← Back
The Comprehensive Aramaic Lexicon
← Return to the Text Browser
click on the file description for more information
62013: P Je

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


41:01 [ai]ܘܒܝܪܚܐ ܕܫܒܥܐ܃ ܐܬܼܐ ܐܝܫܡܥܝܠ ܒܪ ܢܬܢܝܐ ܒܪ ܐܝܫܡܥܝܠ ܡܢ ܙܪܥܐ ܕܡܠܟܘܬܐ܃ ܘܪ̈ܘܪܒܢܝ ܡܿܠܟܐܼ ܘܥܣܪ̈ܝܢ ܓܒܪ̈ܝܢ ܥܡܗ܃ ܠܘܬ ܓܕܠܝܐ ܒܪ ܐܚܝܩܡ ܠܡܨܦܝܐ܂ ܘܐܟܠܘ ܬܡܿܢ ܠܚܡܐ ܐܟܚܕܐ ܒܡܨܦܝܐ܂
41:02 [ai]ܘܩܡ ܐܝܫܡܥܝܠ ܒܪ ܢܬܢܝܐ ܗܘ ܘܥܣܪ̈ܝܢ ܓܒܪ̈ܝܢ ܕܐܬܘ ܥܡܗ܃ ܘܡܚܐܘܗܝ ܠܓܕܠܝܐ ܒܪ ܐܚܝܩܡ ܒܪ ܫܿܦܢ ܒܚܪܒܐܼ ܘܩܛܠܘܗܝ ܗܿܘܿ ܕܐܫܠܛܗ ܡܿܠܟܐ ܕܒܒܠ ܒܐܪܥܐ܂
41:03 [ai]ܘܠܟܠܗܘܢ ܝܗ̈ܘܕܝܐ ܕܐܝܬ ܗܘܘ ܥܡܗ ܥܡ ܓܕܠܝܐ ܒܡܨܦܝܐ܂ ܘܠܟ̈ܠܕܝܐ ܕܐܫܬܟܚܘ ܬܡܿܢ܂ ܘܐܦ ܠܓܒܪ̈ܐ ܩܪ̈ܒܬܢܐܼ ܩܿܛܠ ܐܝܫܡܥܝܠ܂
41:04 [ai]ܘܐܢܫܼ ܠܐ ܫܡܼܥ܀ ܘܒܝܘܡܐ ܕܬܪ̈ܝܢ ܡܢ ܒܬܪ ܕܐܬܩܼܛܠ ܓܕܠܝܐ܃
41:05 [ai]ܐܬܼܘ ܓܒܪ̈ܐ ܡܢ ܫܟܝܡ ܘܡܢ ܫܝܠܘ ܘܡܢ ܫܡܪܝܢ܃ ܬܡܢܐܝܢ ܓܒܪ̈ܝܢ܂ ܓܪ̈ܝܥܝܢ ܕܩܢ̈ܝܗܘܢܿ ܘܡܿܨܪܝܢ ܠܒܘܫ̈ܝܗܘܢܼ ܘܡܬܟܼܬܫܝܢ܂ ܘܩܘܪ̈ܒܢܐ ܘܠܒܘܢܬܐ ܒܐ̈ܝܕܝܗܘܢ܃ ܠܡܥܿܠܘ ܠܒܝܬܗ ܕܡܪܝܐ܂
41:06 [ai]ܘܢܦܼܩ ܐܝܫܡܥܝܠ ܒܪ ܢܬܢܝܐ ܠܐܘܪܥܗܘܢ ܡܢ ܡܨܦܝܐ܂ ܡܗܿܠܟܿ ܘܐܿܙܠܼ ܘܒܿܟܐ܂ ܘܟܕ ܦܓܥܼ ܒܗܘܢܼ ܐܡܼܪ ܠܗܘܢ܂ ܬܘ ܠܘܬ ܓܕܠܝܐ ܒܪ ܐܚܝܩܡ܂
41:07 [ai]ܘܟܕ ܥܠܼܘ ܠܓܘ ܩܪܝܬܐܼ ܢܟܿܣ ܐܢܘܢ ܐܝܫܡܥܝܠ ܒܪ ܢܬܢܝܐ܃ ܘܐܪܡܝ ܐܢܘܢ ܒܓܘܒܐܿ ܗܼܘܼ ܘܓܒܪ̈ܐ ܕܥܡܗ܂
41:08 [ai]ܘܥܣܪܐ ܓܒܪ̈ܝܢ ܐܫܬܟܼܚܘ ܒܗܘܢ܃ ܘܐܡܿܪܝܢ ܠܐܝܫܡܥܝܠ ܠܐ ܬܩܛܠܢ܂ ܡܛܠ ܕܐܝܬ ܠܢ ܚ̈ܕܘܬܐ ܒܚܩܠܐܿ ܕܚ̈ܛܐܼ ܘܕܣܥܪ̈ܐ܂ ܘܡܫܚܐ ܘܕܒܫܐ܂ ܘܫܒܼܩ ܐܢܘܢܼ ܘܠܐ ܩܿܛܠ ܐܢܘܢ ܥܡ ܐܚܝܗܘܢ܂
41:09 [ai]ܘܓܘܒܐ ܕܫܼܕܐ ܒܗ ܐܝܫܡܥܝܠ ܟܠܗܝܢ ܫ̈ܠܕܐ ܕܓܒܪ̈ܐ ܕܩܿܛܠ ܥܡ ܓܕܠܝܐ܃ ܗܿܘ ܗܘ ܕܥܒܼܕ ܐܣܐ ܡܿܠܟܐ ܕܝܗܘܕܐ܃ ܡܢ ܩܕܡ ܒܥܫܐ ܡܿܠܟܐ ܕܐܝܣܪܝܠ܂ ܠܗ ܠܓܘܒܐ ܗܿܘ܃ ܡܠܝܗܝ ܐܝܫܡܥܝܠ ܒܪ ܢܬܢܝܐ ܩ̈ܛܝܠܐ܂
41:10 [ai]ܘܫܒܐ ܐܝܫܡܥܝܠ ܟܠܗ ܫܪܟܐ ܕܥܡܐ ܕܒܡܨܦܝܐ܃ ܕܐܫܠܡ ܢܒܘܙܪܕܢ ܪܒ ܕܚܫܼ̈ܐ ܠܓܕܠܝܐ ܒܪ ܐܚܝܩܡ܂ ܘܫܒܼܐ ܐܢܘܢ ܐܝܫܡܥܝܠ ܒܪ ܢܬܢܝܐ܃ ܘܐܙܼܠ ܠܥܒܪܐ ܕܒܢ̈ܝ ܥܡܘܢ܀
41:11 [ai]ܘܫܡܼܥ ܝܘܚܢܢ ܒܪ ܩܘܪܚ ܘܟܘܠܗܘܢ ܪ̈ܒܝ ܚܝ̈ܠܐ ܕܥܡܗ܃ ܥܠ ܟܠܗܿ ܫܒܝܬܐ ܕܕܒܼܪ ܐܝܫܡܥܝܠ ܒܪ ܢܬܢܝܐ܃
41:12 [ai]ܘܕܒܼܪ ܟܠܗܘܢ ܓܒܪ̈ܐ܃ ܘܐܙܠܼܘ ܠܡܬܟܿܬܫܘ ܥܡ ܐܝܫܡܥܝܠ ܒܪ ܢܬܢܝܐ܂ ܘܐܫܼܟܚܘܗܝܼ ܥܠ ܡ̈ܝܐ ܣ̈ܓܝܐܐ ܕܐܝܬ ܒܓܒܥܘܢ܂
41:13 [ai]ܘܟܕ ܚܼܙܐ ܟܠܗ ܥܡܐ ܕܥܡ ܐܝܫܡܥܝܠ ܠܝܘܚܢܢ ܒܪ ܩܘܪܚ܃ ܘܠܟܠܗܘܢ ܪ̈ܒܝ ܚ̈ܝܠܐ ܕܥܡܗܼ ܚܕܝܘ܂
41:14 [ai]ܘܗܦܟܼܘ ܟܠܗ ܥܡܐ ܕܫܒܼܐ ܐܝܫܡܥܝܠ ܡܢ ܡܨܦܝܐ܃ ܘܐܬܼܘ ܠܘܬ ܝܘܚܢܢ ܒܪ ܩܘܪܚ܂
41:15 [ai]ܘܐܝܫܡܥܝܠ ܒܪ ܢܬܢܝܐ܃ ܐܫܬܘܙܒܼ ܒܬܡܢܝܐ ܐ̈ܢܫܝܢ ܡܢ ܩܕܡ ܝܘܚܢܢ܂ ‍{‍ܘܐܙܠܘ‍}‍‍<‍ܘܐܙܠ‍>‍ ܠܘܬ ܒܢ̈ܝ ܥܡܘܢ܀܂
41:16 [ai]ܘܕܒܼܪ ܝܘܚܢܢ ܒܪ ܩܘܪܚ ܘܟܠܗܘܢ ܪ̈ܒܝ ܚ̈ܝܠܐ ܕܥܡܗ܃ ܟܠ ܫܪܟܐ ܕܥܡܐ ܕܐܗܦܟ ܡܢ ܠܘܬ ܐܝܫܡܥܝܠ ܒܪ ܢܬܢܝܐ ܡܢ ܡܨܦܝܐ܂ ܡܢ ܒܬܪ ܕܩܛܠ ܐܝܫܡܥܝܠ ܠܓܕܠܝܐ ܒܪ ܐܚܝܩܡ܂ ܘܕܒܼܪ ܓܒܪ̈ܐ ܩܪ̈ܒܬܢܐ ܘܢܫ̈ܐ ܘ̈ܛܠܝܐ܃ ܘܡܗܝ̈ܡܢܐ ܕܐܗܦܟ ܡܢ ܓܒܥܘܢ܃
41:17 [ai]ܘܐܙܼܠܼ ܘܝܬܼܒ ܒܐܕܪ̈ܐ ܕܒܡܗܡ ܕܥܠ ܓܢܒ ܒܝܬ ܠܚܡ܃ ܠܡܐܙܠ ܠܡܥܠ ܠܡܨܪܝܢ܃
41:18 [ai]ܡܢ ܩܕܡ ܟ̈ܠܕܝܐ ܕܕܚܠܘ ܡܢܗܘܢ܃ ܥܠ ܕܩܼܛܠ ܐܝܫܡܥܝܠ ܒܪ ܢܬܢܝܐ ܠܓܕܠܝܐ ܒܪ ܐܚܝܩܡ܃ ܗܿܘ ܕܐܫܠܛܗ ܡܿܠܟܐ ܕܒܒܠ ܒܐܪܥܐ ܕܝܗܘܕܐ܀

next chapter