← Back
The Comprehensive Aramaic Lexicon
← Return to the Text Browser
click on the file description for more information
62013: P Je

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


43:01 [ai]ܘܟܕ ܫܿܠܡ ܐܪܡܝܐ ܠܡܐܡܪ ܠܟܠܗ ܥܡܐ܃ ܟܠܗܘܢ ܦܬ̈ܓܡܘܗܝ ܕܡܪܝܐ ܐܠܗܗܘܢ܃ ܕܫܕܪܗ ܡܪܝܐ ܐܠܗܗܘܢ ܠܘܬܗܘܢ܃ ܠܡܐܡܪ ܠܗܘܢ ܦܬ̈ܓܡܐ ܗܠܝܢ܀܀
43:02 [ai]ܐܡܼܪ ܝܙܢܝܼܐ ܒܪ ܗܘܫܥܝܐ܂ ܘܝܘܚܢܢ ܒܪ ܩܘܪܚ܃ ܘܟܠܗܘܢ ܓܒܪ̈ܐ ܪ̈ܫܝܥܐܼ ܐܡܼܪܘ ܠܐܪܡܝܐ܂ ܕܓܠܐܝܬܿ ܐܡܼܪܬ܂ ܠܐ ܫܕܪܟ ܡܪܝܐ ܐܠܗܢ ܕܬܐܡܪ ܠܢ܃ ܕܠܐ ܬܥܼܠܘܢ ܠܡܨܪܝܢ ܠܡܥܡܪ ܬܡܿܢ܂
43:03 [ai]ܡܛܠ ܕܒܿܪܘܟ ܒܪ ܢܪܝܐ ܡܓܪܐ ܠܟ ܒܢ܃ ܕܢܫܠܡܢ ܒܐܝܼܕܐ ܕܟ̈ܠܕܝܐ܂ ܕܢܩܛܠܘܢܢ ܘܢܫܒܘܢܢ ܠܒܒܠ܀
43:04 [ai]ܘܠܐ ܫܡܼܥ ܝܘܚܢܢ ܒܪ ܩܘܪܚ ܘܟܠܗܘܢ ܪ̈ܒܝ ܚܝ̈ܠܐ܃ ܘܟܘܠܗ ܥܡܐ ܒܩܠܗ ܕܡܪܝܐ ܕܢܬܒܘܢ ܒܐܪܥܐ ܕܝܗܘܕܐ܂
43:05 [ai]ܘܕܒܼܪ ܝܘܚܢܢ ܒܪ ܩܘܪܚ ܠܟܠܗܘܢ ܪ̈ܒܝ ܚܝ̈ܠܐ܃ ܘܠܟܠܗ ܫܪܟܐ ܕܐܫܬܼܚܪܘ ܡܢ ܕܒܝܬ ܝܗܘܕܐ܃
43:06 [ai]ܠܓܒܪ̈ܐ ܘܠܢܫ̈ܐ ܘ̈ܠܛܠܝܐ ܘܠܒܝܬ ܡܿܠܟܐ܃ ܟܘܠܗܝܢ ܢܦܫܬ̈ܐ ܕܫܒܼܩ ܢܒܘܙܪܕܢ ܪܒ ܕܚܫ̈ܐ܃ ܠܘܬ ܓܕܠܝܐ ܒܪ ܐܚܝܩܡ ܒܪ ܫܿܦܢ܃ ܘܠܐܪܡܝܐ ܢܒܝܐ ܘܠܒܿܪܘܟ ܒܪ ܢܪܝܐ܃
43:07 [ai]ܘܐܬܼܘ ܠܐܪܥܐ ܕܡܨܪܝܢ܂ ܡܛܠܼ ܕܠܐ ܫܡܼܥܘ ܒܩܠܗ ܕܡܪܝܐ܂ ܘܐܬܼܘܼ ܥܕܡܐ ܠܬܚܿܦܝܣ܀
43:08 [ai]ܘܗܘܼܐ ܦܬܓܡܗ ܕܡܪܝܐ ܥܠ ܐܪܡܝܐ ܒܬܿܚܦܝܣ ܠܡܐܡܪ܂
43:09 [ai]ܣܒ ܒܐܝܼܕܟ ܟܐ̈ܦܐ ܪ̈ܘܪܒܬܐ܃ ܘܛܡܘܪ ܐܢܝ̈ܢ ܒܡܿܠܛܐ ܒܡܠܒܢܐ܃ ܒܬܪܥܐ ܕܒܝܬ ܦܪܥܘܢ ܒܬܿܚܦܝܣ ܠܥܝܢ ܓܒܪ̈ܐ ܕܝܗܘܕܐ܂
43:10 [ai]ܘܐܡܼܪ ܠܗܘܢ܃ ܗܟܢܐ ܐܡܿܪ ܡܪܝܐ ܚܝܠܬܢܐ ܐܠܗܐ ܕܐܝܣܪܝܠ܃ ܗܐ ܡܫܿܕܪ ܐܢܐ ܘܕܒܿܪ ܐܢܐ܃ ܠܢܒܘܟܕܢܨܪ ܡܿܠܟܐ ܕܒܒܠ ܥܒܼܕܝ܂ ܘܢܪܡܐ ܟܘܪܣܝܗ ܠܥܠ ܡܢ ܟܐ̈ܦܐ ܗܠܝܢ ܕܛܡܼܪܬ܂ ܘܢܫܩܘܠ ܙܝܢܗ ܥܠܝܗܝܢ܂
43:11 [ai]ܘܢܐܬܐ ܘܢܡܚܝܗܿ ܠܐܪܥܐ ܕܡܨܪܝܢ܃ ܕܠܡܘܬܐܿ ܠܡܘܬܐ̈ ܘܕܠܫܒܝܐܼ ܠܫܒܝܐ܂ ܘܕܠܚܪܒܐܼ ܠܚܪܒܐ܂
43:12 [ai]ܘܢܫܒܘܩ ܢܘܪܐ ܒܒ̈ܬܐ ܕܐ̈ܠܗܐ ܕܡܨܪ̈ܝܐ܃ ܘܢܘܩܕ ܐܢܘܢܼ ܘܢܫܒܐ ܐܢܘܢ܂ ܘܢܬܿܥܛܦܝܗܿ ܠܐܪܥܐ܃ ܐܝܟ ܕܡܬܿܥܛܦ ܪܥܝܐ ܠܓܘܠܬܗ܂ ܘܢܦܘܩ ܡܢ ܬܡܿܢܼ ܒܫܠܡܐ܂
43:13 [ai]ܘܢܼܬܒܪ ܩܝܡܿܬܐ ܕܒܝܬ ܫܡܫ ܕܒܐܪܥܐ ܕܡܨܪܝܢ܂ ܘܒ̈ܬܐ ܕܐ̈ܠܗܐ ܕܡܨܪ̈ܝܐܼ ܢܘܩܕ ܒܢܘܪܐ܀

next chapter