← Back
The Comprehensive Aramaic Lexicon
← Return to the Text Browser
click on the file description for more information
62013: P Je

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


22:01 [ai]ܗܟܢܐ ܐܡܿܪ ܡܪܝܐ܂ ܚܿܘܬ ܠܒܝܬ ܡܿܠܟܐ ܕܝܗܘܕܐ܃ ܘܡܠܠ ܬܡܿܢ ܦܬܓܡܐ ܗܢܐܼ
22:02 [ai]ܘܐܡܼܪ܂ ܫܡܥܼܘ ܦܬܓܡܗ ܕܡܪܝܐ ܡܿܠܟܐ ܕܝܗܘܕܐ܃ ܕܝܬܿܒ ܥܠ ܟܘܪܣܝܗ ܕܕܘܝܕ܂ ܐܢܬܿ ܘܥܒܼ̈ܕܝܟܼ ܘܥܡܟ ܕܥܐܿܠܝܢ ܒܬܪ̈ܥܐ ܗܠܝܢ܂
22:03 [ai]ܗܟܢܐ ܐܡܿܪ ܡܪܝܐ܂ ܥܒܼܕܘ ܕܝܢܼܐܼ ܘܙܕܝܩܘܬܐ܂ ܘܦܨܘ ܠܛܠܝܡܐ ܡܢ ܡܿܢ ܕܛܠܡܿ ܠܗ܂ ܘܠܥܡܘܪ̈ܐܿ ܘܠܝ̈ܬܡܐ ܘܠܐܪ̈ܡܠܬܐ܃ ܠܐ ܬܥܠܒܘܢܼ ܘܠܐ ܬܛܠܡܘܢ܂ ܘܕܡܐ ܙܟܝܐܼ ܠܐ ܬܐܫܕܘܢ ܒܐܬܪܐ ܗܢܐ܂
22:04 [ai]ܘܐܢ ܡܥܒܕ ܬܥܼܒܕܘܢ ܦܬܓܡܐ ܗܢܐ܃ ܢܥܼܠܘܢ ܒܬܪ̈ܥܘܗܝ ܕܒܝܬܐ ܗܢܐ܃ ܡ̈ܠܟܐ ܕܝܬܿܒܝܢ ܥܠ ܟܘܪܣܝܗ ܕܕܘܝܕ܂ ܟܕ ܪܟܝܒܼܝܢ ܒܡܪ̈ܟܒܬܐܼ ܘܒܪ̈ܟܫܐ܂ ܗܘܼ ܘܥܒܼ̈ܕܘܗܝܼ ܘܥܡܗ܂
22:05 [ai]ܘܐܠܐ ܬܫܡܼܥܘܢ ܦܬܓܡܐ ܗܢܐ܃ ܒܝ ܐܝܿܡܝܬ ܐܡܿܪ ܡܪܝܐ܃ ܕܠܚܘܪܒܐ ܢܗܿܘܐ ܒܝܬܐ ܗܢܐ܂
22:06 [ai]ܡܛܠ ܕܗܟܢܐ ܐܡܿܪ ܡܪܝܐ ܥܠ ܒܝܬ ܡܿܠܟܐ ܕܝܗܘܕܐ܂ ܓܠܥܕ ܐܢܬ ܗܘ ܪܝܫ ܠܒܢܢ܂ ܐܠܐ ܐܥܒܕܟ ܡܕܒܪܐܼ ܐܝܟ ܩܘܪ̈ܝܐ ܕܠܐ ܐܬܝܬܿܒ܂
22:07 [ai]ܘܐܿܛܝܒ ܥܠܝܟ ܡܚܒ̈ܠܢܐ܂ ܓܒܪܐܼ ܘܢܪܓܗ ܒܐܝܼܕܗ܂ ܘܢܦܼܣܩܘܢ ܓܒ̈ܝܐ ܕܐܪ̈ܙܝܟܼ ܘܢܪܡܘܢ ܒܢܘܪܐ܂
22:08 [ai]ܘܢܥܒܪܘܢ ܥܡ̈ܡܐ ܣ̈ܓܝܐܐ ܥܠ ܩܪܝܬܐ ܗܕܐ ܪܒܬܐ܃ ܢܐܡܪܘܢ ܓܒܪ ܠܚܒܪܗ܂ ܥܠ ܡܢܐ ܥܒܼܕ ܡܪܝܐ ܗܟܢܐ ܠܩܪܝܬܐ ܗܕܐ ܪܒܬܐ܂
22:09 [ai]ܘܢܐܡܼܪܘܢ܂ ܥܠ ܕܫܒܼܩܘ ܩܝܡܗ ܕܡܪܝܐ ܐܠܗܗܘܢ܃ ܘܣܓܕܘ ܠܐ̈ܠܗܐ ܐܚܪ̈ܢܐ ܘܦܠܚܼܘܿ ܐܢܘܢ܀
22:10 [ai]ܠܐ ܬܒܼܟܘܢ ܥܠ ܡܝܬܐܼ ܘܠܐ ܬܢܘܕܘܢ ܥܠܘܗܝ܂ ܒܟܼܘ ܡܒܼܟܐܼ ܥܠ ܡܿܢ ܕܐܙܠܼ ܘܬܘܒ ܠܐ ܗܿܦܟ܂ ܘܠܐ ܚܿܙܐ ܐܪܥܐ ܕܐܬܝܠܕ ܒܗܿ܂
22:11 [ai]ܡܛܠ ܕܗܟܢܐ ܐܡܿܪ ܡܪܝܐ܃ ܥܠ ܫܠܘܡ ܒܪ ܝܘܫܝܐ ܕܐܡܠܟ ܚܠܦ ܝܘܫܝܐ ܐܒܘܗܝ܃ ܕܢܦܼܩ ܡܢ ܐܬܪܐ ܗܢܐ܂ ܠܐ ܢܗܦܘܟ ܠܬܡܿܢ ܬܘܒ܂
22:12 [ai]ܐܠܐ ܒܐܬܪܐ ܕܐܫܬܒܝܼ ܬܡܿܢ ܢܡܘܬ܂ ܘܐܪܥܐ ܗܕܐ ܬܘܒ ܠܐ ܢܚܙܐ܀
22:13 [ai]ܘܿܝ ܠܕܒܿܢܐ ܒܝܬܗ ܕܠܐ ܒܙܕܩܐ ܘܥ̈ܠܝܬܗ ܕܠܐ ܒܕܝܢܼܐ܂ ܚܒܪܗ ܦܠܚܿ ܠܗ ܡܓܢ܃ ܘܐܓܪܗܼ ܠܐ ܝܗܿܒ ܠܗ܂
22:14 [ai]ܕܐܡܿܪ ܐܿܒܢܐ ܠܝ ܒܝܬܐ ܕܡܘܫ̈ܚܬܐܼ ܘܥ̈ܠܝܬܐ ܡܪ̈ܘܚܬܐ܂ ܘܦܬܿܚ ܠܗܝܢ ܟܘ̈ܐܼ ܘܡܿܛܠܠ ܠܗܝܢ ܒܐܪ̈ܙܐ܂ ܘܨܐܿܪ ܠܗܝܢ ܨܘܪ̈ܬܐ܂
22:15 [ai]ܡܡܠܟ ܐܢܬ ܕܐܢܬ ܡܬܚܿܕܐ ܒܐܪ̈ܙܐ܃ ܐܒܘܟ ܐܟܠܼ ܘܐܫܬܝ܂ ܘܥܒܼܕ ܕܝܢܼܐ ܘܙܕܝܩܘܬܐ܂ ܡܛܠ ܗܢܐܼ ܐܿܛܐܒܬ ܠܗ܂
22:16 [ai]ܕܢ ܕܝܢܼܐ ܕܡܣ̈ܟܢܐ ܘܕܒܿܝ̈ܫܐܼ ܘܥܒܼܕ ܕܫܦܝܪ܂ ܡܿܢ ܕܗܠܝܢ ܥܒܿܕ ܝܕܥܿ ܠܝ ܐܡܿܪ ܡܪܝܐ܂
22:17 [ai]ܕܝܠܟ ܕܝܢ ܥܝܢ̈ܝܟ ܘܠܒܟ܃ ܠܝܬ ܥܠ ܡܕܡ ܐܚܪܢ܂ ܐܠܐܼ ܥܠ ܩܢܝܢܟ܂ ܘܥܠ ܕܡܐ ܙܟܝܐ ܠܡܐܼܫܕ܂ ܘܥܠ ܥܫܘܩܝܐܼ ܘܥܠ ܛܠܘܡܝܐ ܠܡܥܒܕ܂
22:18 [ai]ܡܛܠ ܕܗܟܢܐ ܐܡܿܪ ܡܪܝܐ܃ ܥܠ ܝܘܝܩܝܡ ܒܪ ܝܘܫܝܐ ܡܿܠܟܐ ܕܝܗܘܕܐ܂ ܠܐܿ ܢܪ̈ܩܕܘܢ ܥܠܘܗܝ܂ ܘܠܐܿ ܢܐܼܡܪܘܢ ܘܿܝ ܐܚܝܿ ܘܿܝ ܐܚܝ܂ ܘܠܐ ܢܿܪ̈ܩܕܘܢ ܥܠܘܗܝ ܘܿܝ ܡܪܐܿ ܘܿܝ ܡܪܐ܂
22:19 [ai]ܩܒܘܪܬܼ ܚܡܪ ܢܬܩܒܪ܂ ܘܢܓܪܘܢ ܘܢܫܕܘܢܗܼ ܠܗܠ ܡܢ ܬܪ̈ܥܝܗܿ ܕܐܘܪܫܠܡ܀܂
22:20 [ai]ܣܩܝ ܠܠܒܢܢ ܘܐܙܥܩܝ܂ ܘܒܡܬܢܝܼܢ ܐܪܝܡܝ ܩܠܟܝ܂ ܘܐܙܥܩܝ ܡܢ ܥܒܪ̈ܝ ܝܡܐ܂ ܕܐܬܬܼܒܪܘܼ ܟܠܗܘܢ ܪ̈ܚܡܿܝܟܝ܂
22:21 [ai]ܘܐܿܡܪܬ ܠܟܝ ܒܟܗܝܢܘܬܟܝ܃ ܘܐܡܼܪܬܝ ܠܐ ܐܫܼܡܥ܂ ܗܕܐ ܗܝ ܐܘܪܚܟܝ ܡܢ ܛܠܝܘܬܟܝ܂ ܘܠܐ ܫܡܥܼܬܝ ܒܩܠܝ܂
22:22 [ai]ܠܟܠܗܘܢ ܪ̈ܥܘܬܟܝܿ ܬܪܥܼܐ ܐܢܘܢܼ ܪܘܚܐ܂ ܘܪ̈ܚܡܿܝܟܝܼ ܒܫܒܝܐ ܢܐܙܠܘܢ܂ ܘܗܿܝ ܕܝܢ ܬܒܗܼܬܝܢ ܘܬܬܟܣܝܢ ܡܢ ܟܠܗܝܢ ܒܝܫܬ̈ܟܝ܀
22:23 [ai]ܝܬܒܬܿ ܒܠܒܢܢ܃ ܡܩܢܼܬ ܒܐܪ̈ܙܐ܃ ܡܢܐܿ ܡܬܬܢܚܬܝ܃ ܟܕ ܢܐܼܬܘܢ ܥܠܝܟܝ ܚܒ̈ܠܼܐ ܘܙܘܥܬܐ ܐܝܟ ܕܝܠܕܬܐ܂
22:24 [ai]ܚܝ ܐܢܐ ܐܡܿܪ ܡܪܝܐ ܐܠܗܐ܂ ܐܢ ܢܗܘܐ ܝܘܟܢܝܐ ܒܪ ܝܘܝܩܝܡ ܡܿܠܟܐ ܕܝܗܘܕܐ܃ ܚܬܿܡܐ ܥܠ ܐܝܕܝ ܕܝܡܝܢܐ܃ ܐܠܐܼ ܡܢ ܬܡܢ ܐܥܩܪܟ܂
22:25 [ai]ܘܐܫܠܡܟ ܒܝܕ ܐܢܫܐ ܐܝܠܝܢ ܕܒܥܿܝܢ ܢܦܫܟ܂ ܘܒܝܼܕ ܐܝܠܝܢ ܕܕܚܿܠ ܐܢܬ ܡܢ ܩܕܡܝܗܘܢ܂ ܒܐܝܼܕܐ ܕܢܒܘܟܕܢܨܪ ܡܿܠܟܐ ܕܒܒܠܼ ܘܒܐܝܼܕܐ ܕܟ̈ܠܕܝܐ܂
22:26 [ai]ܘܐܫܕܝܟ ܠܟ ܘܠܐܡܟ ܕܝܠܕܬܟ܃ ܠܐܪܥܐ ܐܚܪܬܐ ܕܠܐ ܐܬܝܠܕܬܘܢܼ ܬܡܢ܂ ܘܬܡܢܿ ܬܡܘܬܘܢ܂
22:27 [ai]ܘܠܐܪܥܐ ܕܣܿܒܪܢ ܢܦܫ̈ܬܟܘܢ ܠܡܗܼܦܟ ܠܬܡܿܢ ܠܐ ܬܗܼܦܟܘܢ܂
22:28 [ai]ܒܣܝܪܐܿ ܘܫܝܼܛܐ ܓܒܪܐ ܗܢܐ ܝܘܟܢܝܐ܂ ܐܝܟ ܡܐܢܐ ܕܠܝܬ ܒܗ ܚܫܚܘ܂ ܡܛܠ ܗܢܐ ܐܫܬܩܠ ܗܼܘ ܘܙܪܥܗ܃ ܘܐܫܬܕܝܘ ܠܐܪܥܐ ܕܠܐ ܝܕܥܝܢ܂
22:29 [ai]ܐܪܥܐܿ ܐܪܥܐ܃ ܐܪܥܐܼ ܫܡܥܝ ܦܬܓܡܗ ܕܡܪܝܐ܂
22:30 [ai]ܗܟܢܐ ܐܡܿܪ ܡܪܝܐ܂ ܟܘܬܒܘܗܝ ܠܓܒܪܐ ܗܢܐ ܡܟܪܙܐܼ ܕܠܐ ܒܢܝܢ܂ ܡܛܠ ܕܓܒܪ̈ܐ ܒܝ̈ܘܡܬܗ܃ ܠܐ ܢܨܠܼܚ ܡܢ ܙܪܥܗ ܓܒܪܐ ܕܝܬܿܒ ܥܠ ܟܘܪܣܝܗ ܕܕܘܝܕ܂ ܘܡܫܿܬܠܛ ܬܘܒ ܒܝܗܘܕܐ܀܂

next chapter