← Back
The Comprehensive Aramaic Lexicon
← Return to the Text Browser
click on the file description for more information
62014: P Ez

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


05:01 [ai]ܐܢܬ ܕܝܢ ܒܪܢܫܐ܂ ܣܒ ܠܟ ܣܝܦܐ ܕܚܪܝܦ ܐܝܟ ܡܕܟܝܐ ܕܓܪܥܐ܂ ܘܐܥܒܪܝܗܝ ܥܠ ܪܝܫܟ ܘܥܠ ܕܩܢܟ܂ ܘܣܒ ܠܟ ܡܣܐܬܐ ܕܡܬܩ̈ܠܐ܂ ܘܦܠܿܓ ܐܢܘܢ ܠܬܠܬ ܡܢ̈ܘܢ܂
05:02 [ai]ܘܚܕܐ/ܠܚܕܐ#3#/ ܡܢ ܬܠܬ ܡ̈ܢܘܢ܂ ܐܘܩܕ ܒܢܘܪܐ ܒܓܘ ܡܕܝܢܬܐ܂ ܡܐ ܕܫܠܡܘ ܝܘܡ̈ܬܐ ܕܚܒܘܫܝܟ܂ ܘܬܣܒ ܡܢܬܐ ܐܚܪܬܐ܂ ܘܬܦܣܘܩ/ܘܬܦܣܩ#3#/ ܒܣܝܦܐ ܚܕܪ̈ܝܗܿ ܕܡܕܝܢܬܐ܂ ܘܡܢܬܐ ܕܬܠܬ ܬܕܪܐ ܒܪܘܚܐ܂ ܘܣܝܦܐ ܢܚܪܘܒ ܒܬܪܗܘܢ܂
05:03 [ai]ܘܬܣܒ ܡܢ ܬܡܢ ܙܥܘܪ̈ܐ ܒܡܢܝܢܐ܂ ܘܬܨܘܪ ܐܢܘܢ ܒܟܢܦܟ܂
05:04 [ai]ܘܡܢܗܘܢ ܬܘܒ ܬܣܒ܂ ܘܬܪܡܐ ܐܢܘܢ ܒܓܘ ܢܘܪܐ܂ ܘܬܘܩܕ ܐܢܘܢ ܒܢܘܪܐ܂ ܘܡܢܗܘܢ ܬܦܘܩ ܢܘܪܐ ܥܠ ܟܠܗܘܢ ܕܒܝܬ ܐܝܣܪܝܠ ܀ ܀܂
05:05 [ai]ܗܟܢܐ ܐܡܿܪ ܡܪܐ ܡܪ̈ܘܬܐ܂ ܗܕܐ ܐܘܪܫܠܡ ܒܝܢܬ/ܒܝܬ#3#/ ܥܡ̈ܡܐ ܣܡܿܬܗܿ܂ ܘܟܠܗܝܢ ܡܕܝܢ̈ܬܐ ܚܕܝܪ̈ܢ ܠܗܿ܂
05:06 [ai]ܘܚܠܦܬ ܕܝܢ̈ܝ ܒܚܛܝܬܐ ܡܢ ܥܡ̈ܡܐ܂ ܘܦܘܩ̈ܕܢܝ ܡܢ ܡܕܝܢ̈ܬܐ ܕܚܕܝܪ̈ܢ ܠܗܿ܂ ܡܛܠ ܕܕܝܢ̈ܝ ܐܣܠܝܘ ܘܒܦܘ̈ܩܕܢܝ ܠܐ ܗܠܟܘ܂
05:07 [ai]ܡܛܠ ܗܠܝܢ ܗܟܢܐ ܐܡܿܪ ܡܪܐ ܡܪ̈ܘܬܐ܂ ܥܠ ܕܐܬܚܫܒܬܘܢ ܡܢ ܥܡ̈ܡܐ ܕܚܕܝܪ̈ܝܢ ܠܟܘܢ܂ ܘܒܦܘܩ̈ܕܢܝ ܠܐ ܗܠܟܬܘܢ܂ ܘܕܝܢ̈ܝ ܠܐ ܥܒܕܬܘܢ܂ ܘܥܒܕܬܘܢ ܕܝ̈ܢܐ ܕܥܡ̈ܡܐ ܕܚܕܝܪ̈ܝܢ ܠܟܘܢ܂
05:08 [ai]ܡܛܠ ܗܢܐ ܗܟܢܐ ܐܡܿܪ ܡܪܐ ܡܪ̈ܘܬܐ ܗܐ ܐܢܐ ܥܠܝܟܝ܂ ܘܐܥܒܕ ܒܓܘܟܝ ܕܝ̈ܢܐ ܠܥܝܢ ܟܠܗܘܢ ܥܡ̈ܡܐ܂
05:09 [ai]ܘܐܥܒܕ ܒܟܝ ܡܕܡ ܕܠܐ ܥܒܿܕܬ ܘܡܕܡ ܕܠܐ ܐܥܒܕ/ܐܬܥܒܕ#3#/ ܬܘܒ ܐܟܘܬܗ܂ ܡܛܠ ܟܠܗܿ ܛܢܦܘܬܟܝ܂
05:10 [ai]ܡܛܠ ܗܢܐ ܐܒ̈ܗܐ ܢܐܟܠܘܢ ܒ̈ܢܝܗܘܢ ܒܓܘܟܝ܂ ܘܒ̈ܢܝܐ ܢܐܟܠܘܢ ܠܐ̈ܒܗܝܗܘܢ܂ ܘܐܥܒܕ ܒܟܝ ܕܝ̈ܢܐ܂ ܘܐܕܪܐ ܠܐܝܠܝܢ ܕܡܫܬܚܪܝܢ ܒܓܘܟܝ ܠܟܠ ܪܘܚ܂
05:11 [ai]ܡܛܠ ܗܢܐ ܚܝ ܐܢܐ ܐܡܿܪ ܡܪܐ ܡܪ̈ܘܬܐ܂ ܥܠ ܕܛܢܦܬܝ ܡܩܕܫܝ ܒܟܠ ܛܢ̈ܦܘܬܟܝ ܘܒܟܠܗܿ ܛܡܐܘܬܟܝ܂ ܐܦ ܐܢܐ ܐܕܚܩܟܝ ܘܠܐ ܬܚܘܣ ܥܝܢܝ ܥܠܝܟܝ ܘܠܐ ܐܪܚܡ܂
05:12 [ai]ܚܕܐ ܡܢܬܟܝ ܒܡܘܬܐ ܢܡܘܬܘܢ܂ ܘܒܟܦܢܐ ܢܣܘܦܘܢ ܒܓܘܟܝ܂ ܘܐܚܪܬܐ ܒܚܪܒܐ ܢܦܠܘܢ ܚܕܪ̈ܝܟܝ܂ ܘܕܬܠܬ ܠܟܠ ܪܘܚ ܐܕܪܐ܂ ܘܣܝܦܐ ܢܚܪܘܒ ܒܬܪܗܘܢ܂
05:13 [ai]ܘܐܫܡܠܐ ܪܘܓܙܝ ܘܐܢܝܚ ܚܡܬܝ ܒܗܘܢ ܘܐܬܒܝܐ܂ ܘܢܕܥܘܢ ܕܐܢܐ ܐܢܐ ܡܪܝܐ ܕܡܠܿܠܬ ܒܛܢܢܝ܂ ܡܐ ܕܫܡܿܠܝܬ ܒܗܘܢ ܪܘܓܙܝ܂
05:14 [ai]ܘܐܬܠܟܝ ܠܚܪܒܐ܂ ܘܠܚܣܕܐ ܒܥܡ̈ܡܐ ܕܚܕܝܪ̈ܝܢ ܠܟܝ ܩܕܡ ܟܠ ܕܥܒܿܪ܂
05:15 [ai]ܘܬܗܘܝܢ ܠܚܣܕܐ ܘܠܓܘܕܦܐ ܘܠܡܪܕܘܬܐ ܘܠܬܡܗܐ ܒܥܡ̈ܡܐ/ܠܥܡ̈ܡܐ#3#/ ܕܚܕܝܪ̈ܝܢ ܠܟܝ܂ ܡܐ ܕܥܒܿܕܬ ܒܟܝ ܕܝ̈ܢܐ܂ ܒܪܘܓܙܐ ܘܒܚܡܬܐ ܘܒܡܟܣܢܘܬܐ ‍<‍ܕܪܘܓܙܐ#3#‍>‍܂ ܐܢܐ ܡܪܝܐ ܐܡܿܪܬ܂
05:16 [ai]ܡܐ ܕܫܿܕܪܬ ܥܠܝܟܘܢ ܓܐܪ̈ܝ ܒܝ̈ܫܐ ܕܟܦܢܐ ܕܗܘܘ ܠܚܒܠܐ܂ ܕܐܫܕܪ ܐܢܘܢ ܠܡܚܒܠܘܬܟܘܢ܂ ܘܟܦܢܐ ܐܘܣܦ ܥܠܝܟܘܢ܂ ܘܐܬܒܪ ܩܢܝܐ ܕܥܒܘܪܟܘܢ܂
05:17 [ai]ܘܐܫܕܪ ܥܠܝܟܘܢ ܟܦܢܐ܂ ܘܚܝܘܬܐ ܒܝܫܬܐ ܘܐܘܒܕܟܘܢ܂ ܘܡܘܬܢܐ ܘܕܡܐ ܢܥܒܪ ܒܟܘܢ܂ ܘܚܪܒܐ ܐܝܬܐ ܥܠܝܟܘܢ ܐܢܐ ܡܪܝܐ ܐܡܿܪܬ܂

next chapter