← Back
The Comprehensive Aramaic Lexicon
← Return to the Text Browser
click on the file description for more information
62013: P Je

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


12:01 [ai]ܙܕܝܩ ܐܢܬ ܡܪܝܐ܃ ܕܐܕܘܢ ܥܡܟ܂ ܒܪܡܼ ܕܝܢܼܐ ܡܡܿܠܠ ܐܢܐ ܩܕܡܝܟ܂ ܡܛܠ ܡܢܐ ܐܘܪܚܗ ܕܪܫܝܥܐ ܡܨܠܚܐ܃ ܘܟܗܝ̈ܢܝܢ ܟܠܗܘܢ ܫܩܪ̈ܐ܂
12:02 [ai]ܢܨܒܼܬ ܐܢܘܢܼ ܘܐܫܪܘ ܥܩܪ̈ܝܗܘܢ܂ ܩܢܘܼ ܘܐܦ ܥܒܼܕܘ ܦܐܪ̈ܐ܂ ܩܪܝܒ ܐܢܬ ܒܦܘܡܗܘܢܼ ܘܪܚܝܩ ܐܢܬ ܡܢ ܟܘ̈ܠܝܬܗܘܢ܂
12:03 [ai]ܘܐܢܬ܂ ܡܪܝܐ܂ ܝܕܥܬܢܝܼ ܘܚܙܝܼܬܢܝ ܘܒܚܼܪܬ ܠܒܝ ܩܕܡܝܟ܂ ܛܝܿܒ ܐܢܘܢ ܐܝܟ ܥܢܐ ܠܢܟܣܬܐ܂ ܘܙܡܿܢ ܐܢܘܢ ܠܝܘܡ ܩܛܠܐ܂
12:04 [ai]ܥܕܡܐ ܠܐܡܬܝ܂ ܬܬܐܒܠ ܐܪܥܐ܃ ܘܥܣܒܐ ܟܠܗ ܕܚܩܠܐ ܝܒܼܫ܂ ܡܢ ܒܝܫܼܬܐ ܕܥܡܘܪ̈ܝܗܿ ܣܦܼܬ ܒܥܝܪܐ ܘܦܪܚܬܐ܂ ܕܐܡܼܪܘ ܠܐ ܢܚܙܐ ܚܪܬܢ܂
12:05 [ai]ܗܐ ܥܡ ܪ̈ܓܠܝܐ ܪܗܼܛܬܼ ܘܐܠܐܝܘܟ܂ ܘܐܝܟܢܐ ܡܬܚܪܐ ܐܢܬ ܥܡ ܪ̈ܟܫܐ܂ ܘܒܐܪܥܐ ܕܫܠܡܐܿ ܬܟܝܠ ܐܢܬ܂ ܘܐܝܿܟܢܐ ܥܒܿܪ ܐܢܬ ܒܥܘܫܢܗ ܕܝܘܪܕܢܢ܂
12:06 [ai]ܡܛܠ ܕܐܦ ܐܚ̈ܝܟ ܘܒܝܬ ܐܒܘܟ܃ ܐܦ ܗܼܢܘܢ ܕܓܠܘ ܒܟ܂ ܐܦ ܗܼܢܘܢ ܐܡܼܪܘ ܒܬܪܟ ܡ̈ܠܐ܂ ܠܐ ܬܗܝܡܢ ܐܢܘܢ ܟܕ ܢܡܠܠܘܢ ܥܠܝܟ ܛܒܬܐ܂܀܀
12:07 [ai]ܫܒܿܩܬ ܒܝܬܝܿ ܫܒܿܩܬ ܝܪܬܘܬܝ܂ ܝܗܿܒܬ ܚܒܝܒܬ ܢܦܫܝܼ ܒܐܝܼܕܐ ܕܒ̈ܥܠܕܒܒܝܗܿ܂
12:08 [ai]ܗܘܬ ܠܝ ܝܪܬܘܬܝܼ ܐܝܟ ܐܪܝܐ ܒܥܒܐ܂ ܐܪܝܡܼܬܿ ܥܠܝ ܒܩܠܗܿ܂ ܡܛܠ ܗܢܐܼ ܣܢܝܬܗܿ܀
12:09 [ai]ܛܝܪܐ ܡܨܝܪܬܐ ܗܘܬ ܠܝ ܝܪܬܘܬܝܼ ܘܛܝܪܐ ܚܕܪ̈ܐ ܠܗܿ܂ ܙܠܘ ܟܢܿܫܘ ܟܠܗܿ ܚܝܘܬܐ ܕܕܒܪܐ܃ ܐܝܿܬܘ ܠܡܐܟܠܗܿ܂
12:10 [ai]ܪ̈ܥܘܬܐ ܣ̈ܓܝܐܐ ܚܿܒܠܘ ܟܪܡܝ܂ ܕܫܼܘ ܦܠܓܘܬܝ܂ ܥܒܼܕܘ ܦܠܓܘܬܐ ܕܪܓܬܝܼ ܐܝܟ ܡܕܒܪܐ ܚܪܒܐ܀
12:11 [ai]ܐܨܕܝܘܼ ܘܐܚܪܒܘܗܿ܂ ܐܬܐܒܿܠܬ ܥܠܝ ܚܪܒܬܐ܂ ܨܕܬܼ ܟܠܗܿ ܐܪܥܐ܂ ܡܛܠ ܕܠܝܬ ܐܢܫ ܕܡܿܝܬܐ ܥܠ ܒܠܗ܂
12:12 [ai]ܥܠ ܟܠܗܘܢ ܫ̈ܒܝܠܐ ܕܡܕܒܪܐܼ ܐܬܼܘ ܒܙܘ̈ܙܐ܂ ܡܛܠ ܕܚܪܒܗ ܕܡܪܝܐ ܐܟܠܐܿ ܡܢ ܣܘ̈ܦܝܗܿ ܕܐܪܥܐ܃ ܘܥܕܡܐ ܠܣܘ̈ܦܝܗ ܕܐܪܥܐ܂ ܘܠܝܬ ܫܠܡܐܿ ܠܟܠ ܒܣܪ܀
12:13 [ai]ܙܪܘܥܘ ܚ̈ܛܐ ܘܚܨܘܕܘ ܟܘܒ̈ܐ܂ ܘܠܐܿܘܿ ܘܡܕܡ ܠܐ ܡܘܬܪܝܢ ܐܢܬܘܢ܂ ܘܒܗܬܘܼ ܡܢ ܥ̈ܠܠܬܟܘܢ܂ ܡܛܠ ܚܡܬܐ ܕܪܘܓܙܗ ܕܡܪܝܐ܀
12:14 [ai]ܗܟܢܐ ܐܡܿܪ ܡܪܝܐ܂ ܥܠ ܟܠܗܘܢ ܫ̈ܒܒܝ ܪ̈ܥܘܬܐ܃ ܕܩܪܒܘܼ ܒܝܪܬܘܬܐ ܕܐܿܘܪܬܬ ܠܥܡܝ ܐܝܣܪܐܝܠ܂ ܗܐ ܥܩܿܪ ܐܢܐ ܠܗܘܢܼ ܡܢ ܐܬܪܗܘܢ܂ ܘܠܕܒܝܬ ܝܗܘܕܐܼ ܐܥܩܘܪ ܡܢ ܒܝܢܬܗܘܢ܂
12:15 [ai]ܘܡܢ ܒܬܪ ܕܐܥܩܘܪ ܐܢܘܢ܃ ܐܬܘܒܼ ܘܐܪܚܿܡ ܥܠܝܗܘܢ܂ ܘܐܗܦܟ ܐܢܘܢܼ ܓܒܪ ܠܝܪܬܘܬܗܼ ܘܓܒܪ ܠܐܪܥܗ܂
12:16 [ai]ܘܐܢ ܢܠܦܘܢ ܐܘܪ̈ܚܬܝ ܠܥܡܝ܃ ܕܢܐܼܡܘܢ ܒܫܡܝ ܚܝ ܗܘ ܡܪܝܐ܃ ܐܝܟ ܕܐܠܦܘ ܠܥܡܝ ܕܢܐܼܡܘܢ ܒܒܥܠܐ܃ ܢܬܼܒܘܿܢ ܒܓܘ ܥܡܝ܂
12:17 [ai]ܘܐܢ ܠܐ ܢܫܡܼܥܘܢ܃ ܐܥܩܪܝܘܗܝ ܠܥܡܐ ܗܢܐ ܡܥܩܼܪ ܘܡܘܿܒܕܘܿ ܐܡܿܪ ܡܪܝܐ܀

next chapter