← Back
The Comprehensive Aramaic Lexicon
← Return to the Text Browser
click on the file description for more information
62012: P Is

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


62:01 [ai]ܡܛܠ ܨܗܝܘܢ ܠܐ ܐܫܬܘܩ܂ ܘܡܛܠ ܐܘܪܫܠܡ ܠܐ ܐܫܠܐ܂ ܥܕܡܐ ܕܬܦܘܩ ܙܕܝܩܘܬܗܿ ܐܝܟ ܢܘܗܪܐ܃ ܘܦܘܪܩܢܗܿ ܐܝܟ ܠܡܦܐܕܐ ܢܕܠܩ܃
62:02 [ai]ܘܢܚܙܘܢ ܥܡ̈ܡܐ ܙܕܝܩܘܬܟܝ܃ ܘܟܠܗܘܢ ܡ̈ܠܟܐ ܐܝܩܪܟܝ܂ ܘܢܬܩܪܐ ܠܟܝ ܫܡܐ ܚܕܬܐ܃ ܕܦܘܡܗ ܕܡܪܝܐ ܢܣܝܡܝܘܗܝ܂
62:03 [ai]ܘܬܗܘܝܢ ܟܠܝܠܐ ܕܬܫܒܘܚܬܐ ܒܐܝܕܗ ܕܡܪܝܐ܃ ܘܬܓܐ ܕܡܠܟܘܬܐ ܒܐܝܕܗ ܕܐܠܗܟܝ܂
62:04 [ai]ܘܬܘܒ ܠܐ ܬܬܩܪܝܢ ܫܒܝܩܬܐ܂ ܘܐܪܥܟܝ ܬܘܒ ܠܐ ܬܬܩܪܐ ܨܕܝܬܐ܂ ܐܠܐ ܬܬܩܪܝܢ ܨܒܝܢܝ܂ ܘܐܪܥܟܝ ܒܥܝܠܬܐ܂ ܡܛܠ ܕܨܒܐ ܒܟܝ ܡܪܝܐ܂ ܘܐܪܥܟܝ ܬܬܒܥܠ܂
62:05 [ai]ܡܛܠ ܕܐܝܟ ܕܒܿܥܠ ܓܕܘܕܐ ܠܒܬܘܠܬܐ܃ ܗܟܢܐ ܢܒܥܠܘܢܟܝ ܒܢܝܟܝ܂ ܘܐܝܟ ܕܚܿܕܐ ܚܬܢܐ ܒܟܠܬܐ܃ ‍<‍ܗܟܢܐ#3#‍>‍ ܢܚܕܐ ܒܟܝ ܐܠܗܟܝ܂
62:06 [ai]ܥܠ ܫܘܪ̈ܝܟܝ ܐܘܪܫܠܡ ܐܩܝܡܿܬ ܢܛܘܪ̈ܐ ܟܠ ܝܘܡ܂ ܒܐܝܡܡܐ ܘܒܠܠܝܐ ܐܡܝܢܐܝܬ܂ ܕܠܐ ܢܫܬܩܘܢ ܘܠܐ ܢܫܠܘܢ ܡܕܟܪ̈ܢܐ ܩܕܡ ܡܪܝܐ܂
62:07 [ai]ܘܠܐ ܬܬܠܝܢ ܠܗܘܢ ܫܠܝܐ ܥܕܡܐ ܕܢܬܩܢܟܝ܃ ܘܥܕܡܐ ܕܢܥܒܕܟܝ ܐܘܪܫܠܡ ܬܫܒܘܚܬܐ ܒܐܪܥܐ܂
62:08 [ai]ܝܡܐ ܡܪܝܐ ܒܝܡܝܢܗ ܘܒܕܪܥܗ ܥܫܝܢܐ܃ ܕܠܐ ܐܬܠ ܬܘܒ ܥܒܘܪܟܝ ܡܐܟܘܠܬܐ ܠܒ̈ܥܠܕܒܒܝܟܝ܂ ܘܠܐ ܢܫܬܘܢ ܒ̈ܢܝ ܢܘܟܪ̈ܝܐ ܚܡܪܟܝ ܕܠܐܝܬܝ ܒܗ܂
62:09 [ai]ܐܠܐ ܡܟܢܫ̈ܢܘܗܝ ܢܐܟܠܘܢܗ ܘܢܫܒܚܘܢ ܠܡܪܝܐ܂ ܘܡܟܢܫ̈ܢܘܗܝ ܢܫܬܘܢܗ ܒܕܪ̈ܝ ܩܕܝܫ̈ܬܐ܀܀܂
62:10 [ai]ܥܒܪܘ ܥܒܪܘ ܒܬܪܥܐ/ܒܐܪܥܐ#3#/܂ ܦܢܘ ܐܘܪܚܐ ܠܥܡܐ/ܠܡܪܝܐ#3#/܂ ܕܪܘܫܘ ܫܒܝܠܐ ܘܩܘܠܘ ܟܐ̈ܦܘܗܝ܂ ܐܪܝܡܘ ܐܬܐ ܠܥܡ̈ܡܐ܂
62:11 [ai]ܗܐ ܡܪܝܐ ܐܫܡܥ ܠܣܘ̈ܦܝܗܿ ܕܐܪܥܐ܂ ܐܡܪܘ ܠܒܪܬ ܨܗܝܘܢ ܗܐ/ܕܗܐ#3#/ ܐܿܬܐ ܦܪܘܩܟܝ܂ ܗܐ ܐܓܪܗ ܥܡܗ ܘܥܿܒܕܗ ܩܕܡܘܗܝ܂
62:12 [ai]ܘܢܩܪܘܢ ܐܢܘܢ ܥܡܐ ܩܕܝܫܐ ܦܪ̈ܝܩܘܗܝ ܕܡܪܝܐ܂ ܘܐܢܬܝ ܬܬܩܪܝܢ ܬܒܝܥܬܐ܃ ܩܪܝܬܐ ܕܠܐ ܐܫܬܒܩܬ܀

next chapter