The Comprehensive Aramaic Lexicon

58:01 [ai]	ܩܪܝ ܒܓܓܪܬܟ ܘܠܐ ܬܚܘܣ܂ ܘܐܪܝܡ ܩܠܟ ܐܝܟ ܫܝܦܘܪܐ܂ ܘܚܘܐ ܠܥܡܝ ܥܘܠܗܘܢ/ܚܝܠܗܘܢ#3#/܂ ܘܠܒܝܬ/ܘܠܕܒܝܬ#3#/ ܝܥܩܘܒ ܚ̈ܛܗܝܗܘܢ܂
58:02 [ai]	ܘܠܝ ܒܥܿܝܢ ܒܟܠܝܘܡ܂ ܘܨܒܿܝܢ ܠܡܕܥ ܐܘܪ̈ܚܬܝ܂ ܐܝܟ ܥܡܐ ܕܥܒܕ ܙܕܝܩܘܬܐ/ܕܝܢܐ#3#/ ‍<‍ܘܐܝܕܐ#3#‍>‍ ܘܠܐ ܫܒܩ ܕܝܢܐ ܕܐܠܗܗ܃ ܫܐܿܠܝܢ ܠܝ ܕܝܢܐ ܘܙܕܝܩܘܬܐ܃ ܘܨܒܿܝܢ ܠܡܬܩܪܒܘ/ܠܡܬܩܪܒ#3#/ ܠܐܠܗܐ܂
58:03 [ai]	ܠܡܢܐ ܨܡܢ ܘܠܐ ܚܙܝܬ/ܚܕܝܬ#3#/܂ ܘܡܟܟܢ ܢܦܫܢ ܘܠܐ ܝܕܥܬ܂ ܗܐ ܒܝܘܡܐ ܕܨܘܡܟܘܢ ܥܒܿܕܝܢ ܐܢܬܘܢ ܨܒܝ̈ܢܝܟܘܢ܂ ܘܡܩܪܒܝܢ ܐܢܬܘܢ ܦܬܟܪ̈ܝܟܘܢ ܟܠܗܘܢ܂
58:04 [ai]	ܗܐ ܠܚܪܝܢܐ ܘܠܡܨܘܬܐ ܨܝܡܿܝܢ ܐܢܬܘܢ܂ ܘܠܡܡܚܐ ܒܩܛܝܪܐ ܕܥܘܠܐ܂ ܠܐ ܬܨܘܡܘܢ ܐܝܟ ܕܝܘܡܢܐ܃ ܘܬܫܡܥܘܢ ܩܠܟܘܢ ܒܡܪܘܡܐ/ܒܪܘܡܐ#3#/܂
58:05 [ai]	ܗܢܘ ܨܘܡܐ ܕܓܒܿܝܬ܃ ܕܢܡܟ ܐܢܫ ܢܦܫܗ܃ ܘܢܟܘܦ ܨܘܪܗ/ܢܦܫܗ#3#/ ܐܝܟ ܟܪܘܠܐ܃ ܘܣܩܐ ܘܩܛܡܐ ܡܐܿܟ ܠܗ܃ ܠܗܢܐ ܬܩܪܘܢ ܨܘܡܐ܃ ܘܝܘܡܐ ܕܨܒܝܢܗ ܕܡܪܝܐ܂
58:06 [ai]	ܗܢܘ ܨܘܡܐ ܕܓܒܝܿܬ܂ ܕܬܫܪܐ ‍<‍ܟܠ#3#‍>‍ ܩܛܪܐ ܕܥܘܠܐ܃ ܘܬܦܣܩ ܡܐܣܪ̈ܝܬܐ ܕܢܟܠܐ܂ ܘܬܫܪܐ ܟܒܝܫ̈ܐ/ܠܟܒܝ̈ܫܐ#3#/ ܠܚܐܪܘܬܐ܂ ܘܟܠܗܝܢ ܡܐܣܪ̈ܝܬܐ ܬܦܣܩܘܢ܂
58:07 [ai]	ܘܬܩܨܐ ܠܚܡܟ ܠܟܦܢܐ܂ ܘܠܐܟܣܢܝܐ ܬܥܠ ܠܒܝܬܟ܂ ܟܕ ܬܚܙܐ ܥܪܛܠܝܐ ܘܬܟܣܝܘܗܝ܂ ܘܠܐ ܬܗܡܐ ܡܢ ܒܪ ܒܣܪܟ܂
58:08 [ai]	ܗܝܕܝܢ ܢܬܦܬܚ ܢܘܗܪܟ ܐܝܟ ܨܦܪܐ܃ ܘܙܕܝܩܘܬܟ ܒܥܓܠ ܬܕܢܚ܂ ܘܬܐܙܠ ܩܕܡܝܟ ܙܕܝܩܘܬܟ܃ ܘܐܝܩܪܗ ܕܡܪܝܐ ܢܟܢܫܟ܃
58:09 [ai]	ܗܝܕܝܢ ܬܩܪܐ ܘܢܥܢܝܟ ܡܪܝܐ܂ ܘܬܓܥܐ ܘܢܐܡܪ ‍<‍ܠܟ#3#‍>‍ ܗܐ ܐܢܐ܂ ܐܢ ܬܥܒܪ ܡܢ ܓܘܟ ܢܟܠܐ ܘܬܫܪܐ ܠܟܒܝܫ̈ܐ܂ ܘܡܢ ܡܡܠܠܐ ܕܓܠܐ ܬܪܚܩ܂
58:10 [ai]	ܘܬܬܠ ܠܚܡܟ ܠܟܦܢܐ܂ ܘܬܣܒܥ ܢܦܫܐ ܕܟܦܢܐ܂ ܢܕܢܚ ܢܘܗܪܟ ܒܚܫܘܟܐ܃ ܘܚܫܘܟܟ/ܘܢܚܫܘܟ#3#/ ܐܝܟ ܛܗܪܐ܂
58:11 [ai]	ܘܢܕܒܪܟ ܡܪܝܐ ܐܡܝܢܐܝܬ܂ ܘܢܣܒܥ ܢܦܫܟ ܒܕܘܗܢܐ ܘܢܫܪ ܓܪ̈ܡܝܟ܂ ܘܬܗܘܐ ܐܝܟ ܦܪܕܝܣܐ ܕܪܘܿܙ܂ ܘܐܝܟ ܡܒܘܥܐ ܕܡ̈ܝܐ ܕܠܐ ܓܝܿܙܝܢ ܡ̈ܘܗܝ܂
58:12 [ai]	ܘܢܒܢܘܢ ܡܢܟ ܚܪ̈ܒܬܐ ܕܡܢ ܥܠܡ܂ ܘܫܬܐ̈ܣܐ ܕܕܪܕܪܝܢ ܬܩܝܡ܂ ܘܢܩܪܘܢܟ ܣܐܿܓ ܬܘܪ̈ܥܬܐ܂ ܘܡܗܦܟ ܫܒܝ̈ܠܐ ܠܝܬܒܐ܂
58:13 [ai]	ܐܢ ܬܗܦܟ ܪܓܠܟ ܡܢ ܫܒܬܐ܃ ܕܠܐ ܬܥܒܕ ܨܒܝܢܟ ܒܝܘܡܐ ܕܩܘܕܫܝ܂ ܘܬܩܪܐ ܠܫܒܬܐ/ܫܒܬܐ#3#/ ܡܦܢܩܬܐ܂ ܘܩܘܕܫܗ ܕܡܪܝܐ ܡܝܩܪܐ܂ ܘܬܝܩܪܝܗܿ ܕܠܐ ܬܥܒܕ ܒܗܿ ܐܘܪܚܟ܂ ܘܠܐ ܬܥܒܕ ܒܗܿ ܨܒܝܢܟ܂ ܘܠܐ ܬܡܠܠ ܡܠܬܐ܂
58:14 [ai]	ܗܝܕܝܢ ܬܬܟܠ ܥܠ ܡܪܝܐ܃ ܕܐܪܟܒܟ ܥܠ ܥܘܫܢܗܿ ܕܐܪܥܐ܃ ܘܐܘܟܠܟ ܝܪܬܘܬܗ ܕܝܥܩܘܒ ܐܒܘܟ܂ ܡܛܠ ܕܦܘܡܗ ܕܡܪܝܐ ܡܠܠ܀

next chapter