣܝܢ܂ ܐܘܪܟܝ ܛܘܢܒܝ̈ܟܝ ܘܣܟ̈ܝܟܝ ܫܪܪܝ܂
54:03 [ai]ܡܛܠ ܕܠܝܡܝܢܐ ܘܠܣܡܠܐ ܬܣܓܝܢ܂ ܘܙܪܥܟܝ ܢܐܪܬ ܥܡ̈ܡܐ܂ ܘܩܘܪ̈ܝܐ ܕܨ̈ܕܝܢ ܢܘܬܒܘܢ܂
54:04 [ai]ܠܐ ܬܕܚܠܝܢ ܡܛܠ ܕܠܐ ܒܗܿܬܬܝ܂ ܘܠܐ ܬܬܟܣܝܢ ܡܛܠ ܕܠܐ ܡܚܦܪܬܝ܂ ܡܛܘܠ ܕܒܗܬܬܐ ܕܛܠܝܘܬܟܝ ܬܛܥܝܢ܂ ܘܚܣܕܐ ܕܐܪܡܠܘܬܟܝ ܬܘܒ ܠܐ ܬܬܕܟܪܝܢ܂
54:05 [ai]ܡܛܠ ܕܡܪܟܝ ܥܒܿܕ ܠܟܝ ܗܟܢܐ܂ ܡܪܝܐ ܚܝܠܬܢܐ ܫܡܗ܂ ܘܦܪܘܩܟܝ ܩܕܝܫܐ ܕܐܝܣܪܝܠ܂ ܐܠܗܐ ܕܟܠܗܿ ܐܪܥܐ ܢܬܩܪܐ܂
54:06 [ai]ܡܛܠ ܕܐܝܟ ܕܠܐܢܬܬܐ ܫܒܝܩܬܐ ܘܥܝܝܩܬ ܪܘܚܐ ܩܪܟܝ ܡܪܝܐ܂ ܘܐܝܟ ܐܢܬܬ ܛܠܝܘܬܐ ܕܡܫܬܒܩܐ ܐܡܿܪ ܐܠܗܟܝ܂
54:07 [ai]ܒܪܘܓܙܐ ܙܥܘܪܐ ܫܒܩܿܬܟܝ܃ ܘܒܪ̈ܚܡܝ ܣܓ̈ܝܐܐ ܐܟܢܫܟܝ܂
54:08 [ai]ܒܪܘܓܙܐ ܪܒܐ ܐܿܦܢܝܬ ܐ̈ܦܝ ܡܢܟܝ܃ ܘܒܪ̈ܚܡܝ ܕܠܥܠܡ ܪܚܡܿܬ ܥܠܝܟܝ܃ ܐܡܿܪ ܡܪܝܐ ܦܪܘܩܟܝ܂
54:09 [ai]ܗܕܐ ܐܝܟ ܝܘܡ̈ܬܐ ܗܝ ܠܝ ܕܢܘܚ܃ ܕܝܡܝܿܬ ܕܠܐ ܢܥܒܪܘܢ ܬܘܒ ܡ̈ܝܐ ܕܢܘܚ ܥܠ ܐܪܥܐ܂ ܗܟܢܐ ܐܝܡܝܿܬ ܕܠܐ ܐܪܓܙ ܥܠܝܟܝ ܘܠܐ ܐܟܐܐ ܒܟܝ܂
54:10 [ai]ܡܛܠ ܕܛܘܪ̈ܐ ܢܬܡܟܟܘܢ܂ ܘܪ̈ܡܬܐ ܢܬܪ̈ܟܢܢ܂ ܘܛܝܒܘܬܝ ܡܢܟܝ ܠܐ ܬܥܒܪ܂ ܘܩܝܡܐ ܕܫܠܡܟܝ ܠܐ ܢܥܒܪ܂ ܐܡܿܪ ܡܪܝܐ ܡܪܚܡܢܐ܀
54:11 [ai]ܡܡܟܟܬܐ ܘܡܥܠܥܠܬܐ ܕܠܐ ܐܬܒܝܐܬ܂ ܗܐ ܐܢܐ ܥܒܿܕ ܐܢܐ ܟܐ̈ܦܝܟܝ ܒܪ̈ܘܠܐ܂ ܘܐܬܩܢ ܫܬܐ̈ܣܝܟܝ ܒܟܐ̈ܦܐ ܕܣܦܝܠܐ܂
54:12 [ai]ܘܐܒܢܐ ܐܣܝ̈ܟܝ ܒܟܐ̈ܦܐ ܕܐܝܣܦܘܢ܂ ܘܬܪ̈ܥܝܟܝ ܒܟܐ̈ܦܐ ܕܩܪܘܣܛܠܘܣ܂ ܘܬܚ̈ܘܡܝܟܝ ܒ̈ܟܐܦܐ ܓܒܝ̈ܬܐ܂
54:13 [ai]ܘܟܠܗܘܢ ܒܢܝܟܝ ܢܐܠܦܘܢܢܝ܂ ܘܢܣܓܐ ܫܠܡܐ ܕܒ̈ܢܝܟܝ܃
54:14 [ai]ܘܒܙܕܝܩܘܬܐ ܬܬܩܢܝܢ܂ ܐܬܪܚܩܝ ܡܢ ܥܫܘܩܝܐ ܡܛܠ ܕܠܐ ܬܕܚܠܝܢ܂ ܘܡܢ ܬܒܪܐ ܡܛܠ ܕܠܐ ܩܿܪܒ ܠܟܝ܂
54:15 [ai]ܘܟܠ ܕܡܬܦܢܝܢ ܡܢ ܐ̈ܝܕܝ ܢܥܠܘܢ ܠܟܝ܂ ܘܬܗܘܝܢ ܒܝܬ ܓܘܣܐ ܠܥܡܘܪ̈ܝܟܝ܂
54:16 [ai]ܗܐ ܐܢܐ ܒܪܝܿܬ/ܩܿܪܝܬ#1##2#/ ܐܘܡܢܐ ܕܢܿܦܚ ܒܢܘܪܐ ܡܦܘܚܐ܃ ܘܓܡܿܪ ܡܐܢܐ ܠܥܿܒܕܗ܂ ܘܐܢܐ ܒܪܝܿܬ ܡܚܒܠܢܐ ܠܡܚܒܠܘ܂
54:17 [ai]ܟܠ ܡܐܢ ܕܡܬܬܩܢ ܥܠܝܟܝ ܠܐ ܢܣܩ ܠܪܝܫ܂ ܘܟܠ ܠܫܢ ܕܢܩܘܡ ܥܡܟܝ ܒܕܝܢܐ ܬܚܝܒܝܢܗ܂ ܗܕܐ ܗܝ ܝܪܬܘܬܐ ܕܥܒ̈ܕܘܗܝ ܕܡܪܝܐ܃ ܘܙܕܝܩܘܬܗܘܢ ܡܢ ܩܕܡܝ ܐܡܿܪ ܡܪܝܐ܂

next chapter