← Back
The Comprehensive Aramaic Lexicon
← Return to the Text Browser
click on the file description for more information
62014: P Ez

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


13:01 [ai]ܘܗܘܐ ܥܠܝ ܦܬܓܡܗ ܕܡܪܝܐ ܠܡܐܡܪ܂
13:02 [ai]ܒܪܢܫܐ܂ ܐܬܢܒܐ ܥܠ ܢܒ̈ܝܐ ܕܐܝܣܪܝܠ ܕܡܬܢܒܝܢ ܠܗܘܢ܂ ܘܐܡܪ ܠܐܝܠܝܢ ܕܡܬܢܒܝܢ ܡܢ ܠܒܗܘܢ܂ ܫܡܥܘ ܦܬܓܡܗ ܕܡܪܐ ܡܪ̈ܘܬܐ܂
13:03 [ai]ܗܟܢܐ ܐܡܿܪ ܡܪܐ ܡܪ̈ܘܬܐ܂ ܘܝ ܠܢܒ̈ܝܐ ܫ̈ܛܝܐ ܕܐܙܿܠܝܢ ܒܬܪ ܪܘܚܗܘܢ ܕܠܐ ܚܙܘ ܚܙܘܐ܂
13:04 [ai]ܐܝܟ ܬ̈ܥܠܐ ܒܚܪ̈ܒܬܐ ܗܘܘ ܢܒܝܝ̈ܟ ܐܝܣܪܝܠ܂
13:05 [ai]ܠܐ ܣܠܩܬܘܢ ܒܬܘܪܥܬܐ܂ ܐܦ ܠܐ ܣܓܬܘܢ ܣܝܓܐ ܥܠ ܕܒܝܬ ܐܝܣܪܝܠ܂ ܠܡܩܡ ܒܩܪܒܐ ܒܝܘܡܗ ܕܡܪܝܐ܂
13:06 [ai]ܕܐܡܿܪܝܢ ܗܟܢܐ ܐܡܿܪ ܡܪܝܐ܂ ܘܡܪܝܐ ܠܐ ܫܕܪ ܐܢܘܢ܂ ܘܫܪܝܘ ܠܡܩܡܘ ܡܠܬܐ ܕܓܠܬܐ܂
13:07 [ai]ܚܙܘܐ ‍<‍ܗܘ#3#‍>‍ ܣܪܝܩܐ ܚܙܝܬܘܢ܂ ܘܩܨܡܐ ܕܓܠܐ ܐܡܪܬܘܢ܂ ܘܐܡܪܝܢ ܐܢܬܘܢ ܐܡܪ ܡܪܝܐ܂ ܘܐܢܐ ܠܐ ܐܡܿܪܬ܂
13:08 [ai]ܡܛܠ ܗܢܐ ܗܟܢܐ ܐܡܿܪ ܡܪܐ ܡܪ̈ܘܬܐ܂ ܥܠ ܕܚܙܝܬܘܢ ܣܪܝܩܘܬܐ ܘܡܠܠܬܘܢ/ܘܩܨܡܬܘܢ#3#/ ܕܓܠܘܬܐ܂ ܗܐ ܐܢܐ ܥܠܝܟܘܢ ܐܡܿܪ ܡܪܐ ܡܪ̈ܘܬܐ܂
13:09 [ai]ܘܬܗܘܐ ܐܝܕܝ ܥܠ ܢܒܝ̈ܐ ܕܚܙܿܝܢ ܣܪܝܩܘܬܐ ܘܩܨܡܝܢ ܕܓܠܘܬܐ܂ ܒܓܘ ܥܡܝ ܠܐ ܢܗܘܘܢ܂ ܘܒܟܬܒܐ ܕܒܝܬ ܐܝܣܪܝܠ ܠܐ ܢܬܟܬܒܘܢ܂ ܘܠܐܪܥܐ ܕܐܝܣܪܝܠ/ܕܒܝܬ ܝܣܪܝܠ#3#/ ܠܐ ܢܥܠܘܢ܂ ܘܬܕܥܘܢ ܕܐܢܐ ܐܢܐ ܡܪܐ ܡܪ̈ܘܬܐ܂
13:10 [ai]ܥܠ ܕܐܛܥܝܘ ܠܥܡܝ܂ ܘܐܡܪܘ ܫܠܡܐ ܘܠܝܬ ܫܠܡܐ܂ ܘܗܘ ܒܢܿܐ ܗܘܐ ܐܣܬܐ܂ ܘܗܢܘܢ ܛܪܝܢ ‍<‍ܗܘܘ#3#‍>‍ ܠܗܿ ܕܬܦܠ܂
13:11 [ai]ܐܡܪ ܠܗܿܢܘܢ ܕܛܪܝܢ ܠܗܿ ܕܬܦܠ܂ ܗܐ ‍<‍ܐܢܐ#3#‍>‍ ܝܗܿܒ ܐܢܐ ܡܛܪܐ ܕܓܪܦ܂ ܘܟܐ̈ܦܐ ܕܕܚܪܐ ܢ̈ܦܠܢ܂ ܘܪܘܚܐ ܕܥܠܥܠܐ܂
13:12 [ai]ܘܬܬܪܥ ܘܬܦܠ ܐܣܬܐ܂ ܘܢܬܐܡܪ ܠܟܘܢ܂ ܐܝܟܐ ܗܘ ܛܪܝܐ ܕܛܪܝܬܘܢ܂
13:13 [ai]ܡܛܠ ܗܢܐ ܗܟܢܐ ܐܡܿܪ ܡܪܐ ܡܪ̈ܘܬܐ܂ ܐܫܒ ܪܘܚܐ ܕܥܠܥܠܐ ܒܚܡܬܝ܂ ܘܡܛܪܐ ܕܓܪܦ ܢܗܘܐ ܒܪܘܓܙܝ܂ ܘܟܐ̈ܦܐ ܕܕܚܪܐ ܒܚܡܬܝ/ܒܪܘܓܙܝ#3#/ ܢܘܒ̈ܕܢ܂
13:14 [ai]ܘܐܣܚܦܝܗܿ ܠܐܣܬܐ ܕܛܪܝܬܘܢ ܘܬܦܠ܂ ܘܐܪܡܝܗܿ ܒܐܪܥܐ ܘܢܬ̈ܓܠܝܢ ܫܬ̈ܐܣܝܗܿ܂ ܘܬܦܠܘܢ ܘܬܣܘܦܘܢ/ܘܬܣܬܚܦܘܢ#3#/ ܒܓܘܗܿ܂ ܘܬܕܥܘܢ ܕܐܢܐ ܐܢܐ ܡܪܝܐ܂
13:15 [ai]ܘܐܫܡܠܐ ܪܘܓܙܝ ܒܐܣܬܐ܂ ܘܒܐܝܠܝܢ ܕܛܪܝܢ ܗܘܘ ܠܗܿ ܟܕ ܬܦܠ܂ ܘܢܬܐܡܪ ܠܟܘܢ ܐܝܟܐ ܗܝ ܐܣܬܐ܂ ܘܐܝܟܐ ܐܢܘܢ ܗܿܢܘܢ ܕܛܪܝܢ ܗܘܘ ܠܗܿ܂
13:16 [ai]ܗܠܝܢ ܐܢܘܢ ܢܒ̈ܝܐ ܕܐܝܣܪܝܠ ܕܡܬܢܒܝܢ ‍<‍ܗܘܘ#2#‍>‍ ܥܠ ܐܘܪܫܠܡ܂ ܘܚܙܿܝܢ ܠܗܿ ܚ̈ܙܘܐ ܕܫܠܡܐ܂ ܘܠܝܬ ܫܠܡܐ ܐܡܿܪ ܡܪܐ ܡܪ̈ܘܬܐ ܀ ܀܂
13:17 [ai]ܘܐܢܬ ܒܪܢܫܐ܂ ܣܝܡ ܐ̈ܦܝܟ ܥܠ ܒܢ̈ܬ ܥܡܟ ܕܡܬܢܒ̈ܝܢ ܡܢ ܠܒܗܝܢ܂ ܘܐܬܢܒܐ ܥܠܝܗܝܢ ܘܐܡܪ ܠܗܝܢ܂
13:18 [ai]ܗܟܢܐ ܐܡܿܪ ܡܪܐ ܡܪ̈ܘܬܐ܂ ܘܝ ܠܕܚ̈ܝܛܢ ܒܣ̈ܕܘܬܐ ܠܝܨ̈ܝܠܐ ܕܐ̈ܝܕܝܐ܂ ܘܥܒ̈ܕܢ ܬܟܣ̈ܝܬܐ ܠܟܠ ܪܝܫ ܘܠܟܠ ܩܘܡܐ ܠܡܨܕ ܢܦܫ̈ܬܐ܂ ܢܦܫ̈ܬܗ ܕܥܡܝ ܨܝ̈ܕܢ ܐܢܬܝܢ܂ ܘܢܦܫ̈ܬܟܝܢ ܕܝܠܟܝܢ ܡܚ̈ܝܢ ܐܢܬܝܢ܂
13:19 [ai]ܘܛܘܫܬܢܝܗܝ ܠܥܡܝ ܒܚ̈ܘܦܢܐ ܕܣܥܪ̈ܐ ܘܒܩܨ̈ܝܐ ܕܠܚܡܐ܂ ܠܡܩܛܠ ܢܦܫܬ̈ܐ ܐܝܠܝܢ/ܕܐܝܠܝܢ#3#/ ܕܠܐ ܚܝ̈ܒܢ ܗ̈ܘܝ ܠܡܡܬ܂ ܘܠܡܚܝܘ ܢܦܫ̈ܬܐ ܐܝܠܝܢ ܕܠܐ ܚܝ̈ܒܢ ܗ̈ܘܝ ܠܡܚܐ܂ ܘܟܕܒܬܝܢ ܠܥܡܐ ܕܫܡܿܥ ܟܕܒܘܬܐ܂
13:20 [ai]ܡܛܠ ܗܢܐ ܗܟܢܐ ܐܡܿܪ ܡܪܐ ܡܪ̈ܘܬܐ܂ ܗܐ ܐܢܐ ܥܠ ܒܣ̈ܕܘܬܟܝܢ ܕܨܝ̈ܕܢ ܐܢܬܝܢ ܒܗܘܢ ܢܦܫ̈ܬܐ܂ ܘܐܨܪܐ ܐܢܘܢ ܡܢ ܕܪ̈ܥܝܟܝܢ܂ ܘܐܫܪܐ ܢܦܫ̈ܬܐ ܐܝܠܝܢ ܕܨܝ̈ܕܢ ܐܢܬܝܢ ܘܐܦܪܚ/ܘܐܦܫܚ#3#/ ܐ̈ܢܝܢ܂
13:21 [ai]ܘܐܨܪܐ ܡܐܢܝ̈ܟܝܢ܂ ܘܐܦܨܐ ܠܥܡܝ ܡܢ ܐ̈ܝܕܝܟܝܢ܂ ܘܬܘܒ ܠܐ ܢܫܬܠܡܘܢ ܒܡܨܝܕܬܐ ܒܐ̈ܝܕܝܟܝܢ܂ ܘܬܕܥ̈ܢ ܕܐܢܐ ܐܢܐ ܡܪܝܐ܂
13:22 [ai]ܥܠ ܕܡܚܝ̈ܬܝܢ ܠܒܗ ܕܙܕܝܩܐ ܒܕܓܠܘܬܐ܂ ܘܐܢܐ ܠܐ ܐܟܐܒܬܗ܂ ܘܚܡܣܢܬܝܢ ܐ̈ܝܕܝܐ ܕܥܿܘ̈ܠܐ܂ ܕܠܐ ܢܗܦܟܘܢ ܡܢ ܐܘܪ̈ܚܬܗܘܢ ܒܝܫܬ̈ܐ ܘܢܚܘܢ܂
13:23 [ai]ܡܟܝܠ ܣܪܝܩܘܬܐ ܠܐ ܬܚ̈ܙܝܢ܂ ܘܬܘܒ ܩܨܡܐ ܠܐ ܬܩܨ̈ܡܢ܂ ܘܐܦܨܐ ܠܥܡܝ ܡܢ ܐ̈ܝܕܝܟܝܢ܂ ܘܬ̈ܕܥܢ ܕܐܢܐ ܐܢܐ ܡܪܝܐ܂

next chapter