← Back
The Comprehensive Aramaic Lexicon
← Return to the Text Browser
click on the file description for more information
62013: P Je

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


18:01 [ai]ܦܬܓܡܐ ܕܗܘܼܐ ܥܠ ܐܪܡܝܐ ܡܢ ܩܕܡ ܡܪܝܐ ܠܡܐܡܪ܂
18:02 [ai]ܩܘܡ ܚܘܬ ܠܒܝܬ ܦܚܪܐ܃ ܘܬܡܿܢ ܐܫܡܥܟ ܦܬ̈ܓܡܝ܂
18:03 [ai]ܘܢܿܚܬܬ ܠܒܝܬ ܦܚܪܐܼ ܐܝܟ ܦܬܓܡܗ ܕܡܪܝܐ܂ ܘܗܐ ܗܘܼ ܥܒܿܕ ܥܿܒܕܐ ܥܠ ܣܕܢܐ܂
18:04 [ai]ܘܐܬܚܿܒܠ ܗܘܐ ܡܐܢܐ ܕܛܝܢܐ ܕܥܒܿܕ ܗܘܐ ܒܐܝܼܕܗ ܕܦܚܪܐ܂ ܘܗܦܼܟ ܘܥܒܕܗ ܡܐܢܐ ܐܚܪܢܐܼ ܐܝܟ ܕܨܒܼܐ܂
18:05 [ai]ܘܗܘܼܐ ܥܠܝ ܦܬܓܡܗ ܕܡܪܝܐ ܠܡܐܡܪ܂
18:06 [ai]ܐܝܟ ܦܚܪܐ ܗܢܐܿ ܠܐ ܡܫܿܟܚ ܐܢܐ ܕܐܥܒܕ ܠܟܘܢ ܒܝܬ ܐܝܣܪܝܠ ܐܡܿܪ ܡܪܝܐ܂ ܗܐ ܐܝܟ ܛܝܢܐ ܒܐܝ̈ܕܝ ܦܚܪܐ܃ ܗܟܢܐ ܐܢܬܘܢ ܒܐ̈ܝܕܝ ܒܝܬ ܐܝܣܪܝܠ܀
18:07 [ai]ܐܢ ܡܢ ܫܠܝܐ ܐܡܿܪ ܥܠ ܥܡܐ ܘܥܠ ܡܠܟܘܬܐ܃ ܠܡܥܩܼܪ ܘܠܡܣܼܬܪ ܘܠܡܣܿܚܦܘ ܘܠܡܘܿܒܕܘ܃
18:08 [ai]ܘܢܬܘܒ ܥܡܐ ܗܘܿ ܡܢ ܒܝܫܼܬܗ܃ ܐܗܦܟ ܡܢܗ ܒܝܫܼܬܐ ܕܐܬܚܿܫܒܬ ܠܡܥܒܕ ܠܗ܀
18:09 [ai]ܘܐܢ ܐܿܡܪ ܥܠ ܥܡܐ ܘܥܠ ܡܠܟܘܬܐ܃ ܠܡܒܢܐ ܘܠܡܨܒ܃
18:10 [ai]ܘܢܥܒܕ ܕܒܝܫ ܩܕܡܝ ܘܠܐ ܢܫܡܥ ܒܩܠܝܼ܂ ܐܗܦܟ ܡܢܗ ܛܒܬܐ ܕܐܿܡܪܬ ܠܡܛܐܿܒܘ ܠܗ܂
18:11 [ai]ܘܗܫܐ ܐܡܼܪ ܠܓܒܪ̈ܐ ܕܝܗܘܕܐ ܘܠܥܡܘܪ̈ܝܗܿ ܕܐܘܪܫܠܡ܃ ܗܟܢܐ ܐܡܿܪ ܡܪܝܐ܂ ܗܐ ܒܪܐ ܐܢܐ ܥܠܝܟܘܢ ܒܝܫܬܐ܃ ܘܡܬܚܿܫܒ ܐܢܐ ܥܠܝܟܘܢ ܡܚܫܒܬܐ܂ ܬܘܒܘܼ ܘܐܬܦܼܢܘ ܓܒܪ ܡܢ ܐܘܪܚܗ ܒܝܫܬܐ܂ ܘܐܛܿܐܒܘ ܐܘܪ̈ܚܬܟܘܢܼ ܘܥܿܒ̈ܕܝܟܘܢ܂
18:12 [ai]ܘܐܡܼܪܘ ܗܢܼܘܢ܂ ܢܬܚܝܠܼ ܘܒܬܪ ܡܚܫ̈ܒܬܢ ܢܐܙܠ܂ ܘܐܢܫܼ ܨܒܝܢ̈ܝ ܠܒܗ ܒܝܫܼܐ ܢܥܒܕ܀
18:13 [ai]ܡܛܠ ܗܢܐܼ ܗܟܢܐ ܐܡܿܪ ܡܪܝܐ܂ ܫܐܿܠܘ ܒܝܬ ܥܡ̈ܡܐ ܡܢܼܘ ܥܒܼܕ ܐܝܟ ܗܠܝܢ܂ ܫܛܝܘܬܐܿ ܪܒܬܐ ܥܒܼܕܬ ܒܬܘܠܬܐ ܕܐܝܣܪܝܠ܂
18:14 [ai]ܐܢ ܥܢܿܕ ܡܢ ܛܘܪ ܬ̈ܕܝܐ ܬܠܓܐ ܘܡܢ ܠܒܢܢ܂ ܘܐܢ ܡܬܟܠܝܢ ܡ̈ܝܐ ܩܪ̈ܝܪܐ ܢܘܟܪ̈ܝܐ ܕܪܕܝܢ܂
18:15 [ai]ܡܛܘܠ ܕܛܥܐܘܢܝ ܥܡܝܼ܂ ܘܠܣܪܝܩܘܬܐܼ ܣܡܼܘ ܒܣ̈ܡܐ܂ ܘܐܬܬܩܠܘ ܒܐܘܪ̈ܚܬܗܘܢ ܒܫ̈ܒܝܠܐ ܕܥܠܡ܃ ܠܡܐܼܙܠ ܒܫ̈ܒܝܠܐ ܒܐܘܪܚܐ ܕܠܐ ܕܪܝܫܐ܂
18:16 [ai]ܠܡܥܒܕ ܐܪܥܗܘܢ ܠܬܡܗܐܿ ܘܠܡܫܪܘܩܝܬܐܼ ܠܥܠܡ܂ ܘܟܠ ܕܢܥܒܪ ܥܠܝܗܿ܂ ܢܬܡܗ ܘܢܢܼܝܕ ܒܪܝܫܗ܂
18:17 [ai]ܐܝܟ ܪܘܚܐ ܕܫܘܒܐ ܐܒܿܕܪ ܐܢܘܢ ܩܕܡ ܒ̈ܥܠܕܒܒܐ܂ ܩܕܠܐ ܘܠܐ ܐ̈ܦܐ ܐܿܚܘܐ ܐܢܘܢ ܒܝܘܡܐ ܕܥܩܿܬܗܘܢ܂
18:18 [ai]ܘܐܡܼܪܘܼ܂ ܬܿܘ ܢܬܚܫܒ ܡܚܫܒܬܐ ܥܠ ܐܪܡܝܐ܃ ܕܠܐ ܢܐܼܒܕ ܢܡܘܣܐ ܡܢ ܟܗ̈ܢܐ܃ ܘܬܪܥܝܬܐ ܡܢ ܚܟ̈ܝܡܐ ܘܡܠܬܐ ܡܢ ܢܒ̈ܝܐ܂ ܬܘ ܢܡܼܚܝܘܗܝܼ ܒܠܫܢܗ܃ ܘܠܐܿ ܢܨܘܼܬ ܟܘܠܗܘܢ ܦܬ̈ܓܡܘܗܝ܀
18:19 [ai]ܨܘܬܝܢܝ ܡܪܝܐܼ ܘܫܡܼܥ ܩܠ ܥܘܠܒܢܝ܂
18:20 [ai]ܐܬܦܼܪܥ ܒܝܫܼܬܐ ܚܠܦ ܛܒܬܐ܃ ܕܚܦܼܪܘ ܓܘܡܨܐ ܠܢܦܫܝ܂ ܐܬܕܟܪ ܕܩܿܡܬ ܩܕܡܝܟ ܘܡܿܠܠܬ ܥܠܝܗܘܢ ܛܒܬܐ܃ ܠܡܗܼܦܟܘ ܚܡܬܟ ܡܢܗܘܢ܂
18:21 [ai]ܡܛܠ ܗܢܐ ܗܒ ܒ̈ܢܝܗܘܢ ܠܟܦܢܐ܃ ܘܐܫܠܡ ܐܢܘܢ ܠܐ̈ܝܕܝ ܚܪܒܐ܂ ܢܗ̈ܘܝܢ ܢܝܫ̈ܝܗܘܢ ܡ̈ܓܙܝܼܢ ܘܐܪ̈ܡܠܢ܂ ܘܓܿܒܪ̈ܝܗܘܢܿ ܢܗܼܘܘܢܼ ܩܼ̈ܛܝܠܝ ܡܘܬܐ܂ ܘܥ̈ܠܝܡܝܗܘܢ ܩ̈ܛܝܠܝ ܚܪܒܐܿ ܒܩܪܒܐ܂
18:22 [ai]ܬܫܼܬܡܥ ܐܝܠܠܬܐ ܡܢ ܒܬ̈ܝܗܘܢ܃ ܟܕ ܬܝܿܬܐ ܥܠܝܗܘܢ ܓܝܣܼܐ ܡܢ ܫܠܝܐ܂ ܡܛܠ ܕܚܦܼܪܘ ܓܘܡܨܐ ܠܢܦܫܝ ܠܡܐܚܕܢܝ܂ ܘܦܚ̈ܐ ܛܡܼܪܘ ܠܪ̈ܓܠܝ܂
18:23 [ai]ܘܐܢܬ ܡܪܝܐܼ ܝܕܥܿ ܐܢܬ ܟܠ ܕܐܬܪܥܿܝܘ ܥܠܝ ܠܡܘܬܐ܂ ܠܐܿ ܬܚܣܐ ܥܠ ܥܘܼܠܗܘܢ܂ ܘܚ̈ܛܗܝܗܘܢ ܡܢ ܩܕܡܝܟܼ ܠܐ ܬܼܥܛܐ܂ ܢܗܘܘܢ ܪܡܼܝܢ ܩܕܡܝܟ܃ ܘܒܙܒܢ ܪܘܓܙܟܼ ܥܒܼܪ ܒܗܘܢ܀

next chapter