← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62014: P Ez

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


22:01 [ai]ܘܗܘܐ ܥܠܝ ܦܬܓܡܗ ܕܡܪܝܐ ܠܡܐܡܪ܂
22:02 [ai]ܐܢܬ ܕܝܢ ܒܪܢܫܐ܂ ܕܘܢ ܠܡܕܝܢܬܐ ܕܕܡܐ܂ ܘܐܘܕܥܝܗܿ ܟܠܗܿ ܛܢܦܘܬܗܿ܂
22:03 [ai]ܘܐܡܪ܂ ܗܟܢܐ ܐܡܿܪ ܡܪܐ ܡܪ̈ܘܬܐ܂ ܡܕܝܢܬܐ ܕܐܬܐܫܕ ܕܡܐ ܒܓܘܗܿ ܡܛܝ ܙܒܢܗܿ܂ ܘܥܒܕܬ ܦܬܟܪ̈ܐ ܒܓܘܗܿ ܘܐܬܛܢܦܬ܂
22:04 [ai]ܒܕܡܐ ܕܐܫܕܬܝ ܐܬܚܝܒܬܝ܂ ܘܒܦܬܟܪ̈ܐ ܕܥܒܕܬܝ ܐܬܛܡܐܬܝ/ܐܬܛܘܫܬ#3#/܂ ܩܪܒܘ ܝܘܡ̈ܝܟܝ ܘܡܛܝ ܙܒܢܐ ܕܫܢܝܟܝ܂ ܡܛܠ ܗܢܐ ܝܗܿܒܬܟܝ ܚܣܕܐ ܠܥܡ̈ܡܐ܂ ܘܡܘܝܩܐ ܠܟܠܗܝܢ ܡܕܝܢ̈ܬܐ/ܐܡ̈ܘܬܐ#3#/܂
22:05 [ai]ܐܝܠܝܢ ܕܪ̈ܚܝܩܢ ܡܢܟܝ ܘܐܝܠܝܢ ܕܩܪ̈ܝܒܢ ܠܟܝ܂ ܢܡ̈ܝܩܢ ܒܟܝ ܘܢܐܡܪ̈ܢ܂ ܛܢܦܬܐ ܕܫ̈ܡܗܬܗܿ ܘܣܓܝܐܬ ܒܥܘ̈ܠܝܗܿ܂
22:06 [ai]ܗܐ ܪ̈ܘܪܒܢܐ ܕܐܝܣܪܝܠ܂ ܐܢܫ ܠܫܪܒܬܗ ܗܘܘ ܒܟܝ ܕܢܐܫܕܘܢ ܕܡܐ܂
22:07 [ai]ܠܐܒܐ ܘܠܐܡܐ ܨܚܝܘ ܒܟܝ܂ ܘܠܐܝܢܐ ܕܡܬܦܢܐ ܠܘܬܝ ܛܠܡܘ ܒܓܘܟܝ/ܒܟܝ#3#/܂ ܘܠܝܬ̈ܡܐ ܘܠܐܪ̈ܡܠܬܐ ܥܠܒܘ ܒܟܝ܂
22:08 [ai]ܘܩܘ̈ܕܫܝ ܐܣܠܝܬܝ ܘܫ̈ܒܝ ܛܘܫܬܝ܂
22:09 [ai]ܘܓܒܪ̈ܐ ܬܓܪ̈ܐ ܗܘܘ ܒܟܝ ܕܢܐܫܕܘܢ ܕܡܐ܂ ܘܥܠ ܛܘܪ̈ܐ ܐܟܠܘ ܒܟܝ܂ ܘܚܛܝܬܐ ܥܒܕܘ ܒܓܘܟܝ/ܒܟܝ#1##2#/܂
22:10 [ai]ܘܦܘܪܣܝܐ ܕܐܒܐ ܓܠܘ ܒܟܝ܂ ܘܛܢܦܘܬܐ ܕܟܦܣܢܝܬܐ ܥܒܕܘ/ܐܥܒܕܘ#3#/ ܒܓܘܟܝ ܀
22:11 [ai]ܘܓܒܪ ܠܐܢܬܬ ܚܒܪܗ ܛܢܦܘ܂ ܘܓܒܪ ܠܟܠܬܗ ܛܢܦܘ ܒܙܢܝܘܬܐ܂ ܘܓܒܪ ܠܚܬܗ ܒܪܬ ܐܒܘܗܝ ܨܥܪܘ ܒܟܝ܂
22:12 [ai]ܘܫܘܚܕܐ ܢܣܒܘ ܒܟܝ ܕܢܐܫܕܘܢ ܕܡܐ܂ ܘܪܒܝܬܐ ܢܣܒܘ ܒܟܝ܂ ‍<‍ܘܪܒܝܬܐ#3#‍>‍ ܘܝܬܝܪܐ ܫܩܠܘ ܒܟܝ܂ ܘܢܟܠܘ ܠܪ̈ܚܡܝܗܘܢ ܒܛܠܘܡܝܐ ܘܠܝ ܛܥܝܬܝ ܐܡܿܪ ܡܪܐ ܡܪ̈ܘܬܐ܂
22:13 [ai]ܐܦ ܐܢܐ ܐܛܪܦ ܐܝܕܝ ܥܠ ܐܝܕܝ܂ ܥܠ ܥܘܼܠܐ ܕܥܒܕܬܝ ܘܥܠ ܕܡܐ ܕܐܬܐܫܕ ܒܓܘܟܝ܂
22:14 [ai]ܐܢ ܩܐܿܡ ܠܒܟܝ܂ ܘܐܢ ܡܚܡ̈ܣܢܢ ܐܝ̈ܕܝܟܝ ܠܝܘ̈ܡܬܐ ܕܥܒܿܕ ܐܢܐ܂ ܡܪܝܐ ܡܠܠܿܬ ܘܥܒܿܕܬ܂
22:15 [ai]ܘܐܒܕܪܟܝ ܒܥܡ̈ܡܐ ܘܐܕܪܝܟܝ ܒܡ̈ܕܝܢܬܐ܂
22:16 [ai]ܘܐܪܬܟܝ ܠܥܝܢ ܥܡ̈ܡܐ܂ ܘܬܕܥܝܢ ܕܐܢܐ ܐܢܐ ܡܪܝܐ܂
22:17 [ai]ܘܗܘܐ ܥܠܝ ܦܬܓܡܗ ܕܡܪܝܐ ܠܡܐܡܪ܂
22:18 [ai]ܒܪܢܫܐ܂ ܗܘܘ ܠܝ ܕܒܝܬ/ܒܝܬ#3#/ ܐܝܣܪܝܠ ܡܣ̈ܠܝܐ ܟܠܗܘܢ ܐܝܟ ܢܚܫܐ ܘܐܝܟ ܐܢܟܐ܂ ܘܐܝܟ ܦܪܙܠܐ ܘܐܝܟ ܐܒܪܐ ܒܓܘ ܟܘܪܐ ܕܚܠܝܛܝܢ ܒܣܐܡܐ܂
22:19 [ai]ܡܛܠ ܗܟܢܐ ܐܡܿܪ ܡܪܐ ܡܪ̈ܘܬܐ܂ ܥܠ ܕܐܬܚܠܛܬܘܢ ܟܠܟܘܢ܂ ܗܐ ܡܟܢܫ ܐܢܐ ܠܟܘܢ ܠܓܘ ܐܘܪܫܠܡ܂
22:20 [ai]ܐܝܟ ܕܡܬܟܢܫ ܣܐܡܐ ܘܢܚܫܐ ܘܦܪܙܠܐ ܘܐܢܟܐ ܘܐܒܪܐ ܒܓܘ ܟܘܪܐ܂ ܘܢܦܿܚܝܢ ܒܗܘܢ ܢܘܪܐ/ܒܢܘܪܐ#3#/ ܕܢܬܦܫܪܘܢ܂ ܗܟܢܐ ܐܟܢܫܟܘܢ ܒܪܘܓܙܝ܂ ܘܒܚܡܬܝ ܐܦܫܪܟܘܢ܂
22:21 [ai]ܘܐܦܘܚ ܥܠܝܟܘܢ ܢܘܪܐ ܕܪܘܓܙܝ ܘܐܦܫܪܟܘܢ ܒܓܘܗܿ܂
22:22 [ai]ܐܝܟ ܕܡܬܦܫܪ ܣܐܡܐ ܒܓܘ ܟܘܪܐ/ܢܘܪܐ#3#/ ܗܟܢܐ ܬܬܦܫܪܘܢ ܒܓܘܗܿ܂ ܘܬܕܥܘܢ ܕܐܢܐ ܐܢܐ ܡܪܝܐ܂ ܐܫܿܕܬ ܚܡܬܝ ܥܠܝܟܘܢ܂
22:23 [ai]ܘܗܘܐ ܥܠܝ ܦܬܓܡܗ ܕܡܪܝܐ ܠܡܐܡܪ܂
22:24 [ai]ܒܪܢܫܐ܂ ܐܡܪ ܠܗܿ܂ ܐܢܬܝ ܐܪܥܐ ܠܐ ܗܘܝܬܝ ܕܟܝܐ܂ ܘܠܐ ܐܨܛܒܥܬܝ ܘܠܐ ܢܚܬ ܥܠܝܟܝ ܡܛܪܐ܂
22:25 [ai]ܡܪܕܘ ܢܒܝܝ̈ܗܿ ܒܓܘܗܿ܂ ܐܝܟ ܐܪܝܐ ܕܢܗܿܡ ܘܬܒܪ ܬܒܪܐ܂ ܐܟܠܘ ܢܦܫ̈ܬܐ ܒܥܫܝܢܘܬܗܘܢ܂ ܘܐܝܩܪܐ ܕܣܚܪ̈ܬܗܘܢ ܢܣܒܘ܂
22:26 [ai]ܟܗ̈ܢܝܗܿ ܐܥܠܝܘ ܒܢܡܘܣܝ ܘܛܘܫܘ ܩܘܕܫܝ܂ ܘܒܝܬ ܩܘܕܫܐ ܠܛܡܐܐ/ܠܛܢܦܐ#3#/ ܠܐ ܦܪܫܘ܂ ܘܒܝܬ ܡܣܝܒܐ ܠܕܟܝܐ ܠܐ ܝܕܥܘ܂ ܘܡܢ ܫܒ̈ܝ ܐܡܟܘ ܥܝܢ̈ܝܗܘܢ܂ ܘܐܬܛܘܿܫܬ ܒܝܢܬܗܘܢ܂
22:27 [ai]ܪ̈ܘܪܒܢܝܗܿ ܒܓܘܗܿ ܐܝܟ ܕܐ̈ܒܐ ܚܛܿܦܝܢ ܠܡܐܫܕ ܕܡܐ܂ ܘܠܡܘܒܕܘ ܢܦܫ̈ܬܐ ܕܢܩܢܘܢ ܩܢܝܢܐ܂
22:28 [ai]ܘܢܒܝܝ̈ܗܿ ܛܪܘ ܠܗܿ ܛܪܝܐ ܕܬܦܠ܂ ܚܙܘ ܠܗܘܢ ܣܪܝܩܘܬܐ ܘܩܨܡܘ ܠܗܘܢ ܕܓܠܘܬܐ܂ ܘܐܡܿܪܝܢ܂ ܗܟܢܐ ܐܡܿܪ ܡܪܝܐ܂ ܘܡܪܝܐ ܠܐ ܐܡܪ܂
22:29 [ai]ܠܥܡܐ ܕܐܪܥܐ ܛܠܡܘ ܘܬܟܘ܂ ܘܥܠܒܘ ܠܡܣ̈ܟܢܐ ܘܠܒܿܝܫ̈ܐ܂ ܘܠܕܡܬܦܢܐ ܠܘܬܝ ܛܠܡܘ ܕܠܐ ܒܕܝܢܐ܂
22:30 [ai]ܘܒܥܿܝܬ ܒܗܘܢ ܓܒܪܐ ܕܣܐܿܓ ܣܝܓܐ܂ ܘܩܐܿܡ ܒܬܘܪܥܬܐ ܩܕܡܝ ܥܠ ܐ̈ܦܝܗܿ ܕܐܪܥܐ ܕܠܐ ܐܚܒܠܝܗܿ ܘܠܐ ܐܫܟܚܿܬ܂
22:31 [ai]ܘܐܫܿܕܬ ܥܠܝܗܘܢ ܪܘܓܙܝ܂ ܘܒܢܘܪܐ ܕܚܡܬܝ ܐܣܝܿܦܬ ܐܢܘܢ܂ ܐܘܪ̈ܚܬܗܘܢ ܦܪܥܿܬ ܒܪܫܗܘܢ ܐܡܿܪ ܡܪܐ ܡܪ̈ܘܬܐ/ܚܝܠܬܢܐ#3#/ ܀

next chapter