← Back
The Comprehensive Aramaic Lexicon
← Return to the Text Browser
click on the file description for more information
62014: P Ez

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


19:01 [ai]ܐܢܬ ܕܝܢ ܒܪ ܐܢܫܐ܂ ܫܩܘܠ ܐܘܠܝܬܐ ܥܠ ܪ̈ܘܪܒܢܐ ܕܐܝܣܪܝܠ܂
19:02 [ai]ܘܐܡܪ ܡܢܐ ܗܝ ܐܡܟ ܓܘܪܝܐ ܕܐܪܝܐ܂ ܕܒܝܢܬ ܐܪ̈ܝܘܬܐ ܪܒܝܥܐ܂ ܘܒܝܢܬ ܐܪ̈ܝܘܬܐ ܪܒܝܬ ܓܪ̈ܝܗܿ܂
19:03 [ai]ܘܪܒܐ ܚܕ ܡܢ ܓܪ̈ܝܗܿ ܘܗܘܐ ܐܪܝܐ܂ ܘܝܠܦ ܠܡܬܒܪ ܬܒܪܐ ܘܐܟܠ ܒܪܢܫܐ܂
19:04 [ai]ܘܫܡܥܘ ܛܒܗ ܥܡ̈ܡܐ܂ ܘܒܡܨܝܕܬܗܘܢ ܐܬܬܚܕ܂ ܘܐܝܬܝܘܗܝ ܒܒܠܡܐ ܠܐܪܥܐ ܕܡܨܪܝܢ܂
19:05 [ai]ܘܟܕ ܚܙܬ ܐܡܗ ܕܐܬܟܪܗܬ܂ ܘܐܒܕ ܠܗ ܣܒܪܗܿ܂ ܢܣܒܬ ܚܕ ܡܢ ܓܪ̈ܝܗܿ ܘܥܒܕܬܗ ܐܪܝܐ܂
19:06 [ai]ܘܗܠܟ ܒܝܢܬ ܐܪ̈ܝܘܬܐ ܘܗܘܐ ܐܪܝܐ܂ ܘܝܠܦ ܠܡܬܒܪ ܬܒܪܐ ܘܐܟܠ ܒܪܢܫܐ܂
19:07 [ai]ܘܗܠܟ ܒܥܘܫܢܗ܂ ܘܡܕܝܢ̈ܬܐ ܐܚܪܒ܂ ܘܚܒܠ ܐܪܥܐ ܒܡܠܐܗܿ ܒܩܠܐ ܕܢܗܡܬܗ܂
19:08 [ai]ܘܐܬܟܢܫܘ ܥܠܘܗܝ ܥܡ̈ܡܐ ܡܢ ܡܕܝܢ̈ܬܐ ܕܚܕܪ̈ܘܗܝ܂ ܘܦܪܣܘ ܥܠܘܗܝ ܡܨܝܕܬܗܘܢ ܘܒܗܿ ܐܬܬܚܕ܂
19:09 [ai]ܘܚܒܫܘܗܝ ܒܢܡܪܬܐ܂ ܘܐܘܒܠܘܗܝ ܠܡܠܟܐ ܕܒܒܠ܂ ܘܐܥܠܗ ܠܒܝܬ ܚܒܘܫܝܐ܂ ܕܬܘܒ ܠܐ ܢܫܬܡܥ ܩܠܗ ܒܛܘܪ̈ܐ ܕܐܝܣܪܝܠ܂
19:10 [ai]ܐܡܟ ܐܝܟ ܓܦܬܐ ܒܕܡܟ ܥܠ ܡ̈ܝܐ ܢܨܝܒܐ܂ ܦܐܪ̈ܝܗܿ ܘܥ̈ܘܦܝܗܿ ܗܘܘ ܒܡ̈ܝܐ ܣ̈ܓܝܐܐ܂
19:11 [ai]ܘܗܘܘ ܠܗܿ ܚܘܛܪ̈ܐ ܥܫܝ̈ܢܐ ܥܠ ܫܒ̈ܛܐ ܕܪ̈ܘܪܒܢܐ܂ ܘܐܬܬܪܝܡܬ ܩܘܡܬܗܘܢ ܡܢ ܒܝܢܬ ܢܘܪ̈ܒܝܗܿ܂ ܘܐܬܚܙܝܘ ܒܪܘܡܗܘܢ ܘܒܣܘܓܐܐ ܕܕܠܝܬ̈ܗܘܢ܂
19:12 [ai]ܘܐܬܥܩܪܘ ܒܚܡܬܐ ܘܒܐܪܥܐ ܐܫܬܕܝܘ ‍<‍ܒܚܡܬܐ#3#‍>‍܂ ܘܪܘܚܐ ܕܫܘܒܐ ܐܘܒܫܬ ܦܐܪ̈ܝܗܿ܂ ܘܐܬܦܪܩܘ ܘܝܒܫܘ ܚܘ̈ܛܪܐ ܕܥܘܫܢܗܿ܂ ܘܢܘܪܐ ܐܟܠܬܗܿ܂
19:13 [ai]ܡܟܝܠ ܐܬܢܨܒܬ ܒܡܕܒܪܐܿ ܒܐܪܥܐ ܨܗܝܬܐ ܘܨܕܝܬܐ܂
19:14 [ai]ܘܢܦܩܬ ܢܘܪܐ ܡܢ ܚܘܛܪ̈ܝܗܿ ܓܒܝ̈ܐ ܘܐܟܠܬ ܦܐܪ̈ܝܗܿ܂ ܘܠܐ ܐܫܬܟܚ ܒܗܿ ܬܘܒ ܚܘܛܪܐ ܥܫܝܢܐ܂ ܐܘ ܫܒܛܐ ܕܢܗܘܐ ܫܠܝܛܐ܂ ܐܘܠܝܬܐ ܗܝ ܘܬܗܘܐ ܠܐܘܠܝܬܐ܂

next chapter