← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62014: P Ez

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


08:01 [ai]ܘܗܘܐ ܒܫܢܬܐ ܫܬܝܬܝܬܐ ܒܚܡܫܬܐ ܒܝܪܚܐ ܫܬܝܬܝܐ܂ ܐܢܐ ܝܬܿܒ ܗܘܿܝܬ ܒܒܝܬܝ܂ ܘܣܒ̈ܐ ܕܝܗܘܕܐ ܝܬܿܒܝܢ ܗܘܘ ܩܕܡܝ܂ ܘܢܦܠܬ ܥܠܝ ܬܡܢ ܐܝܕܗ ܕܡܪܐ ܡܪ̈ܘܬܐ܂
08:02 [ai]ܘܚܿܙܝܬ ܘܗܐ ܕܡܘܬܐ ܐܝܟ ܚܙܘܐ ܕܢܘܪܐ ܡܢ ܚܙܘܐ ܕܚܨ̈ܘܗܝ ܘܠܬܚܬ ܢܘܪܐ܂ ܘܡܢ ܚ̈ܨܘܗܝ ܘܠܥܠ܂ ܚܿܙܝܬ ܐܝܟ ܚܙܘܐ ܕܙܗܪܐ܂ ܘܐܝܟ ܚܙܘܐ ܕܐܠܗܐ܂
08:03 [ai]ܘܐܘܫܛ ܒܕܡܘܬܐ ܕܐܝܕܐ܂ ܘܐܚܕܢܝ ܒܥܕܩ̈ܐ ܕܪܝܫܝ܂ ܘܫܩܠܬܢܝ ܪܘܚܐ ܒܝܬ ܐܪܥܐ ܠܫܡܝܐ ܘܐܝܬܝܬܢܝ ܠܐܘܪܫܠܡ ܒܚܙܘܐ ܕܐܠܗܐ܂ ܠܡܥܠܢܐ ܕܬܪܥܐ ܕܙܘܝܬܐ ܕܚܐܪ ܠܓܪܒܝܐ܂ ܕܬܡܢ/ܘܬܡܢ#3#/ ܩܝܿܡܐ ܩܝܡܬܐ ܕܛܢܢܐ܂
08:04 [ai]ܘܗܐ ܬܡܢ ܫܘܒܚܗ ܕܐܠܗܐ ܕܐܝܣܪܝܠ܂ ܐܝܟ ܚܙܘܐ ܕܚܿܙܝܬ ܒܦܩܥܬܐ܂
08:05 [ai]ܘܐܡܪ ܠܝ܂ ܒܪܢܫܐ܂ ܐܪܝܡ ܥܝܢ̈ܝܟ ܠܐܘܪܚܐ ܕܓܪܒܝܐ܂ ܘܐܪܝܡܿܬ ܥܝܢ̈ܝ ܠܐܘܪܚܐ ܕܓܪܒܝܐ܂ ܘܗܐ ܡܢ ܓܪܒܝܝܗ ܕܬܪܥܐ ܡܕܢܚܝܐ܂ ܩܝܿܡܐ ܩܝܡܬܐ ܕܛܢܢܐ ܒܡܥܠܢܗ܂
08:06 [ai]ܘܐܡܪ ܠܝ܂ ܒܪܢܫܐ܂ ܚܼܙܝܬ ܡܢܐ ܥܒܿܕܝܢ܂ ܛܢ̈ܦܘܬܐ ܪ̈ܘܪܒܬܐ ܕܥܒܿܕܝܢ ܕܒܝܬ ܐܝܣܪܝܠ܂ ܕܐܬܪܚܩܘ ܡܢ ܡܩܕܫܝ܂ ܬܘܒ ܬܗܦܘܟ ܬܚܙܐ ܛܢ̈ܦܘܬܐ ܪ̈ܘܪܒܬܐ ܕܥܒܿܕܝܢ܂
08:07 [ai]ܘܐܥܠܢܝ ܒܬܪܥܐ ܕܕܪܬܐ܂ ܘܚܿܙܝܬ ܢܩܒܐ ܚܕ ܒܐܣܬܐ܂
08:08 [ai]ܘܐܡܪ ܠܝ܂ ܒܪܢܫܐ܂ ܚܦܘܪ ܒܐܣܬܐ܂ ܘܚܿܦܪܬ ܒܐܣܬܐ܂ ܘܐܫܟܚܿܬ ܬܪܥܐ ܚܕ܂
08:09 [ai]ܘܐܡܪ ܠܝ܂ ܥܘܠ ܘܚܙܝ ܛܢ̈ܦܘܬܐ ܘܒܝܫ̈ܬܐ ܕܥܿܒܕܝܢ ܗܪܟܐ܂
08:10 [ai]ܘܥܠܿܬ ܘܚܙܿܝܬ ܟܠ ܕܡ̈ܘܬܐ ܕܪ̈ܚܫܐ ܘܕܒܥܝܪܐ/ܘܒܥܝܪܐ#3#/ ܘܕܛܢ̈ܦܘܬܐ/ܘܛܢ̈ܦܘܬܐ#3#/܂ ܘܟܠܗܝܢ ܕܚ̈ܠܬܐ ܕܒܝܬ ܐܝܣܪܐܝܠ܂ ܕܨܝܪ̈ܢ ܥܠ ܐܣܬܐ ܟܕ ܚܿܕܪܐ܂
08:11 [ai]ܘܫܒܥܝܢ ܓܒܪ̈ܝܢ ܡܢ ܣܒ̈ܐ ܕܒܝܬ ܐܝܣܪܝܠ ܘܝܥܙܢܝܐ ܒܪ ܫܦܢ ܩܐܿܡ ܗܘܐ ܒܝܢܬܗܘܢ܂ ܘܗܢܘܢ ܩܝܿܡܝܢ ܗܘܘ ܩܕܡܘܗܝ܂ ܘܐܢܫ ܦܝܪܡܗ ܒܐܝܕܗ ܘܥܛܪܐ ܕܬܢܢܐ/ܕܛܢܢܐ#2#/ ܕܒܣ̈ܡܐ ܣܿܠܩ܂
08:12 [ai]ܘܐܡܪ ܠܝ܂ ܚܿܙܐ ܐܢܬ ܒܪܢܫܐ܂ ܡܕܡ ܕܥܒܿܕܝܢ ܣܒ̈ܐ \ܕܒܝܬ ܐܝܣܪܝܠ /ܕܐܝܣܪܐܝܠ#3#/܂ ܒܚܫܘܟܐ܂ ܐܢܫ ܒܬܘܢܗ ܟܣܝܐ܂ ܘܐܡܿܪܝܢ ܠܐ ܚܿܙܐ ܠܢ ܡܪܝܐ܂ ܡܛܠ ܕܫܒܩܗܿ ܡܪܝܐ ܠܐܪܥܐ܂
08:13 [ai]ܘܐܡܪ ܠܝ܂ ܬܘܒ ܬܗܦܘܟ ܬܚܙܐ ܛܢ̈ܦܘܬܐ ܪ̈ܘܪܒܬܐ ܕܥܒܿܕܝܢ܂
08:14 [ai]ܘܐܝܬܝܢܝ ܠܡܥܠܢܐ ܕܬܪܥܐ ܕܒܝܬܗ ܕܡܪܝܐ ܕܒܓܪܒܝܐ܂ ܘܚܙܿܝܬ ܬܡܢ ܢܫ̈ܐ ܟܕ ܝܬ̈ܒܢ ܘܡܒ̈ܟܝܢ ܠܬܡܘܙܐ܂
08:15 [ai]ܘܐܡܪ ܠܝ܂ \ܚܙܿܐ ܐܢܬ /ܚܼܙܝܬ#1##2#/ ܒܪܢܫܐ܂ ܬܘܒ ܬܗܦܘܟ ܬܚܙܐ ܛܢ̈ܦܘܬܐ ܕܪ̈ܘܪܒܢ ܡܢ ܗܠܝܢ܂
08:16 [ai]ܘܐܥܠܢܝ ܠܕܪܬ ܒܝܬܗ ܕܡܪܝܐ ܓܘܝܬܐ܂ ܘܚܙܿܝܬ ܒܬܪܥܐ ܕܗܝܟܠܗ ܕܡܪܝܐ ܒܝܬ ܩܣܛܪܘܡܐ ܠܡܕܒܚܐ܂ ܐܝܟ ܥܣܪ̈ܝܢ ܘܚܡܫܐ ܓܒܪ̈ܝܢ ܩܝܿܡܝܢ/ܕܩܝܿܡܝܢ#3#/܂ ܘܚܨܝ̈ܗܘܢ ܠܘܩܒܠ ܗܝܟܠܗ ܕܡܪܝܐ ܘܐ̈ܦܝܗܘܢ ܠܡܕܢܚܐ ܘܡܩܕܡܝܢ ܘܣܿܓܕܝܢ ܠܫܡܫܐ܂
08:17 [ai]ܘܐܡܪ ܠܝ܂ ܚܿܙܐ ܐܢܬ ܒܪܢܫܐ܂ ܕܠܡܐ ܙܥܘܪܝܐ ܗܝ ܠܕܒܝܬ ܝܗܘܕܐ ܛܢܦܘܬܐ ܗܕܐ ܕܥܒܿܕܝܢ ܗܪܟܐ܂ ܕܡܠܐܘܗܿ ܠܐܪܥܐ ܥܘܼܠܐ܂ ܘܗܦܟܘ ܠܡܪܓܙܘܬܢܝ܂ ܘܗܢܘܢ ܡܦܩܥܝܢ ܒܢܚܝܪ̈ܝܗܘܢ܂
08:18 [ai]ܐܦ ܐܢܐ ܐܥܒܕ ܒܚܡܬܐ܂ ܘܠܐ ܬܚܘܣ ܥܝܢܝ ܘܠܐ ܐܪܚܡ܂ ܘܢܩܪܘܢ ܒܐ̈ܕܢܝ ܒܩܠܐ ܪܡܐ ܘܠܐ ܐܫܡܥ ܐܢܘܢ܂

next chapter