← Back
The Comprehensive Aramaic Lexicon
← Return to the Text Browser
click on the file description for more information
62013: P Je

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


27:01 [ai]ܒܪܝܫ ܡܠܟܘܬܗ ܕܨܕܩܝܐ ܒܪ ܝܘܫܝܐ ܡܿܠܟܐ ܕܝܗܘܕܐ܃ ܗܘܐ ܦܬܓܡܐ ܗܢܐ ܥܠ ܐܪܡܝܐ ܡܢ ܩܕܡ ܡܪܝܐܼ ܘܐܡܼܪ܂
27:02 [ai]ܗܟܢܐ ܐܡܼܪ ܠܝ ܡܪܝܐ܂ ܥܒܼܕ ܠܟ ܢܝܪܐ ܘܚ̈ܢܩܐ܃ ܘܐܪܡܐ ܐܢܘܢ ܒܨܘܪܟ܂
27:03 [ai]ܘܫܕܪ ܐܢܘܢ ܠܡܿܠܟܐ ܕܐܕܘܡ܂ ܘܠܡܿܠܟܐ ܕܡܘܐܒܼ ܘܠܡܿܠܟܐ ܕܒܢ̈ܝ ܥܡܘܢ ܘܠܡܿܠܟܐ ܕܨܘܪ ܘܠܡܿܠܟܐ ܕܨܝܕܢ܂ ܒܐܝܼܕܐ ܕܐܝܙ̈ܓܕܐ ܕܐܬܿܝܢ ܠܐܘܪܫܠܡ܂ ܠܘܬ ܨܕܩܝܐ ܡܿܠܟܐ ܕܝܗܘܕܐ܂
27:04 [ai]ܘܦܩܿܕ ܐܢܘܢ ܕܢܐܡܪܘܢ ܠܡܪ̈ܝܗܘܢ܂ ܗܟܢܐ ܐܡܿܪ ܡܪܝܐ ܚܝܠܬܢܐ ܐܠܗܐ ܕܐܝܣܪܝܠ܂ ܗܟܢܐ ܬܐܡܪܘܢ ܠܡܪ̈ܝܟܘܢ܂
27:05 [ai]ܐܢܐܿ ܥܿܒܕܬ ܐܪܥܐܼ ܘܒܢܝܢܫ̈ܐ܂ ܘܒܥܝܪܐ ܕܥܠ ܐ̈ܦܝ ܐܪܥܐ܂ ܒܚܝܠܝ ܪܒܐ ܘܒܕܪܥܝ ܪܡܐ܂ ܘܝܗܒܼܬܗܿ܂ ܠܡܿܢ ܕܫܦܼܪ ܒܥܝܢ̈ܝ܂
27:06 [ai]ܘܗܫܐܼ ܐܢܐ ܝܿܗܒܬ ܟܠܗܝܢ ܐܪ̈ܥܬܐ ܗܠܝܢ܃ ܠܡܦܼܠܚ ܠܢܒܘܟܕܢܨܪ ܡܿܠܟܐ ܕܒܒܠ ܥܒܕܝܼ ܘܢܦܠܚܘܢܗ܂ ܐܦ ܚܝܘܬܐ ܕܕܒܪܐܼ ܝܿܗܒܬ ܠܗ ܠܡܦܠܚܗ܂
27:07 [ai]ܘܢܦܠܚܘܢܗ ܥܡ̈ܡܐ ܠܗ ܘܠܒܪܗ ܘܠܒܪ ܒܪܗ܃ ܥܕܡܐ ܕܢܡܼܛܐ ܙܒܢܐ ܕܐܪܥܗ ܐܦ ܕܝܠܗ܂ ܘܢܦܠܚܘܢܗ ܥܡ̈ܡܐ ܣܓ̈ܝܐܐ ܘܡ̈ܠܟܐܼ ܪ̈ܘܪܒܐ܂
27:08 [ai]ܘܥܡܐ ܘܡܠܟܘܬܐ ܕܠܐ ܢܦܠܚܘܢܗ ܠ‍<‍ܢ‍>‍ܒܘܟܕܢܨܪ ܡܿܠܟܐ ܕܒܒܠ܃ ܘܡܿܢ ܕܠܐ ܢܥܿܠ ܨܘܪܗ ܒܢܝܪܗ ܕܡܿܠܟܐ ܕܒܒܠ܃ ܒܚܪܒܐܿ ܘܒܟܦܢܐܼ ܘܒܡܘܬܢܐ ܐܦܩܼܘܕ ܥܠ ܥܡܐ ܗܘܿ ܐܡܿܪ ܡܪܝܐ܂ ܥܕܡܐܿ ܕܐܫܠܡ ܐܢܘܢ ܒܐܝܼܕܗ܀
27:09 [ai]ܘܐܢܬܘܢ ܠܐ ܬܫܡܥܘܢ ܠܢܒܝ̈ܝܟܘܢ ܕܓ̈ܠܐ܃ ܘܠܩܨ̈ܘܡܝܟܘܢ ܘܠܚ̈ܠܡܝܟܘܢ܃ ܘܠܢܚ̈ܫܝܟܘܢ ܘܠܚܪ̈ܫܝܟܘܢ܃ ܕܗܼܢܘܢ ܐܡܿܪܝܢ ܠܟܘܢ ܠܐ ܬܦܠܼܚܘܢ ܠܡܿܠܟܐ ܕܒܒܠ܂
27:10 [ai]ܡܛܠ ܕܫܘܩܪܐ ܗܢܼܘܢ ܡܬܢܿܒܝܢ ܠܟܘܢ܂ ܕܐܕܚܘܩܟܘܿܢܼ ܡܢ ܐܪܥܟܘܢ܂ ܕܐܕܚܘܩܟܘܢ ܘܬܐܒܕܘܢ܂
27:11 [ai]ܘܥܡܐ ܕܢܿܥܠ ܨܘܪܗ ܒܢܝܪܗ ܕܡܿܠܟܐ܂ ܕܒܒܠ ܘܢܦܠܚܝܘܗܝ܃ ܢܫܒܩܼܝܘܗܝ ܒܐܪܥܗ ܐܡܿܪ ܡܪܝܐ ܘܢܦܠܚܝܗ ܘܢܬܒ ܒܗܿ܂
27:12 [ai]ܘܠܨܕܩܝܐ ܡܿܠܟܐ ܕܝܗܘܕܐ܂ ܐܿܡܪܬ ܐܝܟ ܟܠܗܘܢ ܦܬ̈ܓܡܐ ܗܠܝܢ܂ ܘܐܿܡܪܬ ܐܥܠܘ ܨܘܪܟܘܢ ܒܢܝܪܗ ܕܡܿܠܟܐ ܕܒܒܠ܂ ܘܦܘܠܚܘܗܝܿ ܠܗܼ ܘܠܥܡܗ܂ ܘܚܝܘܼ
27:13 [ai]ܘܠܐ ܬܡܘܬܘܢܿ ܐܢܬ ܘܥܡܟ ܒܚܪܒܐ ܘܒܟܦܢܐ ܘܒܡܘܬܢܐ܃ ܐܝܟ ܕܐܡܼܪ ܡܪܝܐ ܥܠ ܥܡܐ ܕܠܐ ܢܦܠܚܘܢ ܠܡܿܠܟܐ ܕܒܒܠ܀܂
27:14 [ai]ܘܐܢܬܘܢ ܠܐ ܬܫܡܼܥܘܢ ܠܦܬ̈ܓܡܐ ܕܢܒ̈ܝܐ ܕ̈ܓܠܐ܃ ܕܐܡܪܝܢ ܠܟܘܢ ܠܐ ܬܦܠܼܚܘܢ ܠܡܿܠܟܐ ܕܒܒܠ܂ ܡܛܠ ܕܫܘܩܪܐܼ ܗܢܼܘܢ ܡܬܢܒܝܢ ܠܟܘܢ܂
27:15 [ai]ܠܐ ܫܿܕܪܬ ܐܢܘܢ ܐܡܿܪ ܡܪܝܐ܂ ܘܗܼܢܘܢ ܡܬܢܿܒܝܢ ܒܫܡܝ ܒܫܘܩܪܐ܂ ܕܐܕܚܘܩܟܘܢܼ ܘܬܐܒܕܘܢ܂ ܐܢܬܘܢܼ ܘܢܒ̈ܝܐ ܕܡܬܿܢܒܝܢ ܠܟܘܢ܀
27:16 [ai]ܘܠܟܗ̈ܢܐ ܘܠܟܠܗ ܥܡܐ ܗܢܐ܂ ܗܟܢܐ ܐܡܿܪ ܡܪܝܐ܂ ܠܐ ܬܫܡܼܥܘܢ ܠܦܬ̈ܓܡܐ ܕܢܒܝ̈ܝܟܘܢ ܕܡܬܿܢܒܝܢ ܠܟܘܢ ܘܐܡܿܪܝܢ܃ ܗܐ ܡܐ̈ܢܐ ܕܒܝܬܗ ܕܡܪܝܐ ܗܦܟܝܢ ܡܢ ܒܒܠ ܒܥܓܠ܂ ܡܛܠ ܕܫܘܩܪܐܼ ܗܼܢܘܿܢ ܡܬܢܿܒܝܢ ܠܟܘܢ܂
27:17 [ai]ܠܐܿ ܬܫܡܥܘܢ ܐܢܘܢ ܐܡܿܪ ܡܪܝܐ܂ ܦܠܘܚܘ ܠܡܿܠܟܐ ܕܒܒܠܼ ܘܚܝܘ܂܂ ܘܠܐ ܬܗܘܐ ܩܪܝܬܐ ܗܕܐ ܚܪܒܬܐ܂
27:18 [ai]ܘܐܢ ܢܒ̈ܝܐ ܐܢܘܢ ܘܐܝܬ ܦܬܓܡܗ ܕܡܪܝܐ ܒܗܘܢ܃ ܢܿܒܥܘܢ ܡܢ ܡܪܝܐ ܚܝܠܬܢܐ܃ ܕܠܐ ܢܐܙܠܘܢ ܡܐ̈ܢܐ ܕܐܫܬܚܪܘ ܒܒܝܬܗ ܕܡܪܝܐ܃ ܘܒܒܝܬ ܡܿܠܟܐ ܕܝܗܘܕܐ ܘܒܐܘܪܫܠܡ ܠܒܒܠ܂
27:19 [ai]ܡܛܘܠ ܕܗܟܢܐ ܐܡܿܪ ܡܪܝܐ ܚܝܠܬܢܐ ܐܠܗܐ ܕܐܝܣܪܝܠ܃ ܥܠ ܥܡ̈ܘܕܐ ܘܥܠ ܝܡܐ ܘܥܠ ܡܓ̈ܣܐ܃ ܘܥܠ ܫܪܟܐ ܕܡܐ̈ܢܐ ܕܐܫܬܚܪܘ ܒܩܪܝܬܐ ܗܕܐ܃
27:20 [ai]ܕܠܐ ܢܣܼܒ ܐܢܘܢ ܢܒܘܟܕܢܨܪ ܡܿܠܟܐ ܕܒܒܠ܂ ܟܕ ܫܒܼܐ ܠܝܘܟܢܝܐ ܒܪ ܝܘܝܩܝܡ ܡܿܠܟܐ ܕܝܗܘܕܐ ܡܢ ܐܘܪܫܠܡ ܠܒܒܠ܃ ܘܠܟܠܗܘܢ ܪ̈ܘܪܒܢܐ ܕܝܗܘܕܐ ܘܕܐܘܪܫܠܡ܂
27:21 [ai]ܗܟܢܐ ܐܡܿܪ ܡܪܝܐ ܚܝܠܬܢܐ ܐܠܗܐ ܕܐܝܣܪܝܠ܂ ܥܠ ܡܐ̈ܢܐ ܕܐܫܬܚܪܘ ܒܒܝܬܗ ܕܡܪܝܐ ܘܒܒܝܬ ܡܿܠܟܐ ܕܝܗܘܕܐ ܘܒܐܘܪܫܠܡ܂
27:22 [ai]ܠܒܒܠܿ ܢܐܙܠܘܢ܂ ܘܬܡܿܢ ܢܗܘܘܢܼ ܥܕܡܐ ܠܝܘܡܐ ܕܐܦܩܘܕ ܐܢܘܢ ܐܡܿܪ ܡܪܝܐ܂ ܘܐܣܩ ܐܢܘܢ ܘܐܗܼܦܟ ܐܢܘܢ ܠܐܬܪܐ ܗܢܐ܀

next chapter