← Back
The Comprehensive Aramaic Lexicon
← Return to the Text Browser
click on the file description for more information
62013: P Je

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

01:00 [ai]ܬܘܒ ܟܬܒܐ ܐܚܪܢܐ ܕܐܪܡܝܐ ܢܒܝܐ܃
01:01 [ai]ܦܬ̈ܓܡܘܗܝ ܕܐܪܡܝܐ ܒܪ ܚܠܩܝܐ܂ ܡܢ ܟܗ̈ܢܐ ܕܒܥܢܬܘܬ ܕܒܐܪܥܐ ܕܒܢܝܡܝܢ܂
01:02 [ai]ܕܗܘܐ ܦܬܓܡܗ ܕܡܪܝܐ ܥܠܘܗܝ܂ ܒܝ̈ܘܡܘܗܝ ܕܝܘܫܝܐ ܒܪ ܐܡܿܘܢ ܡܿܠܟܐ ܕܝܗܘܕܐ܂ ܒܬܠܬܥܣܪܐ ܫܢܝ̈ܢ ܠܡܿܠܟܘܬܗ܂
01:03 [ai]ܘܗܘܐ ܒܝ̈ܘܡܘܗܝ ܕܝܘܝܩܝܡ ܒܪ ܝܘܫܝܐ ܡܿܠܟܐ ܕܝܗܘܕܐ܂ ܥܕܡܐ ܕܫܠܡ ܚܕܥܣܪ̈ܐ ܫ̈ܢܝܢ ܠܨܕܩܝܐ ܒܪ ܝܘܫܝܐ ܡܿܠܟܐ ܕܝܗܘܕܐ ܥܕܡܐ ܕܐܫܬܼܒܝܬܿ ܐܘܪܫܠܡ ܒܝܪܚܐ ܚܡܝܫܝܐ܀
01:04 [ai]ܘܗܘܼܐ ܥܠܝ ܦܬܓܡܗ ܕܡܪܝܐ ܠܡܐܡܪ܂
01:05 [ai]ܥܕܠܐ ܐܨܘܪܟ ܒܟܪܣܐ ܐܝܕܥܬܟ܂ ܘܥܕܠܐ ܬܦܼܘܩ ܡܢ ܡܪܒܥܐ ܩܕܫܬܟ܂ ܘܢܒܝܐ ܠܥܡ̈ܡܐ ܝܗܒܬܟ܃
01:06 [ai]ܘܐܡܿܪܬ܂ ܒܒܥܘ ܡܪܝܐ ܐܠܗܐ܂ ܗܐ ܠܐ ܝܕܥܿ ܐܢܐ ܠܡܡܿܠܠܘ ܡܛܠ ܕܛܠܼܐ ܐܢܐ܃
01:07 [ai]ܘܐܡܼܪ ܠܝ ܡܪܝܐ܂ ܠܐ ܬܐܡܪ ܕܛܠܼܐ ܐܢܐ܂ ܡܛܠ ܕܥܠ ܟܠ ܕܐܫܿܕܪܟ ܬܐܼܙܠ܂ ܘܟܠ ܕܐܦܩܕܟ ܬܡܠܠ܀܀
01:08 [ai]ܠܐ ܬܕܚܠ ܡܢ ܩܕܡܝܗܘܢ܂ ܡܛܠ ܕܥܡܟ ܐܢܐ ܠܡܦܿܨܝܘܬܟ ܐܡܿܪ ܡܪܝܐ܂
01:09 [ai]ܘܐܘܿܫܛ ܡܪܝܐ ܐܝܕܗ ܘܩܼܪܒ ܠܦܘܡܝ܂ ܘܐܡܼܪ ܠܝ ܡܪܝܐ܂ ܗܐ ܝܿܗܒܬ ܦܬ̈ܓܡܝ ܒܦܘܡܟ܂
01:10 [ai]ܚܙܝ ܕܐܫܠܛܬܟ ܝܘܡܢܐ܂ ܥܠ ܥܡ̈ܡܐ ܘܥܠ ܡ̈ܠܟܘܬܐ܂ ܠܡܥܼܩܪ ܘܠܡܣܬܪ܂ ܘܠܡܣܚܿܦܘܿ ܘܠܡܘܿܒܕܘ܂ ܘܠܡܒܼܢܐ ܘܠܡܨܒ܂
01:11 [ai]ܘܗܘܼܐ ܥܠܝ ܦܬܓܡܗ ܕܡܪܝܐ ܠܡܐܡܪ܂ ܡܢܐ ܚܙܝܼܬ ܐܪܡܝܐ܂ ܘܐܿܡܪܬ ܚܘܛܪܐ ܕܠܘܙܐ ܚܿܙܐ ܐܢܐ܂
01:12 [ai]ܘܐܡܼܪ ܠܝ ܡܪܝܐ܂ ܫܦܝܪ ܚܙܝܼܬ܂ ܡܛܠ ܕܡܣܪܗܒ ܐܢܐ ܥܠ ܦܬܓܡܝ ܠܡܥܒܕܗ܀
01:13 [ai]ܘܗܘܼܐ ܦܬܓܡܗ ܕܡܪܝܐ ܥܠܝ ܕܬܪ̈ܬܝܢ ܙܒ̈ܢܝܢ ܘܐܡܼܪ܂ ܡܢܐ ܚܿܙܐ ܐܢܬ܂ ܘܐܿܡܪܬ܂ ܩܕܣܐ ܕܬܦܼܐ ܚܿܙܐ ܐܢܐ܂ ܘܐ̈ܦܘܗܝ ܡܢ ܐܦ̈ܝ ܓܪܒܝܐ܂
01:14 [ai]ܘܐܡܼܪ ܠܝ ܡܪܝܐ܂ ܡܢ ܓܪܒܝܐ ܬܬܼܦܬܚ ܒܝܫܬܐ ܥܠ ܟܠܗܘܢ ܝܬ̈ܒܝ ܐܪܥܐ܂
01:15 [ai]ܡܛܠ ܕܗܐ ܡܫܿܕܪ ܐܢܐ ܘܩܿܪܐ ܐܢܐ܂ ܠܟܠܗܝܢ ܫܪ̈ܒܬܐ ܕܡ̈ܠܟܘܬܐ ܕܓܪܒܝܐ ܐܡܿܪ ܡܪܝܐ܂ ܘܢܐܼܬܘܢ ܘܢܪܡܘܢ ܓܒܪ ܟܘܪܣܝܗܼ ܒܡܥܠܢܐ ܕܬܪ̈ܥܐ ܕܐܘܪܫܠܡ܂ ܘܥܠ ܟܠܗܘܢ ܫܘܪ̈ܝܗܿ ܟܕ ܚܕܪܐ܂ ܘܥܠ ܟܠܗܝܢ ܩܘܪ̈ܝܐ ܕܝܗܘܕܐ܂
01:16 [ai]ܘܐܡܠܠ ܕܝܢ̈ܝܼ ܥܡܗܘܢ܂ ܡܛܠ ܟܠܗܝܢ ܒܝܫ̈ܬܗܘܢ ܕܫܒܩܘܢܝ܂ ܘܣܡܘ ܒܣ̈ܡܐ ܠܐ̈ܠܗܐ ܐܚܪ̈ܢܐ܂ ܘܣܼܓܕܘ ܠܥܿܒܕ ܐ̈ܝܕܝܗܘܢ܀
01:17 [ai]ܘܐܢܬ ܐܣܘܪ ܚܨ̈ܝܟ ܘܩܘܡ ܐܡܼܪ ܠܗܘܢ܂ ܟܠܡܕܡ ܕܡܦܩܕ ܐܢܐ ܠܟ܂ ܠܐ ܬܕܚܠ ܡܢܗܘܢ ܕܠܡܐ ܐܬܒܪܟ ܩܕܡܝܗܘܢ܂
01:18 [ai]ܘܐܢܐ ܗܐ ܥܒܕܬܟ ܝܘܡܢܐ܂ ܐܝܟ ܩܪܝܼܬܐܿ ܬܩܝܦܬܐ܂ ܘܐܝܟ ܥܡܘܼܕܐ ܕܦܪܙܠܐ܂ ܘܐܝܟ ܫܘܪܐ ܕܢܚܫܐ ܥܠ ܟܠܗܿ ܐܪܥܐ܂ ܥܠ ܡ̈ܠܟܐ ܕܝܗܘܕܐ ܘܥܠ ܪ̈ܘܪܒܢܝܗܘܢ܂ ܘܥܠ ܟܗ̈ܢܝܗܘܢ ܘܥܠ ܢܒܝ̈ܝܗܘܢ܂ ܘܥܠ ܟܠܗ ܥܡܐ ܕܐܪܥܐ܂
01:19 [ai]ܘܢܬܿܟܬܿܫܘܢ ܥܡܟ ܘܠܐ ܢܙܟܘܢܟ܂ ܡܛܠ ܕܥܡܟ ܐܢܐ ܠܡܿܦܨܝܘܬܟ ܐܡܼܪ ܡܪܝܐ܂

next chapter