← Back
The Comprehensive Aramaic Lexicon
← Return to the Text Browser
click on the file description for more information
62014: P Ez

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


12:01 [ai]ܘܗܘܐ ܥܠܝ ܦܬܓܡܗ ܕܡܪܝܐ ܠܡܐܡܪ܂
12:02 [ai]ܒܪܢܫܐ܂ ܒܓܘ ܒܝܬܐ ܡܡܪܡܪܢܐ ܝܬܿܒ ܐܢܬ܂ ܕܥܝ̈ܢܐ ܐܝܬ ܠܗܘܢ ܘܠܐ ܚܙܿܝܢ܂ ܘܐ̈ܕܢܐ ܐܝܬ ܠܗܘܢ ܘܠܐ ܫܡܿܥܝܢ܂ ܡܛܠ ܕܒܝܬܐ ܐܢܘܢ ܡܡܪܡܪܢܐ܂
12:03 [ai]ܐܢܬ ܕܝܢ ܒܪܢܫܐ܂ ܥܒܕ ܠܟ ܡܐ̈ܢܐ ܕܫܒܝܬܐ܂ ܘܐܫܬܒܝ ܒܐܝܡܡܐ ܠܥܢܝ̈ܗܘܢ܂ ܡܢ ܐܬܪܟ ܠܐܬܪܐ ܐܚܪܢܐ ܕܢܚܙܘܢ܂ ܡܛܠ ܕܒܝܬܐ ܐܢܘܢ ܡܡܪܡܪܢܐ܂
12:04 [ai]ܘܐܦܩ ܡܐ̈ܢܝܟ ܐܝܟ ܡܐ̈ܢܐ ܕܫܒܝܬܐ ܒܐܝܡܡܐ ܠܥܢܝ̈ܗܘܢ܂ ܘܐܢܬ ܦܘܩ ܒܪܡܫܐ ܐܝܟ ܕܒܫܒܝܐ܂
12:05 [ai]ܘܬܪܘܥ ܐܣܬܐ ܠܥܢܝ̈ܗܘܢ ܘܦܘܩ ܒܗܿ܂
12:06 [ai]ܘܫܩܘܠ ܫܩܘܠܬܐ ܥܠ ܟܬܦܟ ܘܦܘܩ ܒܥܡܛܢܐ܂ ܘܟܣܐ ܐ̈ܦܝܟ ܕܠܐ/ܘܠܐ#3#/ ܬܚܙܐ ܠܐܪܥܐ܂ ܡܛܠ ܕܐܬܐ ܝܗܒܿܬܟ ܠܕܒܝܬ ܐܝܣܪܝܠ܂
12:07 [ai]ܘܥܿܒܕܬ ܗܟܢܐ ܐܝܟ/ܐܝܟܢܐ#3#/ ܕܦܩܕܢܝ܂ ܡܐ̈ܢܝ ܐܦܩܿܬ ܒܐܝܡܡܐ ܐܝܟ ܡܐ̈ܢܐ ܕܫܒܝܬܐ܂ ܘܐܣܬܐ ܬܪܥܿܬ ܒܪܡܫܐ܂ ܘܒܥܡܛܢܐ ܢܦܩܿܬ܂ ܘܥܠ ܟܬܦܝ ܫܩܿܠܬ ܠܥܢܝ̈ܗܘܢ ܀܂
12:08 [ai]ܘܗܘܐ ܥܠܝ ܦܬܓܡܗ ܕܡܪܝܐ ܒܨܦܪܐ ܠܡܐܡܪ܂
12:09 [ai]ܒܪܢܫܐ܂ ܐܢ/ܐܝܢ#3#/ ܐܡܿܪܝܢ ܠܟ ܕܒܝܬ ܐܝܣܪܝܠ ܒܝܬܐ ܡܡܪܡܪܢܐ܂ ܡܢܐ ܥܒܿܕ ܐܢܬ܂
12:10 [ai]ܐܡܪ ܠܗܘܢ܂ ܗܟܢܐ ܐܡܿܪ ܡܪܐ ܡܪ̈ܘܬܐ ܀܂ ܪܒܐ ܢܫܩܘܠ ܫܩܘܠܬܐ ܗܕܐ ܒܐܘܪܫܠܡ܂ ܘܟܠܗܘܢ ܕܒܝܬ ܐܝܣܪܝܠ ܥܡܗ܂
12:11 [ai]ܘܐܡܪ ܠܗܘܢ܂ ܐܢܐ ܐܢܐ ܐܬܟܘܢ܂ ܐܝܟ ܕܥܒܿܕܬ ܗܟܢܐ ܢܬܥܒܕ ܠܟܘܢ܂ ܘܒܫܒܝܬܐ ܬܐܙܠܘܢ܂
12:12 [ai]ܘܪܒܐ ܕܒܟܘܢ ܥܠ ܟܬܦܗ ܢܫܩܘܠ܂ ܘܒܥܡܛܢܐ ܢܦܘܩ܂ ܘܢܬܪܘܥ ܐܣܬܐ ܘܢܦܘܩ ܒܗܿ܂ ܘܢܚܦܐ ܐ̈ܦܘܗܝ ܕܠܐ ܢܚܙܝܗܿ ܠܐܪܥܐ܂
12:13 [ai]ܘܐܦܪܘܣ ܡܨܝܕܬܝ ܥܠܘܗܝ ܘܢܬܬܨܝܕ/ܘܢܬܬܚܕ#3#/ ܒܗܿ܂ ܘܐܝܬܝܘܗܝ ܠܒܒܠ ܠܐܪܥܐ ܕܟ̈ܠܕܝܐ ܘܠܐ ܢܚܙܝܗܿ܂ ܘܬܡܢ ܢܡܘܬ܂
12:14 [ai]ܘܟܠܗܘܢ ܕܚܕܝܪܝܢ ܠܗ ܘܡܥܕܪܝܢ ܠܗ ܘܡܥܫܢܝܢ ܠܗ܂ ܐܕܪܐ ܠܟܠ ܪܘܚ܂ ܘܚܪܒܐ ܐܫܕܪ ܒܬܪܗܘܢ܂
12:15 [ai]ܘܢܕܥܘܢ ܕܐܢܐ ܐܢܐ ܡܪܝܐ܂ ܕܒܿܕܪܬ ܐܢܘܢ ܒܝܬ ܥܡ̈ܡܐ܂ ܘܕܪܝܬܿ/ܘܕܪܬ#2#/ ܐܢܘܢ ܒܐܪ̈ܥܬܐ܂
12:16 [ai]ܘܐܘܬܪ ܡܢܗܘܢ ܓܒܪ̈ܐ ܒܡܢܝܢܐ܂ ܡܢ ܚܪܒܐ ܘܡܢ ܟܦܢܐ ܘܡܢ ܡܘܬܢܐ܂ ܕܢܫܬܥܘܢ ܟܘܠܗ ܛܢܦܘܬܗܘܢ ܒܝܬ ܥܡ̈ܡܐ ܕܐܙܠܘ ܠܘܬܗܘܢ܂ ܘܢܕܥܘܢ ܕܐܢܐ ܐܢܐ ܡܪܝܐ ܀
12:17 [ai]ܘܗܘܐ ܥܠܝ ܦܬܓܡܗ ܕܡܪܝܐ ܠܡܐܡܪ܂
12:18 [ai]ܒܪܢܫܐ܂ ܠܚܡܟ ܒܙܘܥܬܐ ܬܐܟܘܠ܂ ܘܡ̈ܝܟ ܒܙܘܥܬܐ ܘܒܕܚܠܬܐ ܬܫܬܐ܂
12:19 [ai]ܘܐܡܪ ܠܥܡܐ ܕܐܪܥܐ܂ ܗܟܢܐ ܐܡܿܪ ܡܪܐ ܡܪ̈ܘܬܐ܂ ‍<‍ܐܕܚܘܩ#3#‍>‍ ܠܥܡܘܪ̈ܝܗܿ ܕܐܘܪܫܠܡ ܘܠܐܪܥܐ ܕܐܝܣܪܝܠ܂ ܠܚܡܗܘܢ ܒܕܚܠܬܐ ܢܐܟܠܘܢ܂ ܘܡܝ̈ܗܘܢ ‍<‍ܒܕܚܠܬܐ#3#‍>‍ ܒܬܡܗܐ ܢܫܬܘܢ܂ ܡܛܠ ܕܚܿܪܒܐ ܐܪܥܐ ܒܡܠܐܗܿ܂ ܡܢ ܥܘܼܠܐ ܕܟܠܗܘܢ ܥܡܘܪ̈ܝܗܿ܂
12:20 [ai]ܘܡܕܝܢ̈ܬܐ ܕܝ̈ܬܒܢ ܢܚܪ̈ܒܢ܂ ܘܐܪܥܐ ܠܚܒܠܐ ܬܗܘܐ܂ ܘܬܕܥܘܢ ܕܐܢܐ ܐܢܐ ܡܪܝܐ܂
12:21 [ai]ܘܗܘܐ ܥܠܝ ܦܬܓܡܗ ܕܡܪܝܐ ܠܡܐܡܪ܂
12:22 [ai]ܒܪܢܫܐ܂ ܡܢܐ ܗܘ ܡܬܠܐ ܗܢܐ ܕܡܡܬܠܝܢ ܥܠܝܟܘܢ ܒܐܪܥܐ ܕܐܝܣܪܝܠ ܘܐܡܿܪܝܢ܂ ܢܓܪܘܢ ܝܘܡ̈ܬܐ ܘܢܐܒܕ ܟܠܗ ܚܙܘܐ܂
12:23 [ai]ܡܛܠ ܗܢܐ ܐܡܪ ܠܗܘܢ ܗܟܢܐ ܐܡܿܪ ܡܪܐ ܡܪ̈ܘܬܐ܂ ܡܒܛܠ ܐܢܐ ܠܗ ܠܡܬܠܐ ܗܢܐ܂ ܘܠܐ ܢܡܬܠܘܢܗ ܬܘܒ ܒܐܝܣܪܝܠ܂ ܐܠܐ ܐܡܪ ܠܗܘܢ܂ ܢܩܪܒܘܢ ܝܘܡ̈ܬܐ ܘܢܗܘܐ ܟܠܗ ܚܙܘܐ܂
12:24 [ai]ܘܬܘܒ ܠܐ ܢܗܘܐ ܟܠ ܚܙܘܐ ܕܓܠܐ܂ ܘܩܨܡܐ ܕܦܠܓܘܬܐ/ܘܦܠܓܘܬܐ#3#/ ܒܝܢܬ ܒܢ̈ܝ ܐܝܣܪܝܠ܂
12:25 [ai]ܡܛܠ ܕܐܢܐ ܐܢܐ ܡܪܝܐ ܐܡܿܪܬ ܘܐܡܿܪ ܐܢܐ ܡܠܬܐ ܘܥܒܿܕ ܐܢܐ ܠܗܿ܂ ܘܠܐ ܡܫܘܚܪ ܐܢܐ܂ ܘܒܝ̈ܘܡܬܟܘܢ ܒܝܬܐ ܡܡܪܡܪܢܐ܂ ܐܡܿܪ ܡܠܬܐ ܘܐܥܒܕܝܗܿ ܀܂ ܐܡܿܪ ܡܪܐ ܡܪ̈ܘܬܐ ܀ ܀
12:26 [ai]ܘܗܘܐ ܥܠܝ ܦܬܓܡܗ ܕܡܪܝܐ ܠܡܐܡܪ܂
12:27 [ai]ܒܪܢܫܐ܂ ܗܐ ܕܒܝܬ ܐܝܣܪܝܠ ܐܡܿܪܝܢ܂ ܚܙܘܐ/ܕܚܙܘܐ#3#/ ܕܚܿܙܐ ܗܢܐ܂ ܠܝܘ̈ܡܬܐ ܗܘ ܣܓ̈ܝܐܐ ܘܠܙܒ̈ܢܐ ܪ̈ܚܝܩܐ ܡܬܢܒܐ܂
12:28 [ai]ܡܛܠ ܗܢܐ ܐܡܪ ܠܗܘܢ܂ ܗܟܢܐ ܐܡܿܪ ܡܪܐ ܡܪ̈ܘܬܐ ܬܘܒ ܠܐ ܢܗܘܐ ܦܘܫܐ ܠܡ̈ܠܝ܂ ܡܠܬܐ ܕܐܡܿܪ ܐܢܐ ܥܒܿܕ ܐܢܐ ܠܗܿ܂ ܐܡܿܪ ܡܪܐ ܡܪ̈ܘܬܐ ܀ ܀܂

next chapter