← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62014: P Ez

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


07:01 [ai]ܘܗܘܐ ܥܠܝ ܦܬܓܡܗ ܕܡܪܝܐ ܠܡܐܡܪ܂
07:02 [ai]ܐܢܬ ܕܝܢ ܒܪܢܫܐ ܐܡܪ ܗܟܢܐ ܐܡܿܪ ܡܪܐ ܡܪ̈ܘܬܐ܂ ܡܛܝ ܩܨܐ ܥܠ ܐܪܥܐ ܕܐܝܣܪܝܠ܂ ܘܡܛܝ ܣܘܦܐ ܥܠ ܐܪ̈ܒܥ ܟܢ̈ܦܝܗܿ ܕܐܪܥܐ܂
07:03 [ai]ܡܟܝܠ ܩܨܐ ܥܠܝܟܝ܂ ܘܐܫܘܕ/ܘܐܫܕܪ#3#/ ܥܠܝܟܝ ܪܘܓܙܝ܂ ܘܐܕܘܢܟܝ ܐܝܟ ܐܘܪ̈ܚܬܟܝ܂ ܘܐܝܬܐ ܥܠܝܟܝ ܟܠܗܿ ܛܢܦܘܬܟܝ܂
07:04 [ai]ܘܠܐ ܬܚܘܣ ܥܝܢܝ ܥܠܝܟܝ ܘܠܐ ܐܪܚܡ܂ ܡܛܠ ܕܐܘܪ̈ܚܬܟܝ ܥܠܝܟܝ ܐܬܠ܂ ܘܛܢ̈ܦܘܬܟܝ ܒܓܘܟܝ ܢܗ̈ܘܝܢ܂ ܘܬܕܥܝܢ ܕܐܢܐ ܐܢܐ ܡܪܝܐ ܀
07:05 [ai]ܗܟܢܐ ܐܡܿܪ ܡܪܐ ܡܪ̈ܘܬܐ܂ ܗܐ ܐܬܿܝܐ ܒܝܫܬܐ ܚܠܦ ܒܝܫܬܐ܂
07:06 [ai]ܩܨܐ ܐܬܐ ܘܐܥܝܩ ܥܠܝܟܝ܂
07:07 [ai]ܘܐܬܐ ܨܦܪܝܐ ܥܡܘܪܐ ܕܐܪܥܐ ܥܠܝܟܝ܂ ܡܛܝ ܙܒܢܐ ܘܩܪܒ ܝܘܡܐ ܕܕܠܘܚܝܐ܂
07:08 [ai]ܡܟܝܠ ܡܢ ܩܘܪܒܐ/ܩܪܒܐ#3#/ ܐܫܘܕ ܚܡܬܝ ܥܠܝܟܝ܂ ܘܐܫܘܕ ܪܘܓܙܝ ܥܠܝܟܝ܂ ܘܐܕܘܢܟܝ ܐܝܟ ܐܘܪ̈ܚܬܟܝ܂ ܘܐܬܠ ܥܠܝܟܝ ܟܠܗܿ ܛܢܦܘܬܟܝ܂
07:09 [ai]ܘܠܐ ܬܚܘܣ ܥܝܢܝ ‍<‍ܥܠܝܟܝ#3#‍>‍ ܘܠܐ ܐܪܚܡ܂ ܐܠܐ ܐܝܟ ܐܘܪ̈ܚܬܟܝ ܐܦܪܥܟܝ ܘܛܢܦܘܬܟܝ ܒܓܘܟܝ ܬܗܘܐ܂ ܘܬܕܥܝܢ ܕܐܢܐ ܐܢܐ ܡܪܝܐ ܕܡܚܟܝ܂
07:10 [ai]ܗܐ ܝܘܡܐ ܐܬܼܐ܂ ܢܦܩ ܨܦܪܝܐ ܘܒܠܨ ܚܘܛܪܐ ܘܦܪܥ ܨܥܪܐ܂
07:11 [ai]ܘܥܘܼܠܐ ܩܡ ܥܠ ܚܘܛܪܗ ܕܥܘܿܠܐ ܠܐ ܡܢܗܘܢ܂ ܘܠܐ ܡܢ ܕܠܘܚܝܗܘܢ܂ ܘܠܐ ܡܢ ܡܥܒܕܢܘܬܗܘܢ܂ ܘܠܐ ܐܬܢܝܚ ܒܗܘܢ܂
07:12 [ai]ܡܛܝ ܙܒܢܐ ܘܩܪܒ ܝܘܡܐ܂ ܕܩܢܿܐ ܠܐ ܢܚܕܐ܂ ܘܕܡܙܒܢ ܠܐ ܬܟܪܐ ܠܗ܂ ܡܛܠ ܕܪܘܓܙܐ ܥܠ ܟܠܗ ܩܢܝܢܗܘܢ܂
07:13 [ai]ܘܙܒܘܢܐ ܠܐ ܗܦܿܟ ܥܠ ܡܙܒܢܢܐ܂ ܘܬܘܒ ܠܝܬ ܚ̈ܝܐ ܒܚܝ̈ܝܗܘܢ܂ ܡܛܠ \ܕܚܙܘܐ ܠܐ ܢܗܦܘܟ /ܕܒܝܫܬܐ#3#/ ܥܠ ܟܠܗ ܩܢܝܢܗܘܢ܂ ܘܓܒܪܐ ܒܥܘܼܠܗ ܠܐ ܢܚܡܣܢ ܚܝ̈ܘܗܝ܂
07:14 [ai]ܩܪܘ ܒܩܪܢܐ ܘܛܝܒܘ ܟܠ܂ ܘܠܝܬ ܕܐܙܿܠ ܠܩܪܒܐ܂ ܡܛܠ ܕܪܘܓܙܝ ܥܠ ܟܠܗ ܩܢܝܢܗܘܢ܂
07:15 [ai]ܚܪܒܐ ܒܫ̈ܘܩܐ܂ ܘܡܘܬܢܐ ܘܟܦܢܐ ܒܒܝܬܐ܂ ܐܝܢܐ ܕܒܕܒܪܐ ܗܘ ܢܡܘܬ ܒܚܪܒܐ܂ ܘܐܝܢܐ ܕܒܡܕܝܢܬܐ ܗܘ܂ ܟܦܢܐ ܘܡܘܬܢܐ ܢܐܟܠܝܘܗܝ܂
07:16 [ai]ܘܢܬܦܨܘܢ ‍<‍ܡܢܗܘܢ#3#‍>‍ ܐܝܠܝܢ ܕܡܬܦܨܝܢ ܡܢܗܘܢ/#3#/ ܒܛܘܪ̈ܐ/ܛܘܪ̈ܐ#3#/ ܐܝܟ ܝ̈ܘܢܐ ܒ̈ܓܕܢܦܐ܂ ܟܠܗܘܢ ܢܡܘܬܘܢ ܐܢܫ ܒܚ̈ܛܗܘܗܝ܂
07:17 [ai]ܟܠܗܝܢ ܐ̈ܝܕܝܐ ܢܬܪ̈ܫܠܢ܂ ܘܟܠܗܝܢ ܒܘܪ̈ܟܐ ܢܪ̈ܕܝܢ ܡ̈ܝܐ܂
07:18 [ai]ܘܢܬܟܒܢܘܢ ܣ̈ܩܐ܂ ܘܢܟܣܘܢ ܐܢܘܢ ܨܘܪ̈ܢܐ܂ ܒܗܬܬܐ ܒܟܘܠ ܐ̈ܦܝܗܘܢ܂ ܘܩܘܕܚ̈ܬܐ ܒܟܘܠ ܪ̈ܝܫܝܗܘܢ܂
07:19 [ai]ܣܐܡܗܘܢ ܒܫܘ̈ܩܐ ܢܫܕܘܢ܂ ܘܕܗܒܗܘܢ ܡܣܠܝܐ ܢܗܘܐ܂ ܣܐܡܗܘܢ ܘܕܗܒܗܘܢ ܠܐ ܢܫܟܚ ܠܡܦܨܝܘ ܐܢܘܢ ܒܝܘܡܐ ܕܪܘܓܙܗ ܕܡܪܝܐ܂ ܢܦܫ̈ܬܗܘܢ ܠܐ ܢܣܿܒܥܘܢ܂ ܘܟܪ̈ܣܬܗܘܢ ܠܐ ܢܡܠܘܢ܂ ܗܢܐ ܫܘܢܩܐ ܦܘܪܥܢܐ ܕܥܘܼܠܗܘܢ/ܕܟܠܗܘܢ#3#/܂
07:20 [ai]ܘܫܘܒܚܐ ܕܨܒܬܗܘܢ ܕܥܒܕܘ ܒܓܐܝܘܬܐ܂ ܠܨ̈ܠܡܐ ܕܛܢ̈ܦܘܬܗܘܢ ܘܕܕܚ̈ܠܬܗܘܢ܂ ܡܛܠ ܗܢܐ ܥܒܿܕܬܗ ܡܣܠܝܐ܂
07:21 [ai]ܘܐܬܠܝܘܗܝ ܒܐܝܕܐ ܕܢܘܟܪ̈ܝܐ ܠܒܙܬܐ܂ ܘܠܚ̈ܛܝܝܗܿ ܕܐܪܥܐ ܠܫܒܝܬܐ ܘܢܛܘܫܘܢܗ܂
07:22 [ai]ܘܐܦܢܐ ܐ̈ܦܝ ܡܢܗܘܢ ܘܢܛܘܫܘܢ ܕܘ̈ܩܝ܂ ܘܢܥܠܘܢ ܒܗܿ ܬܪ̈ܘܥܐ ܘܢܛܘܫܘܢܗܿ܂
07:23 [ai]ܘܢܥܒܪܘܢ ܒ̈ܠܒܢܐ܂ ܡܛܠ ܕܐܪܥܐ ܐܬܡܠܝܬ ܕܝܢܐ ܕܕܡܐ܂ ܘܡܕܝܢܬܐ ܐܬܡܠܝܬ ܥܘܼܠܐ܂
07:24 [ai]ܘܐܝܬܐ ܪ̈ܥܘܬܐ ܕܥܡ̈ܡܐ܂ ܘܢܐܪܬܘܢ ܒܬ̈ܝܗܘܢ ܘܐܗܦܟ ܓܐܝܘܬܐ ܕܥܫܝ̈ܢܐ ܘܢܐܪܬܘܢ ܡܩܕܫܗܘܢ܂
07:25 [ai]ܪܘܓܙܐ ܐܬܐ܂ ܘܢܒܥܘܢ ܫܠܡܐ ܘܠܐ ܢܫܬܟܚ/ܢܫܟܚܘܢ#3#/܂
07:26 [ai]ܘܝܐ ܥܠ ܘܝܐ ܢܐܬܐ܂ ܘܫܡܘܥܬܐ ܥܠ ܫܡܘܥܬܐ ܬܫܬܡܥ܂ ܘܢܒܥܘܢ ܚܙܘܐ ܡܢ ܢܒ̈ܝܐ܂ ܘܢܡܘܣܐ ܢܐܒܕ ܡܢ ܟܗ̈ܢܐ ܘܡܠܼܟܐ ܡܢ ܣ̈ܒܐ܂
07:27 [ai]ܡܿܠܟܐ ܢܬܒ ܒܐܒܠܐ܂ ܘܪܒܐ ܢܠܒܫ ܚܒܠܐ܂ ܘܐ̈ܝܕܘܗܝ ܕܥܡܐ ܕܐܪܥܐ ܢܬܪ̈ܫܠܢ܂ ܐܝܟ ܐܘܪ̈ܚܬܗܘܢ ܐܥܒܕ ܠܗܘܢ܂ ܘܒܕܝܢ̈ܝܗܘܢ/ܘܐܝܟ ܕܝܢ̈ܝܗܘܢ#3#/ ܐܕܘܢ ܐܢܘܢ܂ ܘܢܕܥܘܢ ܕܐܢܐ ܐܢܐ ܡܪܝܐ܂

next chapter