← Back
The Comprehensive Aramaic Lexicon
← Return to the Text Browser
click on the file description for more information
62013: P Je

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


04:01 [ai]ܐܢ ܬܬܘܒ ܐܝܣܪܝܠ ܐܡܿܪ ܡܪܝܐ ܠܘܬܝ ܬܬܘܼܒ܂ ܘܐܢ ܬܥܿܒܪ ܛܢܦܘܬܟ ܡܢ ܩܕܡܝܼ ܠܐ ܬܙܘܥ܂
04:02 [ai]ܘܬܐܡܐ ܚܝ ܗܘ ܡܪܝܐ܂ ܒܩܘܫܬܐ ܘܒܕܝܼܢܐ ܘܒܙܕܝܩܘܬܐ܂ ܘܢܬܒܪܟܘܢ ܒܗ ܥܡ̈ܡܐ ܘܒܗ ܢܫܬܿܒܚܘܢ܀
04:03 [ai]ܡܛܠ ܕܗܟܢܐ ܐܡܿܪ ܡܪܝܐ܂ ܠܓܒܪ̈ܐ ܕܝܗܘܕܐ ܘܠܥܡܘܪ̈ܝܗܿ ܕܐܘܪܫܠܡ܂ ܐܢܗܪܘ ܠܟܘܢ ܫܪܓܐ܂ ܘܠܐ ܬܙܪܥܘܢ ܥܠ ܟܘ̈ܒܐ܂
04:04 [ai]ܓܙܘܪܘ ܠܡܪܝܐ ܘܐܥܒܪܘ ܥܘܪܠܘܬܐ ܕܠܒܟܘܢ܂ ܓܒܪ̈ܐ ܕܝܗܘܕܐ ܘܥܡܘܪ̈ܝܗܿ ܕܐܘܪܫܠܡ܂ ܕܠܡܐ ܬܦܘܩ ܐܝܟ ܢܘܪܐ ܚܡܬܝ܂ ܘܬܘܩܕ ܘܠܝܬ ܕܡܿܕܥܟ܂ ܡܛܠ ܒܝܫܘܬܐ ܕܥܿܒ̈ܕܝܟܘܢ܀
04:05 [ai]ܚܘܘܿ ܒܝܗܘܕܐ܂ ܘܒܐܘܪܫܠܡ ܐܫܡܥܘܼ ܘܐܡܼܪܘ܂ ܩܪܘ ܫܝܦܘܪܐ ܒܐܪܥܐ܂ ܩܪܼܘ ܒܩܠܐ ܪܡܐ ܘܐܡܼܪܘ܂ ܐܬܟܢܫܘܿ ܘܢܿܥܘܠ ܠܩܘܪ̈ܝܐ ܥܫ̈ܝܢܬܐ܂
04:06 [ai]ܫܩܘܼܠܘ ܐܬܐ ܠܨܗܝܘܢ܂ ܐܬܥܫܢܘ ܘܠܐ ܬܩܘܼܡܘܢ܂ ܡܛܠ ܕܒܝܫܬܐ ܡܝܿܬܐ ܐܢܐ ܡܢ ܓܪܒܝܐ ܘܬܒܪܐ ܪܒܐ܂
04:07 [ai]ܡܠܟ ܬܩܿܝܦ ܣܿܠܩ ܐܝܟ ܐܪܝܐ ܡܢ ܥܒܗ܂ ܘܡܚܿܒܠ ܥܡ̈ܡܐ܂ ܫܩܼܠ ܘܢܦܩ ܡܢ ܐܬܪܗ܂ ܠܡܥܒܕ ܐܪܥܟ ܠܚܘܪܒܐ܂ ܘܩܘܪ̈ܝܟ ܢܨܿܕܝܢ ܡܢ ܒܠܝ ܕܝܬܿܒ܂
04:08 [ai]ܥܠ ܗܕܐ ܐܬܟܒܼܢܘ ܣܩ̈ܐ ܘܐܪܩܕܘܼ ܘܐܝܠܠܘ܂ ܡܛܠ ܕܠܐ ܗܦܼܟܬ ܚܡܬܐ ܕܪܘܓܙܗ ܕܡܪܝܐ ܡܢܟܘܢ܂
04:09 [ai]ܘܢܗܘܐ ܒܝܘܡܐ ܗܿܘ ܐܡܿܪ ܡܪܝܐ ܢܐܒܕ ܠܒܐ ܕܡ̈ܠܟܐ ܘܠܒܐ ܕܫ̈ܠܝܛܢܐ ܘܢܬܡܗܘܢ ܟܗ̈ܢܐ ܘܢܒ̈ܝܐ ܢܬܕܿܡܪܘܢ܂
04:10 [ai]ܘܐܡܿܪܬ ܒܒܥܘ ܡܪܝܐ ܐܠܗܐ܂ ܫܪܝܪܐܝܬ ܡܛܥܿܝܘ ܐܛܥܿܝܬ ܠܥܡܐ ܗܢܐ ܘܠܐܘܪܫܠܡ܂ ܕܐܿܡܪܬ ܫܠܡܐ ܢܿܗܘܐ ܠܟܘܢ܂ ܘܗܐ ܩܪܒܼܬ ܚܪܒܐ ܥܕܡܐ ܠܢܦܫܐ܂
04:11 [ai]ܒܗ ܒܙܒܢܐ ܗܿܘ܂ ܢܬܐܡܪ ܠܥܡܐ ܗܢܐ ܘܠܐܘܪܫܠܡ܂ ܐܝܟ ܪܘܚܐ ܛܥܿܝܬܐ ܕܒܫ̈ܒܝܠܐ ܕܡܕܒܪܐ ܐܘܪܚܗܿ ܕܒܿܪܬ ܥܡܝ܂ ܠܐ ܠܡܼܕܪܐ ܘܠܐ ܠܡܚܼܡܠ܂
04:12 [ai]ܪܘܚܐ ܕܡܠܝܐ ܡܢ ܗܠܝܢ ܬܐܬܐ ܠܝ܂ ܡܟܝܠ ܐܦ ܐܢܐ ܐܿܡܠܠ ܕܝܢ̈ܝ ܥܡܗܘܢ܂
04:13 [ai]ܗܐ ܐܝܟ ܥܢܢܐ ܢܣܼܩ܂ ܘܐܝܟ ܥܠܥܠܐ ܡܪܟܒܬܗ܂ ܩܠܝܠܝܢ ܡܢ ܢܫܪ̈ܐ ܪ̈ܟܫܗ܂ ܘܝܿ ܠܢ ܕܐܬܒܙܙܢ܂
04:14 [ai]ܐܫܝܓ ܠܒܟܝ ܡܢ ܒܝܫܬܐ ܐܘܪܫܠܡ܂ ܡܛܘܠ ܕܬܬܦܪܩܝܢ܂ ܥܕܡܐ ܠܐܡܬܝ ܢܒܘܬܢ ܒܓܘܟܝ ܡܚܫ̈ܒܬܟܝ ܒܝܫ̈ܬܐ܂
04:15 [ai]ܡܛܠ ܕܩܠܐ ܕܡܚܿܘܐ ܡܢ ܕܢ ܘܡܫܿܡܥ ܟܐܒܐ ܡܢ ܛܘܪܐ ܕܐܦܪܝܡ܂
04:16 [ai]ܐܬܕܟܪܘ ܠܥܡ̈ܡܐ ܘܐܫܿܡܥܘ ܠܐܘܪܫܠܡ܂ ܗܐ ܟܢܫ̈ܐ ܐܬܿܝܢ ܡܢ ܐܪܥܐ ܪܚܝܩܼܬܐ܂ ܘܢܪܝܡܘܢ ܩܠܗܘܢ ܥܠ ܩܘܪ̈ܝܐ ܕܝܗܘܕܐ܂
04:17 [ai]ܐܝܟ ܢܛܪ̈ܝ ܚܩ̈ܠܬܐ ܗܘܼܘ ܥܠܝܗܿ ܡܢ ܚܕܪ̈ܝܗܿ܂ ܡܛܠ ܕܠܝ ܡܪܡܪܬܿ ܐܡܿܪ ܡܪܝܐ܂
04:18 [ai]ܐܘܪ̈ܚܬܟܝ ܘܥܿܒ̈ܕܝܟܝ ܥܒܼܕܘ ܠܟܝ ܗܠܝܢ܂ ܗܕܐ ܗܝ ܒܝܫܬܟܝ ܕܡܼܪܬ ܘܩܪܒܼܬ ܥܕܡܐ ܠܠܒܟܝ܀
04:19 [ai]ܡ̈ܥܝܿ ܡ̈ܥܝܿ ܟܝܿܒܝܢ ܠܝܼ ܘܬ̈ܠܘܬܝ ܠܒܝ ܡܫܿܘܪ ܠܒܝܼ ܘܠܐ ܫܬܿܩ܂ ܡܛܠ ܕܩܠܐ ܕܫܝܦܘܪܐ ܫܡܥܼܬ ܢܦܫܝܼ ܘܝܘܒܒܐ ܕܩܪܒܐ܂
04:20 [ai]ܬܒܪܐ ܥܠ ܬܒܪܐ ܢܐܼܬܐ܂ ܡܛܠ ܕܐܬܒܼܙܬܿ ܟܠܗܿ ܐܪܥܐ܂ ܡܢ ܫܼܠܝ ܐܬܒܼܙܙ ܡܫܼܟܢܝܼ ܘܢܦܼܠ ܝܪ̈ܝܥܬܝ܂
04:21 [ai]ܥܕܡܐ ܠܐܡܬܝ ܐܿܚܙܐ ܠܕܥܿܪܩ܂ ܘܐܼܫܡܥ ܩܠܐ ܕܫܝܦܘܪܐ܂
04:22 [ai]ܡܛܠ ܕܫܛܘ ܥܡܝ ܘܠܝ ܠܐ ܝܕܥܼܘ܂ ܒ̈ܢܝܐ ܐܢܘܢ ܣܟ̈ܠܐ ܘܠܐ ܗܘܼܘ ܚܟܝ̈ܡܐ܂ ܚܟܿܝܡܝܢ ܐܢܘܢ ܠܒܝܫܬܐ ܘܛܒܬܐ ܠܐ ܝܕܥܿܝܢ܂
04:23 [ai]ܚܿܪܬ ܒܐܪܥܐ ܘܗܐ ܬܘܗܼ ܘܒܘܗܿ܂ ܘܠܫܡܝܐ ܘܠܝܬ ܢܘܗܪܗܘܢ܂
04:24 [ai]ܚܿܙܝܬ ܛܘܪ̈ܐ ܘܗܐ ܙܝܿܥܝܢ܂ ܘܟܠܗܝܢ ܪ̈ܡܬܐ ܐܬܦܪܩ܂
04:25 [ai]ܚܿܪܬ ܘܗܐ ܠܝܬ ܒܪܢܫ܂ ܘܟܠܗܿ ܦܪܚܬܐ ܕܫܡܝܐ ܦܼܪܕܬ܂
04:26 [ai]ܚܿܙܝܬ ܘܗܐ ܟܪܡܠܐ ܚܪܼܒ ܐܝܟ ܡܕܒܪܐ܂ ܘܟܘܠܗܝܢ ܩܘܪ̈ܝܗ ܐܬܥܼܒܪ܂ ܡܢ ܩܕܡ ܡܪܝܐ ܘܡܢ ܩܕܡ ܚܡܬܐ ܕܪܘܓܙܗ܂
04:27 [ai]ܡܛܠ ܕܗܟܢܐ ܐܡܿܪ ܡܪܝܐ܂ ܠܚܒܿܠܐ ܬܗܘܐ ܟܠܗܿ ܐܪܥܐ܂ ܘܓܡܘܪܝܐ ܠܐ ܐܥܒܼܕ܂
04:28 [ai]ܡܛܠ ܗܠܝܢ ܬܬܐܒܠ ܐܪܥܐ܂ ܘܢܚܫܟܘܢ ܫܡܝܐ ܡܢ ܠܥܠ܂ ܟܠ ܕܡܿܠܠܬ ܘܐܬܪܥܝܬܼ ܠܐ ܐܬܬܘܼܐ܂ ܘܠܐ ܐܗܦܼܟ ܡܢܗܿ܂
04:29 [ai]ܡܢ ܩܠܐ ܕܦܪ̈ܫܐ ܘܕܫܿܕܝܢ ܒܩܫܬܐ܂ ܥܪܼܩܬܿ ܟܠܗܿ ܩܪܝܬܐ܂ ܥܠܘ ܒܥܒ̈ܐ ܘܒܫܩ̈ܝܦܐ ܣܠܩܼܘ܂ ܟܠܗܝܢ ܩܘܪ̈ܝܐ ܐܫܬܼܒܩ܂ ܘܠܝܬ ܒܪ ܐܢܫ ܕܝܬܿܒ ܒܗܝܢ܀
04:30 [ai]ܘܐܢܬܝ ܒܙܝܙܬܐ ܡܢܐ ܬܥܒܼܕܝܢ܂ ܟܕ ܬܠܒܼܫܝܢ ܙܚܘܪ̈ܝܬܐ܂ ܟܕ ܬܨܿܛܒܬܝܢ ܒܬܨܒܝܬܐ ܕܕܗܒܐ܂ ܟܕ ܬܟܚܼܠܝܢ ܒܨܿܕܝܕܐ ܥܝܢ̈ܝܟܝ܂ ܠܣܪܝܩܘܬܐ ܗܘ ܡܨܛܿܒܬܐ ܐܢܬܝ܂ ܫܒܩܘܟܝ ܚܒܪ̈ܝܟܝ ܘܢܦܫܟܝ ܒܥܿܝܢ܂
04:31 [ai]ܡܛܠ ܕܩܠܐ ܐܝܟ ܟܪܝܗܬܐ ܫܩܡܼܬܝ ܘܥܩܬܐ ܐܝܟ ܐܢܬܬܐ ܕܡܚܿܒܠܐ ܠܡܐܼܠܕ܂ ܩܠܐ ܕܒܪܬܿ ܨܗܝܘܢ ܕܡܬܛܪܦܐ܂ ܘܡܿܦܪܣܐ ܐ̈ܝܕܝܗܿ ܘܐܡܪܐ܂ ܘܝܿ ܠܝ ܕܐܬܼܛܪܦܬܿ ܢܦܫܝ ܥܠ ܩ̈ܛܝܠܝ܀

next chapter