← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62012: P Is

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


57:01 [ai]ܗܐ ܙܕܝܩܐ ܐܒܕ ܘܠܝܬ ܐܢܫ ܕܡܝܬܐ ܥܠ ܒܠܗ܂ ܘܓܒܪ̈ܐ ܚ̈ܣܝܐ ܡܬܟܢܫܝܢ ܕܠܐ ܣܘܟܠܐ܃ ܡܛܠ ܕܡܢ ܩܕܡ ܒܝܫܬܐ ܡܬܟܢܫ ܙܕܝܩܐ܂
57:02 [ai]ܘܢܐܬܐ ܫܠܡܐ܂ ܘܢܬܬܢܝܚܘܢ ܥܠ ܡܫܟܒܗܘܢ ܘܢܐܙܠܘܢ ܠܘܩܒܠܗܘܢ܂
57:03 [ai]ܘܐܢܬܘܢ ܩܪܘܒܘ ܠܟܐ ܒܢ̈ܝ ܡܡܟܟܬܐ܂܂ ܙܪܥܐ ܓܝܪܐ ܘܙܢܝܐ܂
57:04 [ai]ܥܠ ܡܿܢ ܐܬܠܥܒܬܘܢ܂ ܘܥܠ ܡܿܢ ܦܬܚܬܘܢ ܦܘܡܟܘܢ ܘܐܘܪܟܬܘܢ ܠܫܢܟܘܢ܂ ܕܗܐ ܐܢܬܘܢ ܝܠܕܐ ܐܢܬܘܢ ܕܥܘܠܐ܃ ܘܙܪܥܐ ܕܓܠܐ܂
57:05 [ai]ܕܡܬܒܝܐܝܢ ܒܦܬܟܪ̈ܐ ܬܚܝܬ ܟܠ ܐܝܠܢ ܕܥܒܐ/ܕܥܒܘܛ#3#/܃ ܘܢܟܣܬܘܢ ܛ̈ܠܝܐ ܒܢ̈ܚܠܐ ܬܚܝܬ ܫܩܝ̈ܦܐ ܕܟܐܦܐ܂
57:06 [ai]ܡܢܬܟܝ ܘܝܪܬܘܬܟܝ/ܘܚܪܬܟܝ#3#/ ܥܡ/ܐܝܟ#3#/ܥܠ#3#/ ܡܢܬܐ ܗܝ ܕܢܚ̈ܠܐ܂ ܘܐܦ ܥܠܝܗܘܢ ܢܩܝܬܝ ܢܘܩ̈ܝܐ܃ ܘܐܣܩܬܝ ܩܘܪ̈ܒܢܐ܂ ܥܠ ܗܠܝܢ ܐܬܒܝܐ܃
57:07 [ai]ܥܠ ܛܘܪ̈ܐ ܪ̈ܡܐ ܘܡܫܩ̈ܠܐ ܥܒܕܬܝ ܡܫܟܒܟܝ܂ ܘܐܦ ܠܬܡܢ/ܬܡܢ#3#/ ܣܠܩܬܝ ܠܡܕܒܚ/ܠܡܕܒܚܘ#3#/ ܕܒ̈ܚܐ܂
57:08 [ai]ܘܒܣܬܪ ܬܪ̈ܥܐ ܥܠ ܦܪ̈ܘܣܬܕܐ ܪܫܡܬܝ ܕܘܟܪܢܟܝ܂ ܡܛܠ ܕܡܢ ܠܘܬܝ ܓܠܝܬܝ ܘܣܠܩܬܝ܂ ܘܪܘܚܬܝ ܡܫܟܒܟܝ܂ ܘܗܘܝܬܝ ܠܟܝ ܡܢܗܘܢ܂ ܘܪܚܡܬܝ ܡܫܟܒܗܘܢ܂ ܘܐܬܪܐ ܚܙܝܬܝ
57:09 [ai]ܘܐܫܬܒܚܬܝ ܠܡ̈ܠܟܐ ܒܡܫܚܐ܂ ܘܐܣܓܝܬܝ ܒܣܡ̈ܝܟܝ܂ ܘܫܕܪܬܝ ܐܝܙ̈ܓܕܝܟܝ ܠܪܘܚܩܐ܃ ܘܐܬܡܟܟܬܝ ܥܕܡܐ ܠܫܝܘܠ܂
57:10 [ai]ܒܣܘܓܐܬ/ܒܣܓܝܐܘܬ#3#/ ܐܘܪ̈ܚܬܟܝ ܠܐܝܬܝ܃ ܘܠܐ ܐܡܪܬܝ ܕܐܫܠܐ܂ ܒܚܘܒܬܐ ܕܐܝ̈ܕܝܟܝ ܐܫܝܚܬܝ/ܐܫܘܚܬܝ#3#/܂ ܡܛܠ ܗܢܐ ܠܐ ܐܬܟܫܦܬܝ܂
57:11 [ai]ܡܢ ܡܿܢ ܐܬܪܗܒܬܝ ܘܕܚܠܬܝ ܕܟܕܒܬܝ ܒܝ܂ ܘܠܐ ܐܬܕܟܪܬܝܢܝ ܘܠܐ ܚܫܒܬܝܢܝ ܒܠܒܟܝ܂ ܗܐ ܐܢܐ ܗܘ ܚܣܝܐ ܕܡܢ ܥܠܡ܂ ܘܡܢܝ ܠܐ ܕܚܠܬܝ܂
57:12 [ai]ܐܢܐ ܐܚܘܐ ܙܕܝܩܘܬܝ܃ ܘܥܿܒ̈ܕܝܟܝ ܠܐ ܢܘܬܪܘܢܟܝ܂
57:13 [ai]ܒܓܥܬܟܝ ܢܦܨܘܢܟܝ/ܠܐ ܢܦܨܝܘܢܟܝ#3#/ ܐܝܠܝܢ ܕܡܬܟܢܫܝܢ ܠܟܝ܂ ܠܟܠܗܘܢ ܬܫܩܘܠ ܐܢܘܢ ܪܘܚܐ܃ ܘܬܣܒ ܐܢܘܢ ܥܠܥܠܐ܂ ܘܐܝܠܝܢ ܕܡܣܒܪܝܢ ܒܝ ܢܐܪܬܘܢ ܐܪܥܐ܂ ܘܢܐܪܬܘܢ ܛܘܪܝ ܩܕܝܫܐ܃
57:14 [ai]ܘܢܐܡܪܘܢ܃ ܫܦܘ ܫܦܘ ܦܢܘ ܐܘܪܚܐ܂ ܘܐܪܝܡܘ ܬܘܩ̈ܠܬܐ ܡܢ ܐܘܪܚܗ ܕܥܡܝ܀
57:15 [ai]ܡܛܠ ܕܗܟܢܐ/ܕܡܢܐ#3#/ ܐܡܿܪ ‍<‍ܡܪܝܐ#3#‍>‍ ܡܪܝܡܐ ܘܡܫܩܠܐ܃ ܕܫܿܪܐ ܠܥܠܡܝܢ ܘܩܕܝܫ ܫܡܗ܂ ܡܪܝܡܐ ܘܩܕܝܫ ܡܫܪܝܗ܂ ܠܡܟܝ̈ܟܐ ܘܠܥܝܝ̈ܩܝ ܪܘܚܐ܂ ܠܡܚܝܘ ܪܘܚܐ ܕܡܟܝ̈ܟܐ܃ ܘܠܡܚܝܘ ܠܒܐ/ܪܘܚܐ#3#/ ܕܡܟܐ̈ܒܐ܂
57:16 [ai]ܡܛܠ ܕܠܐ ܠܥܠܡ ܐܿܠܡ ܐܢܐ܃ ܘܠܐ ܠܥܠܡ ܪܓܿܙ ܐܢܐ܂ ܡܛܠ ܕܪܘܚܐ ܡܢ ܩܕܡܝ ܢܦܿܩܐ܂ ܘܢܫܡܬܐ ܐܢܐ ܥܒܿܕܬ܂
57:17 [ai]ܒܥܘܠܐ ܕܢܟܠܗܿ ܪܓܙܿܬ ܘܡܚܝܿܬܗܿ܂ ܘܐܬܿܦܢܝܬ ܘܪܓܙܿܬ܂ ܘܐܙܠܬ ܚܢܓܬܗܿ ܒܐܘܪܚܐ ܕܠܒܗܿ܂
57:18 [ai]ܐܘܪ̈ܚܬܗܿ ܚܙܝܿܬ ܘܐܣܝܿܬܗܿ ܘܒܝܐܿܬܗܿ܂ ܘܦܪܥܿܬ ܒܘܝܐܐ ܠܗܿ ܘܠܐ̈ܒܝܠܝܗܿ܂
57:19 [ai]ܒܪܐ ܡܡܠܠܐ ܕܣ̈ܦܘܬܐ܂ ܫܠܡܐ ܫܠܡܐ ܠܪ̈ܚܝܩܐ ܘܠܩܪ̈ܝܒܐ ܐܡܿܪ ܡܪܝܐ ܘܐܣܐ ܐܢܘܢ܂
57:20 [ai]ܘܪ̈ܫܝܥܐ ܐܝܟ ܝܡܐ ܡܬܕܠܚܝܢ܂ ܡܛܠ ܕܫܠܝܐ ܠܐ ܡܫܟܚܝܢ܂ ܘܗܿܦܟܝܢ ܡ̈ܘܗܝ ܪܚܫܐ ܘܣܝܢܐ܂
57:21 [ai]ܠܝܬ ܫܠܡܐ ܠܪ̈ܫܝܥܐ ܐܡܿܪ ܐܠܗܝ܀

next chapter