← Back
The Comprehensive Aramaic Lexicon
← Return to the Text Browser
click on the file description for more information
62014: P Ez

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


20:01 [ai]ܘܗܘܐ ܒܫܢܬܐ ܫܒܝܥܝܬܐ ܒܥܣܪܬܐ ܒܝܪܚܐ/ܒܝܘܡܐ#3#/ ܚܡܝܫܝܐ܂ ܐܬܘ ܓܒܪ̈ܐ ܡܢ ܣܒ̈ܐ ܕܐܝܣܪܝܠ ܠܡܫܐܠ ܡܢ ܡܪܝܐ ܘܝܬܒܘ ܩܕܡܝ܂
20:02 [ai]ܘܗܘܐ ܥܠܝ ܦܬܓܡܗ ܕܡܪܝܐ ܠܡܐܡܪ܂
20:03 [ai]ܒܪ ܐܢܫܐ܂ ܡܠܠ ܥܡ ܣܒ̈ܐ ܕܒ̈ܢܝ ܐܝܣܪܝܠ ܘܐܡܪ ܠܗܘܢ܂ ܗܟܢܐ ܐܡܿܪ ܡܪܐ ܡܪ̈ܘܬܐ ܠܡܫܐܠܘܬܢܝ ܐܬܿܝܢ ܐܢܬܘܢ܂ ܚܝ ܐܢܐ ܐܡܿܪ ܡܪܐ ܡܪ̈ܘܬܐ܂ ܕܠܐ ܐܬܠ ܠܟܘܢ ܦܬܓܡܐ܂
20:04 [ai]ܕܘܢ ܐܢܘܢ ܕܘܢ ܐܢܘܢ ܒܪܢܫܐ܂ ܘܚܘܐ ܐܢܘܢ ܛܢܦܘܬܐ ܕܐ̈ܒܗܝܗܘܢ܂
20:05 [ai]ܘܐܡܪ ܠܗܘܢ܂ ܗܟܢܐ ܐܡܿܪ ܡܪܐ ܡܪ̈ܘܬܐ܂ ܒܝܘܡܐ ܕܓܒܿܝܬ ܠܐܝܣܪܝܠ܂ ܐܪܝܡܿܬ ܐܝܕܝ ܥܠ ܙܪܥܐ ܕܒܝܬ ܝܥܩܘܒ܂ ܘܐܬܓܠܝܬ ܠܗܘܢ ܒܐܪܥܐ ܕܡܨܪܝܢ܂ ܘܐܪܝܡܿܬ ܐܝܕܝ ܘܐܡܿܪܬ ܠܗܘܢ܂ ܐܢܐ ܐܢܐ ܡܪܝܐ ܐܠܗܟܘܢ܂
20:06 [ai]ܒܗ ܒܝܘܡܐ ܗܿܘ ܐܪܝܡܿܬ ܠܗܘܢ ܐܝܕܝ ܕܐܦܩ ܐܢܘܢ ܡܢ ܐܪܥܐ ܕܡܨܪܝܢ܂ ܠܐܪܥܐ ܕܝܗܿܒܬ ܠܗܘܢ ܕܡܪܕܝܐ ܚܠܒܐ ܘܕܒܫܐ܂ ܫܘܒܚܐ ܗܝ ܕܟܠܗܝܢ ܡܕܝܢ̈ܬܐ܂
20:07 [ai]ܘܐܡܿܪܬ ܠܗܘܢ܂ ܐܥܒܪܘ ܐܢܫ ܦܬܟܪܗ ܡܢ ܥܝ̈ܢܘܗܝ܂ ܘܒܕܚ̈ܠܬܐ ܕܡܨܪܝܢ ܠܐ ܬܬܛܢܦܘܢ܂ ܐܢܐ ܐܢܐ ܡܪܝܐ ܐܠܗܟܘܢ܂
20:08 [ai]ܘܡܪܡܪܘܢܝ ܘܠܐ ܨܒܘ ܠܡܫܡܥܢܝ܂ ܘܠܐ ܐܥܒܪܘ ܦܬܟܪ̈ܐ ܡܢ ܥܝܢܝ̈ܗܘܢ܂ ܘܠܐ ܫܒܩܘ ܕܚ̈ܠܬܐ ܕܡܨܪܝܢ܂ ܘܐܡܿܪܬ ܕܐܫܘܕ ܚܡܬܝ ܥܠܝܗܘܢ܂ ܘܐܫܡܠܐ ܒܗܘܢ ܪܘܓܙܝ ܒܓܘ ܐܪܥܐ ܕܡܨܪܝܢ܂
20:09 [ai]ܘܚܣܿܬ ܡܛܠ ܫܡܝ ܕܠܐ ܢܬܛܘܫ ܒܝܬ ܥܡ̈ܡܐ܂ ܕܐܬܿܓܠܝܬ ܥܠܝܗܘܢ ܠܥܢܝ̈ܗܘܢ/ܠܐܦܝܗܘܢ#3#/܂ ܕܐܦܩ ܐܢܘܢ ܡܢ ܐܪܥܐ ܕܡܨܪܝܢ܂
20:10 [ai]ܘܐܦܩܿܬ ܐܢܘܢ ܡܢ ܐܪܥܐ ܕܡܨܪܝܢ܂ ܘܐܝܬܝܬܿ ܐܢܘܢ ܠܡܕܒܪܐ܂
20:11 [ai]ܘܝܗܒܿܬ ܠܗܘܢ ܦܘܩ̈ܕܢܝ܂ ܘܕܝ̈ܢܝ ܐܘܕܥܬܿ ܐܢܘܢ܂ ܕܐܢ ܥܒܿܕ ܠܗܘܢ ܒܪܢܫܐ ܚܝܿܐ ܒܗܘܢ܂
20:12 [ai]ܘܐܦ ܫܒ̈ܝ ܝܗܒܿܬ ܠܗܘܢ܂ ܕܢܗ̈ܘܝܢ ܐܬܐ ܒܝܢ̈ܝ ܘܠܗܘܢ܂ ܘܢܕܥܘܢ ܕܐܢܐ ܐܢܐ ܡܪܝܐ ܕܡܩܕܫ ܐܢܐ ܠܗܘܢ܂
20:13 [ai]ܘܡܪܡܪܘܢܝ ܕܒܝܬ/ܒܝܬ#3#/ ܐܝܣܪܝܠ ܒܡܕܒܪܐ܂ ܘܒܦܘܩ̈ܕܢܝ ܠܐ ܗܠܟܘ܂ ܘܕܝܢ̈ܝ ܐܣܠܝܘ܂ ܕܐܢ ܥܒܿܕ ܠܗܘܢ/ܐܢܘܢ#3#/ ܒܪܢܫܐ ܚܝܿܐ/ܢܚܐ#3#/ ܒܗܘܢ܂ ܘܫ̈ܒܝ ܛܘܫܘ܂ ܘܐܡܿܪܬ ܕܐܫܘܕ ܪܘܓܙܝ ܥܠܝܗܘܢ ܒܡܕܒܪܐ ܘܐܘܒܕ ܐܢܘܢ܂
20:14 [ai]ܘܚܿܣܬ ܡܛܠ ܫܡܝ ܕܠܐ ܢܬܛܘܫ܂ ܠܥܝܢ ܥܡ̈ܡܐ ܕܐܦܩܿܬ ܐܢܘܢ ܠܥܢܝ̈ܗܘܢ܂
20:15 [ai]ܐܦ ܐܢܐ ܐܪܝܡܿܬ ܠܗܘܢ ܐܝܕܝ ܒܡܕܒܪܐ܂ ܕܠܐ ܐܥܿܠ ܐܢܘܢ ܠܐܪܥܐ ܕܝܗܿܒܬ ܠܗܘܢ ܕܡܪܕܝܐ ܚܠܒܐ ܘܕܒܫܐ܂ ܫܘܒܚܐ ܗܝ ܕܟܠܗܝܢ ܡܕܝܢ̈ܬܐ܂
20:16 [ai]ܥܠ ܕܐܣܠܝܘ ܕܝܢ̈ܝ ܘܫ̈ܒܝ ܛܒ ܛܘܫܘ܂ ܘܒܬܪ ܦܬܟܪ̈ܝܗܘܢ ܐܙܠ ܠܒܗܘܢ܂
20:17 [ai]ܘܚܣܬ ܥܝܢܝ ܥܠܝܗܘܢ܂ ܕܠܐ ܐܚܒܠ ܐܢܘܢ ܘܠܐ ܐܣܝܦ ܐܢܘܢ ܒܡܕܒܪܐ܂
20:18 [ai]ܘܐܡܿܪܬ ܠܒ̈ܢܝܗܘܢ ܒܡܕܒܪܐ ܕܒܦܘܩ̈ܕܢܐ ܕܐ̈ܒܗܝܟܘܢ ܠܐ ܬܗܠܟܘܢ܂ ܘܕܝܢ̈ܝܗܘܢ ܠܐ ܬܛܪܘܢ܂ ܘܒܦܬܟܪ̈ܝܗܘܢ ܠܐ ܬܬܛܢܦܘܢ܂
20:19 [ai]ܐܢܐ ܐܢܐ ‍<‍ܐܢܐ#3#‍>‍ ܡܪܝܐ ܐܠܗܟܘܢ܂ ܒܦܘܩ̈ܕܢܝ ܗܠܟܘ܂ ܘܕܝܢ̈ܝ ܛܪܘ ܘܥܒܕܘ ܐܢܘܢ܂
20:20 [ai]ܘܩܕܫܘ ܫܒ̈ܝ܂ ܘܢܗ̈ܘܝܢ ܐܬܐ ܒܝ̈ܢܝ ܘܠܟܘܢ܂ ܘܬܕܥܘܢ ܕܐܢܐ ܐܢܐ ܡܪܝܐ ܐܠܗܟܘܢ܂
20:21 [ai]ܘܡܪܡܪܘܢܝ ܒ̈ܢܝܐ܂ ܘܒܦܘܩ̈ܕܢܝ ܠܐ ܗܠܟܘ܂ ܘܕܝܢ̈ܝ ܠܐ ܢܛܪܘ ܘܠܐ ܥܒܕܘ ܐܢܘܢ܂ ܕܐܢ ܥܒܿܕ ܠܗܘܢ ܒܪ ܐܢܫܐ ܚܝܿܐ ܒܗܘܢ܂ ܘܫ̈ܒܝ ܛܘܫܘ܂ ܘܐܡܿܪܬ ܕܐܫܘܕ ܚܡܬܝ ܘܐܫܡܠܐ ܥܠܝܗܘܢ ܪܘܓܙܝ ܒܡܕܒܪܐ܂
20:22 [ai]ܘܚܣܬ ܡܛܠ ܫܡܝ܂ ܕܠܐ ܢܬܛܘܫ ܒܝܬ/ܠܥܝܢ#3#/ ܥܡ̈ܡܐ ܕܐܦܩܿܬ ܐܢܘܢ ܠܥܢܝ̈ܗܘܢ܂
20:23 [ai]ܐܠܐ ܐܪܝܡܿܬ ܠܗܘܢ ܐܝܕܝ ܒܡܕܒܪܐ܂ ܕܐܒܕܪ ܐܢܘܢ ܒܥܡ̈ܡܐ/ܒܝܬ ܥܡ̈ܡܐ#3#/ ܘܐܕܪܐ ܐܢܘܢ ܒܐܪ̈ܥܬܐ܂
20:24 [ai]ܥܠ ܕܠܐ ܥܒܕܘ ܕܝܢ̈ܝ܂ ܘܐܣܠܝܘ ܦܘܩ̈ܕܢܝ ܘܛܘܫܘ ܫ̈ܒܝ܂ ܘܒܬܪ ܦܬܟܪ̈ܐ ܕܐܒ̈ܗܝܗܘܢ ܐܙܠ ܥܝܢ̈ܝܗܘܢ܂
20:25 [ai]ܘܐܢܐ ܝܗܒܿܬ ܠܗܘܢ ܦܘܩ̈ܕܢܐ ܕܠܐ ܫܦܝܪ̈ܝܢ܂ ܘܕܝ̈ܢܐ ܕܠܐ ܢܚܘܢ/ܢܚܙܘܢ#3#/ ܒܗܘܢ܂
20:26 [ai]ܘܛܢܿܦܬ ܐܢܘܢ ܒܡܘܗ̈ܒܬܗܘܢ ܡܗ ܕܡܩܪܒܝܢ ܒܘܟܪ̈ܐ܂ ܘܐܘܒܕ ܐܢܘܢ܂ ܘܢܕܥܘܢ ܕܐܢܐ ܐܢܐ ܡܪܝܐ܂
20:27 [ai]ܡܛܠ ܗܢܐ ܒܪ ܐܢܫܐ܂ ܡܠܠ ܥܡ ܕܒܝܬ/ܒܢ̈ܝ#3#/ ܐܝܣܪܝܠ ܘܐܡܪ ܠܗܘܢ܂ ܗܟܢܐ ܐܡܿܪ ܡܪܐ ܡܪ̈ܘܬܐ܂ ܬܘܒ ܒܗܕܐ ܓܕܦܘ ܩܕܡܝ ܐܒ̈ܗܝܟܘܢ܂ ܒܥܘܿܠܗܘܢ ܕܐܥܠܝܘ ܒܝ܂
20:28 [ai]ܘܐܝܬܝܿܬ ܐܢܘܢ ܠܐܪܥܐ ܕܐܪܝܡܿܬ ܐܝܕܝ ܠܡܬܠܗܿ ܠܗܘܢ܂ ܘܚܙܘ ܟܘܠ ܪܡܬܐ ܕܪܡܐ ܘܟܠ ܐܝܠܢ ܕܡܛܠ܂ ܘܕܒܚܘ ܬܡܢ ܕܒܚܝ̈ܗܘܢ܂ ܘܩܪܒܘ ܬܡܢ ܩܘܪ̈ܒܢܝܗܘܢ܂ ܘܣܡܘ ܬܡܢ ܪܝܚܐ ܕܣܘܬܗܘܢ܂ ܘܢܩܝܘ ܬܡܢ ܢܘܩ̈ܝܗܘܢ܂
20:29 [ai]ܘܐܡܿܪܬ ܠܗܘܢ܂ ܡܢܐ ܗܝ ܦܪܟܐ ܕܐܬܿܝܢ ܐܢܬܘܢ ܠܬܡܢ܂ ܘܐܬܩܪܝ ܫܡܗܿ ܦܪܟܐ ܥܕܡܐ ܠܝܘܡܢܐ ܀
20:30 [ai]ܡܛܠ ܗܢܐ ܒܪܢܫܐ܂ ܐܡܪ ܠܕܒܝܬ ܐܝܣܪܝܠ܂ ܗܟܢܐ ܐܡܿܪ ܡܪܐ ܡܪ̈ܘܬܐ܂ ܐܢ ܒܐܘܪܚܐ ܕܐ̈ܒܗܝܟܘܢ ܡܬܛܢܦܝܢ ܐܢܬܘܢ܂ ܘܒܬܪ ܦܬܟܪ̈ܝܗܘܢ ܛܥܿܝܢ ܐܢܬܘܢ܂
20:31 [ai]ܘܡܩܪܒܝܢ ܐܢܬܘܢ ܡܘܗ̈ܒܬܟܘܢ܂ ܘܡܥܒܪܝܢ ܐܢܬܘܢ ܒܢܝܟܘܢ ܒܢܘܪܐ܂ ܘܡܬܛܢܦܝܢ ܐܢܬܘܢ ܒܦܬܟܪ̈ܝܟܘܢ ܥܕܡܐ ܠܝܘܡܢܐ܂ ܘܨܒܿܝܢ ܐܢܬܘܢ ܕܬܫܐܠܘܢ ܡܢܝ ܒܝܬ ܐܝܣܪܝܠ܂ ܚܝ ܐܢܐ ܐܡܿܪ ܡܪܐ ܡܪ̈ܘܬܐ܂ ܕܠܐ ܐܬܿܠ ܠܟܘܢ ܦܬܓܡܐ܂
20:32 [ai]ܘܗܿܝ ܕܒܪܥܝܢܟܘܢ ܠܐ ܬܗܘܐ܂ ܕܐܡܪܝܢ ܐܢܬܘܢ ܢܗܘܐ ܐܝܟ ܥܡ̈ܡܐ ܘܐܝܟ ܫܪ̈ܒܬܐ ܕܐܪܥܐ܂ ܘܢܫܡܫ ܠܩܝܣ̈ܐ ܘܠܟܐ̈ܦܐ܂
20:33 [ai]ܚܝ ܐܢܐ ܐܡܿܪ ܡܪܐ ܡܪ̈ܘܬܐ܂ ܕܒܐܝܕܐ ܬܩܝܦܬܐ ܘܒܕܪܥܐ ܪܡܐ܂ ܘܒܪܘܓܙܐ ܐܫܝܕܐ ܐܡܠܟ ܥܠܝܟܘܢ܂
20:34 [ai]ܘܐܦܩܟܘܢ/ܘܐܦܪܘܩܟܘܢ#3#/ ܡܢ ܥܡ̈ܡܐ܂ ܘܐܟܢܫܟܘܢ ܡܢ ܐܪ̈ܥܬܐ ܕܐܬܒܕܪܬܘܢ ܒܗܝܢ܂ ܘܒܐܝܕܐ ܥܫܝܢܬܐ ܘܒܕܪܥܐ ܪܡܐ܂ ܘܒܪܘܓܙܐ ܐܫܝܕܐ܂
20:35 [ai]ܐܝܬܝܟܘܢ ܠܡܕܒܪܐ ܕܥܡ̈ܡܐ܂ ܘܐܕܘܢܟܘܢ ܬܡܢ ܐ̈ܦܝܢ ܠܘܩܒܠ ܐ̈ܦܝܢ܂
20:36 [ai]ܐܝܟ ܕܕܢܿܬ ܥܡ ܐܒ̈ܗܝܟܘܢ ܒܡܕܒܪܐ ܕܐܪܥܐ ܕܡܨܪܝܢ܂ ܗܟܢܐ ܐܕܘܢ ܥܡܟܘܢ ܐܡܿܪ ܡܪܐ ܡܪ̈ܘܬܐ܂
20:37 [ai]ܘܐܥܒܪܟܘܢ ܬܚܝܬ ܫܒܛܐ܂ ܘܐܥܠܟܘܢ ܒܡܪܕܘܬܐ ܕܕܝܬܩܐ܂
20:38 [ai]ܘܐܓܒܐ ܡܢܟܘܢ ܐܝܠܝܢ ܕܡܪܕܝܢ ܘܡܥܠܝܢ ܒܝ܂ ܡܢ ܐܪܥܐ ܕܒܝܬ ܡܥܡܪܗܘܢ ܐܦܩ ܐܢܘܢ ‍<‍ܠܟܘܠܗܘܢ#3#‍>‍܂ ܘܠܐܪܥܐ ܕܐܝܣܪܝܠ ܠܐ ܢܥܠܘܢ܂ ܘܬܕܥܘܢ ܕܐܢܐ ܐܢܐ ܡܪܝܐ܂
20:39 [ai]ܐܢܬܘܢ ܕܝܢ ܕܒܝܬ ܐܝܣܪܝܠ܂ ܗܟܢܐ ܐܡܿܪ ܡܪܐ ܡܪ̈ܘܬܐ܂ ܐܢ ܠܐ ܫܡܿܥܝܢ ܐܢܬܘܢ ܠܝ܂ ܙܠܘ ܦܠܘܚܘ ܐܢܫ ܦܬܟܪ̈ܘܗܝ܂ ܘܬܘܒ ܠܐ ܬܛܘܫܘܢ ܫܡܐ ܕܩܘܕܫܝ܂ ܒܡܘܗ̈ܒܬܟܘܢ ܘܒܦܬܟܪ̈ܝܟܘܢ܂
20:40 [ai]ܡܛܠ ܕܒܛܘܪܐ ܕܩܘܕܫܝ ܒܛܘܪܐ ܪܡܐ ܕܐܝܣܪܝܠ ܐܡܿܪ ܡܪܐ ܡܪ̈ܘܬܐ܂ ܬܡܢ ܢܦܠܚܘܢܢܝ ܟܠܗܘܢ ܕܒܝܬ ܐܝܣܪܝܠ ܓܡܝܪܐܝܬ܂ ܬܡܢ ܐܨܛܒܐ ܒܗܘܢ܂ ܘܬܡܢ ܐܦܩܘܕ ܪ̈ܝܫܝܬܗܘܢ ܘܪܝܫ ܥ̈ܠܠܬܗܘܢ܂ ܘܪܝܫ ܡܘܗ̈ܒܬܗܘܢ ܒܟܠ ܩܘܕܫ̈ܝܗܘܢ܂
20:41 [ai]ܒܪܝܚܐ ܒܣܝܡܐ ܐܩܒܠܟܘܢ܂ ܡܐ ܕܐܦܩܿܬܟܘܢ ܡܢ ܥܡ̈ܡܐ܂ ܘܟܢܫܿܬܟܘܢ ܡܢ ܡܕܝܢ̈ܬܐ ܕܐܬܒܕܪܬܘܢ ܒܗܝܢ܂ ܘܐܬܩܕܫܿܬ ܒܟܘܢ ܠܥܝܢ ܥܡ̈ܡܐ܂
20:42 [ai]ܘܬܕܥܘܢ ܕܐܢܐ ܐܢܐ ܡܪܝܐ܂ ܡܐ ܕܐܥܠܬܟܘܢ ܠܐܪܥܐ ܕܐܝܣܪܝܠ܂ ܠܐܪܥܐ ܕܐܪܝܡܿܬ ܐܝܕܝ ܠܡܬܠܗܿ ܠܐ̈ܒܗܝܟܘܢ܂
20:43 [ai]ܘܬܬܕܟܪܘܢ ܬܡܢ ܐܘܪ̈ܚܬܟܘܢ ܘܟܠܗܝܢ ܨܢ̈ܥܬܟܘܢ ܕܐܬܛܢܦܬܘܢ ܒܗܝܢ܂ ܘܢܬܩܡ̈ܛܢ ܐ̈ܦܝܟܘܢ ܒܟܠܗܝܢ ܒܝܫ̈ܬܐ ܕܥܒܕܬܘܢ܂
20:44 [ai]ܘܬܕܥܘܢ ܕܐܢܐ ܐܢܐ ܡܪܝܐ܂ ܕܚܣܿܬ ܥܠܝܟܘܢ ܡܛܠ ܫܡܝ܂ ܘܠܐ ܐܝܟ ܐܘܪ̈ܚܬܟܘܢ ܒܝܫ̈ܬܐ܂ ܘܠܐ ܐܝܟ ܨ̈ܢܥܬܟܘܢ/ܨ̈ܒܥܬܟܘܢ#2#/ ܫ̈ܛܝܬܐ ܥܒܿܕܬ ܠܟܘܢ ܒܝܬ ܐܝܣܪܝܠ܂ ܐܡܿܪ ܡܪܐ ܡܪ̈ܘܬܐ ܀ ܀

next chapter