← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62014: P Ez

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


03:01 [ai]ܘܐܡܪ ܠܝ܂ ܒܪܢܫܐ܂ ܡܕܡ ܕܡܫܟܚ ܐܢܬ ܐܟܘܠ܂ ܐܟܘܠܝܗܝ ܠܟܪܟܐ ܗܢܐ܂ ܘܙܠ ܥܡ ܕܒܝܬ/ܒܢ̈ܝ#3#/ ܐܝܣܪܐܝܠ ‍<‍ܘܐܡܪ ܠܗܘܢ ܦܬܓܡ̈ܝ#3#‍>‍܂
03:02 [ai]ܘܦܬܚܿܬ ܦܘܡܝ ܘܐܘܟܠܢܝ ܟܪܟܐ ܗܿܘ܂
03:03 [ai]ܘܐܡܪ ܠܝ܂ ܒܪܢܫܐ܂ ܡܠܝ ܟܪܣܟ ܘܡ̈ܥܝܟ ܡܢ ܟܪܟܐ ܗܢܐ ܕܝܗܿܒ ܐܢܐ ܠܟ܂ ܘܐܟܠܬܗ ܘܗܘܐ ܒܦܘܡܝ ܐܝܟ ܕܒܫܐ ܚܠܝܐ܂
03:04 [ai]ܘܐܡܪ ܠܝ܂ ܒܪܢܫܐ܂ ܙܠ ܥܘܠ ܠܫܒܝܬܐ ܠܘܬ ܒܢ̈ܝ ܐܝܣܪܝܠ܂ ܘܐܡܪ ܠܗܘܢ ܦܬ̈ܓܡܝ܂
03:05 [ai]ܡܛܠ ܕܠܐ ܗܘܐ ܥܠ ܥܡܐ ܥܡܝܩ ܡܡܠܠܐ ܘܠܥܓ ܠܫܢܐ ܫܕܪܬܟ ܥܠ ܕܒܝܬ/ܒܝܬ#3#/ ܐܝܣܪܐܝܠ܂
03:06 [ai]ܘܐܦ ܠܐ ܥܠ ܥܡ̈ܡܐ ܣܓܝܐ̈ܐ ܕܠܐ ܫܡܿܥ ܐܢܬ ܡܡܠܠܗܘܢ܂ ܘܐܠܘ/ܕܐܠܘ#3#/ ܥܠܝܗܘܢ ܫܕܪܬܟ ܫܡܿܥܝܢ ܗܘܘ ܠܟ܂
03:07 [ai]ܕܒܝܬ ܐܝܣܪܝܠ ܕܝܢ ܠܐ ܫܡܿܥܝܢ ܠܟ܂ ܡܛܠ ܕܠܐ ܨܿܒܝܢ ܠܡܫܡܥܢܝ܂ ܕܟܠܗ ܓܝܪ ܒܝܬ/ܕܒܝܬ#3#/ ܐܝܣܪܝܠ܂ ܥܫܝܢ ܒܝܬ ܥܝܢ̈ܝܗܘܢ ܘܩܫܐ ܠܒܗܘܢ܂
03:08 [ai]ܗܐ ܐܥܫܿܢܬ ܐ̈ܦܝܟ ܠܘܩܒܠ ܐ̈ܦܝܗܘܢ܂ ܘܒܝܬ ܥܝܢ̈ܝܟ ܐܿܫܪܬ ܠܘܩܒܠ ܒܝܬ ܥܝܢ̈ܝܗܘܢ܂
03:09 [ai]ܐܝܟ ܫܡܝܪܐ ܕܥܫܝܢ ܡܢ ܛܪܢܐ ܥܒܿܕܬ ܒܝܬ ܥܝܢ̈ܝܟ܂ ܠܐ ܬܕܚܠ ܡܢܗܘܢ܂ ܘܠܐ ܬܙܘܥ ܡܢ ܩܕܡܝܗܘܢ܂ ܡܛܠ ܕܒܝܬܐ ܐܢܘܢ ܡܡܪܡܪܢܐ ܀܂
03:10 [ai]ܘܐܡܪ ܠܝ ‍<‍ܡܪܝܐ#3#‍>‍܂ ܒܪܢܫܐ܂ ܟܠ ܦܬ̈ܓܡܝ ܕܐܡܿܪ ܐܢܐ ܠܟܿ ܩܒܿܠ ܒܠܒܟ ܘܫܡܥ ܒܐ̈ܕܢܝܟ܂
03:11 [ai]ܘܙܠ ܥܘܠ ܠܫܒܝܬܐ ܠܘܬ ܒܢ̈ܝ ܥܡܟ܂ ܘܡܠܠ ܥܡܗܘܢ ܘܐܡܪ ܠܗܘܢ܂ ܗܟܢܐ ܐܡܿܪ ܡܪܐ ܡܪ̈ܘܬܐ܂ ܟܒܪ ܢܫܡܥܘܢ ܘܢܙܘܥܘܢ ‍<‍ܡܛܠ ܕܒܝܬܐ ܐܢܘܢ ܡܡܪܡܪܢܐ#3#‍>‍܂
03:12 [ai]ܘܫܩܠܬܢܝ ܪܘܚܐ ܘܫܡܿܥܬ ܒܬܪܝ ܩܠܐ ܕܙܘܥܐ ܪܒܐ ܕܐܡܿܪ܂ ܒܪܝܟ ܗܘ ܐܝܩܪܗ ܕܡܪܝܐ ܡܢ ܐܬܪܗ܂
03:13 [ai]ܘܩܠܐ ܕܓܦ̈ܐ ܕܚ̈ܝܘܬܐ ܕܛܿܪܦܝܢ ܚܕ ܠܚܕ܂ ܘܩܠܐ ܕܓܝ̈ܓܠܐ ܥܡܗܘܢ܂ ܘܩܠܐ ܕܙܘܥܐ ܪܒܐ܂
03:14 [ai]ܘܫܩܠܬܢܝ ܪܘܚܐ ܘܐܘܒܠܬܢܝ܂ ܘܐܿܙܠܬ ܒܚܐܦܐ ܕܪܘܚܝ܂ ܘܐܝܕܗ ܕܡܪܝܐ ܥܫܢܬ ܥܠܝ܂
03:15 [ai]ܘܥܿܠܬ ܠܫܒܝܬܐ ܠܬܠܐܟܝܒ ܕܝܬܿܒ ܥܠ ܢܗܪ܆ܟܒܪ܂ ܘܝܬܒܿܬ ܬܡܢ ܫܒܥܐ ܝܘܡ̈ܝܢ܂ ܟܕ ܬܡܝܗ ܐܢܐ ܒܝܢܬܗܘܢ ܀ ܀
03:16 [ai]ܘܡܢ ܒܬܪ ܫܒܥܐ ܝܘܡ̈ܝܢ܂ ܗܘܐ ܥܠܝ ܦܬܓܡܗ ܕܡܪܝܐ ܠܡܐܡܪ܂
03:17 [ai]ܒܪܢܫܐ܂ ܕܘܩܐ ܝܗܿܒܬܟ ܠܕܒܝܬ ܐܝܣܪܝܠ܂ ܕܬܗܘܐ ܫܡܿܥ ܡܢ ܦܘܡܝ ܦܬ̈ܓܡܐ܂ ܘܬܙܗܪ ܐܢܘܢ ܡܢܝ܂
03:18 [ai]ܡܐ ܕܐܡܿܪ ܐܢܐ ܠܚܛܝܐ ܕܡܡܬ ܬܡܘܬ܂ ܘܠܐ ܙܗܪܬܝܗܝ ܘܠܐ ܐܡܪܬ ܠܗ ܠܚܛܝܐ ܕܢܙܕܗܪ ܡܢ ܐܘܪܚܗ ܘܢܚܐ܂ ܗܿܘ ܚܛܝܐ ܒܥܘܼܠܗ ܢܡܘܬ܂ ܘܕܡܗ ܡܢ ܐ̈ܝܕܝܟ ܐܬܒܥ܂
03:19 [ai]ܐܢ ܬܙܗܪ ܕܝܢ ܠܚܛܝܐ܂ ܘܠܐ ܢܗܦܘܟ ܡܢ ܚܛܝܬܗ ܘܡܢ ܐܘܪܚܗ ܒܝܫܬܐ܂ ܗܘ ܒܚ̈ܛܗܘܗܝ ܢܡܘܬ܂ ܘܐܢܬ ܢܦܫܟ ܬܦܨܐ܂
03:20 [ai]ܘܟܕ ܙܕܝܩܐ ܢܗܦܘܟ ܡܢ ܙܕܝܩܘܬܗ ܘܢܥܒܕ ܥܘܼܠܐ܂ ܐܬܠ ܬܘܩܠܬܐ ܩܕܡܘܗܝ ܘܢܡܘܬ܂ ܥܠ ܕܠܐ ܙܗܪܬܝܗܝ ܒܚ̈ܛܗܘܗܝ ܢܡܘܬ܂ ܘܠܐ ܬܬܕܟܪ ܠܗ ܙܕܝܩܘܬܗ ܕܥܒܕ܂ ܘܕܡܗ ܡܢ ܐ̈ܝܕܝܟ ܐܬܒܥ/ܐܬܬܒܥ#2#/܂
03:21 [ai]ܐܢ ܕܝܢ ܬܙܗܪ ܠܙܕܝܩܐ ܕܠܐ ܢܚܛܐ ܘܠܐ ܚܛܐ܂ ܙܕܝܩܐ ܢܚܐ ܕܐܙܕܗܪ܂ ܘܐܢܬ ܢܦܫܟ ܬܦܨܐ܂
03:22 [ai]ܘܗܘܬ ܥܠܝ ܬܡܢ/ܬܘܒ#3#/ ܐܝܕܗ ܕܡܪܝܐ ܘܐܡܪ ܠܝ܂ ܩܘܡ ܦܘܩ ܠܦܩܥܬܐ܂ ܘܬܡܢ ܐܡܠܠ ܥܡܟ܂
03:23 [ai]ܘܩܿܡܬ ܢܦܩܿܬ ܠܦܩܥܬܐ܂ ܘܬܡܢ ܩܐܿܡ ܗܘܐ ܫܘܒܚܗ ܕܐܠܗܐ ܕܐܝܣܪܝܠ܂ ܐܝܟ ܫܘܒܚܐ ܕܚܿܙܝܬ ܥܠ ܢܗܪ܆ܟܒܪ܂ ܘܢܦܠܿܬ ܥܠ ܐ̈ܦܝ܂
03:24 [ai]ܘܥܠܬ ܒܝ ܪܘܚܐ ܘܐܩܝܡܬܢܝ ܥܠ ܪ̈ܓܠܝ܂ ܘܡܠܠ ܥܡܝ ܘܐܡܪ ܠܝ܂ ܥܘܠ ܐܬܚܒܫ ܒܒܝܬܟ܂
03:25 [ai]ܘܐܢܬ ܒܪܢܫܐ܂ ܗܐ ܪܡܿܝܢ ܥܠܝܟ ܫܫ̈ܠܬܐ܂ ܘܐܣܿܪܝܢ ܠܟ ܒܗܝܢ܂ ܕܠܐ ܬܦܘܩ ܒܝܢܬܗܘܢ܂
03:26 [ai]ܘܠܫܢܟ ܐܕܒܩ ܠܫܡܝ ܚܟܟ܂ ܘܬܚܪܫ ܘܠܐ ܬܗܘܐ ܠܗܘܢ ܓܒܪܐ ܡܟܣܢܐ܂ ܡܛܠ ܕܒܝܬܐ ܐܢܘܢ ܡܡܪܡܪܢܐ܂
03:27 [ai]ܘܡܐ ܕܡܡܠܠ ܐܢܐ ܥܡܟ܂ ܦܬܿܚ ܐܢܐ ܦܘܡܟ ܕܬܐܡܪ ܠܗܘܢ܂ ܗܟܢܐ ܐܡܿܪ ܡܪܐ ܡܪ̈ܘܬܐ܂ ܕܫܡܿܥ ܢܫܡܥ܂ ܘܕܙܐܿܥ ܢܙܘܥ܂ ܡܛܠ ܕܒܝܬܐ ܐܢܘܢ ܡܡܪܡܪܢܐ܂

next chapter