The Comprehensive Aramaic Lexicon

04:01 [ai]	ܐܢܬ ܕܝܢ ܒܪܢܫܐ܂ ܣܒ ܠܟ ܠܒܬܐ ܘܣܝܡܝܗܿ ܩܕܡܝܟ܂ ܘܪܫܘܡ ܥܠܝܗܿ ܡܕܝܢܬܐ ܐܘܪܫܠܡ܂
04:02 [ai]	ܘܥܒܕ ܥܠܝܗܿ ܐܘܠܨܢܐ܂ ܘܒܢܝ ܥܠܝܗܿ ܩ̈ܠܩܘܡܐ܂ ܘܐܟܡܢ ܥܠܝܗܿ ܟܡܐ̈ܢܐ܂ ܘܐܫܪܐ ܥܠܝܗܿ ܡܫܪ̈ܝܬܐ܂ ܘܥܒܕ ܠܗܿ ܙܘܝ̈ܕܢܐ ܟܕ ܚܿܕܪܐ܂
04:03 [ai]	ܘܐܢܬ ܣܒ ܠܟ ܛܓܢܐ ܕܦܪܙܠܐ܂ ܘܥܒܕܝܗܝ ܐܣܬܐ ܕܦܪܙܠܐ ܒܝܢ̈ܝܟ ܠܡܕܝܢܬܐ܂ ܘܛܝܒ ܐ̈ܦܝܟ ܥܠܝܗܿ܂ ܘܬܗܘܐ ܒܚܒܘܫܝܐ ܘܬܐܠܨܝܗܿ܂ ܗܕܐ ܐܬܐ ܗܝ ܠܕܒܝܬ ܐܝܣܪܝܠ܂
04:04 [ai]	ܘܐܢܬ ܕܡܟ ܥܠ ܣܛܪܟ ܕܣܡܠܐ܂ ܘܣܝܡ ܥܘܼܠܐ ܕܒܝܬ ܐܝܣܪܝܠ ܥܠܘܗܝ܂ ܡܢܝܢ ܝܘܡ̈ܬܐ ܕܕܡܿܟ ܐܢܬ ܥܠܘܗܝ ܬܫܩܘܠ ܥܘܼܠܗܘܢ܂
04:05 [ai]	ܘܐܢܐ ‍<‍ܗܐ#3#‍>‍ ܝܗܿܒܬ ܠܟ ܬܪ̈ܝܢ ܥܘܼܠܝܢ ܠܡܢܝܢܐ ܕܝܘܡ̈ܬܐ܂ ܬܠܬܡܐܐ ܘܬܫܥܝܢ ܝܘܡ̈ܝܢ܂ ܘܬܫܩܘܠ ܥܘܼܠܐ ܕܒܝܬ ܐܝܣܪܝܠ܂
04:06 [ai]	ܘܬܫܡܠܐ/ܕܬܫܡܠܐ#3#/ ܗܠܝܢ܂ ܘܬܕܡܟ ܥܠ ܣܛܪܟ ܕܝܡܝܢܐ܂ ܘܬܫܩܘܠ ܥܘܼܠܐ ܕܒܝܬ ܝܗܘܕܐ ܐܪ̈ܒܥܝܢ ܝܘ̈ܡܝܢ܂ ܝܘܡܐ ܠܫܢܬܐ ܝܗܒܿܬ ܠܟ܂
04:07 [ai]	ܘܥܠ ܐܘܠܨܢܗܿ ܕܐܘܪܫܠܡ ܬܛܝܒ ܐ̈ܦܝܟ܂ ܘܕܪܥܟ ܬܥܫܢ܂ ܘܬܬܢܒܐ ܥܠܝܗܿ܂
04:08 [ai]	ܗܐ ܐܪܡܿܝܬ ܥܠܝܟ ܫܫ̈ܠܬܐ܂ ܘܠܐ ܬܬܗܦܟ ܡܢ ܣܛܪܟ ܠܣܛܪܟ܂ ܥܕܡܐ ܕܢܫܠܡܘܢ ܝܘܡ̈ܬܐ ܕܚܒܘܫܝܟ܂
04:09 [ai]	ܘܣܒ ܠܟ ܚ̈ܛܐ ܘܣܥܪ̈ܐ܂ ܘܓܘ̈ܡܐ ܘܛܠܦܚ̈ܐ܂ ܘܕܘܚܢܐ ܘܟܘܢ̈ܬܐ܂ ܘܐܪܡܐ ܐܢܘܢ ܒܡܐܢܐ ܚܕ܂ ܘܥܒܕ ܐܢܘܢ ܠܟ ܠܚܡܐ܂ ܠܡܢܝܢܐ ܕܝܘܡ̈ܬܐ ܕܕܡܿܟ ܐܢܬ ܥܠ ܣܛܪܟ܂ ܬܠܬܡܐܐ ܘܬܫܥܝܢ ܝܘܡ̈ܝܢ ܬܐܟܠܝܘܗܝ܂
04:10 [ai]	ܘܡܐܟܘܠܬܟ ܬܗܘܐ ܥܣܪ̈ܝܢ ܡܬ̈ܩܠܝܢ ܒܝܘܡܐ܂ ܡܢ ܥܕܢܐ ܠܥܕܢܐ܂
04:11 [ai]	ܘܡ̈ܝܐ ܒܟܝܠܬܐ ܬܫܬܐ܂ ܚܕܐ ܡܢ ܫܬ ܡܢ̈ܘܬܗ ܕܗܡܝܢܐ܂ ܡܢ ܥܕܢܐ ܠܥܕܢܐ ܬܫܬܐ܂
04:12 [ai]	ܘܪܥܦܐ ܕܣܥܪ̈ܐ ܬܐܟܘܠ܂ ܕܡܛܘܝ ܥܠ ܟܒ̈ܝܐ ܕܒܪܢܫܐ ܠܥ̈ܢܝܗܘܢ܂
04:13 [ai]	ܐܡܿܪ ܡܪܝܐ܂ ܗܟܢܐ ܢܐܟܠܘܢ ܒܢ̈ܝ ܐܝܣܪܝܠ ܠܚܡܗܘܢ ܒܛܢܦܘܬܐ܂ ܒܝܬ ܥܡ̈ܡܐ ܕܐܕܚܘܩ/ܘܐܕܚܘܩ#3#/ ܐܢܘܢ ܠܬܡܢ܂
04:14 [ai]	ܘܐܿܡܪܬ܂ ܐܠܗܐ ܡܪܐ ܡܪ̈ܘܬܐ܂ ܢܦܫܝ ܠܐ ܗܘܬ ܡܛܢܦܐ܂ ܘܕܡܪܥܐ ܘܕܬܒܝܪܐ ܠܚܝܘܬܐ ܠܐ ܐܿܟܠܬ܂ ܡܢ ܛܠܝܘܬܝ ܘܥܕܡܐ ܠܝܘܡܢܐ܂ ܘܠܐ ܥܠ ܠܦܘܡܝ ܒܣܪܐ ܛܢܦܐ܂
04:15 [ai]	ܘܐܡܪ ܠܝ܂ ܗܐ ܝܗܿܒܬ ܠܟ ܟܒ̈ܝܐ ܕܬܘܪ̈ܐ ܚܠܦ ܟܒ̈ܝܐ ܕܒܢܝ ܐܢܫܐ܂ ܕܬܥܒܕ ܠܚܡܟ ܥܠܝܗܝܢ܂
04:16 [ai]	ܘܐܡܪ ܠܝ܂ ܒܪܢܫܐ܂ ܗܐ ܬܒܿܪ ܐܢܐ ܩܢܝܐ ܕܥܒܘܪܐ ܒܐܘܪܫܠܡ܂ ܘܢܐܟܠܘܢ ܠܚܡܐ ܒܡܬܩܠܐ܂ ܘܡ̈ܝܐ ܒܨܗܘܢܐ ܒܟܝܠܬܐ ܢܫܬܘܢ܂
04:17 [ai]	ܘܢܗܘܘܢ ܨܪ̈ܝܟܝܢ ܠܠܚܡܐ ܘܠܡ̈ܝܐ܂ ܘܢܣܘܦܘܢ ܓܒܪ ܘܐܚܘܗܝ ܘܢܬܡܣܘܢ/ܘܢܬܡܗܘܢ#3#/ ܒܥܘܼܠܗܘܢ܂

next chapter