← Back
The Comprehensive Aramaic Lexicon
← Return to the Text Browser
click on the file description for more information
62014: P Ez

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


14:01 [ai]ܘܐܬܘ ܠܘܬܝ ܓܒܪ̈ܐ ܡܢ ܣܒ̈ܐ ܕܐܝܣܪܝܠ ܠܡܫܐܠ/ܠܡܫܐܠܘ#3#/ ܡܢ ܡܪܝܐ ܘܝܬܒܘ ܩܕܡܝ܂
14:02 [ai]ܘܗܘܐ ܥܠܝ ܦܬܓܡܗ ܕܡܪܝܐ ܠܡܐܡܪ܂
14:03 [ai]ܒܪܢܫܐ܂ ܓܒܪ̈ܐ ܗܠܝܢ ܐܣܩܘ ܕܚ̈ܠܬܗܘܢ ܥܠ ܠܒܗܘܢ܂ ܘܬܘܩܠܬܐ ܕܥܘܼܠܗܘܢ ܣܡܘ ܠܘܩܒܠ ܐ̈ܦܝܗܘܢ܂ ܐܥܒܕ ܦܘܪܥܢܐ/ܦܘܪܩܢܐ#3#/ ܡܢܗܘܢ܂
14:04 [ai]ܡܟܝܠ ‍<‍ܙܠ#2#‍>‍ ܡܠܠ ܥܡܗܘܢ ܘܐܡܪ ܠܗܘܢ܂ ܗܟܢܐ ܐܡܿܪ ܡܪܐ ܡܪ̈ܘܬܐ܂ ܓܒܪ ܓܒܪ ܡܢ ܒܝܬ ܐܝܣܪܝܠ܂ ܕܢܣܿܩ/ܘܢܣܩ#3#/ ܕܚܠܬܗ ܥܠ ܠܒܗ܂ ܘܬܘܩܠܬܐ ܕܥܘܼܠܗ ܢܣܝܡ ܠܘܩܒܠ ܐ̈ܦܘܗܝ܂ ܘܢܐܬܐ ܠܘܬ ܢܒܝܐ ‍<‍ܠܡܫܐܠܘܬܗ#3#‍>‍܂ ܐܢܐ ܡܪܝܐ ܐܗܘܐ ܠܗ ܣܗܕܐ ܒܗܝܢ ܒܣܘܓܐܐ ܕܕܚ̈ܠܬܗ܂
14:05 [ai]ܡܛܠ ܕܐܚܘܕ ܠܕܒܝܬ ܐܝܣܪܝܠ ܒܠܒܗܘܢ܂ ܕܦܪܩܘ ܡܢܝ ܒܟܠܗܝܢ ܕܚ̈ܠܬܗܘܢ܂
14:06 [ai]ܡܟܝܠ ܐܡܪ ܠܕܒܝܬ ܐܝܣܪܝܠ܂ ܗܟܢܐ ܐܡܿܪ ܡܪܐ ܡܪ̈ܘܬܐ܂ ܬܘܒܘ ܘܐܬܦܢܘ ܡܢ ܟܠܗܝܢ ܕܚ̈ܠܬܟܘܢ܂ ܘܡܢ ܟܘܠܗܿ ܛܢܦܘܬܟܘܢ ܐܦܢܘ ܐ̈ܦܝܟܘܢ܂
14:07 [ai]ܡܛܠ ܕܓܒܪܐ ܡܢ ܐܝܣܪܝܠ܂ ܘܡܢ ܐܝܠܝܢ ܕܡܬܦܢܝܢ ܠܘܬܝ ܕܥܡܿܪܝܢ ܒܐܝܣܪܝܠ/ܒܝܬ ܝܣܪܐܝܠ#3#/ ܕܢܗܦܘܟ ܡܢܝ܂ ܘܢܣܩ ܕܚܠܬܗ ܥܠ ܠܒܗ܂ ܘܬܘܩܠܬܐ ܕܥܘܼܠܗ ܢܣܝܡ ܠܘܩܒܠ ܐ̈ܦܘܗܝ܂ ܘܢܐܬܐ ܠܘܬ ܢܒܝܐ ܠܡܫܐܠܘܬܗ܂ ܐܢܐ ܡܪܝܐ ܐܗܘܐ ܠܗ ܣܗܕܐ܂
14:08 [ai]ܘܐܬܠ ܪܘܓܙܝ ܥܠ ܓܒܪܐ ܗܿܘ܂ ܘܐܥܒܕܝܘܗܝ ܠܐܬܐ ܘܠܡܬܠܐ܂ ܘܐܘܒܕܝܘܗܝ ܡܢ ܓܘ ܥܡܝ܂ ܘܬܕܥܘܢ ܕܐܢܐ ܐܢܐ ܡܪܝܐ܂
14:09 [ai]ܘܢܒܝܐ ܟܕ ܢܛܥܐ ܘܢܡܠܠ/ܕܢܡܠܠ#3#/ ܡܠܬܐ܂ ܐܢܐ ܡܪܝܐ ܐܛܥܿܝܬܗ ܠܢܒܝܐ ܗܿܘ܂ ܘܐܪܝܡ ܐܝܕܝ ܥܠܘܗܝ܂ ܘܐܘܒܕܝܘܗܝ ܡܢ ܓܘ ܥܡܝ ܐܝܣܪܝܠ܂
14:10 [ai]ܘܢܫܩܠܘܢ ܥܘܼܠܗܘܢ܂ ܥܘܼܠܗ ܕܗܿܘ ܕܡܫܐܠ܂ ܐܝܟ ܥܘܿܠܗ ܕܢܒܝܐ ܢܗܘܐ܂
14:11 [ai]ܘܬܘܒ ܠܐ ܢܛܥܘܢ ܕܒܝܬ ܐܝܣܪܝܠ ܡܢܝ܂ ܘܬܘܒ ܠܐ ܢܬܛܢܦܘܢ ܒܟܠܗ ܥܘܼܠܗܘܢ܂ ܐܠܐ ܢܗܘܘܢ ܠܝ ܥܡܐ܂ ܘܐܢܐ ܐܗܘܐ ܠܗܘܢ ܐܠܗܐ܂ ܐܡܿܪ ܡܪܐ ܡܪ̈ܘܬܐ ܀܂
14:12 [ai]ܘܗܘܐ ܥܠܝ ܦܬܓܡܗ ܕܡܪܝܐ ܠܡܐܡܪ܂
14:13 [ai]ܒܪܢܫܐ܂ ܐܪܥܐ ܐܢ ܬܚܛܐ ܠܝ ܘܬܥܒܕ ܥܘܼܠܐ ܩܕܡܝ܂ ܐܪܝܡ ܐܝܕܝ ܥܠܝܗܿ܂ ܘܐܬܒܪ ܒܗܿ ܩܢܝܐ ܕܥܒܘܪܐ ܘܐܫܕܪ ܥܠܝܗܿ ܟܦܢܐ ܘܐܘܒܕ ܡܢܗܿ ܒܢܝܢܫ̈ܐ ܘܒܥܝܪܐ܂
14:14 [ai]ܘܐܢ ܢܗܘܘܢ ܒܗܿ ܗܠܝܢ ܬܠܬܐ ܓܒܪ̈ܝܢ ܢܘܚ ܘܕܢܝܐܝܠ ܘܐܝܘܒ܂ ܗܢܘܢ ܒܙܕܝܩܘܬܗܘܢ ܢܦܨܿܘܢ ܢܦܫܗܘܢ܂ ܐܡܿܪ ܡܪܐ ܡܪ̈ܘܬܐ܂
14:15 [ai]ܘܐܢ ܐܝܬܐ ܚܝܘܬܐ ܒܝܫܬܐ ܥܠ ܐܪܥܐ ‍<‍ܗܝ#3#‍>‍ ܘܬܘܒܕܝܗܿ܂ ܘܬܗܘܐ ܠܚܒܠܐ ܡܢ ܒܠܝ ܕܥܒܿܪ ܡܢ ܚܝܘܬܐ܂
14:16 [ai]ܘܗܠܝܢ ܬܠܬܐ ܓܒܪ̈ܝܢ ܐܝܬ ܒܗܿ܂ ܚܝ ܐܢܐ ܐܡܿܪ ܡܪܐ ܡܪ̈ܘܬܐ܂ ܕܠܐ ܢܦܨܿܘܢ ܠܐ ܠܒܢܝ̈ܐ ܘܠܐ ܠܒܢ̈ܬܐ܂ ܐܠܐ ܗܢܘܢ ܒܠܚܘܕ ܢܬܦܨܘܢ܂ ܘܐܪܥܐ ܬܗܘܐ ܠܚܒܠܐ܂
14:17 [ai]ܘܐܢ ܐܝܬܐ ܚܪܒܐ ܥܠ ܐܪܥܐ ܗܿܝ܂ ܘܐܡܪ ܕܬܥܒܪ/ܕܬܥܒܕ#2#/ ܚܪܒܐ ܒܐܪܥܐ ‍<‍ܗܿܝ#3#‍>‍ ܘܐܘܒܕ ܡܢܗܿ ܒܢ̈ܝܢܫܐ ܘܒܥܝܪܐ܂
14:18 [ai]ܘܗܠܝܢ ܬܠܬܐ ܓܒܪ̈ܝܢ ܐܝܬ ܒܗܿ܂ ܚܝ ܐܢܐ ܐܡܿܪ ܡܪܐ ܡܪ̈ܘܬܐ܂ ܕܠܐ ܢܦܨܿܘܢ ܠܐ ܠܒܢܝܐ ܘܠܐ ܠܒܢ̈ܬܐ ܐܠܐ ܗܢܘܢ ܒܠܚܘܕܝܗܘܢ ܢܬܦܨܘܢ܂
14:19 [ai]ܘܐܢ ܐܫܕܪ ܡܘܬܢܐ ܥܠ ܐܪܥܐ ܗܿܝ܂ ܘܐܫܘܕ ܚܡܬܝ ܥܠܝܗܿ ܒܕܡܐ܂ ܘܐܘܒܕ ܡܢܗܿ ܒܢܝܢܫܐ ܘܒܥܝܪܐ܂
14:20 [ai]ܘܢܘܚ ܘܕܢܝܐܝܠ ܘܐܝܘܒ ܐܝܬ ܒܓܘܗܿ܂ ܚܝ ܐܢܐ ܐܡܿܪ ܡܪܐ ܡܪ̈ܘܬܐ܂ ܕܠܐ ܒܪܐ ܘܠܐ ܒܪܬܐ ܢܦܨܿܘܢ܂ ܐܠܐ ܗܢܘܢ ܒܙܕܝܩܘܬܗܘܢ ܢܦܨܿܘܢ ܢܦܫܗܘܢ܂
14:21 [ai]ܡܛܠ ܕܗܟܢܐ ܐܡܿܪ ܡܪܐ ܡܪ̈ܘܬܐ܂ ܐܪ̈ܒܥܐ ܕܝܢ̈ܝܢ ܒܝܫ̈ܝܢ ܫܿܕܪܬ ܥܠ ܐܘܪܫܠܡ܂ ܚܪܒܐ ܘܟܦܢܐ ܘܚܝܘܬܐ ܒܝܫܬܐ ܘܡܘܬܢܐ܂ ܘܐܘܒܕ ܡܢܗܿ ܒܢ̈ܝ ܐܢܫܐ ܘܒܥܝܪܐ܂
14:22 [ai]ܘܢܫܬܚܪܘܢ ܒܗܿ ܐܝܠܝܢ ܕܡܬܦܨܝܢ܂ ܕܡܦܩܝܢ ܒܢܝܐ ܘܒܢ̈ܬܐ܂ ܘܗܢܘܢ ܢܦܩܘܢ ܠܘܬܟܘܢ܂ ܘܬܚܙܘܢ ܐܘܪ̈ܚܬܗܘܢ ܘܨ̈ܢܥܬܗܘܢ܂ ܘܬܬܒܝܐܘܢ ܡܢ ܒܝܫܬܐ ܕܐܝܬܝܿܬ ܥܠ ܐܘܪܫܠܡ܂ ܘܟܠ ܡܕܡ ܕܐܝܬܝܿܬ ܥܠܝܗܿ܂
14:23 [ai]ܘܢܒܝܐܘܢܟܘܢ ܟܕ ܬܚܙܘܢ ܐܘܪ̈ܚܬܗܘܢ ܘܨ̈ܢܥܬܗܘܢ܂ ܘܬܕܥܘܢ ܕܠܐ ܗܘܐ ܡܓܢ ܥܿܒܕܬ ‍<‍ܒܗܿ#3#‍>‍ ܟܠ ܕܥܿܒܕܬ ܒܗܿ܂ ܐܡܿܪ ܡܪܐ ܡܪ̈ܘܬܐ ܀

next chapter