← Back
The Comprehensive Aramaic Lexicon
← Return to the Text Browser
click on the file description for more information
62013: P Je

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


24:01 [ai]ܚܘܿܝܢܝ ܡܪܝܐ ܬܪ̈ܬܝܢ ܡܣ̈ܢܐ ܕܬܐ̈ܢܐ܃ ܣܝܼܡܢ ܩܕܡ ܗܝܟܠܗ ܕܡܪܝܐ܃ ܡܢ ܒܬܪ ܕܫܒܼܐ ܢܒܘܟܕܢܨܪ ܡܿܠܟܐ ܕܒܒܠ܃ ܠܝܘܟܢܝܐ ܒܪ ܝܘܝܩܝܡ ܡܿܠܟܐ ܕܝܗܘܕܐ܃ ܘܠܐ̈ܘܡܢܐ ܘܠܕܚ̈ܫܐ ܡܢ ܐܘܪܫܠܡ܂ ܘܐܘܒܠ ܐܢܘܢ ܠܒܒܠ܂
24:02 [ai]ܡܣܢܬܐ ܚܕܐ ܕܬܐ̈ܢܐܿ ܕܛܒܼ̈ܢ ܛܒ܂ ܐܝܟ ܬܐ̈ܢܐ ܒܟܪ̈ܬܐ܂ ܘܡܣܢܬܐ ܐܚܪܬܐ ܕܬܐ̈ܢܐ ܕܒ̈ܝܫܼܢ ܛܒ ܕܠܐ ܡܬܐ̈ܟܠܢ ܡܢ ܒܝܫܘܬܗܝܢ܂
24:03 [ai]ܘܐܡܼܪ ܠܝ ܡܪܝܐ܂ ܡܢܐ ܚܼܙܝܬ ܐܪܡܝܐ܃ ܘܐܿܡܪܬ܂ ܬܐ̈ܢܐ ܕܛܒ̈ܢܿ ܛܒ̈ܢܼ ܛܒ܂ ܘܕܒܝܫ̈ܢܿ ܒܝܫ̈ܢܼ ܛܒ܂ ܕܠܐ ܡܬܐ̈ܟܠܢ ܡܢ ܒܝܫܘܬܗܝܢ܀܂
24:04 [ai]ܘܗܘܼܐ ܥܠܝ ܦܬܓܡܗ ܕܡܪܝܐ ܠܡܐܡܪ܂
24:05 [ai]ܗܟܢܐ ܐܡܿܪ ܡܪܝܐ ܐܠܗܐ ܕܐܝܣܪܝܠ܂ ܐܝܟ ܬܐ̈ܢܐ ܛܒ̈ܬܐ ܗܠܝܢ܃ ܗܟܢܐ ܐܫܬܘܕܥܝܗܿ ܠܫܒܝܬܐ ܕܝܗܘܕܐ ܕܫܿܕܪܬ ܡܢ ܐܬܪܐ ܗܢܐ܃ ܠܐܪܥܐ ܕܟ̈ܠܕܝܐ ܠܛܒܬܐ܂
24:06 [ai]ܘܐܣܝܡ ܥܝܢܝ ܥܠܝܗܘܢ ܠܛܒܿܬܐ܃ ܘܐܗܦܼܟ ܐܢܘܢ ܠܐܬܪܐ ܗܢܐ܂ ܘܐܒܢܼܐ ܐܢܘܢܼ ܘܠܐ ܐܣܚܘܦ܂ ܘܐܨܘܒ ܐܢܘܢܼ ܘܠܐ ܐܥܩܘܪ܂
24:07 [ai]ܘܐܬܠ ܠܗܘܢ ܠܒܐ ܕܢܕܥܘܢܢܝܼ ܕܐܢܐ ܐܢܐ ܡܪܝܐ܂ ܘܢܗܘܘܢ ܠܝ ܥܡܐ܂ ܘܐܢܐ ܐܗܘܐ ܠܗܘܢ ܐܠܗܐ܃ ܟܕ ܢܬܘܒܘܢ ܠܘܬܝ ܡܢ ܟܠܗ ܠܒܗܘܢ܂
24:08 [ai]ܘܐܝܟ ܬܐ̈ܢܐ ܒܝܫ̈ܬܐ ܕܠܐ ܡܬܐ̈ܟܠܢ ܡܢ ܒܝܫܘܬܗܝܢ܃ ܗܟܢܐ ܐܡܿܪ ܡܪܝܐ܂ ܗܟܢܐ ܐܫܠܡܝܘܗܝ ܠܨܕܩܝܐ ܡܿܠܟܐ ܕܝܗܘܕܐ ܘܠܪ̈ܘܪܒܢܘܗܝ܃ ܘܠܫܪܟܐ ܕܥܡܐ ܕܐܫܬܚܪ ܒܩܪܝܬܐ ܗܕܐ܃ ܘܕܝܬܿܒܝܢ ܒܐܪܥܐ ܕܡܨܪܝܢ܂
24:09 [ai]ܘܐܬܠ ܐܢܘܢ ܠܙܘܥܬܐ ܘܠܢܝܕܐ ܘܠܒܝܫܬܐ܃ ܒܝܢ̈ܬ ܟܠܗܝܢ ܡ̈ܠܟܘܬܐ ܕܐܪܥܐ܂ ܠܚܣܕܐܿ ܘܠܡܬܠܐܿ ܘܠܬܘܢܝܐܼ ܘܠܠܘܛܬܐ܂ ܒܟܠܗܘܢ ܐܬܪ̈ܘܬܐ ܕܐܒܿܕܪ ܐܢܘܢ ܠܬܡܢ܂
24:10 [ai]ܘܐܫܕܪ ܒܬܪܗܘܢ ܚܪܒܐ ܘܟܦܢܐ ܘܡܘܬܢܐ܃ ܥܕܡܐ ܕܐܓܡܿܪ ܐܢܘܢ ܡܢ ܐܪܥܐ ܕܝܗܿܒܬ ܠܗܘܢܿ ܘܠܐ̈ܒܗܝܗܘܢ܀܀

next chapter