← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62012: P Is

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


59:01 [ai]ܗܐ ܠܐ ܙܥܘܪܝܐ ܐܝܕܗ ܕܡܪܝܐ ܠܡܦܪܩ܂ ܘܠܐ/ܘܐܦܠܐ#3#/ ܝܩܝܪܐ ܐܕܢܗ ܠܡܫܡܥ܂
59:02 [ai]ܐܠܐ ܚ̈ܘܒܝܟܘܢ ܗܘ ܦܪܫܘ ܒܝܢ̈ܝܟܘܢ ܠܐܠܗܟܘܢ܂ ܘܚ̈ܛܗܝܟܘܢ ܐܗܦܟܘ ܐ̈ܦܘܗܝ ܡܢܟܘܢ ܕܠܐ ܢܫܡܥ܂
59:03 [ai]ܡܛܠ ܕܐ̈ܝܕܝܟܘܢ ܡ̈ܛܢܦܢ ܒܕܡܐ ܘܨܒ̈ܥܬܟܘܢ ܒܥܘܠܐ܂ ܣܦܘ̈ܬܟܘܢ ܡܡ̈ܠܠܢ ܫܘܩܪܐ܂ ܘܠܫܢܟܘܢ ܪܢܿܐ ܒܥܘܠܐ܂
59:04 [ai]ܘܠܝܬ ܕܩܿܪܐ ܒܙܕܝܩܘܬܐ܂ ܘܠܝܬ ܕܕܐܿܢ ܒܗܝܡܢܘܬܐ܂ ܐܬܬܟܠܘ ܥܠ ܣܪܝܩܘܬܐ ܘܡܠܠܘ ܪܝܩܢܘܬܐ܂ ܒܛܢܘ ܥܘܠܐ/ܥܬܐ#3#/ ܘܝܠܕܘ ܟܐ̈ܒܐ܂
59:05 [ai]ܒܢ̈ܬܐ ܕܚܪܡܢܐ ܐܦܥܘ܂ ܘܢܘܠܐ ܕܓܘܓܝ ܙܩܪܘ܂ ܕܐܿܟܠ ܡܢ ܒܢ̈ܬܗܘܢ ܢܡܘܬ܂ ܘܕܬܒܪܗܿ ܡܫܟܚ ܫܥܛܐ܂
59:06 [ai]ܢܘܠܗܘܢ ܠܐ ‍<‍ܣܟ#3#‍>‍ ܢܗܘܐ ܠܠܒܘܫܐ܂ ܘܠܐ ܢܬܟܣܘܢ ܒܥܿܒ̈ܕܝܗܘܢ܂ ܥܿܒ̈ܕܝܗܘܢ ܥܿܒ̈ܕܐ ܐܢܘܢ ܕܥܬܐ܂ ܘܥܿܒ̈ܕܐ ܕܥܘܠܐ ܒܐܝܕ̈ܝܗܘܢ܂
59:07 [ai]ܪ̈ܓܠܝܗܘܢ ܪ̈ܗܛܢ ܠܒܝܫܬܐ܂ ܘܡܣܬܪܗܒܝܢ ܠܡܐܫܕ ܕܡܐ ܙܟܝܐ܂ ܬܪ̈ܥܝܬܗܘܢ ܬܪ̈ܥܝܬܐ ܐ̈ܢܝܢ ܕܥܬܐ܂ ܘܒܙܬܐ ܒܫ̈ܒܝܠܝܗܘܢ/ܫ̈ܒܝܠܝܗܘܢ#3#/܂
59:08 [ai]ܐܘܪܚܐ ܕܫܠܡܐ ܠܐ ܐܝܕܥܘ܂ ܘܠܝܬ ܕܝܢܐ ܒܗ̈ܠܟܬܗܘܢ܂ ܫܒܝ̈ܠܝܗܘܢ ܡܥܩܡܝܢ܂ ܘܟܠ ܕܡܗܠܟ ܒܗܘܢ ܠܐ ܝܿܕܥ ܫܠܡܐ܂
59:09 [ai]ܡܛܠ ܗܢܐ ܐܬܪܚܩ ܡܢܢ ܕܝܢܐ/ܫܠܡܐ#3#/܂ ܘܙܕܝܩܘܬܐ ܠܐ ܬܕܪܟܢ܂ ܣܟܝܢ ܠܢܘܗܪܐ ܘܗܘܐ/ܘܗܐ#3#/ ܚܫܘܟܐ܂ ܘܠܙܗܪܐ/ܘܒܙܗܪܐ#3#/ ܘܒܥܡܛܢܐ ܗܠܟܢ܂
59:10 [ai]ܡܫܢ ܐܣܬܐ ܐܝܟ ܥܘܝܪ̈ܐ܂ ܘܡܫܢ ܐܝܟ ܗܿܢܘܢ ܕܠܝܬ ܠܗܘܢ ܥܝ̈ܢܐ܂ ܐܬܬܩܠܢ ܒܛܗܪܐ ܐܝܟ ܕܒܪܡܫܐ܂ ܘܐܬܬܢܚܢ ܐܝܟ ܗܿܢܘܢ ܕܩܪܝܒܝܢ ܠܡܡܬ܂
59:11 [ai]ܢܗܡܢ ܟܠܢ ܐܝܟ ܕܒ̈ܐ܂ ܘܐܝܟ ܝܘ̈ܢܐ ܢܗܡܢ܂ ܣܟܝܢ ܠܕܝܢܐ ܘܠܝܬ܂ ܘܠܦܘܪܩܢܐ ܘܐܬܪܚܩ ܡܢܢ܂
59:12 [ai]ܡܛܠ ܕܣܓܝ ܥܘܠܢ ܩܕܡܝܟ܃ ܘܚ̈ܛܗܝܢ ܣܗܕܘܢ܂ ܡܛܠ ܕܥܘܠܢ ܥܡܢ ܗܘ܂ ܘܚ̈ܛܗܝܢ ܝܕܝܥܝܢ ܐܢܘܢ܂
59:13 [ai]ܐܥܠܝܢ ܘܕܓܠܢ ܒܡܪܝܐ܂ ܘܗܦܟܢ ܡܢ ܒܬܪܗ ܕܐܠܗܢ܂ ܡܠܠܢ ܛܠܘܡܝܐ ܘܡܪܕܢ܂ ܒܛܢܢ ܘܪܢܝܢ ܡܢ ܠܒܢ ܡ̈ܠܐ ܕܫܘܩܪܐ/ܕܥܘܠܐ#3#/܂
59:14 [ai]ܐܗܦܟܢ ܕܝܢܐ ܠܒܣܬܪܗ܃ ܘܙܕܝܩܘܬܐ ܐܩܝܡܢ ܒܪܘܚܩܐ܂ ܡܛܠ ܕܐܬܬܩܠ ܩܘܫܬܐ ܒܐܪܘܚܬܐ܃ ܘܡܟܣܢܘܬܐ/ܘܡܣܟܢܘܬܐ#2#/ ܠܐ ܡܫܟܚܐ ܠܡܐܬܐ܂
59:15 [ai]ܘܗܘܐ ܩܘܫܬܐ/ܒܩܘܫܬܐ#3#/ ܒܟܣܝܐ܃ ܘܥܒܪ ܣܘܟܠܐ ܡܢ ܪܥܝܢܢ܂ ܘܚܙܐ ܡܪܝܐ ܕܠܝܬ ܕܝܢܐ ܘܐܬܒܐܫ/ܘܐܬܐܒܫ#1##2#/ ܒܥܝܢ̈ܘܗܝ܂
59:16 [ai]ܘܚܙܐ ܕܠܝܬ ܐܢܫ܃ ܘܐܬܕܡܪ ܕܠܝܬ ܕܡܥܕܪ܂ ܘܦܪܩܗ ܕܪܥܗ܂ ܘܙܕܝܩܘܬܗ ܗܝ ܣܡܟܬܗ܂
59:17 [ai]ܠܒܫ ܙܕܝܩܘܬܐ ܐܝܟ ܫܪܝܢܐ܂ ܘܣܢܘܪܬܐ ܕܦܘܪܩܢܐ ܒܪܝܫܗ܂ ܘܠܒܫ ܠܒܘܫܐ ܕܦܘܪܥܢܐ܂
59:18 [ai]ܕܢܬܬܒܥ/ܕܢܬܒܥ#1##2#/ ܡܢ ܣܢܐ̈ܘܗܝ ܘܢܦܪܘܥ ܠܒ̈ܥܠܕܒܒܘܗܝ܂ ܘܠܓܙܪ̈ܬܐ ܢܦܪܘܥ ܦܘܪܥܢܐ܂
59:19 [ai]ܢܕܚܠܘܢ ܡܢ ܡܥܪܒܐ ܠܫܡܗ ܕܡܪܝܐ܃ ܘܡܢ ܡܕܢܚ̈ܝ ܫܡܫܐ ܠܐܝܩܪܗ܂ ܡܛܠ ܕܢܐܬܐ ܐܠܘܨܐ ܐܝܟ ܢܗܪܐ܃ ܘܪܘܚܗ ܕܡܪܝܐ ܬܡܟܟܝܘܗܝ܂
59:20 [ai]ܘܢܐܬܐ ܠܨܗܝܘܢ ܦܪܘܩܐ܃ ܘܐܝܠܝܢ ܕܡܦܢܝܢ ܥܘܠܐ ܡܢ ܝܥܩܘܒ ܐܡܿܪ ܡܪܝܐ܂
59:21 [ai]ܘܐܢܐ ܗܢܘ ܩܝܡܝ ܕܥܡܟܘܢ ܐܡܿܪ ܡܪܝܐ܃ ܪܘܚܝ ܕܥܠܝܟ܂ ܘܡ̈ܠܝ ܕܣܡܿܬ ܒܦܘܡܟ܃ ܠܐ ܢܥܢ̈ܕܢ ܡܢ ܦܘܡܟ ܘܡܢ ܦܘܡܗ ܕܙܪܥܟ܂ ܘܡܢ ܦܘܡܐ ܕܙܪܥܐ ܕܙܪܥܟ ܐܡܿܪ ܡܪܝܐ܂ ܡܢ/ܕܡܢ#3#/ ܗܫܐ ܘܥܕܡܐ ܠܥܠܡ܂܀

next chapter