← Back
The Comprehensive Aramaic Lexicon
← Return to the Text Browser
click on the file description for more information
62014: P Ez

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


16:01 [ai]ܘܗܘܐ ܥܠܝ ܦܬܓܡܗ ܕܡܪܝܐ ܠܡܐܡܪ܂
16:02 [ai]ܒܪܢܫܐ܂ ܐܘܕܥܝܗܿ ܠܐܘܪܫܠܡ ܛܢܦܘܬܗܿ܂
16:03 [ai]ܘܐܡܪ܂ ܗܟܢܐ ܐܡܿܪ ܡܪܐ ܡܪ̈ܘܬܐ ܠܐܘܪܫܠܡ܂ ܥܩܪܟܝ ܘܡܘܠܕܟܝ ܡܢ ܐܪܥܐ ܕܟܢܥܢ܂ ܐܒܘܟܝ ܐܡܘܪܝܐ ܘܐܡܟܝ ܚܬܝܬܐ܂
16:04 [ai]ܘܡܘܠܕܢܝܬܟܝ ܒܝܘܡܐ ܕܝܠܕܬܟܝ ܠܐ ܦܣܩܬ ܫܪܟܝ܂ ܘܒܡ̈ܝܐ ܠܐ ܐܣܚܝܬܟܝ܂ ܘܒܡܠܚܐ/ܘܡܠܚܐ#3#/ ܠܐ ܡܠܚܬܟܝ܂ ܘܒܥܙܪ̈ܘܪܐ ܠܐ ܟܪܟܬܟܝ܂
16:05 [ai]ܘܠܐ ܚܣܬ ܥܠܝܟܝ ܥܝܢܗܿ܂ ܕܬܥܒܕ ܠܟܝ ܚܕܐ ܡܢ ܗܠܝܢ ܘܬܪܚܡ ܥܠܝܟܝ܂ ܐܠܐ ܐܫܬܕܝܬܝ ܒܕܒܪܐ/ܒܡܕܒܪܐ#3#/ ܒܥܫܝܩܘܬܗܿ ܕܢܦܫܟܝ ܒܝܘܡܐ ܕܝܠܕܬܟܝ܂
16:06 [ai]ܘܥܿܒܪܬ ܥܠܝܟܝ܂ ܘܚܙܿܝܬܟܝ ܕܡܦܠܦܠܬܝ ܒܕܡܟܝ܂ ܘܐܿܡܪܬ ܠܟܝ ܒܕܡܟܝ ܚܝܝ܂
16:07 [ai]ܘܣܓܝ ܐܝܟ ܡܘܥܝܬܐ ܕܚܩܠܐ܂ ܘܣܓܝܬܝ ܘܪܒܝܬܝ ܘܥܠܬܝ ܠܡܕܝ̈ܢܬܐ܂ ܬܕܝ̈ܟܝ ܩܡܘ ܘܣܥܪܟܝ ܝܥܐ܂ ܘܗܘܝܬܝ ܥܪܛܠ ܘܥܪܝܬ܂
16:08 [ai]ܘܥܿܒܪܬ ܥܠܝܟܝ ܘܚܙܿܝܬܟܝ ܘܚܙܿܝܬ ܙܒܢܟܝ ܙܒܢܐ ܕܥܙܪܪܬܐ܂ ܘܦܪܣܿܬ ܐܝܕܝ ܥܠܝܟܝ ܘܟܣܿܝܬ ܦܘܪܣܝܟܝ܂ ܘܝܡܿܝܬ ܠܟܝ܂ ܘܥܠܿܬ ܥܡܟܝ ܒܩܝܡܐ ܐܡܿܪ ܡܪܐ ܡܪ̈ܘܬܐ܂ ܘܗܘܝܬܝ ܠܝ܂
16:09 [ai]ܘܐܣܚܝܿܬܟܝ ܒܡ̈ܝܐ܂ ܘܐܫܝܿܓܬ ܕܡܟܝ ܡܢܟܝ܂ ܘܡܫܚܿܬܟܝ ܡܫܚܐ܂
16:10 [ai]ܘܐܠܒܫܿܬܟܝ ܦܬܟܐ ܘܐܣܐܢܿܬܟܝ ܡܣ̈ܢܐ܂ ܘܐܣܿܪܬ ܒܚ̈ܨܝܟܝ ܒܘܨܐ܂ ܘܟܣܿܝܬܟܝ ܚܠܐ܂
16:11 [ai]ܘܨܒܿܬܬܟܝ ܨܒܬܐ܂ ܘܐܪܡܿܝܬ ܫܐܪ̈ܐ ܒܐ̈ܝܕܝܟܝ ܘܗܡܢܝܟܐ ܒܨܘܪܟܝ܂
16:12 [ai]ܘܒܪܘܠܐ ܒܝܬ ܥܝܢ̈ܝܟܝ ܘܩܕܫ̈ܐ ܒܐܕܢܝ̈ܟܝ܂ ܘܟܠܝܠܐ ܕܫܘܒܚܐ ܒܪܫܟܝ܂
16:13 [ai]ܘܐܨܛܒܬܬܝ ܒܕܗܒܐ܂ ܘܒܚܡܘܪܬܐ ܘܐܬܠܒܫܬܝ ܒܘܨܐ ܘܬܟܠܬܐ ܘܦܬܟܐ܂ ܘܢܫܝܦܐ ܘܕܒܫܐ ܘܡܫܚܐ ܐܟܠܬܝ܂ ܘܫܦܪܬܝ ܛܒ ܛܒ ܘܐܨܠܚܬܝ ܒܡ̈ܠܟܘܬܐ܂
16:14 [ai]ܘܢܦܩ ܫܡܐ ܠܫܘܦܪܟܝ ܒܥܡ̈ܡܐ܂ ܡܛܠ ܟܠܝܠܐ ܕܫܘܒܚܝ ܕܣܿܡܬ ܥܠܝܟܝ܂ ܐܡܿܪ ܡܪܐ ܡܪ̈ܘܬܐ܂
16:15 [ai]ܘܐܬܬܟܠܬܝ ܥܠ ܫܘܦܪܟܝ ܘܙܢܝܬܝ ܥܠ ܫܡܟܝ܂ ܘܐܫܕܬܝ ܙܢܝܘܬܟܝ ܥܠ ܟܠ ܕܥܿܒܪ܂
16:16 [ai]ܘܢܣܒܬܝ ܡܢ ܠܒܘ̈ܫܝ܂ ܘܥܒܕܬܝ ܠܟܝ ܩܢܝ̈ܬܐ ܘܙܢܝܬܝ ܒܗܝܢ ܠܐ ܬܥܠܝܢ ܘܠܐ ܢܗܘܝܢ ܕܝܠܟܝ܂
16:17 [ai]ܘܢܣܒܬܝ ܡܐ̈ܢܐ ܕܫܘܒܚܟܝ܂ ܡܢ ܕܗܒܐ ܘܡܢ ܣܐܡܐ ܕܝܗܿܒܬ ܠܟܝ܂ ܘܥܒܕܬܝ ܠܟܝ ܨ̈ܠܡܐ ܕܟܪ̈ܐ/ܕܕܟܪ̈ܐ#3#/ ܘܙܢܝܬܝ ܒܗܘܢ܂
16:18 [ai]ܘܢܣܒܬܝ ܡܐ̈ܢܐ ܕܨܒܬܟܝ ܘܟܣܝܬܝ ܐܢܘܢ܂ ܘܡܫܚܝ ܘܒܣ̈ܡܝ ܣܡܬܝ ܩܕܡܝܗܘܢ܂
16:19 [ai]ܘܠܚܡܐ ܕܝܗܿܒܬ ܠܟܝ ܢܫܝܦܐ ܘܕܒܫܐ ܘܡܫܚܐ ܠܡܐܟܘܠܬܐ܂ ܣܡܬܝܘܗܝ ܩܕܡܝܗܘܢ ܠܪܝܚܐ ܕܣܘܬܐ ܐܡܿܪ ܡܪܐ ܡܪ̈ܘܬܐ܂
16:20 [ai]ܘܢܣܒܬܝ ܒ̈ܢܝܟܝ ܘܒܢ̈ܬܟܝ ܕܝܠܕܬܝ ܠܝ܂ ܘܕܒܚܬܝ ܠܗܘܢ ܠܡܐܟܘܠܬܐ܂ ܣܛܪ ܡܢ ܙܢܝܘܬܟܝ܂
16:21 [ai]ܘܢܟܣܬܝ ܒܢ̈ܝ ܘܝܗܒܬܝ ܠܗܘܢ ܟܕ ܐܫܬܪܚܬܝ/ܐܬܪܥܝܬܝ#3#/ ܒܗܘܢ܂
16:22 [ai]ܘܒܟܠܗܿ ܛܢܦܘܬܟܝ ܘܙܢܝܘܬܟܝ܂ ܠܐ ܐܬܕܟܪܬܝ ܝܘܡ̈ܬܐ ܕܛܠܝܘܬܟܝ܂ ܟܕ ܥܪܛܠܝܐ ܗܘܝܬܝ ܘܥܪܝܐ ܘܡܦܠܦܠܐ ܒܕܡܐ܂
16:23 [ai]ܘܡܢ ܒܬܪ ܗܠܝܢ ܟܠܗܝܢ ܒܝܫ̈ܬܟܝ܂ ܘܝ ܠܟܝ ܘܝ ܠܟܝ ܐܡܿܪ ܡܪܐ ܡܪ̈ܘܬܐ܂
16:24 [ai]ܒܢܝܬܝ ܠܟܝ ܒܝܬܐ ܕܓ̈ܝܒܐ܂ ܘܥܒܕܬܝ ܠܟܝ ܥ̈ܠܘܬܐ ܒܟܠ ܫܘܩ܂
16:25 [ai]ܘܒܟܠ ܪܝܫ ܐܘܪ̈ܚܬܐ ܒܢܝܬܝ ܦܪ̈ܟܝܟܝ܂ ܘܛܢܦܬܝ ܫܘܦܪܟܝ܂ ܘܦܫܛܬܝ ܪ̈ܓܠܝܟܝ ܥܠ ܟܠ ܕܥܒܿܪ܂ ܘܐܣܓܝܬܝ ܙܢܝܘܬܟܝ܂
16:26 [ai]ܘܙܢܝܬܝ ܒܒܢܝ ܡܨܪܝܢ ܫܒ̈ܒܝܟܝ ܪ̈ܘܪܒܝ ܒܣܪܐ܂ ܘܐܣܓܝܬܝ ܙܢܝܘܬܟܝ ܘܐܪܓܙܬܝܢܝ܂
16:27 [ai]ܘܐܪܝܡܿܬ ܐܝܕܝ ܥܠܝܟܝ ܘܐܘܒܿܕܬ ܦܘܩ̈ܕܢܝܟܝ܂ ܘܐܫܠܡܿܬܟܝ ܒܝܕ ܣܢܐ̈ܬܟܝ ܒܢ̈ܬ ܦܠܫ̈ܬܝܐ܂ ܕܬ̈ܟܣܢ ܗ̈ܘܝ ܠܟܝ ܡܢ ܐܘܪ̈ܚܬܟܝ ܕܙܢܝܘܬܐ܂
16:28 [ai]ܘܙܢܝܬܝ ܒܒ̈ܢܝ ܐܬܘܪ܂ ܘܠܐ ܣܒܥܬܝ܂
16:29 [ai]ܘܐܣܓܝܬܝ ܙܢܝܘܬܟܝ ܥܠ ܐܪܥܐ ܕܟܢܥܢ ܘܕܟ̈ܠܕܝܐ/ܘܟ̈ܠܕܝܐ#3#/܂ ܘܐܦ ܒܗܠܝܢ ܠܐ ܣܒܥܬܝ܂
16:30 [ai]ܡܢܐ ܐܕܘܢ ܠܒܪܬܟܝ ܐܡܿܪ ܡܪܐ ܡܪ̈ܘܬܐ܂ ܕܥܒܕܬܝ ܗܠܝܢ ܟܠܗܘܢ ܥܿܒ̈ܕܐ ܕܐܢܬܬܐ ܙܢܝܬܐ ܘܡܪܚܬܐ܂
16:31 [ai]ܟܕ ܒܢܝܬܝ ܓܝܒܝ̈ܟܝ ܒܟܠ ܪܝܫ ܐܘܪ̈ܚܬܐ ܘܥ̈ܠܘܬܟܝ ܒܟܠ ܫܘܩ܂ ܘܠܐ ܗܘܝܬܝ ܐܦ ܠܐ ܐܝܟ ܙܢܝܬܐ ܕܡܟܢܫܐ ܐܓܪܐ܂
16:32 [ai]ܐܦ ܠܐ ܐܝܟ ܐܢܬܬ ܓܒܪܐ ܓܝܪܬܐ ܕܢܣܿܒܐ ܡܢ ܢܘܟܪ̈ܝܐ܂
16:33 [ai]ܠܟܠܗܝܢ ܙܢܝ̈ܬܐ ܝܗܿܒܝܢ ܐܓܪܐ܂ ܘܐܢܬܝ ܝܗܒܬܝ ܐܓܪܐ ܠܟܠܗܘܢ ܪ̈ܚܡܝܟܝ܂ ܘܫܚܕܬܝ ܐܢܘܢ ܒܙܢܝܘܬܟܝ܂ ܕܢܐܬܘܢ ܠܘܬܟܝ ܡܢ ܟܠܗܘܢ ܚܕܪ̈ܝܟܝ܂
16:34 [ai]ܐܬܦܪܫܬܝ ܡܢ ܢܫ̈ܐ ܒܙܢܝܘܬܟܝ܂ ܒܗܿܝ ܕܝܗܿܒܐ ܗܘܝܬܝ ܐܓܪܐ ܘܐܓܪܐ ܠܐ ܝܗܒܘ ܠܟܝ܂
16:35 [ai]ܡܛܠ ܗܢܐ ܙܢܝܬܐ ܫܡܥܝ ܦܬܓܡܗ/ܡܠܬܗ#3#/ ܕܡܪܝܐ܂
16:36 [ai]ܗܟܢܐ ܐܡܿܪ ܡܪܐ ܡܪ̈ܘܬܐ܂ ܥܠ ܕܝܗܒܬܝ ܢܚܫܟܝ܂ ܘܓܠܝܬܝ ܦܘܪܣܝܟܝ ܒܙܢܝܘܬܟܝ ܥܠ ܪ̈ܚܡܝܟܝ܂ ܘܥܠ ܟܠܗܘܢ ܦܬܟܪ̈ܐ ܛܢ̈ܦܘܬܟܝ/ܕܛܢ̈ܦܘܬܟܝ#3#/܂ ܘܕܡܐ ܕܒܢ̈ܝܟܝ ܝܗܒܬܝ ܠܗܘܢ܂
16:37 [ai]ܡܛܠ ܗܢܐ܂ ܗܐ ܡܟܢܫ ܐܢܐ ܠܟܠܗܘܢ ܪ̈ܚܡܝܟܝ ܕܨܒܝܬܝ ܒܗܘܢ܂ ܘܠܟܠ ܕܪܚܡܬܝ ܥܡ ܕܣܢܝܬܝ܂ ܘܐܟܢܫ ܐܢܘܢ ܥܠܝܟܝ ܡܢ ܚܕܪ̈ܝܟܝ܂ ܘܐܓܠܐ ܦܘܪܣܝܟܝ ܠܥܢܝ̈ܗܘܢ܂ ܘܢܚܙܘܢ ܟܘܠܗ ܦܘܪܣܝܟܝ܂
16:38 [ai]ܘܐܕܘܢܟܝ ܕܝܢܐ ܕܓܝܪ̈ܬܐ܂ ܘܕܝܢܐ ܕܐܝܠܝܢ ܕܐܫ̈ܕܢ ܕܡܐ܂ ܘܐܬܠܟܝ ܠܕܡܐ ܘܠܚܡܬܐ ܘܠܛܢܢܐ܂
16:39 [ai]ܘܐܫܠܡܟܝ ܒܐܝ̈ܕܝܗܘܢ܂ ܘܢܣܚܦܘܢ ܒܝܬ ܓܝܒܝ̈ܟܝ܂ ܘܢܥܩܪܘܢ ܦܪ̈ܟܝܟܝ܂ ܘܢܫܠܚܘܢ ܠܒܘܫ̈ܝܟܝ܂ ܘܢܣܒܘܢ ܡܐ̈ܢܐ ܕܫܘܒܚܟܝ܂ ܘܢܫܒܩܘܢܟܝ ܥܪܛܠ܂
16:40 [ai]ܘܢܣܩܘܢ ܥܠܝܟܝ ܟܢܫ̈ܐ ܘܢܪܓܡܘܢܟܝ ܒܟܐ̈ܦܐ ܘܢܡܚܘܢܟܝ ܒܣܝܦܝ̈ܗܘܢ܂
16:41 [ai]ܘܢܘܩܕܘܢܟܝ ܒܓܘ ܢܘܪܐ܂ ܘܢܥܒܕܘܢ ܡܢܟܝ ܕܝܢ̈ܐ ܠܥܝܢ ܢܫ̈ܐ ܣܓܝܐ̈ܬܐ܂ ܘܐܒܛܠܟܝ ܡܢ ܙܢܝܘܬܐ܂ ܘܬܘܒ ܠܐ ܬܬܠܝܢ ܐܓܪܐ܂
16:42 [ai]ܘܐܢܝܚ ܚܡܬܝ ܥܠܝܟܝ܂ ܘܢܥܒܪ ܛܢܢܝ ܡܢܟܝ܂ ܘܐܬܬܢܝܚ ܘܠܐ ܐܪܓܙ ܬܘܒ܂
16:43 [ai]ܥܠ ܕܠܐ ܐܬܕܟܪܬܝ ܝܘܡ̈ܬܐ ܕܛܠܝܘܬܟܝ܂ ܘܐܪܓܙܬܝܢܝ ܒܗܠܝܢ ܟܠܗܝܢ܂ ܐܦ ܐܢܐ ܗܐ ܦܪܥܿܬ ܐܘܪ̈ܚܬܟܝ ܒܪܫܟܝ ܐܡܿܪ ܡܪܐ ܡܪ̈ܘܬܐ܂ ܥܠ ܕܥܒܕܬܝ ܛܢܦܘܬܐ ܘܙܢܝܘܬܐ܂
16:44 [ai]ܘܟܠ ܡܿܢ ܕܡܡܬܠ ܡܬܠܐ ܥܠܝܟܝ ܢܡܬܠ܂ ܘܢܐܡܪ ܒܪܬܐ ܐܝܟ ܐܡܗܿ܂
16:45 [ai]ܒܪܬ ܐܡܟܝ ܐܢܬܝ ܫܒܩܬ ܒܥܠܗܿ ܘܒܢ̈ܝܗܿ܂ ܘܚܬܐ ܐܢܬܝ ܕܐ̈ܚܘܬܐ ܕܫܒܩ ܓܒܪ̈ܝܗܝܢ ܘܒܢܝ̈ܗܝܢ܂ ܐܡܟܝܢ ܚܬܝܬܐ ܘܐܒܘܟܝܢ ܐܡܘܪܝܐ܂
16:46 [ai]ܘܚܬܟܝ ܩܫܝܫܬܐ ܫܡܪܝܢ܂ ܗܝ ܘܒܢ̈ܬܗܿ ܕܝܬܿܒܐ ܡܢ ܣܡܠܟܝ܂ ܘܚܬܟܝ ܙܥܘܪܬܐ ܕܝܬܿܒܐ ܡܢ ܝܡܝܢܟܝ܂ ܣܕܘܡ ‍<‍ܗܝ#3#‍>‍ ܘܒܢ̈ܬܗܿ܂
16:47 [ai]ܘܠܐ ܗܘܐ ܐܝܟ ܐܘܪ̈ܚܬܗܝܢ ܗܠܟܬܝ܂ ܘܠܐ ‍<‍ܗܘܐ#3#‍>‍ ܐܝܟ ܛܢܦܘܬܗܝܢ ܥܒܕܬܝ ܥܕ ܩܠܝܠ ܘܝܬܝܪ ܡܢܗܝܢ ܚܒܠܬܝ ܒܟܠܗܝܢ ܐܘܪ̈ܚܬܟܝ܂
16:48 [ai]ܚܝ ܐܢܐ ܐܡܿܪ ܡܪܐ ܡܪ̈ܘܬܐ܂ ܕܠܐ ܥܒܕܬ ܣܕܘܡ ܚܬܟܝ ܗܝ ܘܒܢ̈ܬܗܿ܂ ܐܝܟ ܕܥܒܕܬܝ ܐܢܬܝ ܘܒܢ̈ܬܟܝ܂
16:49 [ai]ܗܢܘ ܥܘܼܠܐ ܕܣܕܘܡ ܚܬܟܝ ܓܐܝܬܐ܂ ܕܣܒܿܥܐ ܗܘܬ ܠܚܡܐ ܘܝܬܿܒܐ ‍<‍ܗܘܬ#3#‍>‍ ܒܫܠܝܐ܂ ܗܝ ܘܒܢ̈ܬܗܿ܂ ܘܒܐܝܕܐ ܕܒܝܫ̈ܐ ܘܕܡ̈ܣܟܢܐ ܠܐ ܐܚܕ܂
16:50 [ai]ܐܠܐ ܐܬܬܪܝܡ ܘܥܒܕ ܒܝܫܬܐ ܩܕܡܝ܂ ܘܟܕ ܗܠܝܢ ܚܙܿܝܬ ܒܗܝܢ ܗܦܟܿܬ ܐ̈ܢܝܢ܂
16:51 [ai]ܫܡܪܝܢ ܐܝܟ ܦܠܓܐ܂ ܕܚ̈ܛܗܝܟܝ ܠܐ ܚܛܬ܂ ܐܣܓܝܬܝ ܛܢܦܘܬܟܝ ܡܢܗܝܢ ܘܙܟܝܬܝ ܠܐ̈ܚܘܬܟܝ ܒܟܠܗܿ ܛܢܦܘܬܟܝ ܕܥܒܕܬܝ܂
16:52 [ai]ܘܐܦ ܐܢܬܝ ܩܒܠܝ ܒܗܬܬܟܝ ܕܙܟܝܬܝ ܠܐ̈ܚܘܬܟܝ ܒܚ̈ܛܗܝܟܝ ܘܐܬܛܢܦܬܝ/ܕܐܬܛܢܦܬܝ#3#/ ܝܬܝܪ ܡܢܗܝܢ܂ ܘܗ̈ܢܝܢ ܐܙܕܕܩ ܝܬܝܪ ܡܢܟܝ܂ ܘܐܦ ܐܢܬܝ ܒܗܬܝ ܘܩܒܠܝ ܚܦܪܟܝ܂ ܕܐܙܕܕܩ ܐ̈ܚܘܬܟܝ ܝܬܝܪ ܡܢܟܝ܂
16:53 [ai]ܘܐܿܗܦܟ ܫܒܝܬܗܝܢ܂ ܫܒܝܬܐ ܕܣܕܘܡ ܘܕܒܢ̈ܬܗܿ܂ ܘܫܒܝܬܐ ܕܫܡܪܝܢ ܘܕܒ̈ܢܬܗܿ܂ ܘܐܫܒܐ ܫܒܝܬܟܝ ܒܝܢܬܗܝܢ܂
16:54 [ai]ܕܬܩܒܠܝܢ ܒܗܬܬܐ ܘܬܚܦܪܝܢ ܒܟܠܡܕܡ ܕܥܒܕܬܝ ܕܬܪܓܙܝܢܢܝ܂
16:55 [ai]ܘܚܬܟܝ ܣܕܘܡ ܘܒ̈ܢܬܗܿ ܢܬܩ̈ܢܢ ܐܝܟ ܕܡܢ ܩܕܝܡ܂ ܘܫܡܪܝܢ ܘܒܢ̈ܬܗܿ ܢܬܩ̈ܢܢ ܐܝܟ ܕܡܢ ܩܕܝܡ܂ ܘܐܢܬܝ ܘܒܢ̈ܬܟܝ ܬܗܘܝܢ ܐܝܟ ܕܡܢ ܩܕܝܡ܂
16:56 [ai]ܘܠܐ ܗܘܬ ܣܕܘܡ ܚܬܟܝ ܠܛܒܐ ܒܦܘܡܟܝ ܒܝܘܡܐ ܕܓܐܝܘܬܟܝ܂
16:57 [ai]ܡܢ ܩܕܡ ܕܬܬܓܠܐ ܒܝܫܬܟܝ܂ ܐܝܟ ܚܣܕܐ ܕܒܢ̈ܬ ܐܕܘܡ ܘܟܠܗܝܢ ܒܢ̈ܬ ܦܠܫ̈ܬܝܐ ܕܚܕܝܪ̈ܢ ‍<‍ܗ̈ܘܝ#3#‍>‍ ܠܗܿ ܘܫ̈ܝܛܢ ܗ̈ܘܝ ܠܗܿ܂
16:58 [ai]ܘܚ̈ܛܗܝܟܝ ܘܛܢ̈ܦܘܬܟܝ܂ ܐܢܬܝ ܫܩܠܬܝ ܐܢܘܢ ܐܡܿܪ ܡܪܐ ܡܪ̈ܘܬܐ ܀
16:59 [ai]ܡܛܠ ܗܢܐ ܗܟܢܐ/ܚܝ ܐܢܐ#3#/ ܐܡܿܪ ܡܪܐ ܡܪ̈ܘܬܐ܂ ܥܒܿܕ/ܕܥܒܿܕ#3#/ ܐܢܐ ܠܟܝ ܐܝܟ ܕܥܒܕܬܝ܂ ܥܠ ܕܫܛܬܝ ܡܘ̈ܡܬܝ ܘܒܛܠܬܝ ܩܝܡܝ܂
16:60 [ai]ܐܢܐ ܕܝܢ ܐܬܕܟܪ ܩܝܡܝ ܕܥܡܟܝ ܕܒܝ̈ܘܡܬܐ ܕܛܠܝܘܬܟܝ ܘܐܩܝܡ ܠܟܝ ܩܝܡܐ ܕܥܠܡ/ܠܥܠܡ#3#/܂
16:61 [ai]ܘܬܥܗܕܝܢ ܐܘܪ̈ܚܬܟܝ ܘܬܒܗܬܝܢ܂ ܕܢܣܿܒܬ ܠܐ̈ܚܘܬܟܝ ܠܩܫܝܫܬܐ ܘܠܙܥܘܪܬܐ܂ ܘܝܗܿܒܬ ܐ̈ܢܝܢ ܠܟܝ ܒܢ̈ܬܐ ܠܐ ܡܢ ܩܝܡܟܝ܂
16:62 [ai]ܘܐܩܝܡ ܐܢܐ ܩܝܡܝ ܥܡܟܝ܂ ܘܬܕܥܝܢ ܕܐܢܐ ܐܢܐ ܡܪܝܐ܂
16:63 [ai]ܡܛܠ ܕܬܬܕܟܪܝܢ/ܕܬܕܟܪܝܢ#3#/ ܘܬܒܗܬܝܢ܂ ܘܬܘܒ ܠܐ ܬܦܬܚܝܢ ܦܘܡܟܝ ܡܢ ܒܗܬܬܟܝ܂ ܡܐ ܕܫܒܩܿܬ ܠܟܝ ܟܠܡܕܡ ܕܥܒܕܬܝ ܐܡܿܪ ܡܪܐ ܡܪ̈ܘܬܐ ܀܂

next chapter