← Back
The Comprehensive Aramaic Lexicon
← Return to the Text Browser
click on the file description for more information
62014: P Ez

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


18:01 [ai]ܘܗܘܐ ܥܠܝ ܦܬܓܡܗ ܕܡܪܝܐ ܠܡܐܡܪ܂ ܒܪܢܫܐ܂
18:02 [ai]ܠܡܢܐ ܡܡܬܠܝܢ ܐܢܬܘܢ ܡܬܠܐ ܗܢܐ ܒܐܪܥܐ ܕܐܝܣܪܐܝܠ ܘܐܡܿܪܝܢ ܐܢܬܘܢ܂ ܐܒ̈ܗܐ ܐܟܠܘ ܒܣܪ̈ܐ ܘܫܢ̈ܐ ܕܒܢܝܐ ܩܗ̈ܝܢ܂
18:03 [ai]ܚܝ ܐܢܐ ܐܡܿܪ ܡܪܐ ܡܪ̈ܘܬܐ܂ ܐܢ ܢܗܘܐ ܬܘܒ ‍<‍ܡܿܢ#3#‍>‍ ܕܡܡܬܠ ܡܬܠܐ ܗܢܐ ܒܐܝܣܪܝܠ܂
18:04 [ai]ܡܛܠ ܕܟܠܗܝܢ ܢܦܫ̈ܬܐ ܕܝܠܝ ܐܢܝ̈ܢ܂ ܢܦܫܐ ܕܐܒܐ ܘܢܦܫܐ ܕܒܪܐ ܕܝܠܝ ܐܢܝ̈ܢ܂ ܢܦܫܐ ܕܚܛܝܐ ܗܝ ܬܡܘܬ܂
18:05 [ai]ܘܓܒܪܐ ܐܢ ܢܗܘܐ ܙܕܝܩ܂ ܘܢܥܒܕ ܕܝܢܐ ܘܙܕܝܩܘܬܐ܂
18:06 [ai]ܘܥܠ ܛܘܪ̈ܐ ܠܐ ܐܟܠ܂ ܘܠܐ ܐܪܝܡ ܥܝ̈ܢܘܗܝ ܠܦܬܟܪ̈ܐ ܘܠܕܚ̈ܠܬܐ ܕܒܢ̈ܝ ܐܝܣܪܝܠ܂ ܘܠܐܢܬܬ ܚܒܪܗ ܠܐ ܛܢܦ܂ ܘܠܐܢܬܬܐ ܒܟܦܣܗܿ ܠܐ ܐܬܩܪܒ܂
18:07 [ai]ܘܠܐܢܫ ܠܐ ܛܠܡ܂ ܘܠܐܢܫ ܠܐ ܬܟ܂ ܘܦܢܝ ܡܫܟܢܐ ܕܢܣܒ܂ ܘܝܗܒ ܠܚܡܗ ܠܟܦܢܐ܂ ܘܠܥܪܛܠܝܐ ܐܠܒܫ ܬܟܣܝܬܐ܂
18:08 [ai]ܘܒܪܒܝܬܐ ܠܐ ܐܘܙܦ܂ ܘܒܩܨܨܐ ܠܐ ܝܗܒ܂ ܘܡܢ ܥܘܼܠܐ ܐܗܦܟ ܐܝܕܗ܂ ܘܕܢ ܕܝܢܐ ܕܩܘܫܬܐ/ܒܩܘܫܬܐ#3#/ ܒܝܬ ܓܒܪܐ ܠܚܒܪܗ܂
18:09 [ai]ܘܒܦܘܩ̈ܕܢܝ ܗܠܟ܂ ܘܕܝܢ̈ܝ ܢܛܪ ܘܥܒܕ ܩܘܫܬܐ܂ ܡܿܢ ܕܗܟܢܐ ܥܒܕ ܙܕܝܩܐ ܗܘ܂ ܘܡܚܐ ܢܚܐ ܐܡܿܪ ܡܪܐ ܡܪ̈ܘܬܐ ܀
18:10 [ai]ܘܐܢ ܢܘܠܕ ܒܪܐ ܥܘܿܠܐ ܐܫܿܕ ܕܡܐ܂ ܘܢܥܒܕ ܚܕܐ ܡܢ ܗܠܝܢ܂
18:11 [ai]ܘܢܐܟܘܠ ܥܠ ܛܘܪ̈ܐ܂ ܘܢܛܢܦ ܐܢܬܬ ܚܒܪܗ܂
18:12 [ai]ܘܢܛܠܘܡ ܠܡܣܟܢܐ ܘܠܒܝܿܫܐ܂ ܘܢܬܘܟ ܠܚܒܪܗ܂ ܘܠܐ ܢܦܢܐ ܡܫܟܢܐ ܠܡܪ̈ܘܗܝ܂ ܘܠܦܬܟܪ̈ܐ ܢܪܝܡ ܥܝܢ̈ܘܗܝ ܘܢܥܒܕ ܛܢܦܘܬܐ܂
18:13 [ai]ܘܒܪܒܝܬܐ ܢܘܙܦ܂ ܘܒܩܨܨܐ ܢܣܒ܂ ܕܠܡܐ ܚܝܿܐ/ܢܐܚܐ#3#/ ܠܐ ܢܚܐ܂ ܡܛܠ ܕܗܠܝܢ ܟܠܗܝܢ ܒܝܫ̈ܬܐ ܥܒܕ܂ ܐܠܐ ܡܡܬ ܢܡܘܬ܂ ܘܕܡܗ ܥܠܘܗܝ ܢܗܘܐ܂
18:14 [ai]ܘܐܢ ܢܘܠܕ ܒܪܐ܂ ܘܢܚܙܐ ܟܠܗܘܢ ܚ̈ܛܗܐ ܕܥܒܕ ܐܒܘܗܝ ܘܠܐ ܢܥܒܕ ܐܟܘܬܗܘܢ܂
18:15 [ai]ܘܥܠ ܛܘܪ̈ܐ ܠܐ ܢܐܟܘܠ܂ ܘܠܐ ܢܪܝܡ ܥܝܢ̈ܘܗܝ ܠܦܬܟܪ̈ܐ ܕܒܢ̈ܝ/ܕܒܝܬ#3#/ ܐܝܣܪܝܠ܂ ܘܠܐܢܬܬ ܚܒܪܗ ܠܐ ܢܛܢܦ܂
18:16 [ai]ܘܠܐܢܫ ܠܐ ܢܛܠܘܡ܂ ܘܡܫܟܢܐ ܕܐܢܫ ܠܐ ܢܫܩܘܠ܂ ܘܬܘܟܐ ܠܐ ܢܬܘܟ܂ ܘܠܚܡܗ ܢܬܠ ܠܟܦܢܐ܂ ܘܠܥܪܛܠܝܐ ܢܠܒܫ܂
18:17 [ai]ܘܡܢ ܡܣܟܢܐ ܠܐ ܢܗܦܟ ܐܝܕܗ܂ ܘܪܒܝܬܐ ܠܐ ܢܫܩܘܠ܂ ܘܝܬܝܪܐ ܠܐ ܢܣܒ܂ ܘܕ̈ܝܢܝ ܢܥܒܕ ܘܒܦܘܩ̈ܕܢܝ ܢܗܠܟ܂ ܠܐ ܢܡܘܬ ܒܥܘܼܠܗ ܕܐܒܘܗܝ܂ ܐܠܐ ܡܚܐ ܢܚܐ܂
18:18 [ai]ܐܒܘܗܝ ܕܝܢ ܥܠ ܕܛܠܡ ܛܠܘܡܝܐ ܘܬܟ ܬܘܟܐ ܠܐܚܘܗܝ܂ ܘܡܕܡ ܕܫܦܝܪ ܠܐ ܥܒܕ ܒܥܡܗ܂ ܡܝܬ ܒܚ̈ܛܗܘܗܝ܂
18:19 [ai]ܘܐܢ ܐܡܿܪܝܢ ܐܝܟܘ ܠܐ ܡܬܦܪܥ ܒܪܐ ܚ̈ܛܗܐ/ܒܚ̈ܛܗܐ#3#/ ܕܐܒܘܗܝ܂ ܐܡܪ ܠܗܘܢ܂ ܡܛܠ ܕܥܒܕ ܒܪܐ ܕܝܢܐ ܘܙܕܝܩܘܬܐ܂ ܘܢܛܪ ܟܘܠܗܘܢ ܦܘܩ̈ܕܢܝ܂ ܡܚܐ ܢܚܐ܂
18:20 [ai]ܢܦܫܐ ‍<‍ܕܝܢ#3#‍>‍ ܕܚܿܛܝܐ ܗܝ ܬܡܘܬ܂ ܠܐ ܢܬܦܪܥ ܒܪܐ ܚ̈ܛܗܐ ܕܐܒܘܗܝ܂ ܐܦܠܐ ܐܒܐ ܢܬܦܪܥ ܚ̈ܛܗܐ ܕܒܪܗ܂ ܙܟܘܬܗ/ܙܟܝܘܬܐ#3#/ ܕܙܟܝܐ ܥܠܘܗܝ ܬܗܘܐ܂ ܘܚܛܝܬܗ ܕܚܛܝܐ ܥܠܘܗܝ ܬܗܘܐ܂
18:21 [ai]ܥܘܿܠܐ ܕܝܢ ܐܢ ܢܗܦܘܟ ܡܢ ܟܠܗܘܢ ܚ̈ܛܗܘܗܝ ܕܥܒܕ܂ ܘܢܛܪ ܦܘܩ̈ܕܢܝ ܘܢܥܒܕ ܕܝܢܐ ܘܙܕܝܩܘܬܐ܂ ܡܚܐ ܢܚܐ ܘܠܐ ܢܡܘܬ܂
18:22 [ai]ܘܟܠܗܘܢ ܚ̈ܛܗܘܗܝ ܕܥܒܕ ܠܐ ܢܬܕܟܪܘܢ ܠܗ܂ ܐܠܐ ܒܙܕܝܩܘܬܐ ܕܥܒܕ ܢܚܐ܂
18:23 [ai]ܠܐ ܨܿܒܐ ܐܢܐ ܒܡܘܬܗ ܕܚܛܝܐ܂ ܐܡܿܪ ܡܪܐ ܡܪ̈ܘܬܐ܂ ܐܠܐ ܕܢܗܦܘܟ ܡܢ ܐܘܪܚܗ ܒܝܫܬܐ ܘܢܚܐ܂
18:24 [ai]ܘܐܢ ܢܗܦܘܟ ܙܕܝܩܐ ܡܢ ܙܕܝܩܘܬܗ܂ ܘܢܥܒܕ ܥܘܼܠܐ ܘܛܢܦܘܬܐ ܐܝܟ ܗܠܝܢ ܕܥܒܕ ܚܛܝܐ܂ ܟܠܗܿ ܙܕܝܩܘܬܗ ܕܥܒܕ ܠܐ ܬܬܕܟܪ ܠܗ܂ ܐܠܐ ܒܥܘܿܠܐ ܕܥܒܕ ܘܒܚ̈ܛܗܐ ܕܚܛܐ ܒܗܘܢ ܢܡܘܬ܂
18:25 [ai]ܘܐܡܪܬܘܢ/ܘܐܡܪܝܢ ܐܢܬܘܢ#3#/ ܠܐ ܫܦܝܪ̈ܢ ‍<‍ܐܠܐ#3#‍>‍ ܐܘܪ̈ܚܬܗ ܕܡܪܝܐ܂ ܫܡܥܘ ܗܟܝܠ ܕܒܝܬ ܐܝܣܪܝܠ܂ ܐܘܪ̈ܚܬܝ ܕܝܠܝ ܫܦܝܪ̈ܢ ܐ̈ܢܝܢ܂ ܐܘܪ̈ܚܬܟܘܢ ܗܘ ܕܝܠܟܘܢ ܠܐ ܫܦܝܪ̈ܢ܂
18:26 [ai]ܘܐܢ ܢܗܦܘܟ ܙܕܝܩܐ ܡܢ ܙܕܝܩܘܬܗ ܘܢܥܒܕ ܥܘܼܠܐ܂ ܒܗ ܒܥܘܼܠܐ ܕܥܒܕ ܢܡܘܬ܂
18:27 [ai]ܘܐܢ ܢܗܦܘܟ ܥܘܿܠܐ ܡܢ ܥܘܠܘܬܗ܂ ܘܢܥܒܕ ܕܝܢܐ ܘܙܕܝܩܘܬܐ ܢܚܐ ܢܦܫܗ܂
18:28 [ai]ܘܐܢ ܢܚܙܐ ܘܢܗܦܘܟ ܡܢ ܟܠܗܘܢ ܚ̈ܛܗܘܗܝ ܕܥܒܕ܂ ܡܚܐ ܢܚܐ ܘܠܐ ܢܡܘܬ܂
18:29 [ai]ܘܐܡܿܪܝܢ ܕܒܝܬ ܐܝܣܪܝܠ ܠܐ ܫܦܝܪ̈ܢ ܐܘܪ̈ܚܬܗ ܕܡܪܝܐ܂ ܐܘܪ̈ܚܬܝ ܕܝܠܝ ܫܦܝܪ̈ܢ ܐܢܝ̈ܢ ܕܒܝܬ ܐܝܣܪܝܠ܂ ܐܠܐ ܐܘܪ̈ܚܬܟܘܢ ܗܘ ܕܝܠܟܘܢ ܠܐ ܫܦܝܪ̈ܢ܂
18:30 [ai]ܡܛܠ ܗܢܐ ܐܢܫ ܐܝܟ ܐܘܪ̈ܚܬܗ ܐܕܘܢܟܘܢ ܒܝܬ/ܕܒܝܬ#3#/ ܐܝܣܪܐܝܠ܂ ܐܡܿܪ ܡܪܐ ܡܪ̈ܘܬܐ܂ ܬܘܒܘ ܘܐܬܦܢܘ ܡܢ ܟܠܗ ܥܘܼܠܟܘܢ܂ ܘܠܐ ܬܗܘܐ ܠܟܘܢ ܬܘܩܠܬܐ ܠܚ̈ܛܗܝܟܘܢ܂
18:31 [ai]ܘܫܕܘ ܡܢܟܘܢ ܟܠܗ/ܠܟܠܗ#3#/ ܥܘܼܠܐ ܕܥܒܕܬܘܢ܂ ܘܥܒܕܘ ܠܟܘܢ ܠܒܐ ܚܕܬܐ ܘܪܘܚܐ ܚܕܬܐ܂ ܘܠܐ ܬܡܘܬܘܢ ܕܒܝܬ ܐܝܣܪܝܠ܂
18:32 [ai]ܡܛܠ ܕܠܐ ܨܿܒܐ ܐܢܐ ܒܡܘܬܗ ܕܡܝܬܐ/ܕܚܛܝܐ#3#/ ‍<‍ܚܛܝܐ#3#‍>‍ ܐܡܿܪ ܡܪܐ ܡܪ̈ܘܬܐ܂ ܐܠܐ ܬܘܒܘ ܘܚܝܘ ܀

next chapter