← Back
The Comprehensive Aramaic Lexicon
← Return to the Text Browser
click on the file description for more information
62013: P Je

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


19:01 [ai]ܗܟܢܐ ܐܡܼܪ ܠܝ ܡܪܝܐ܂ ܙܠ ܘܙܒܼܢ ܒܓܒܘܓܐ ܕܦܚܪܐ܃ ܘܕܒܼܪ ܥܡܟ ܡܢ ܣܒ̈ܐ ܕܥܡܐܼ ܘܡܢ ܣܒ̈ܐ ܕܟܗ̈ܢܐ܂
19:02 [ai]ܘܦܘܼܩ ܠܢܚܠܐ ܕܒܪܗܢܘܡ ܕܒܡܥܠܢܐ ܕܬܪܥܐ ܕܚܕܣܼܝܬ܂ ܘܐܟܪܙ ܬܡܿܢ ܦܬ̈ܓܡܐ ܕܐܿܡܪ ܠܟ܂
19:03 [ai]ܘܐܡܼܪ܃ ܫܡܥܼܘ ܦܬܓܡܗ ܕܡܪܝܐ ܡ̈ܠܟܐ ܕܝܗܘܕܐܼ ܘܥܡܘܪ̈ܝܗܿ ܕܐܘܪܫܠܡ܂ ܗܟܢܐ ܐܡܿܪ ܡܪܝܐ ܚܝܠܬܢܐ ܐܠܗܐ ܕܐܝܣܪܝܠ܂ ܗܐ ܡܿܝܬܐ ܐܢܐ ܒܝܫܼܬܐ ܥܠ ܐܬܪܐ ܗܢܐ܃ ܕܟܠ ܕܢܫܡܥܝܗܿ ܢܨ̈ܠܢ ܐ̈ܕܢܘܗܝ܂
19:04 [ai]ܥܠ ܕܫܒܩܘܢܝ ܘܛܢܿܦܘܗܝ ܠܐܬܪܐ ܗܢܐ܃ ܘܣܡܼܘ ܒܗ ܒܣ̈ܡܐ ܠܐ̈ܠܗܐ ܐܚܪ̈ܢܐ܃ ܕܠܐ ܝܕܥܼܘ ܐܢܘܢ ܗܼܢܘܢ ܘܐ̈ܒܗܝܗܘܢ ܘܡ̈ܠܟܐ ܕܝܗܘܕܐ܂ ܘܡܠܐܘܗܝ ܠܐܬܪܐ ܗܢܐ ܕܡܐ ܙܟܝܐ܂
19:05 [ai]ܘܡܠܘ ܥ̈ܠܘܬܐ ܠܒܥܠܼܐ܃ ܠܡܘܩܕܘ ܒ̈ܢܝܗܘܢ ܒܢܘܪܐ ܝܩܼܕܐ ܠܒܥܠܐ܂ ܕܠܐ ܦܩܕܬܿ ܘܠܐ ܐܿܡܪܬܼ ܘܠܐ ܣܠܩܬܿ ܥܠ ܠܒܝ܀܂
19:06 [ai]ܡܛܠ ܗܢܐܿ ܗܐ ܝܘܡ̈ܬܐ ܐܬ̈ܝܢ ܐܡܿܪ ܡܪܝܐ܃ ܘܠܐ ܢܬܩܪܐ ܬܘܒ ܐܬܪܐ ܗܢܐ ܬܦܬܿ ܘܢܚܠܐ ܕܒܪܗܢܘܡ܂ ܐܠܐܼ ܐܢ ܢܚܠܐ ܕܩ̈ܛܝܼܠܐ܂
19:07 [ai]ܘܐܒܿܛܠ ܬܪܥܝܬܐ ܕܝܗܘܕܐ ܘܕܐܘܪܫܠܡ ܒܐܬܪܐ ܗܢܐ܂ ܘܐܿܪܡܐ ܐܢܘܢ ܒܚܪܒܐ ܩܕܡ ܒ̈ܥܠܕܒܒܝܗܘܢ܂ ܒܐܝܼܕܐ ܕܐܝܠܝܢ ܕܒܥܿܝܢ ܢܦܫܗܘܢ܂ ܘܐܬܠ ܫ̈ܠܕܝܗܘܢ ܡܐܟܘܠܬܐ ܠܦܪܚܬܐ ܕܫܡܝܐܼ ܘܠܚܝܘܬܐ ܕܐܪܥܐ܂
19:08 [ai]ܘܐܥܒܕܝܗܿ ܠܩܪܝܼܬܐ ܗܕܐ ܠܬܡܗܐܼ ܘܠܡܫܪܘܩܝܬܐ܂ ܘܟܠ ܡܿܢ ܕܢܥܒܼܪ ܥܠܝܗܿ܃ ܢܬܼܡܗܼ ܘܢܫܪܩ ܥܠ ܟܠܗܝܢ ܡܚ̈ܘܬܗܿ܂
19:09 [ai]ܘܐܘܿܟܠ ܐܢܘܢ ܒܣܪܐ ܕܒܢܝܗܘܢܼ ܘܕܒܢܬ̈ܗܘܢ܂ ܘܓܒܪ ܒܣܪ ܚܒܪܗ ܢܐܟܠܘܢ܂ ܒܐܘܠܨܢܐܿ ܘܒܥܿܩܬܐܿ ܕܢܥܝܼܩܘܢ ܠܗܘܢ ܒܥ̈ܠܕܒܒܝܗܘܢ ܘܐܝܠܝܢ ܕܒܥܿܝܢ ܢܦܫܗܘܢ܂
19:10 [ai]ܘܬܒܪܝܗܝ ܠܒܓܒܘܓܐܼ ܠܥܝܢ ܓܒܪ̈ܐ ܕܐܙܿܠܝܢ ܥܡܟ܂
19:11 [ai]ܘܐܡܼܪ ܠܗܘܢ܃ ܗܟܢܐ ܐܡܿܪ ܡܪܝܐ ܚܝܠܬܢܐ܂ ܗܟܢܐ ܐܬܒܼܪܝܘܗܝ ܠܥܡܐ ܗܢܐ ܘܠܩܪܝܬܐ ܗܕܐ܃ ܐܝܟ ܕܐܬܼܬܒܪ ܡܐܢܐ ܗܢܐ ܕܦܚܪܐ܃ ܕܬܘܒ ܠܐ ܡܫܿܟܚ ܠܡܬܐܣܝܘ܂ ܘܒܬܦܬܿ ܢܩܒܪܘܢ ܡܢ ܒܠܝ ܐܬܪܐ ܠܡܩܒܪ܂
19:12 [ai]ܗܟܢܐ ܐܥܒܕ ܠܐܬܪܐ ܗܢܐ ܘܠܥܡܘܪ̈ܘܗܝ ܐܡܿܪ ܡܪܝܐ܂ ܘܐܥܒܕܝܗܿ ܠܩܪܝܬܐ ܗܕܐ ܐܝܟ ܬܦܬܿ܂
19:13 [ai]ܘܢܗܘܘܢ ܒܬ̈ܐ ܕܐܘܪܫܠܡ ܘܒܬ̈ܐ ܕܡ̈ܠܟܐ ܕܝܗܘܕܐ܂ ܐܝܟ ܐܬܪܐ ܕܬܦܬܿ ܡܛܡܿܐܝܢ ܟܠ ܒܬ̈ܐ ܕܣܡܘ ܒܣܡ̈ܐ ܥܠ ܐܓܪ̈ܝܗܘܢ ܠܟܠ ܚܝ̈ܠܘܬܐ ܕܫܡܝܐ܃ ܘܢܩܿܝܘ ܢܘܩ̈ܝܐ ܠܐ̈ܠܗܐ ܐܚܪ̈ܢܐ܀܀܂
19:14 [ai]ܘܐܬܼܐ ܐܪܡܝܐ ܡܢ ܬܦܬܿ ܕܫܕܪܗ ܡܪܝܐ ܠܡܬܿܢܒܝܘ ܬܡܿܢ܂ ܘܩܡ ܒܕܪܬܐ ܕܒܝܬܗ ܕܡܪܝܐ܃ ܘܐܡܼܪ ܠܟܠܗ ܥܡܐ܂
19:15 [ai]ܗܟܢܐ ܐܡܿܪ ܡܪܝܐ ܚܝܠܬܢܐ ܐܠܗܐ ܕܐܝܣܪܝܠ܂ ܗܐ ܡܿܝܬܐ ܐܢܐ ܥܠ ܡܕܝܢܬܐ ܗܕܐ ܘܥܠ ܟܘܠܗܝܢ ܩܘܪ̈ܝܗܿ܃ ܟܠܗܿ ܒܝܫܼܬܐ ܕܐܿܡܪܬ ܥܠܝܗܿ܂ ܥܠ ܕܩܫܿܝܘ ܩܕܠܗܘܢ ܕܠܐ ܢܫܡܼܥܘܢ ܦܬ̈ܓܡܝ܀

next chapter